O‘yin biz kutgandek kechmadi. Raqibning yaxshi o‘ynaganini tan olish kerak, ammo biz ham o‘z ustimizda ishlashimiz shart.

Chempionlar ligasida 4 ta gol o‘tkazib yuborish — mutlaqo qabul qilib bo‘lmaydigan holat. Bu seni sindirib qo‘yadi.

«Shaxtyor»ga qarshi uchrashuvda o‘zimizni tiklab, munosib javob qaytarishimiz kerakmi? Albatta, ha!

Birinchi bo‘limni yaxshi o‘tkazdik. Har ikki jamoa ham yuqori shiddatda o‘ynadi. Keyin burchak zarbasidan so‘ng raqibning qarshi hujumida gol o‘tkazib yubordik.

Ikkinchi bo‘limni ham yaxshi boshladik, ikkita juda qulay imkoniyatga ega bo‘ldik. Ammo ulardan foydalana olmaganimiz bizni asabiylashtirdi. Shoshqaloqlik tufayli maydondagi tartib va muvozanatni yo‘qotdik.

Ikkinchi golni o‘tkazib yuborganimizdan keyin hammasi izdan chiqdi. Sovuqqonlikni saqlab, o‘yin rejamizga amal qila olmadik.

Bu meni xavotirga soladimi? Albatta, ha. Ayniqsa, Chempionlar ligasidagi ayrim jihatlarni qayta ko‘rib chiqishimiz kerak.

Bu musobaqada hisobda ortda qolsangiz, vaziyatni o‘zgartirish juda qiyin. Chunki raqiblarning tezligi va texnik saviyasi yuqori.

Biz maydondagi muvozanat va futbolchilar orasidagi masofani to‘g‘ri saqlash ustida ishlashimiz kerak.

Muammolarimizni yaxshi bilamiz. Ayrim kamchiliklar anchadan beri davom etmoqda.

Birinchi navbatda, mas’uliyatni o‘z zimmamga olaman. Ba’zi uchrashuvlarda jamoaning to‘g‘ri muvozanatini topa olmayapman.

Bu ikki mag‘lubiyat bizga qattiq ta’sir qildi. Hammamiz boshqacha natija kutgandik. Faqat Dortmundda g‘alaba qozondik.

Taktik va ruhiy jihatdan juda ko‘p ishlashimiz kerak. Buning uchun birinchi navbatda men javobgarman.

Ikkinchi bo‘limda foydalanilmagan imkoniyatlardan so‘ng futbolchilarimiz haddan tashqari asabiylashib ketdi.

Hamma oldinga intildi, ammo ortga qaytishni unutdi. Noto‘g‘ri joylarda bosim o‘tkazdik, futbolchilar orasidagi masofa kattalashdi. Doimo kechikib harakat qildik.

Chempionlar ligasida bunday xatolar juda qimmatga tushadi.

Balki uchrashuvga tayyorgarlikni yaxshiroq tashkil qilishim mumkin edi. Tanaffusda futbolchilarga ortiqcha ruhiy bosim berish o‘rniga, ko‘proq xotirjamlik singdirishim kerak edi.

Bu musobaqada muvozanat va yaratilgan imkoniyatlardan unumli foydalanish nihoyatda muhim. Balki o‘yinimizda ayrim narsalarni o‘zgartirishimiz kerakdir.

Lautaro va Dimarko qulay vaziyatlardan foydalana olmaganidan keyin shoshqaloqlikka berildik.

Keraksiz joylarda raqibga bosim qilishga urindik. Ikkinchi golni o‘tkazib yuborganimizdan so‘ng esa asabiylik va alam tufayli o‘yinga qayta olmadik.

Bunga aniq javobim yo‘q. Chempionlar ligasida 7 ta uchrashuvda mag‘lub bo‘lganimizni yaxshi bilamiz.

Bu musobaqada raqiblarning texnik mahorati va o‘yin shiddati juda yuqori.

Oldinda yana 6 ta uchrashuv bor. Bor kuchimizni ishga solib, so‘nggi bir yildagi salbiy natijalarni o‘zgartirishga harakat qilamiz.

Jahl va qat’iyatsiz hisobni o‘zgartirib bo‘lmaydi. Siz «Napoli»ga qarshi o‘yinni eslatdingiz.

Ammo biz voqealarga javob qaytaradigan emas, o‘yinni o‘zi boshqaradigan jamoa bo‘lishni istaymiz.

Futbolchilarda kurashish istagi hech qachon yo‘qolmagan. Bugun esa haddan tashqari shoshildik.

Chempionlar ligasida raqiblar juda kuchli. Hatto eng kichik xatoingiz uchun ham sizni jazolashadi.

«Inter» Chempionlar ligasida g‘olib chiqishga qodir.

Kivu bu vazifani uddalay oladi. U hali katta ishlarga qodirligini ko‘rsatadi.

Bir o‘yinda mag‘lub bo‘lish mumkin. Muammo shundaki, Italiyada mag‘lubiyatdan keyin hamma narsa haddan tashqari bo‘rttirib yuboriladi.

Kivu go‘yo boshqa sayyorada yashayotgandek. Undan Provedel maydonga tushadimi, deb so‘rashganida, u jamoada darvoza chizig’i muammo emasdek mazmunda javob qaytardi. Aslida esa «Inter»da darvozabon bilan bog‘liq jiddiy muammo bor.

Chempionlar ligasida o‘ynab, bunday xatolarga yo‘l qo‘yish mumkin emas.

Yoz davomida turli investitsiya jamg‘armalari va badavlat oilalarning investitsiya kompaniyalari tomonidan «Inter»ga qiziqish bildirilayotgani haqida xabarlar tarqalgan edi. Ammo Italiya va xorijdan bo‘lgan bu qiziqishlarning hech biri jiddiy muzokaralarga aylanmagan.

Endilikda Al Tani oilasining maydonga chiqishi vaziyatni o‘zgartirishi mumkin.

Qatardan olingan ma’lumotlarga ko‘ra, Al Tani oilasi a’zolaridan biri «Inter»ning ashaddiy muxlisi xisoblanadi.

“U har safar imkon topishi bilan Milanga uchib kelib, «San-Siro» tribunalaridan «Inter» o‘yinlarini tomosha qiladi”, — deydi manbalardan biri.