#Kutaa_8ffaa #BBO

Bu'aan qormaata naannoo kutaa 8ffaa naannoo Oromiyaa bara 2017 ifoomeera.

Barattoonni bu'aa qormaata keessanii ilaaluuf link armaan gadii tuquun website irraa ilaalaa.

https://oromia.ministry.et/#/result

Akkasumas gama Telegram bot dhaan ilaaluuf Bot armaan gadii fayyadamuu dandeessu!

@MinistryResultQMTBOT

Qabxiin Qormaata Kutaa 8ffaa Bara 2017 Ifoomuun isaa ni beekama. Haaluma kanaan bara kanatti

Naannoo Oromiyaatti barattoonni bara 2017 qormaata naannoo Kutaa 8ffaa fudhatan dhiirri 251,120 fi dhalaa 237,338 waliigala 488,458 keessaa dhirri 205,113 (81.7%) dhalaan 179,388 (75.6%) yoo ta'u, barattoonni 384,498 (78.7%) qabxii 50% fi isaa ol galmeessisuun gara kutaa itti aanutti darbuun ibsameera.

Kutaa 8ffaa - BBO

Hoggansa Barnootaa Godinaalee, Magaalotaafi Aanaaleef Kallattiin Hojii Bara 2018 Kenname.

BBO- Adoolessa 10/2017 Biiroon Barnootaa Oromiyaa Hojii Misooma Barnootaa Bara Bajataa 2018 keessa hojjatamuu qaban #Hoggansa_Waajjira_Barnootaa_Godinaalee_Bu_Magaalotaafi_Aanaaleerraa walitti babahaniif kallattiin hojii kennamee jira.

Giddu Gala Qorannoofi Leenjii Barnootaa Oromiyaa-Adaamaatti walgahii guyyaa tokkoof (09/11/2017) gaggeeffame irratti karoorri misooma barnootaa Biiroo Barnootaa obbo Hasan Idrisiin kan dhihaate yoo ta'u, dabalataanis, Rakkoo Barreessuu, Dubbisuufi Qoyyabuufi Fala Isaa Dr Bultoosaa Hirkootiin, Hojii Dhiheessuufi Gahumsa Barsiisotaa Fooyyessuuf Hojjatamaa Jiru obbo Girmaa Baayisaatiniifi Moosaajii(Software) Jijjiirraa Barsiisotaa Dr. Kaasahun Galaanaatin tartiibaan dhihaachuun mariin irratti gaggeeffameera.
Dhumarratti, Hogganaan Biiroo Barnootaa Oromiyaa Dr. Tolaa Bariisoo haasaa taasisaniin, karoorri misooma barnootaa bara 2018 haala fooyya'aa ta'een akka raawwatamu, Hojiin Tajaajila Lammummaa Ganna kanaa yeroo karoorfame keessatti qulqullinaafi saffisaan akka raawwatu, leenjiin barsiisotaa ganna kanarraa jalqabee daran cimee kan itti deemamu ta'uufi barreeffamoota waltajjiirratti dhihaatan yaada walii galaa hanga manneen barnootaatti gadi buusun dhaloota beekumsaan, dandeettiifi ilaalchaan addunyaarratti dorgomaa ta'e horachuu irratti xiyyeeffatamee akka hojjatamuu qabu kallattii kaa'aniiru.

Sagantaan '#Live'n Darba!

BBO - Sagantaan Feestivaalii Barnootaa har'a Ganama Chaanaalii #ETV_Afaan Oromoon Kallattiin Darba.

#Chaanaaliin ETV - Afaan Oromoo Adoolessa 13/2017
Ganama Sa'aatii 3:00 Irraa Eegalee Istaadiyemii Saayinsiifi Teeknooloojii Adaamaa Irraa Sagantaa Feestivaalii Barnootaa Manneen Barnootaa Bultii Addaa Sad. 2ffaa fi Manneen Barnootaa Addaa Sad. 2ffaa  Kallattiin Dabarsa.
#Daawwadhaa!

#Biiroo_Barnootaa_Oromiyaa
#Feestivaalii_Barnootaa
#MBBA_fi_MBA
#ETV_Afaan_Oromoo -' Live'

Feestivaalii Barnootaa
Barattoota MBBAfi MBA
#Adaamaa

"Cabiinsa barnootaa furuuf hojjetamaa jira"- Dr. Tolaa Bariisoo

Kallacha Oromiyaa: Adoolessa 12, 2017- Hoogganaan Biiroo Barnoota Oromiyaa Dr.Tolaa Bariisoo gaaffi miseensota Caffee irraa ka'aniif deebii kennaaniin bara kana cabiinsa barnootaa furuuf hojjii bu'a qabeessi hojjetamaa turuu himanii, caalmaatti rakkoo gama qulqullina barnootaatiin jiru furuuf immoo ciminaan kan irratti hojjetamu ta'uu himaniiru.

Hanqina kitaabaa bara kana furuuf hojii guddaan hojjetamuu himuun, kitaabonni miliyoona 29 hanqina kitaaba furuuf kan dhihaatu ta'uu himaniiru.

Mana barnootaa sadarkaa 2ffaa manneen barumsaa 31 keessattis ibsaa galchuuf kan hojjetamaa jiru ta'uu dubbataniiru.

Ijaarsa mana barumsaa bu'uura boruu irrattis xiyyeeffannoo olaanaan hojjetamaa jiraachuu himanii, caalmaatti kan itti fufu ta'uus eeraniiru.

Dhiheessi barsisaan wal qabatee barsiisaa 4,000 Ganna kana leenjisanii dhiheessuuf hojjetamaa jira jedhan.

#Remedial #Result

Qabxiin barattoota bara 2017 Remediyaalii qoramanii ifa ta'eera.

Barattoonni qabxii isaanii karaa https://result.ethernet.edu.et irraan laaluu ni danda'u.

Qabxiin darbiinsaa barattoota Saayinsii uumamaaf 250 yoo ta'u, kan Saayinsii Hawaasa 200 akka ta'e kan beekamuudha.

#BBO

BEEKSISA

Barsiisotaafi Hoggansa MB Leenjii Gannaa Argattan Hundaaf
---------
BBO - Adoolessa 23/2017  Barsiisotniifi Hoggansi Manneen Barnootaa Sad. 2ffaa Ganna Bara 2017 Leenjii Fooyya'insa Dandeettii Yunivarsiitiiwwan galtanii Leenji'uuf qophiirra jirtan hundi Adoolessa 27/2017 mooraa Yunivarsiitii ramadamtaniitti akka galtaniifi Adoolessi 28/2017 guyyaa galmee ta'uun ibsameera.

Kanaafuu, #Yunivarsiitii_Itti_Ramadamtan Waajjira Barnootaa Godinaalee, Bu. Magaalotaa, Aanaalee/kutaa Magaalotaatti waan ergameef, isaan biraa mirkaneeffachuun gaafa 27/11/2017 mooraa Yunivarsiitii galuu, 28/11/2017 guyyaa galmee yoo ta'u, 29/11/2017 leenjichi kan eegalu waan ta'eef gamanumaa akka itti qophooftan isin beeksifna.
     BBO

Jijjiirraa Barsiisotaa Tuttuqaa Harkaarraa Bilisa Gochuuf Mosaajiin (Software) Misoome Ifoome.
------------
BBO- Adoolessa 23/2017 Biiroon Barnootaa Oromiyaa #Mosaajii_Jijjiirraa_Barsiisotaa_sadarkaa_guddina_barsiisotaa, qacarrii barsiisotaa, Qormaata ogummaa barsiisotaafi haala soorama bahuu barsiisotaa /Teachers Management Information System (TMIS) / jedhamu qopheessuun Waajjira Barnootaa Godinaalee bulchiinsa Magaalotaafi Aanaaleetiif "User Name" torban tokkoon dura gadibuuseera.

User Name' Godinaalee, Magaalotaafi Aanoleef ergaman kunniin barsiisotaa biraan akka gahan qajeelfamni kan kennameef yoo ta'u, waajiraaleen barnootaa aanaalee tokko tokko barsiisota biraan akka hin geenye beekameera.

Haaluma walfakkaatuun, mosaajicharran odeeffannoo barbaachisaa ta'e kan hin guutnes waan mul'atuuf hatattamaan akka guuttan isin beeksifna.

Mosaajiin kun jijjiirraa barsiisotaa dabalatee, sadarkaa guddinaa barsiisotaa, qacarrii barsiisotaa, qormaata dandeettii ogummaa barsiisummaafi haala soorama bahiinsa barsiisotaa tuttuqaa harkaarraa bilisa ta'een hojjachuuf kan gargaaruudha.

Barsiisotaaf: Barsiisotni 'User Name'n isin dhaqqabe immoo, liinkii asii gaditti kenname kana banuun haala iyyannoo dhiheeffachuu dandeessan irratti akka shaakaltan isin beeksisaa, daran daftanii akka hubattan barreeffamaafi viidiyoo gabaabaa tartiiba iyyannoo galfachuu agarsiisu isiniif ergina!

Liinkii:- https://tmis.oeb.gov.et
Hordofaa!