حبينا نعملكم كركبة كرمال من هلق تتعودو عجو امتحان الاحصاء يلي بدو يكون مليان كركبة من كل الانواع

بس انت لازم تكون مستعد ومدجج بالسلاح 😎

البقاء للأقوى والأشطر والأسرع والأكثر حنكة والأكثر تكيف مع الوضع

هي باختصار الوضع 😇😌

يلا بانتظار الرابط الثالث🔥🔥

🔴 الرابط الثالث 🔴

هالمرة بدل الرابط حيكون مسابقة صغيرة
والفائز هو اول حدا بيكتب الجواب الصحيح بالتعليقات 👇🏻
اوجد ارتفاع العمود الأحمر حسب الصورة

الجواب الصحيح هو 8
أبارك للدكتور عباس حصوله على المركز الأول

تفسير الجواب:
من العمود الاخضر نلاحظ طوله 2 وظله 3
أي كل 3 m من الظل يقابلها 2m من الارتفاع

بالعودة للعمود الأحمر 6m ظل تعادل 4 ارتفاع
اضافة الى ال4 من الظل العمودي التي تبقى كما هي لأن محورها موازي فلا تزيد ولا تنقص

ويصبح الطول الإجمالي 8

وهي حركنالكم المسننات شوي وصحصحتو قومو كملو دراسة 🤣🩵

يا أخي منظر ال100 أحلى 😁😁

عقبال علاماتكم جميعا😌

متشكر لكم جميعا على هالمشاركات الجميلة والإقبال الرائع وبإذن الله رح تصير هالمادة من أحلى وأمتع المواد عندكم كل ما تعمقنا فيها بالشرح اكتر واكتر 🩵🔥

عم فكر بما انو ما حدا حابب الوبائيات
نزبطلكم بكرة كم فيديو تبلشو فيهم قبل ما تبلشو دراسة قسم مازن ليساعدوكم شو رأيكم ؟🔥🔥

رح ننزل استفتاء
إذا تجاوز ال 200 "نعم" مننزل 😎

صباح الخير أصدقائي

بس في نقطة بدي نوه عليها
بالبنك بالصفحة 11 في مشكلة صغيرة بجدول الإجابات (الجدول تبع الصفحة عشرة منسوخ بالغلط ومغطي جدول الصفحة 11)

هيك لازم يكون ✌🏻🙏🏻
كتبو عندكم الجدول الأصلي

يلا جاهزين؟🔥🔥🔥

صح ما وصله لسا لل200 بس قربو كتير وما جعبالي اتاخر بتنزيلن🩵

صباح الخير مرة ثانية أصدقائي

واعدينكم نحن بفيديوهات مقدمة للوبائيات وجيناكم فيهم 😌

طبعا كلمة مقدمة لا يعني انو ما عليهم علامات او مو ضروريين ✌🏻

لهيك منقدملك هلق فيديوهين اساسين لازم تحضرن قبل ما تبلش دراسة قسمي مازن وفاطمة (حتى لو مبلش حضرهم هامين)

بس في نقطتين:
💠الفيديوهين هنن تصوير السنة الماضية لهيك لا تدقق عأرقامهم 🤣
💠 الفيديوهين شوي الدقة فيهم تعبانة والاضاءة منخفضة ( بحس كأني كنت صور بالآلة الحاسبة السنة الماضية 🤣💔) بس يا اخي المهم الشرح فيهم خارق ومافي وقت عيد تصويرهم 4k مشي حالك😌

رح تستمع بحضورهم صدقني 🩵

💠مقدمة في علم الوبائيات وتعريفه 💠

تابع لقسم فاطمة ومازن معا

التعريف كان موجود السنة الماضية ✌🏻
المثلثين وسلسلة العدوى ما كانو موجودين السنة الماضية مع ذلك شرحتهم وقتا لانو بدونن ما بيمشي الطالب 😌
بس بما انهم انضافو هي السنة عالمقرر بشكل رسمي فاكيد رح تلاقي شوية تفاصيل زيادة بالمحاضرة بس بيمشو معك بسرعة كتير

💠 أهم المصطلحات الوبائية السارية💠

قسم مازن

مين قال انو المصطلحات (التعاريف) لازم نبصما 😉

تعالو نفهم كلشي 😌

بس هيك؟؟

لسا في فيديوهين أيضا شي مرتب

بس هالمرة من مادة المناعة 😍
اعتبروهم مقدمة للفصل الجاي كرمال وقتها نفوت بالمناعة بكل قوة 💪🏻💪🏻

السنة الماضية بقسم د.مازن ما كان موجود هي الفقرات بس برضو كان شرحها هام وضروري لنفهم اكتر عن الأمراض

هي السنة ضافهم عالمقرر (مع كمشة تفاصيل زيادة) بس ما زال فهمهم مطلوب يعني 👀
يعني ما في داعي تقعد تبصم

لهيك شاهد واستمتع 😁
مافي داعي ضل عايش متعذب مع هالقسم🩵

مناعة من قسم مازن
💠antibodies & antigens💠

مصطلحين هاميييين جدا ورح يمرقو بكل الامراض وعيب علينا ما نكون فهمانينهم 100%

💠 المناعة المكتسبة 💠

مناعة من قسم مازن

أنواعها وتفاصيلها 😌
حضروهم وما رح تنسوهم للأبد 🩵

من رسائلكم #2

🔴 دكتور بيفيدني الكورس؟
🔵 هاد أكتر سؤال صدمني لهلق 🤣
طبعا بيفيد شو عم نبيع بطاطا 🤣🩵
الفيديوهات بتريحك حتى من انو ترجع للمحاضرة بتروح بوشك عالدورات بقسمي حسين وفاطمة اما بقسم مازن بتشيل الفيديوهات عنك اول ٦٠٪ عالاقل من المحاضرات
وكعلامات اكيد بتضمن اكتر

بيجوز بيخطرلكم انو ليش انا ما منزل ولا مرة اراء طلاب سابقين من دفعات قبل مع انو قايل انهم موجودين بالقناة فوق 👆🏻👆🏻

الفكرة اني ما بحب كون من النوع يلي بيروج لشغله من خلال اراء سابقة
انا بحب بكل دفعة وكل سنة اثبت جدارتي من خلال قوة المحتوى يلي عم قدمه بالمحاضرات وبالفيديوهات المجانية من الكورس يلي هية لوحدها كفيلة تثبتلك قديش الشرح مرتب والكورس بيستحق 🩵
ولكن نزولا عند رغبتك وتحت باب "ليطمئن قلبي"
هي عينة من اراء طلابي السنة الماضية والتي تعتبر واحدة من اصعب الدورات حيث تقدم فيها ١٤ اعتراض واجو كلن مع الرفض
بينما طلابي كلهم -بفضل الله- ما تأثرو بالموجة وكلها 😌🩵

🔴 دكتور بيخلص معي قسم مازن كله بيوم؟
🔵 اي بيخلص

جاهزين لواحد من أهم فيديوهات المادة؟🔥

بسبب زيادة الطلب على توضيح اختبار ANOVA وكيفية دراسته

رح شارككم هذا الفيديو من الكورس

طبعا الفيديو هاااااااام جدااااا 🔥🔥🔥
وعليه لحاله 5 علامااات 🔥🔥🔥

وفيك تدرسه لو ما دارس باقي الاختبارات

🔹العنوان: اختبار تحليل التباين ANOVA عملي
🔹 المحاضرة: حسين 5

وبس تلاقو الجدول متل ما هو قدامكم بالامتحان بكرة تذكروني بدعوة 🩵😇

إنها الوبائيات 🤣🤣

الله يستر ❤️‍🩹

نعم...
هذه هي الحقيقة المرة...

إن كنت تظن أن الظروف والمواقف يجب أن تكون مثالية لتُظهرَ مواهبَك وتكون مبدعاً...
فأنت واهم...

لاشيء في الحياة مثالي
كما أنه ليس كل شيء عبثي..

فعلى مستوى امتحانٍ
لم تُجعل العلامة من مئة لتحصل أنت والجميع على المئة الكاملة
وربما لا يحصل عليها أحد احيانا
هذه التدريجات خُلقت لتدريج الطلاب عليه وترتيبهم
فلربما يكون موقعك فيها هو الثمانين مثلا
فإذا وصلت إليها فهذه هي مئتُك

لكن لربما تتسائل
كيف نتسلسل على هذه الدرجات؟

هل هي الشطارة والذكاء؟
كلنا أذكياء ومن متفوقي البكالوريا

هل هي عدد ساعات الدراسة؟
كلنا نعلم أن هناك من يدرس طويلا بلا جدوى وهناك من يدرس مدة قصيرة مع علامات ممتازة

إذاً هل هي الحالة المادية والظروف؟
أقول هل كل الأوائل من الذين ظروفهم جيدة؟
أم هل كل أصحاب العلامات المتدنية ظروفهم سيئة؟

إذاً ماذا؟  هل الكلية والدكاترة والسلالم و و و و تراعي فئةً دون غيرها؟
لا. فالامتحان والتصحيح والتعامل موحد ويسري على الجميع

إذا ما الفارق؟
كيف نتدرج؟؟؟
إنها الهمة.
نعم الهمة التي لطالما دفعت الكثيرين إلى إنجاز ما لا يتصوره العقل بأقل وقت وأصعب الظروف وأقل الدعم و وأسوأ المعاملة
تلك الهمة التي تجعل الطالب يضع علامةً فلانيةً نصب عينيه ويسعى إليها ليحققها أو يضعُ كميةً معينةً ليدرسها بكل فنٍ وإتقان
هذا الدافع...
هذا الأمل...
هذا الهدف...

ما رأيت طالبا يدرس اعتباطياً دون هدفٍ سواءاً مادة أو كمية أو علامة أو إنجاز ما ووصل إلى الدرجات العالية

إذاً لا بدّ لك (كما ذكر الطبيب في الفيديو) من خلق دافعك الشخصي الذي ستحطم فيه كل القيود وكل الصعاب وكل عبارات تحطيم الأحلام وكل جمل التثبيط من الجوار وكل تثبيط المعنويات من الامتحانات التي تقدمها
لا تنتظر امتحانا سهلاً
ولا تنظر مادةَ معدل
ولا تنتظر معاملة حانية عادلة

اجعل أنت من دراستك المتفانية قوةً تُحارب بها المواد الصعبة والمعلومات الثقيلة والمعاملات القاسية

لا ترضى حتى يأتيك كل شيء طواعية

كنت أنت البطل الذي يصل إلى المكان الصعب

ضع هدفاً واسع إليه فهذا سبيلك الوحيد، فلتعلم كيف تتعامل مع الواقع

د.عصام 💙

#تتمة

لا تيأس مهما كان وضعك
ولا تظن إذا راح عليك أيام وبلشت متأخر لظرف صحي او غيره معناها فاتك القطار وراحت عليك المادة

صدقني شوية همة ونية صادقة هلق قدران تحقق المعجزات
متبقي ما يقارب ال20 ساعة للامتحان وهدول بتعمل فيهم المستحيل حرفيا
لسا عندك فرصة تثبت لنفسك أنك بطل 💪🏻💪🏻
مهما كان الظرف يلي مريت فيه
او مهما كان وضعك هلق
ومهما كنت ملحق شغلات وتارك شغلات

ورح حط بين ايديك أكثر تجربة مميزة من طلاب السنة الماضية (وحدة من أصعب الدورات) والطالبة مرت بواحد من أصعب الظروف وراح عليها ايام دراسة الاحصاء بشكل كامل وما استسلمت وبلشت بليلة المادة
شوف النتيجة (https://t.me/interestingstatistic/567?single)

وتيقن بأننا كبشر نملك الإرادة والعزم
وبأن لنا رباً عظيماً أكرمنا بهدية عظيمة وهي قبول دعاء الصائم عند الإفطار
لهيك اليوم كل واحد وقت الإفطار يتذكر ويدعي بكلشي بده ياه وكلشي محتاجه بكل صدق
ويعمل كلشي بيطلع بايده وياخد بالأسباب
وينطر النتيجة الحلوة 🩵🩵

مساء الخير أصدقائي

امسك البنك الشامل وتعال دقيقة عدل كم شغلة 🩵

🔹 الصفحة 11 فيها خلل تنسيقي
🔹 الصفحة 70 مسألة 9 ضيف على معطياتها (الانحراف يساوي 5) والاسئلة وأجوبتن كلن تمام

بدورة 2024 الدكتور حسين قبل الاعتراض على سؤالين لهيك تعال عدلهم معي
🔹 الصفحة 67 سؤال 42 جوابه c
🔹 الصفحة 69 سؤال 56 جوابه a


🔻الصفحة 73 سؤال 106 محطوط خيارين
إذا إجاك السؤال بتحط الجواب C
🔻الصفحة 72 السؤال 92 الجواب d سهوا بس واضح 😇🩵

باقي الأسئلة مافيها إشكال بحلها بس إذا حسيت عندك سؤال معين ما فهمته
فيك تدخل تسأل بالمناقشة:
https://t.me/interestingstatistical29

ملحق مازن الثاني:
بالحصبة الألمانية (يولد الأطفال ممنعين إذا كانت الأم ممنعة) بس شيلو كلمة لا من قبلها

كرمال الأسئلة الصعبة والجدلية فرح حاول وضحها كلها مساءا