Zamonlar o‘zgardi. Endi “Yuventus” o‘zini jabrlanuvchi sifatida ko‘rsatmoqda va go‘yoki yangi bir holatning qurboni bo‘layotgandek tutyapti. Menga ularning noroziligi biroz oshirib yuborilgandek tuyuladi, xuddi Italiya futbolining eng katta qurbonidek ko‘rsatishga urinayotgandek. Holbuki, tarix buni umuman boshqacha eslaydi. Umuman olganda, bularning barchasi menga juda tanish, eski voqealarni eslatib yuboryapti.

Bizning pozitsiyamiz juda oddiy. Bu masala atrofida haddan tashqari katta va asossiz mediaviy bosim bo‘ldi. Bastoni boshidan o‘tkazgan narsa sodir bo‘lgan holatdan ancha oshib ketgan axborot hujumiga aylandi.

Bastoni hech qachon janjalli vaziyatlar markazida bo‘lmagan futbolchi, u Italiya terma jamoasining muhim aktividir. Hatto uning terma jamoadagi chaqiruvi ham shubha ostiga qo‘yildi — bu mutlaqo adolatsiz. Ha, u xato qildi, lekin kim xato qilmagan? Simulyatsiya bilan mashhur bo‘lib ketgan futbolchilar juda ko‘p bo‘lgan. Bu yoqimsiz holat, ammo oddiy va favqulodda emas.

Hakam qarori noto‘g‘ri bo‘lganini tan olaman. Shuni ham eslatib o‘taman: o‘tgan mavsum “Inter” Skudettodan atigi bir ochko bilan ayrildi va keyinchalik “Inter” – “Roma” o‘yinida bizga qarshi juda katta xato bo‘lgani rasman tan olindi. O‘sha penalti chempionat taqdirini hal qilishi mumkin edi. Shunga qaramay, biz hakam qarorlarini qabul qilganmiz.

Biz faqat “Napoli” – “Inter” o‘yinidan keyin munosabat bildirdik, chunki u yerda berilgan penalti o‘yinning yo‘nalishini o‘zgartirdi va keyinchalik hakamlar organlari tomonidan ham noto‘g‘ri deb topildi.

Shov-shuv faqat “Inter” bilan bog‘liq bo‘lgandagina ko‘tariladimi? Javob oddiy: oxirgi yillarda eng ko‘p yutgan jamoa aynan “Inter”.

Simulyatsiya bilan bog‘liq kichik bir epizodni eslataman xolos. 2021 yilgi “Yuventus” – “Inter” o‘yini, Kuadradoning ochiq-oydin simulyatsiyasi, hakam Kalvareze. Keyinchalik barcha hakamlik organlari bu holat aniq simulyatsiya ekanini tasdiqlagan.

O‘sha g‘alaba evaziga “Yuventus” Chempionlar Ligasi yo‘llanmasini qo‘lga kiritdi va 60–70 million yevro daromad oldi. Nuqta.

Bastoni’ni tanqid qilayotganlar o‘zidan uyalishi kerak — bu holat mutlaqo uyat. Endi “Yuventus” “Inter”ga axloqdan dars bermoqchimi? Iltimos, bizni bezovta qilmanglar: sizlar Italiya futboliga do‘ldan ham ko‘proq zarar yetkazgansizlar. Bastoni’ga qarshi bosimni televideniyedagi bir nechta mas’uliyatsiz odamlar kuchaytirmoqda.

“Inter” muxlislaridan iltimosim bor: Bastoni maydonga qaytganda uni olqishlar bilan qarshi oling, qo‘llab-quvvatlang. Chiellini’ni hurmat qilaman, ammo u ham faoliyati davomida hech kim tegmagan vaziyatlarda ko‘p bor yiqilgan. Bastoni’ni terma jamoadan chetlatish haqida gapirish — bu sharmandalik. Unda kim qoladi o‘zi? Men bugundan shuni aytaman: Forza Bastoni.