والان مع قسم الدكتور مازن ديوب 😇

الدكتور أعطى ثلاث مباحث كبار ولكونه في تنين منهم مرتبطين ببعض حطيناهم سوا ليصير في عندنا ملحقين فقط لقسم الدكتور

🔵 محلق د.مازن الأول
يتكلم عن مصطلحات هامة في الوبائيات وسلسلة العدوى وطرق المكافحة والوقاية والمناعة

🔵 ملحق د.مازن الثاني:
🔹 الأمراض المنتقلة بالسبيل التنفسي (9 أمراض)
🔹 الأمراض المنتقلة بالسبيل الهضمي
(3 أمراض)

الرسميات هنن 4 وكتييير مخربطين وفيهم مشاكل ونقص وخطأ ترتيب فقرات (يلي بيحب يشوفن بس مو نصيحة)
انا حطيتلك كل فقرة بمكانها صحيح وبالترتيب الصحيح والمعلومات الكاملة
واذا ما حبيت تدرس منن... فبس تضيع بعدين مرجوعك لعندي 🤣

القسم فيه بصم كتير لا يُستهان به يعني بدو شغل وعليه شي تلت العلامة
إذا كنت صحبة مع الجراثيم فرح تحب هيك نوع من المحاضرات وإذا مو صحبة ف الله يستر 🤣🩵

يلا خلينا نشوف المحاضرات بسرعة ونرجع للفيزيو

والان مع مسك الختام 🔥🔥

قنبلة الموسم 🔥

يلي تأخرنا مشانها كرمال تكون من أروع ما يكون 😌

وهلق منقدملكم تحفة فنية استغرقت من العمل أكثر من 3 أسابيع بشكل متواصل لحتى تطلع بشكل يذهلكم بإذن الله

الملف يلي اثبت جدارته لسنين بشموليته لأسئلة الامتحان يلي بتنجاوز ال٩٠% منه لحاله (وحتى قبل 4 سنوات كانت شموليته 98% فقط سؤال واحد اجا من برا البنك الشامل وقتها ) بقا شغلة مرتبة ومضمونة ان شاء الله

الملف عبارة عن بنك شامل متضمن دليل الحل

كيف يعني؟
يعني شامل لكل اقسام الدكاترة الثلاثة وليس للدكتور حسين فقط
طيب وشو يعني دليل حل؟
يعني اسئلة الاتمتة يلي بدها توضيح موضحة
والمسائل كاااملة مشروحة مع حلها (شوف صور العينة👇🏻)
ومشروحين بطريقة القوانين وبطرق بالالة الحاسبة كرمال يلي علمناهم عليها 🔥

والمسائل يلي موجودة رح يجي متلها بالامتحان متل ما عودناكم سابقا 🩵

شو بيتضمن الملف؟
الدورات الاساسية والحملة لجامعة اللاذقية من السنة الماضية ولورا (مع مراعاة التقاطع مع المحاضرات يلي انعطت يعني المحاضرات يلي ما انعطت السنة شلت اسئلتا اكيد)
إضافة إلى ١٨ دورة خارجية للدكتور حسين من جامعات أخرى 😎

كل هدول مجمعلك ياهم وحاططلك الأسئلة (بدون تكرار طبعا حاططن) كرمال يصير عندك اكبر خزينة ممكن تعتمد عليها ويجي منها

وشو كمان فيه؟؟؟؟
لا هي رح اتركها مفاجأة للي رح يدرس منو فقط هو رح يكتشف 😌🔥

🔴 تنويه 🔴
يتوافر الملف ورقيا فقط ابتداءا من الغد في مكتبة STEPS

وهلق خلونا نشوف عينة من الملف 👇🏻👇🏻

مساء الخير أشاوس 🩵

بعد المعركة الطاحنة تبع الفيزيو التي آثارها مازالت مستمرة على الجميع حسب ما أرى..
إن شاء الله تكونو قدمتو كتير كويس 🤲🏻🔥

بالنسبة للإحصاء كنت ناوي نزل خطة من الضهر وقلت بتبلشو فورا وهيك 🤣🤣

امزح امزح لسا تعبانين
لهيك قلت اكيد من الامتحان للإفطار ما حدا رح يدرس لهيك عدلت الخطة كلها وصارت كالآتي:

خطة الإحصاء

🔵 الثلاثاء:
تحمية عالخفيف بمحاضرة أو اثنتين من قسم حسين يلي درستوهم بالعملي ✌🏻 ما بياخدو وقت

🔵 الأربعاء:
تتمة قسم حسين كاملا
القسم 5 محاضرات (4 دخلو بالعملي ووحدة خامسة كبيرة شوي ما دخلت بالعملي جديدة )

🔵 الخميس:
قسم د. مازن كاملا مرتين ✌🏻 (ملحقين)
شو يعني مرتين؟
يعني وش سريع أول (تعليق معلومات)
وش تاني تمكين (منفصل أكتر بيومها)

🔵 الجمعة:
قسم د. فاطمة (ملحقين)
بيخلص برياحة وبيزيد معك وقت (خلينا نعتبروا تصليح كسر للاربعا والخميس شو زايدلك بتكمل)

🔵 السبت:
مراجعة كاملة (وقتها منحكي بكل التفاصيل كيف نراجع وشو نحل)

🔵 هي الخطة ضروري ننضغط فيها هيك كرمال نضمن علامة مرتبة بالمادة ✌🏻

🔴 المادة ليست معدل 🔴
لكن الخطة يلي رح تصنعها (او بالأحرى تطبقها) هي يلي ممكن تخليلك مادتك تصير معدل 🔥🔥

طيب بالنسبة للبنك الشامل وين موقعه من الإعراب؟ بأي يوم؟
هاد يا حبيبي مع كل الأيام
بس تخلص محاضرة أو موضوع بتفتح بتحل كل أسئلتها ومسائلها وبترجع 🔥

شغلة وحدة منه بتنترك ليوم المراجعة وهية اخر اربع دورات كاملين
لهيك جمعتلك ياهم بنهاية البنك بشكل مستقل كرمال تختبر حالك فيهم بالاخير وتتمكن من دراستك وتعتمد عليهم اكتر لانو رح يتكرر منهم بلاوي 😎 (بعرف شو حاططلك)

وما تنسى إذا حاطط ميوت للقناة تشيلها وتتابع معي لانو كل بوست وكل معلومة رح نزلها حتكون مهمة جدا (وسألو الدفعات السابقة عن أهمية هالشي)

وبس 🩵
صياما مقبولاً 🩵
ما تنسى تدعوا عند الإفطار 🩵
الله يفتح عليكم ويباركلكم بوقتكم 🩵