Chempionlik poygasi yakunlandimi?

“Latsio” bilan o‘yindagi mag‘lubiyat albatta ta’sir qiladi… Futbol aynan shu jihati bilan chiroyli: shanba kuni hamma “Inter” 2 ochko yo‘qotdi deb o‘yladi, ammo aslida unday emas edi. Hozir ular chempionlik taqdirini o‘z qo‘lida ushlab turibdi, biz esa Chempionlar Ligasi yo‘llanmasi uchun o‘z imkoniyatimizga egamiz.

Biz yaxshi holatdamiz, ertangi o‘yinga tayyormiz. Bir hafta davomida ishlash imkoniyati bo‘ldi.

Konte bosim haqida gapirdimi? Futbolning o‘zi bosim — hech kim quvib kelayotgan jamoalarni hisobdan chiqarmaydi. 3 ochko bilan hali hammasi mumkin. Boshqa jamoalar ham o‘zini oxirigacha raqobatbardosh deb hisoblaydi.

Oldimizda hali 27 ochko bor, va biz faqat raqobatbardosh bo‘lish haqida o‘ylaymiz. Bizda ustunlik bor — u katta ham, kichik ham bo‘lishi mumkin. Faqat o‘zimizga e’tibor qaratishimiz kerak.

Nega matbuot bilan gaplashilmadi? Bugun men nega gapiryapman? Buni matbuot xizmatidan so‘rang. Bu — o‘tgan yakshanba maydonda bo‘lgan voqealardan keyin umumiy qaror edi. Men futbol haqida gapirishni afzal ko‘raman. “Atalanta”ga qarshi texnik va taktik xatolar qildik. Bahona izlamasligimiz kerak.

Mavsum davomida pasayish bo‘lishi tabiiy. Ammo qayerda ekanimizni ham ko‘rish kerak. +7 edik, keyin +8 bo‘ldik. Kecha “Napoli” yutdi. Energiya va intensivlikni qaytarishimiz kerak. Hech kim hech narsa sovg‘a qilmaydi — hammasini o‘zimiz qilishimiz kerak.

Tyuram? U ham boshqalar kabi yaxshiroq o‘ynashi mumkin. Buni ular ham biladi. Hozir maslahat berish vaqti emas — bu bosqich finalga o‘xshaydi. Har kim mas’uliyatni o‘z zimmasiga olishi kerak.

Bastoni? U bizga yordam bera olmaydi. Uning holatini Italiya shifokorlari baholaydi.

Chempionlar Ligasi haqida afsuslar bormi? Bir oy oldinga qaytish — bu faqat energiyani yo‘qotish. Men uchun hozir va kelajak muhim.

Bonny tish muammosi borligi rostmi? Har kuni nimadir bo‘ladi. Hammasini aytib bera olmaymiz. Ha, “Atalanta”dan oldin muammo bo‘lgan, hozir deyarli hal qilingan. Keyingi hafta to‘liq davolanadi.

Men jamoani yaxshi bilaman. Bu juda yetuk va mas’uliyatli jamoa. Ular yana o‘zlarini isbotlashga tayyor. Oldin ham ular qayta olgan, yigitlar yana bir bora buni amallay olishlariga ishonaman.