والان مع مسك الختام 🔥🔥

قنبلة الموسم 🔥

يلي تأخرنا مشانها كرمال تكون من أروع ما يكون 😌

وهلق منقدملكم تحفة فنية استغرقت من العمل أكثر من 3 أسابيع بشكل متواصل لحتى تطلع بشكل يذهلكم بإذن الله

الملف يلي اثبت جدارته لسنين بشموليته لأسئلة الامتحان يلي بتنجاوز ال٩٠% منه لحاله (وحتى قبل 4 سنوات كانت شموليته 98% فقط سؤال واحد اجا من برا البنك الشامل وقتها ) بقا شغلة مرتبة ومضمونة ان شاء الله

الملف عبارة عن بنك شامل متضمن دليل الحل

كيف يعني؟
يعني شامل لكل اقسام الدكاترة الثلاثة وليس للدكتور حسين فقط
طيب وشو يعني دليل حل؟
يعني اسئلة الاتمتة يلي بدها توضيح موضحة
والمسائل كاااملة مشروحة مع حلها (شوف صور العينة👇🏻)
ومشروحين بطريقة القوانين وبطرق بالالة الحاسبة كرمال يلي علمناهم عليها 🔥

والمسائل يلي موجودة رح يجي متلها بالامتحان متل ما عودناكم سابقا 🩵

شو بيتضمن الملف؟
الدورات الاساسية والحملة لجامعة اللاذقية من السنة الماضية ولورا (مع مراعاة التقاطع مع المحاضرات يلي انعطت يعني المحاضرات يلي ما انعطت السنة شلت اسئلتا اكيد)
إضافة إلى ١٨ دورة خارجية للدكتور حسين من جامعات أخرى 😎

كل هدول مجمعلك ياهم وحاططلك الأسئلة (بدون تكرار طبعا حاططن) كرمال يصير عندك اكبر خزينة ممكن تعتمد عليها ويجي منها

وشو كمان فيه؟؟؟؟
لا هي رح اتركها مفاجأة للي رح يدرس منو فقط هو رح يكتشف 😌🔥

🔴 تنويه 🔴
يتوافر الملف ورقيا فقط ابتداءا من الغد في مكتبة STEPS

وهلق خلونا نشوف عينة من الملف 👇🏻👇🏻

مساء الخير أشاوس 🩵

بعد المعركة الطاحنة تبع الفيزيو التي آثارها مازالت مستمرة على الجميع حسب ما أرى..
إن شاء الله تكونو قدمتو كتير كويس 🤲🏻🔥

بالنسبة للإحصاء كنت ناوي نزل خطة من الضهر وقلت بتبلشو فورا وهيك 🤣🤣

امزح امزح لسا تعبانين
لهيك قلت اكيد من الامتحان للإفطار ما حدا رح يدرس لهيك عدلت الخطة كلها وصارت كالآتي:

خطة الإحصاء

🔵 الثلاثاء:
تحمية عالخفيف بمحاضرة أو اثنتين من قسم حسين يلي درستوهم بالعملي ✌🏻 ما بياخدو وقت

🔵 الأربعاء:
تتمة قسم حسين كاملا
القسم 5 محاضرات (4 دخلو بالعملي ووحدة خامسة كبيرة شوي ما دخلت بالعملي جديدة )

🔵 الخميس:
قسم د. مازن كاملا مرتين ✌🏻 (ملحقين)
شو يعني مرتين؟
يعني وش سريع أول (تعليق معلومات)
وش تاني تمكين (منفصل أكتر بيومها)

🔵 الجمعة:
قسم د. فاطمة (ملحقين)
بيخلص برياحة وبيزيد معك وقت (خلينا نعتبروا تصليح كسر للاربعا والخميس شو زايدلك بتكمل)

🔵 السبت:
مراجعة كاملة (وقتها منحكي بكل التفاصيل كيف نراجع وشو نحل)

🔵 هي الخطة ضروري ننضغط فيها هيك كرمال نضمن علامة مرتبة بالمادة ✌🏻

🔴 المادة ليست معدل 🔴
لكن الخطة يلي رح تصنعها (او بالأحرى تطبقها) هي يلي ممكن تخليلك مادتك تصير معدل 🔥🔥

طيب بالنسبة للبنك الشامل وين موقعه من الإعراب؟ بأي يوم؟
هاد يا حبيبي مع كل الأيام
بس تخلص محاضرة أو موضوع بتفتح بتحل كل أسئلتها ومسائلها وبترجع 🔥

شغلة وحدة منه بتنترك ليوم المراجعة وهية اخر اربع دورات كاملين
لهيك جمعتلك ياهم بنهاية البنك بشكل مستقل كرمال تختبر حالك فيهم بالاخير وتتمكن من دراستك وتعتمد عليهم اكتر لانو رح يتكرر منهم بلاوي 😎 (بعرف شو حاططلك)

وما تنسى إذا حاطط ميوت للقناة تشيلها وتتابع معي لانو كل بوست وكل معلومة رح نزلها حتكون مهمة جدا (وسألو الدفعات السابقة عن أهمية هالشي)

وبس 🩵
صياما مقبولاً 🩵
ما تنسى تدعوا عند الإفطار 🩵
الله يفتح عليكم ويباركلكم بوقتكم 🩵

مراحب

نزلوا الهيئة - مشكورين - توزيع الأسئلة عالدكاترة

وكن نقطة بخصوص قسم د.فاطمة

في كتير تساؤلات عندكم

لهيك موعدنا مساءا مع فويس امتحاني نوضح فيه كل النقاط لنعرف الوضع كله وكيف لازم نمشي ✌🏻✌🏻

كتير مهم 🔥

مساء الخير

بعرف طولنا عليكم بس كنت عم حضر كذا شغلة وحدة منهم الڤويس الامتحاني 🔥

الفويس بيتضمن كتييييييير شغلات بتهمكم وضروري تسمعوه كاملا 🩵
اذا حابين ما تندمو متل ما بيندم جزء من الطلاب كل سنة💔

ولبين ما ينرفع قلت منتسلى شوي 😁

🔥 مسابقة 🔥
اول واحد بيحزر كم دقيقة الفويس بالتعليقات 👇🏻 رح نربحه كورس للمادة 😌 (الجواب بالدقائق مع تهميش الثواني)

تنتهي المسابقة عند انتهاء الرفع (اعتمادا على النت الظريف) 😁

انطلقوا

🔥 الفويس الامتحاني 🔥

النقاط التي يتضمنها الڤويس:
🔵 كمشة تحفيز
🔵 وضع المادة وصعوبتها
🔵 تقسيم الدكاترة والأسئلة
🔵 نوع كل قسم ومضمونه
🔵 قضية قسم الدكتورة فاطمة وملحق العملي وشو ندرس منهم
🔵 وضع الدورات
🔵 ليش كان في 14 اعتراض السنة الماضية 😱
🔵 ليش الاعتراضات بتنرفض وشو الحل ؟
🔵 خطة الدراسة
🔵 مصدر الدراسة
🔵 هل المادة بتنجاب 100 ؟ وكيف؟
🔵 هل المادة ممكن نرسب فيها؟ وليش؟
🔵 ترتيب دراسة الأقسام
🔵 شو الشغلات القديمة والجديدة من المادة
🔵 موضوع التدريبات والآلة الحاسبة
🔵 كمان شوية تحفيز

كان بنفسي كمل حكي بس قلت حاج طولنا 🤣

ضروري اسمعه؟
حسب إذا حابب معدل او لاء (الموضوع عندك)

مراحب يا أكابر 🩵🩵

كونه الاستفسارات عالخاص كتييييييرة
ولأني ما بحب اتاخر كتير بالرد عليكم ونطركم كتير ليوصل دور محادثتكم

فرح حاول خلال هالايام اني بلش بسلسلة (من أسئلتكم) لحاول جاوب هون عالعام عأي سؤال عم يتكرر عالخاص كتييير كرمال الكل يستفيد ونوفر شوية وقت 🩵

🔴 من رسائلكم #1 🔴

🔴دكتور انا بلشت اليوم بلحق؟
🔵 اي طبعا بس بعد هلق صعب 😬 يعني ما تجي بكرة تقلي بدي بلش هلق بلحق وبدي معدل بنفس الوقت (حاليا عداد العلامات بايدك ومبلش عد تنازلي كل ساعة زيادة بتضيعها يعني على حساب علاماتك)

🔴 طيب كيف بتصير الخطة هيك؟
🔵 بتبقى نفسها اليوم حسيت بكرة مازن بعده فاطمة + شو بيصفالك من حسين

🔴 دكتور انا بالكورس جديد يعني ما حضران فيديوهات حسين تبع العملي احضرن؟ ولا مافي داعي؟ وبلحق خلص حسين اليوم اذا بدي احضر؟
🔵 طبعا هاااام جدا حضورهم كلهم وبالترتيب لأنهم سلسلة ولو ما لحق يخلص معك قسم د.حسين اليوم بتكمل الباقي بتاني يوم
يعني ما بتسامحنا فيهم؟🤣
بسامحك بحالة وحدة اذا قلتلي فهمانن كتير كتير بشرط تكون جايب بالعملي ٣٠ (اما ٢٩ فما دون لاء😌) لانو من اي فيديو بتجيك علامة من معلومة ما فهمانها او معلومة خارجية ما بتعرف
بالعملي في طالبة جابت ٢٩ فقط لانو ما حضرانة فيديو واحد فكرتو سهل (رقمه ٢١) وانا حاكي فيه السؤال الاستنتاجي يلي اجا يلي كان جوابه 0.13
بقا الحاصل (مافي شي اسمه فيديو مهم وفيديو لاء)

🔴 دكتور ما بلحق فيديوهات ومحاضرات ودورات 🥲 فيني اعتمد بس عالفيديوهات؟
🔵 بقسم الدكتور حسين الفيديوهات بتكفي وزيادة لانو شموليتها للمحاضرات ١٥٠٪
🤣🤣 لا تسأل كيف.. يعني بتطلع من الفيديوهات فهمان وحافظ المحاضرة بالكلمة ففيك تروح فووورا عالدورات وتحل وتتدرب عليهم 💪🏻💪🏻
🔵 بقسم د. فاطمة الفيديوهات بيفيدوك وبيغطو 95٪ لل100٪ وبتقوم بعدها عالدورات
بتحتاج للرجوع للمحاضرة فقط اذا شي فقرة فيها تعدادات وبدك تمكنهم اكتر
بس يعني سابقا هاد القسم عطول كمان بيكونو فيديوهاتو شاملين لكل الأسئلة
🔵 قسم د.مازن مافيك تختصر منو اي شي لا بالفيديوهات ولا بالمحاضرات قسم فيه كمية بصم مرتبة وبتحتاج لكل الوسائل والادوات فما فيك تستغني عن شي

🔴 دكتور عادي مرق قسم مازن وحسين سوا اليوم وبكرة؟ ميكس يعني
🔵 اذا بتركز هيك وما بتتضايق انك عم تدرس شغلتين ما بيشبهو بعض ما مشكلة قسمن نص بنص

🔴 دكتور انا ما كنت عرفان انو انتو شاغلين محاضرات وجبت لفريق تاني وهلق سمعت الفويس الامتحاني وشفت محاضرة وطلع فيه فرق شو اعمل؟
🔵 هلق تقريبا اغلب الدفعة بتعرف اني شاغل محاضرات اصلا 😅 من العملي وشفتوهم وقسم كبير فوق ال٦٠٠ طالب درسو منهم بوقتها
بس يعني ممكن يكون هيك صاير اذا طلاب عم تدخل عالقناة بعد العملي وما كان الها نصيب انها تتعرف على محاضراتنا المرتبة
🔵الجواب: بشكل قطعي ما بيمشي الحال غير من محاضراتنا حصرا واضعف اضعف الايمان قسم د.حسين لكتير اسباااب حكيت اغلبها بالفويس ومن اول الفصل وانا عم احكيلكم انو شو يلي بميز محاضراتنا وشو بتفرق..
بتقلي محاضرات فرق ومتعود وما بعرف شو
مع احترامي للفرق جميعا طبعا وجهدهم لكن كل الدفعات السابقة كان مصدر دراستها هي محاضراتي فقط وحتى طلاب الفرق نفسها 🤣🩵
السبب الاساسي انو انا مشتغل غير شي تمااااما (طبعا يلي جرب يدرس منن بيعرف شو قصدي بس عم احكي كرمال يلي لسا ما قارن)
لو فرق ١ و٢ و٣ و٥ ٪ بين المصادر بقلك يا اخي ادرس من وين ما بدك اكيد وين بترتاح تابع
لكن الفرق والاختلاف أكثر من 30% وانا مسؤول عن كلامي وهاد الشي بيأثر كتييير عالفهم وعالحفظ وعالعلامة وعكلشي
وانا وظيفتي قدملك اكتر شي مثالي وانت هلق حر باختيارك وبعلامتك
والمحاضرات موجود pdf بالرسالة المثبتة بتلاقيهم تابع منهم 🩵

🔴 دكتور انا ما كنت عرفان انو البنك الشامل ودليل الحل ما نازل pdf وجبت المحاضرات وما جبته وبيتي بعيد؟ مكرر ×مية
🔵 والله انا اسف يا صديقي بس نوهنا كذا مرة بكل مرة حكينا فيها عالموضوع انو البنك ما بينزل pdf ورقي فقط
وهالشي ما بايدي 😅 💔 انا بودي اخدم بالموضوع الجميع لكن صدقا مو بايدي الموضوع هيك قوانين الفريق عندنا بخصوص اي دليل حل وبنك شامل 🙁
الموضوع مافيني قول انو السبب كوننا تعبانين عالملف وحقنا وما بعرف شو لانو وقتا كنا ما نزلنا المحاضرات حتى 🤣 لانو كل محاضرة متعوب عليها بلاوي بس هيك الوضع مع الأسف

بس كمان في فكرة انو مافي داعي اذا اقتنعت بالفرق بمحاضراتنا ارجع اقنعك بالبنك 🤣
يعني 6 طلاب حكولي نفس القصة (انو دكتور جبت محاضراتك بس ما جبت البنك وانما جبت ملف دورات من غير فريق وهلق عم ادرس وما عجبني فكيف فيني احصل عالبنك) هيك بالحرف نقلا عن اللي حكو
شي طبيعي تكون النتيجة هيك لانو الفرق بين البنك الشامل وغيره بيتجاوز ال50% 🔥🔥
وشموليته بالسنوات الماضية كانت مرررعبة
وترتيب المواضيع فيه كتير حيريحك
يعني ما بس شايل الشغلات المو مطلوبة والمطلوبين مبوبهم حسب المحاضرة
لاء مرتبين حسب الفكرة كمان
يعني كل الفكرة حاططلك عنها كل الاسئلة اللي جاي وبتجي عنها ورا بعض مشان تطلع من الفقرة خاتم الموضوع ختم عالاااااااخر وبتعرف كل اشكال السؤال والمعلومة ونكشاتها (هي وحدة من المفاجئات😉)

🔴 دكتور في داعي نرجع لملحق العملي
🔵 لا بيكفو ملحقات النظري للدكتورة فاطمة🩵

🌐 يتبع...

كرمال يلي عم يسألوني عن عنوان المكتبة يلي بتتواجد فيها محاضراتنا 👆🏻👆🏻

💠درجة الحرية 💠

من الأفكار يلي بتشوفها وما بتفهمها ولا بتعرف شو عم يصير فيها
لا بالتحضيري ولا هلق 🤣

🔹شو هية
🔹وعن شو بتحكي
🔹وشو قيمتها
🔹وشو فائدتها
🔹وليش بتتغير
🔹 وليش تباين العينة غير تباين المجتمع
🔹 وايمت لازم نستخدم ستيودنت بدل الطبيعي المعياري

رح نفهم كل هي النقاط بهاد الفيديو 🔥🔥

وهي الكورس جابها معدل 🤣🤣🤣
شو ناقصك أنت بقا لتجيبها معدل كمان 😁

ما شاء الله الإقبال 🔥
متشكر جدا لثقتكم فينا ومسرووور للغاية لأنكم مبسوطين بالشرح 🩵

بس حتى ال97 ما بتعجبني أنا بحب ال100 اكتر 😁

لهيك...🔥🔥🔥
بهالمناسبة هلق رح يتم نشر 3 روابط انضمام مجانية عالقناة هون بشكل مفاجئ ومتتالي
أسرع حدا بيلحق يكبس عالرابط بيربح كورس 😎

استعدوا🥁🥁

🔴الرابط الاول🔴

https://t.me/+JWzqB_a4Xoc3OWE0