Bizda o‘ylab o‘tirishga vaqt yo‘q. Energiyani qayta tiklashimiz kerak. Hozirgacha chempionatda yomon o‘ynamadik. Endi shu paytgacha ko‘rsatgan mentalitet bilan davom etishimiz shart. Oldinda juda og‘ir o‘yin turibdi: “Genoa” yaxshi tashkil topgan, agressiv, past blokda himoyalana oladi va sifatli zarbalar bera oladi. Daniele a’lo ish qilmoqda — u kelganidan beri jamoa juda qiziqarli futbol namoyish etyapti.

Bonny? To‘rt hujumchimiz ham ajoyib mavsum o‘tkazmoqda — buni raqamlar tasdiqlayapti. To‘rtalasi ham yaxshi o‘yin ko‘rsatdi va Lautaro yo‘qligida aynan shu yo‘ldan davom etishimiz kerak.

“Bodø”? O‘tmishni o‘zgartira olmaymiz, shuning uchun unga ortiqcha yopishib olmaymiz. Sahifani darhol yopdik va qolgan maqsadlar yo‘lida mavsum oxirigacha raqobatbardosh bo‘lishni istaymiz.

Men Simone Inzaghi davridagi “Inter”ga qarshi raqib bo’lganman va u paytda ham ularga qarshi turish juda qiyin edi, hozirgi jamoa ham xuddi shunday darajada murakkab. Chivu aql bovar qilmas darajada ish qilyapti, va u bunga to‘liq loyiq. U juda og‘ir vaziyatda ish boshladi. Kuchli jamoani qabul qilib oldi, ammo hazm qilish qiyin bo‘lgan mavsumdan keyin. U jamoani to’g’ri so’zlari va yuqori darajadagi qarashlari bilan to’g’ri boshqarmoqda, va jamoasini munosib bo’lgan Skudetto sari yetaklamoqda.