Gol bo‘lishiga umid qilgan edik. Bizda bo‘sh zonalarga yaxshi yugura oladigan futbolchilar bor. Qolaversa, Dimarko bor — uning chap oyog‘i juda zo‘r. Ochig‘i, mening chap oyog‘imdan ancha yaxshi. Kolarovniki bilan solishtirmayman, u xafa bo‘lib qolmasin (kuladi). Lekin menikidan aniq kuchli.

Agar chiqib ketsak achinarli bo‘ladi, lekin hozircha hech narsa hal bo‘lgani yo‘q. Javob o‘yini bor. Biz eng yaxshi ‘Inter’ni ko‘rsatishimiz kerak.

Bu mavzu yopildi. Uning professionalligini qadrlayman. Erkaklarcha mas’uliyatni o‘z zimmasiga oldi, uzr so‘radi va xatosini tan oldi — bu hurmatga loyiq. Endi oldinga qaraymiz, eng muhimi jamoa.

Menda 24 nafar a’lo darajadagi futbolchi bor. Marcus menga yoqdi — orqasi bilan o‘ynadi, yaxshi paslar berdi. Frattesi ham juda yaxshi o‘yin ko‘rsatdi. Biz yerga oyoqlarimizni mahkam bosib yurishimiz kerak. Yaxshi tomonlarini olib ketamiz.

Dumfries bugungacha qisman mashg‘ulot qilgan edi, ertadan boshlab to‘liq jamoa bilan bo‘ladi va o‘ynashga tayyor. Calhanoglu ham yaxshi holatda, dushanbadan u ham umumiy guruhga qaytadi deb o‘ylayman.

Menimcha, o‘yin juda hujumkor ruhda o‘tadi, chunki biz ikki to‘p farqi bilan ortdamiz. Ularning qarshi hujumlari ko‘plab o‘yinlarda hal qiluvchi bo‘lgan, shuning uchun juda ehtiyot bo‘lishimiz kerak. Asosiy fikrimiz — gol urish, keyin o‘yinning qanday kechishini ko‘ramiz. Lekin ikki gol ortda ekanimizni unutmaymiz, vazifa — imkon qadar tezroq hisobni qisqartirish.

Yil boshidan beri murabbiy Chivu menga juda ko‘p maslahatlar berdi. Kolarov ham shunday. Ikkalasi bilan birga ishlash men uchun katta omad.

Bizda urinib ko‘rish mas’uliyati bor, chunki biz — “Inter”miz. O‘z maydonimizda “Inter”ga xos o‘yin ko‘rsatishimiz kerak, buni oldingi yillarda ko‘p bor isbotlaganmiz. Italiya bilan Jahon chempionati masalasi ham xuddi shunday: ikki marta qatnasha olmadik, endi borish majburiyatimiz bor.

Pio Esposito? U juda kamtar va tinimsiz harakat qiladi. Uni jamoada borligi — biz uchun katta omad.

“Bodø/Glimt” A Seriyada o’ynaganda qayerda bo‘lardi? Qiziq savol. Aniq bilmayman, lekin ular juda yaxshi tashkil etilgan jamoa. “Manchester City” va “Atletiko” kabi jamoalarni osonlikcha yutib bo’lmaydi.