Bastoni’ni tanqid qilayotganlar o‘zidan uyalishi kerak — bu holat mutlaqo uyat. Endi “Yuventus” “Inter”ga axloqdan dars bermoqchimi? Iltimos, bizni bezovta qilmanglar: sizlar Italiya futboliga do‘ldan ham ko‘proq zarar yetkazgansizlar. Bastoni’ga qarshi bosimni televideniyedagi bir nechta mas’uliyatsiz odamlar kuchaytirmoqda.

“Inter” muxlislaridan iltimosim bor: Bastoni maydonga qaytganda uni olqishlar bilan qarshi oling, qo‘llab-quvvatlang. Chiellini’ni hurmat qilaman, ammo u ham faoliyati davomida hech kim tegmagan vaziyatlarda ko‘p bor yiqilgan. Bastoni’ni terma jamoadan chetlatish haqida gapirish — bu sharmandalik. Unda kim qoladi o‘zi? Men bugundan shuni aytaman: Forza Bastoni.

Meni bitta epizod bilan baholashlari adolatdan emas. Faoliyatimda 300 dan ortiq o‘yin o‘tkazganman va bu — men haqimda ilk bor shunday holat sabab gapirilishi. So‘nggi kunlarda juda ko‘p yolg‘on, ikkiyuzlamachilik va soxta “odob”ni ko‘rdim. Ba’zi mutaxassislar mutlaqo asossiz gaplar aytishdi. Haqiqatni aytganlardan esa minnatdorman.

Haqiqat shuki: Bastoni xato qildi, ahmoqlik qildi va xatoga yo‘l qo‘ydi. Xato qilish mumkin, lekin uni tan olish kerak — men aynan shuning uchun bu yerdaman. Bu haqiqiy media bosimi bo‘ldi. Men bunga dosh bera olaman, ammo rafiqam va qizim uchun bu ancha og‘ir bo‘ldi. Rafiqamga o‘lim bilan tahdidlar, kasallik tilashlar bo‘ldi. Xuddi shunday holatni hakam La Penna ham boshdan kechirdi —
bundan ham juda afsusdaman.

“Liverpul”ga qarshi o‘yinda esa hech kim simulyatsiya uchun shov-shuv qilmagandi. Hatto murabbiyimiz ham bu holatda ayb menda ekanini, hakamni xato qaror chiqarishga o‘zim imkon yaratib berganimni aytgandi.

Spalletti’ning men to’g’rimda aytgan so’zlari? Men boshqalarga javob qaytarmayman. Faqat o‘zim ko‘rganimni va o‘ylaganimni aytaman. Qayerdadir nolish, ranjish, asabiylik bo‘lsa va bu holatni ular boshqara olishmasa, u yerda aytilayotgan gaplar meni qiziqtirmaydi.

Har yakshanba shunaqa epizodlar bo‘lib turadi. Maradona qo‘l bilan gol urganda ham hech kim uni tanqid qilmagan. Biz “Napoli”ga qarshi adolatsiz penalti ko‘rdik, lekin men indamadim, shuningdek yana boshqa bir qancha o’yinlarda… Shikoyat qilishni bas qilishimiz kerak. Oldinga qaraymiz va mavsum boshida biz haqimizda nimalar deyilganini unutmaymiz. Hozir fevral oyidamiz va, ehtimol, kimlardir biz turgan joydan norozi.

Hakan? Aytishlaricha, u keyingi haftada qaytishi kerak. Jarohatdan so‘ng yengil zo‘riqish bo‘lishi tabiiy. Shifokorlar malakasiga va futbolchining o‘ziga ishonaman.