Men Simone Inzaghi davridagi “Inter”ga qarshi raqib bo’lganman va u paytda ham ularga qarshi turish juda qiyin edi, hozirgi jamoa ham xuddi shunday darajada murakkab. Chivu aql bovar qilmas darajada ish qilyapti, va u bunga to‘liq loyiq. U juda og‘ir vaziyatda ish boshladi. Kuchli jamoani qabul qilib oldi, ammo hazm qilish qiyin bo‘lgan mavsumdan keyin. U jamoani to’g’ri so’zlari va yuqori darajadagi qarashlari bilan to’g’ri boshqarmoqda, va jamoasini munosib bo’lgan Skudetto sari yetaklamoqda.

“Inter”ga qarshi o‘yin ochkolar jihatidan hal qiluvchi bo‘lmasligi mumkin, ammo derbi har doim alohida ahamiyatga ega. Bu biz uchun shaxsiy masala. “Inter” — katta jamoa, biz ularga hurmat bilan yondashamiz, lekin maydonga yaxshi natija uchun chiqamiz. Derbi o‘ynash juda yoqimli bahs, uning muhiti Milandan tashqarida ham bir hafta davomida sezilib turadi. Jamoadoshlarimga bu o‘yinni shaxsiy darajada qabul qilish kerakligini aytaman, chunki bu — yo hayot, yo mamot.

“Inter” yaxshi o‘ynayapti, ular nimani bilsa, o‘sha ishni juda sifatli bajarishmoqda. Ammo boshqa bir futbol ham bor — Yevropa futboli. Katta klubda hujumni turlicha olib borish imkonini beradigan kengroq variantlar bo‘lishi shart. Shu sabab Chivu tez-tez o‘zgarishlar qiladi, ba’zan uch hujumchi bilan ham o‘ynaydi, lekin hozircha qanotdan o‘yinni kengaytirib bera oladigan futbolchi yetishmayapti. Bonny buni xohish bilan bajaradi, chunki u yosh. Ammo “Inter” hujumini xilma-xil qilish uchun bu pozitsiyaga kamida bir-ikki transfer zarur.