السلام عليكم ورحمة الله وبركاته
فيه نقطتين مهمات نبي نقولهم ياريت الكل يقراهم

1-قروبات العملي خودوهم بعناية وبدقة بحيث لا يوجد تضارب لانه احتمال سيم هذا الحضور فيه درجات

2-امتحانات العملية بعد كل مادة يكملوا محاضراتهم العملية سوف التنسيق على موعد كويس ليهم وبإذن الله اناتومي و الهستو حيكونوا في يوم بروحهم

وبإذن الله سيم هذا مفيش اعتصامات ويكون سيمستر كويس وبنسقوا بين بعضنا احني المندوبين كل مندوب يستلم مادة او مادتين ويهتم بيهم اهتمام كامل

ان شاء الله بالتوفيق للجميع 🤍

تم فتح تنزيل مواد

ان شاء الله بالتوفيق للجميع 🤍

السلام عليكم ورحمة الله وبركاته...

الطلبة اللي عندهم مقررات من فصل المقدمة (مواد انترودكشن) وماقدروش ينزلوهم عالمنظومة...الجامعة تحاول تصلح المشكلة...ولو مانحلتش من هنا لبعد العيد تو يتفحولكم تنزيل يدوي في أول أسبوع من الدراسة...

كل طالب بعد ماينزل مواده..ضروري يسحب نموذج تنزيل ويخليه على جنب تفادياً لأي مشاكل تصير فيما بعد..حذف مادة أو كل المواد أو أي مشكلة...
ضروووري جدااا النموذج ضروري ضروري...واللي مايسحباش بيتحمل العواقب في حالة صارتله مشكلة في المواد


والطلبة اللي معدلهم التراكمي (المعدل العام وليس الفصلي) فوق 75%...يحقلهم ينزلوا 21 وحدة..واللي ماقدرش ينزل 21 وحدة حاليا في المنظومة برضو بعد العيد حيفتحولكم تنزيل يدوي..

وبرضو الطلبة اللي وحداتهم أقل من 12 وحدة فقط.. حيفتحولكم تجاوز وحتنزلوا يدوي بعد العيد..

والطلبة اللي داروا امتحانات الكورونا نفس الشي بعد ماتنزل النتيجة بعون الله حتنزلوا موادكم ومايفوتكم شي..

#بشكل مبدئي.. هادي قائمة أوائل الدفعة 52 🤍

..... تبارك الله..... ♥️

الترتيب الاول ولد 98.94 ❤️ 🔥 🔥 احااا لحقوو تراا 👀🔱

الترتيب الثاني بنت.. 98.35 .. ❤️🔥

الثالث بنت 98.00

الرابع بنت 97.87

الخامس ولد 97.76✊🤍🔥

السادس بنت 97.59

والسابع بنت 97.53

الثامن 97.35 ✊🔥♥️

التاسع بنت 97.06

العاشر بنت 96.88

المهم الاول بس🔥🔥♥️

اليوم الساعة 12 ح نعتمدو القائمة النهائية ♥️🔥

#فخر_دفعتنا 🤍

السلام عليكم ورحمة الله وبركاته
اي طالب يبي يصفر منظومته يبعت صوره بطاقته الجامعيه للايميل الموجود في نهاية البوست ولا معدله صايرله تلخبيط زي ما في صوره ويبي تعديل يبعت سكرين للمعدل متاعه موجود فيه اسمه رباعي ورقم قيده للايميل هذا

Stuyandexaminationoffice@gmail.com

.. لكل مبدع إنجاز و لكل مقام مقال🥇..

نبارك لي أوائل وفخر دفعة 52 بكلية الطب البشري جامعة طرابلس لِ تميزهم وتفوقهم💎

_الترتيب الأول.. سليم محمد الترهوني (98.94)🥇
_الترتيب الثاني..اسراء احمد عمرو (98.35)
_الترتيب الثالث..تقوي نوري قنطش (98.12)
_الترتيب الرابع.. ميار حاتم الفقيه (98.00)
_الترتيب الخامس..رتاج مفتاح الشائبي(97.87)
_الترتيب السادس.. عبد المهيمن فرج الفيتوري +(طالبة🤷🏽‍♂️) ..(97.76)
_الترتيب السابع.. (طالبة 🤷🏽‍♂️).. (97.65)
_الترتيب الثامن.. سندس عمار الصيادي( 97.59)
_الترتيب التاسع (طالبة🤷🏽‍♂️💔).. (97.53)
_الترتيب العاشر.. سارة محمد كرنافة🥇(97.35)
_العاشر مكرر..إيمان عادل علي الشيباني(97.35)

تبارك الله 🤍
طبعا ولتذكير كورس الاناتومي مجاني ليكم من الدكتور خالد ميلاد.

#فخر_دفعتنا

السلام عليكم ورحمة الله وبركاته
لا توجد محاضرة اليوم السبت لمادة AN132

السلام عليكم...
طبعاً ان شاء الله تكون بداية السيمستر موفقة للكل.. السيمستر هدا بقدرة الله ح يكون أكبر اختبار لينا وح يبين كل طالب ومستواه.. وللامانة هدا الطبيعي.. النصفيات في أسبوعين و الفاينل في شهر مدة الدراسة تقريبا 14 اسبوع ومعاهم الامتحانات.. نسأل الله التوفيق والسداد 🤍
في موضوع انا كان في بالي من نهاية السيمستر يلي فات بس لما لقيت الشباب منزلين ماقدرتش انزل وفتت الفكره من راسي لين أسامة فات فكرة انه يسيب مكتب الشّؤون.. هوا صح انا منزل من قبل بس تراجعت عن الفكره قبل لانه موضوعي كان مع مندوبه سابقه معانا وانحل.. اما الان ف اناا بشكل نهائي معاش ح نرجع كمندوب للدفعة ولعدة اسباب.. اسف على كل تقصير كان منيي، وكل التوفيق لي مندوبينا 🤍.
#علي_مرعي

السلام عليكم المطلوب من الكل المشاركه في الاستفتاء…
🔽🔽🔽🔽

https://www.facebook.com/groups/946053159099805/permalink/1603392570032524/

السلام عليكم

محاضرات مادة “HS142 “تبدأمن يوم الاحد
على تمام الساعه. 8:30 . بقسم علم الانسجة
#موفقين♥️

السلام عليكم ورحمة الله وبركاته
لا توجد محاضرة اليوم السبت لمادة BC142

السلام عليكم ورحمة الله وبركاته
لا توجد محاضرة اليوم السبت لمادة PS142

السلام عليكم ورحمة الله وبركاته
منشور خاص بمادة BC142

تواصلت معاي دكتوره فهيمة وبلغتني انها حدير قناه خاصه للمحاضرات يالي بتعطيها هي وفيه محاضرات بيكونوا اونلاين وفيه محاضرات بيكونوا في القسم وكلمتها على موضوع العملي بلغتني انه الكليه دارت 6 مجموعات وطلبوا مواد من إدارة الكليه باش يوفروها ويستعلموها في المعامل للمحاضرات لو وفروها حيكون الحضور إجباري وبدرجات ولو ما وفروهاش مش حيكون الحضور إجباري وسيمستر هذا دروس BC142 الاتي

CHO Metabolism: دكتورة فهيمة النجار
Amino acid Metabolism: دكتور احمد زائد
Lipid Metabolism: دكتور عاشور الجميل
Bioenergetic:دكتور احمد زائد
Integration: دكتور عاشور الجميل

النصفي حيكون CHO Metabolism كامل وجزء الأول من Amino acid Metabolism

ومنسق BC142 حيكون دكتور عاشور الجميل

الأيام الجايه توا انزل المواد التانيات ولو حد عنده استفسار يتفضل

ان شاء الله بالتوفيق للجميع 🤍

السلام عليكم ……
هذا رابط المقرر لمادةHS142

🔽🔽🔽🔽🔽🔽
https://t.me/+vcdqAfDcZa4xOGNk