السلام عليكم
حابي انبهكم بالنسبة للرسائل الذي دي ديل كمان اتصلو لي مكالمات عديل في رقمي اريبا عشان برنامج تسويق 5 نجوم للفنادق وبيقولوا يومي بدوك 200 الف لي 500 الف ينزلوها ليك في حساب بنكك هم صاح المرة الأولي وتانية بنزلو ليك وبدوك رقم حساب تحول فيهو حقهم وتشيل حقك بس بشوفها حلوة وانو يومي 200 الف تضربها بالشهر بتقول واو احسن لي من وظيفتي او العطالة فيها دي بس ديل بغسلو أموال يعني قروشهم ما نضيفة ممكن تكون حقت مخدرات او اسلحة او اي حاجات ممنوعة او مسروقة وانت مسكين تغسل ليهم قروشهم وبعدين لمن يتبعو ناس الجهات الأمنية الخاصة بدولتك القروش مشت وين بلقو حسابك دا جاتو قروش وانت كدا حتكون جوا الجك وحايفتحو بلاغ في حسابك وانت كدا بسحبو قروش جاتك كلها مع انو انت حولتها لي زول تاني وحساب بتاع زول داك ما بتقدر تلم فيهو تاني ولا حتلم في الشركة وانت بتكون خشيت في قضايا يمرقك منها رب العباد بس

هسي دردقتهم وقالو لي نحول ليك بنكك فقلت ليهم بعتذر انا ما عندي بنكك لكن عندي حساب دولار في العملات المشفرة اذا بتحولو لي انا مستعد اشتغل معاكم يومي عارفين ليه؟ لانو العملات المشفرة دي انت حولتها ما بتقدر تتحصل..... يتبع في استوري الجاي

ما بتقدر تتحصل على بياناتي لانو مشفرة وحتي رقم حساب بجيك بي تشفير وكلام كتير عشان كدا لمن قلت ليهو تحول لي عملة رقمية طوالي نطت وقال لي بعتذر نحن محتاجين رقم حسابك بنكي السوداني 😂😂😂 طوالي مشيت نطيت ليهو قلت ليهو انا ما بحتاج لي اموالك دي وانا زول بتاع امن معلومات وحركات دي كلها ما بتقدر تمشيها فيني وانت بتغش في ناس ما عارفين حاجة وقلت ليهو انا بمتلك شركة برمجيات في السودان وما فاضي لي قروشكم دي
😂😂😂😂 شبكني ليك والله بندفع ليك لمن تشتغل لينا 😂 قلت ليهو ما عندي مشكله وحول لي دولار بس تاني جاب لي نفس رسالة انا بعتذر عايزين بنكك بس 😂😂😂😂💵
اعملو حسابكم على العموم وفي ناس بجيك باللغة عربية
وناس بتجيك فيي تيلجرام اكتر شي

لكن انا عملها لي واضحة ومكالمة عادية عديل ولا مكالمة واتساب 🤣🤣🤣🤣🤣

ربنا يحفظكم من نصب واحتيال دا ويسهل الأمور يارب


#السلطان
@ayman5593