الكثير من الرسائل الجميلة والردود اللطيفة والنتائج الرائعة بفضل الله والتي أعجز عن نشرها كلها بكثرتها🩵🩵
بكفي قول انو فخور فيكم طلاب الرائعين 🔥

مشوارنا ما وقف هون
انطروني هالكم يوم في عندنا كم بوست وكم فويس هامين عن وضع ما تبقى من المادة بشكل خاص ووضع امتحان النظري بشكل عام كيف لازم نتعامل مع المادة لنحصل علامة ال٧٠ 🔥🔥

دمتم بخير 🩵🩵

البوصلة يلي بتجمعنا على هدف واحد..🩵

الدكتور العظيم، قائد فريقنا، وملك الإحصاء🩵.

يلي عطول بيمنح أعضاء الفريق والطلاب كل الدعم، وبيقدملهم أسرار النجاح

ويلي بيحول أصعب الأوقات لرحلة ممتعة، وبيرسم الطريق قدامنا لنمشي بثقة🙏🏻.

اليوم وبعيد ميلادك، دورنا نحتفل فيك، ونهني أنفسنا على وجودك بيناتنا 😌.

كل عام وأنت بخير د. عصام🩵.

#بوابة_العلوم_الطبية
#MedicalSciencesPortal

#عاجل

برنامج امتحانات التحضيرية
لمن يهمه الأمر في حال حاملين مواد✌🏻

كرمال يلي كانو سائليني عن وضع الإحصاء الحملة تبع التحضيري فانا بنصح انو تتقدم هاد الفصل وليس الفصل القادم لانو بتكون أسهل بكثير من ناحية أولى

ومن ناحية الثانية: بسبب تأخير بدء امتحانات التحضيري بالتالي حتى مواد الحملة -والتي سيصدر برنامجها لاحقا لكل جامعة لوحدها- ستكون متماشية مع المواد الاساسية على ان تكون أيام الثلاثاء
وبالتالي من المرجح أن تكون إحصاء التحضيري في تاريخ ٣/٣ او ١٠/٣ اغلب الظن
واساسا انتو بتكونو قدمتو احصاء التالتة ب١/٣ ودارسينها منيح ونسبة التقاطع مع التحضيري ٥٠٪ هيك بيكون صفيانلكم دورات وكمشة شغلات بسيطة بخبركم عليها باسبوعها

#الخلاصة: هاد انسب وقت لتقدم إحصاء التحضيري الحملة
كل التوفيق أصدقائي🩵🩵

🔥هام🔥
نزلوا علامات عملي الإحصاء

طمنونا كيف الوضع؟

يلا بلشت البشاير 🔥🔥🩵

إن شاء الله يكون الكل هيك علامته عالية ومرضية😇

خبرونا جميعا كيف الوضع
واذا حدا حاسس انو انظلم بعلامتو او في فرق يحاكيني لنشوف وين في مشاكل ✌🏻

مبدأيا على حكي طلابي يلي جايبين ٣٠ و٢٩ بالإجماع فإن الحل الصحيح هو السلم يلي نزلته سابقا ☝🏻☝🏻
مضمون 100% متل ما وعدتكم بفضل الله 🩵

بقا لتعرف اذا مظلوم بالعلامة ولا حلك يلي كان فيه اشكال ففيك ترجع تطلع عالحل لحتى تقرر إذا في داعي لتقديم الاعتراض او لاء ✌🏻🩵

عم توصلني أسئلة كتيرة من طلاب بخصوص العلامات وبخصوص تقديم النظري رح حاول جاوب عالشغلات يلي عم تتكرر هون ✌️🏻✌️🏻

🔴 دكتور بتنصحني قدم اعتراض❓🔴
في حال كنت مصلح على حلي وقت نزلته وحاسب علامة معينة وطلعت اليوم غيرها ومتأكد أنك محبّر صح ....
طبعا أكيد قدّم ✌️🏻
خاصة إذا الفارق كبير
أما إذا الفارق علامة واحدة فقط فهاد 95.44% بيكون سببه إما أنك محبر سؤال غلط أو سؤال نسيان شو حاله عالأكيد ولما شفت الحل توهمت أنك هيك حاطتو لأنك فكرت بهالخيار بالامتحان ✌🏻

🔴 دكتور لسا عندي فرصة ؟🔴
أكيد 70 علامة أهم من 30 وضوحا، خاصة بالنسبة للي ما درسو بالعملي او ما لحقو كل المطلوب او ما تدربو عالتمارين او او او ...
لسا الفرصة متاحة صدقوني والنظري هو المعيار الحقيقي 😌
هنيك البطولة

🔴 دكتور النظري أصعب ولا أسهل 🔴
ليك إذا بقلك أصعب بكون عم غشك لانو في طلاب حتجيبها 70
وإذا بقلك أسهل بكون عم غشك لأنو في طلاب رح ترسب
الجواب الحقيقي هو بسؤالين آخرين:
هل أنت رح تدرس ولا لاء؟
وهل رح تدرس صح ومن مصدر صح بطريقة صح ولا لاء؟
جاوبني عهدول بتعرف علامتك المستقبلية بالنظري😇

🔴 علامة العملي عندي تعبانة اتركها للسنة الجاي وعيد العملي؟🔴
إذا فوق ال20 قصدك تعبانة فيا صديقي لسا في أمل ب90+ إذا اشتغلت معي صح
إذا تحت ال20 فهي تعبانة تعبانة ووقتها بتتعلق بكون (هل انت عم تقاتل عالعلامة وبيهمك المعدل وعادي عندك تترك مواد وسهل تنضغط السنة الجاي ولا لاء)

بكل الأحوال: جوابي للجميع بهي الحالة شو ما كان ظرفه وشو ماكانت علامته انسى العملي واشتغل عالنظري بكلللل طاقتك وفوت عالامتحان وجوا خود القرار....
في حال حسيت الوضع ممتاز وعم تعرف تحل كلشي قول بسم الله وحبّر
في حال حسيت الدنيا فايتة ببعضها وفي شغلات ما عم تعرفها وشغلات حاسسها خارجية وشغلات محتار بكذا جواب وشغلات مبعرف شو ... اشطب وطلاع.
وخلصت القصة✌️🏻

⭕️ كشخص ما درس للعملي منيح غير تعليق قبل بيوم يعني كأنو ما درس وحيبلش من الصفر بيلحق بأيام المادة؟⭕️
المادة معها أربع أيام ونص🌚
إذا درست أربع أيام ونص ف اي بتلحق
عم قول اربع ايام ونص يعني اربع ايام ونص حرفيا
اما اذا من جماعة "في يوم رياحة بعد المادة اللي قبلا، وتعبان، وهي اخر مادة ما عاد النا نفس ندرس، وياربي ايمت بدي اتخرج، ويا الله إذا آخرتي عالمطبخ لشو الدراسة، ويا شباب جهزو لعبة طابة، ووووو "
فوقتا صدقني لو عطوك 40 يوم ما رح يكفوك😉


هدول اشيع اسئلة تكررت عندي اليوم
في حال كان في شي تاني سألوني عالشات او عالخاص اذا سؤال خاص ومنجاوبكم إن شاء الله

كل الحب 🩵🩵

ختاما...

حابب عبّر شوي عن فرحتي
لا من باب التفاخر وإنما من باب التحدث بفضل الله ونعمته 🩵🩵

النتائج اليوم أسرَّتني جدا والحمد لله ما ضاع تعبي بالكورس عالفاضي (كونه انبذل فيه جهد كبيييير بعون الله لحتى تقدّم بهي الطريقة يلي حبوها كل مين تابعوه) وكانت النتائج المبدأية بالعملي رائعة ومثمرة (عقبال النظري يارب)🔥

بفضل الله كانت جُلّ علامات المشتركين بالكورس هي ٢٨ و٢٩ و٣٠ بالوسيط ٢٩
(طبعا حسبت الوسيط كونه أفضل من المتوسط هنا لوجود بعض القيم المتطرفة🤣)
وهي قيمة ممتازة في ظل الامتحان الذي كان صعبا بتقييم الطلاب ووقته غير مراعي ومع ذلك كانت النتيجة جيدة وساهمت برفع متوسط علامات الطلاب بقيمة كبيرة في ظل كان متوسط علامات الدفعة ككل يقل عن 25 💔💔

هامش 1: أكيد في طلاب ما اشتركوا بالكورس وجابوا علامات مميزة لو نسبتن قليلة فلكل مجتهدٍ نصيب🔥
هامش 2: كمان في طلاب اشتركوا بالكورس وللأسف ما كان في نصيب أنو يجيبوا علامة مميزة والسبب الأساسي في ذلك أنه يوجد قاعات انظلمت بشدة من ناحية الوقت بأكثر من 12 دقيقة مقارنة بقاعات أخرى أخذت حقها تقريبا بالوقت وهذا شيء غير منصف بتاتا وأنا متأسف لجميييع الطلاب الذين ظُلموا من ناحية الوقت💔 وعسى أن يكون العوض للجميع في النظري.

بات الآن -ولا يخفى على أحد- بشكل جليّ أن الإحصاء ليست مادة معدل (متل ما كانوا مطالعين عليها إشاعات) وإنما مادة كبيرة وصعبة وبدها دراسة 🤓 لحتى توصل للعلامة المميزة

وأنا فرح لكوني (بفضل الله) استطعت أن أقدم محتوى يغير مفاهيم المادة ككل ويحولها لمادة ممتعة وسهلة ومعدل بشكل حقيقي سعيا للوصول إلى الفهم الحقيقي والعلامات التامة 🔥🔥

ومكملين معكم بالنظري على نفس المنوال إن شاء الله لحتى نضمن ال70 كاملة 😌😌

ولا أنسى موضوع المحاضرات أيضا التي تم عملها على أعلى مستويات الإتقان ودرس منها ما يفوق 700 طالب في العملي بفضل الله وإن شاء الله بيكونوا مصدر للدفعة ككل بالنظري
الشيء يلي بيميزهم عما سواهم أنو كل فكرة مشروحة بشكل حقيقة ومفهومة
ومدعومين بتمارين والأفكار مرتبة بشكل سلس وليست عشوائية وأيضا خاليين من الأخطاء بجميع أنواعها وهو الأهم في مادة رياضية كهذه (طبعا فهمانين شو عم احكي كونكم اطلعتم عليهم ودرستوا منهم وحبيتوا الأسلوب الجديد فيهم) شاكرين ثقتكم فينا

وأكيد مستمرين معكم بتتمة المحاضرات يلي رح ننزلها قريبا إن شاء الله 🩵🩵

"وما توفيقي إلا بالله"

#بوابة_الإحصاء
#بوابة_العلوم_الطبية

بس شغلة إخواتي
⭕️ هام إقرأوها كلها ⭕️

أنا أعتذر إذا كان في شي طالب علامته بالعملي متدنية للأسف وتضايق من البوست السابق أو فهمه كأنه استخفاف باللي ما جاب علامة كويسة

لا والله الموضوع أبدا مانو هيك

الفرح بالإنجاز لا يعني الشماتة بالآخرين أبدا
فليس كل طالب لم ينل علامة ترضيه هو طالب فاشل أو لم يدرس كامل المطلوب حيث أن الأغلبية كان السبب عندهم إما ضيف وقت الامتحان أو ضيق وقت الدراسة أو عدم اختيار مصدر دراسة صحيح ببساطة وهذا ليس من ذنب الطالب

وبالتالي أوك إذا علامتك حلوة افرح فيها
ولكن اذا ما عجبتك ببساطة لا تقارن نفسك بالاخرين
كل واحد ظروفه شكل والطريقة يلي قدم فيها شكل ✌🏻
على طول المقارنة ما كانت تجيب نتيجة إيجابية
لهيك لا تخلي الحزن حاليا يخيم عليك بالعكس لازم يكون كلامي دافع إلك لحتى تحط وخطة وتاخد قرار أنو أنا بالنظري ما برضى بعلامة تحت ال٦٥😌
هنيك الحرب الحقيقية
وهنيك بتكون عادلة أكتر نوعا ما
لهيك حاليا لازم تمشي عقاعدة (كل علامة حلوة لازم تدفعك لتكمل على نفس الطريق، وكل علامة ما عجبتك لازم تخليك تصوب طريقك وتدور على أخطائك وتحاول تصلحها لحتى تعوض بالخطوات القادمة)

وبالنهاية بدي قول شغلة صغيرة🥰
كلياتنا مندعي أحيانا "الله لا يضيعلنا تعب" وحتى أحيانا أهلنا بيدعولنا ياها
بس لما تقدم امتحان ما أحيانا بتحس حالك انظلمت
وانت بتستحق علامة اعلى
او في سؤال ما انغبنت فيه وانت دارسه وتعبان عليه وبتستحق علامته بتقوم بتروح العلامة (لتسرع لخطأ تحبير ولتلبك لضرب سلم لظلم بالوقت..إلخ) وبتطلع كلك حسرة على هالعلامة يلي بتستحقها وتظن أنو تعبك راح عالفاضي (ما رح ناقش الناحية العلمية انو تعبك مارح عالفاضي وكبست معلومة رح ضل بإطار العلامة) هون بحب قلك يا حبيبي صدقني انو تعبك ما راح عالفاضي ورب العالمين كريم وعادل ورح يعوضلك ياها
لهيك بتلاقي بامتحانات تانية بيجيك اسئلة انت ما دارسها منيح وأحيانا ما دارسها أبدا وما بتستحق علامتها لكن بيجيك توفيق من الله وبتحلها صح كتعويض لتعبك ومو سؤال وتنين لاء بالكمشة 😌
اغلبنا اكيد حاسس بهالشعورين واللي لسا ما جرب فلساتكم ببداية المشوار وجاي الايام وحتعيشو كتير مشاعر وشغلات بامتحاناتكم القادمة ويختلف منظوركم لكلشي حرفيا
ما رح احسن اشرح اكتر من هيك لتجربو شخصيا كلشي

بس خليكم عثقة انو اولا مافي تعب بيضيع
وتانيا كل ضربة بتاكلها بتقويك اكتر 💪🏻

لهيك خلينا كلنا مليانين ثقة بأنفسنا ونبذل كل طاقاتنا خاصة أننا على أبواب الامتحانات النظرية

ربي يوفقكم جميعا ويعطيكم أكثر من تعبكم على كرمه وجوده 🩵🩵🩵

مفاجآت وعروض من البوابة🎉

مساء الخير أبطالنا 🩵

⭕️ مفاجأة ⭕️
🔴 عروض 🔴

بعد صدور نتائج العملي وزيادة الطلب على الكورسات قررنا نرجع نعمل عروض وحسومات على كورساتنا لتكون الفائدة أكبر ويستفيد عدد أكبر من المحتوى يلي عم نقدمه شاكرين ثقتك الكبيرة فينا 😌🔥

عروضنا رح تكون كالتالي:

💠 كورس الإحصاء بـ 125 ألف
💠 كورس الفيزيولوجيا بـ 75 ألف
💠 كورسي الإحصاء والفيزيولوجيا معا بـ 150 ألف 🔥🔥🔥
💠 إذا شاري واحد من الكورسين سابقا فيك تحصل عالتاني بعرض أقوى بحسم 50% من سعره 🔥🔥
💠 في حال كان عندك مواد حملة (جنين ونسج) فكمان الحل عندنا لتضمن ترفيعن ومعدل كمان 😌 وفيك تحصل عأي من الكورسين كمان بحسم 50%

بس هيك ⁉️⁉️
💠 يلي جايب بمادة 29 أو 30 بالعملي كمان بيطلعلوا عندنا حسم 10% إضافة للحسوم السابقة للمادة بس بيجبلنا سكرين لعلامته وقت يسجل 🩵

كمشة توضيحات

هامش: خلينا الأسعار عالعملة القديمة كرمال ما تضيعوا لسا ما تأقلمتوا 🤣
هامش2: منذكركم أنو كورساتنا شاملة للمنهاج كاملة مع كل التفاصيل يلي بتعوزها بدراسة مادة لدرجة انو فيك تكتفي فيها وتستغني عن دراسة المحاضرات حتى 😌 وأيضا بتضمن علامة مرتبة مرتبة بإذن الله

ملاحظة

⭕️ العروض رح تضل مستمرة حتى تقديم الامتحانات ✌🏻
⭕️ للاستفسار والتسجيل يرجى التواصل على @DrEssamzain

فتنا بالجد والامتحانات، فخليكم مع البوابة واستغلوا فرصتكم ❤️‍🔥.

🔺تنويه:
تم حذف صور قنواتنا بسبب خلل في منصة التلغرام

أهلاً بشهر الخير والرحمة 🌙🩵

من أسرة بوابة العلوم الطبية لكل طالب وطالبة عم يزرعوا الأمل بعلمهم، وعم يتعبوا بهالأيام ليوصلوا لحلمهم..
كل عام وأنتم بألف خير🩵.

يا رب يكون هالشهر فاتحة خير وتيسير بدراستكم، وسكينة لقلوبكم، وبداية لصفحة جديدة وحلوة بحياتكم.

رمضان مبارك عليكم جميعاً 🩵

#بوابة_العلوم_الطبية
#MedicalSciencesPortal

مساء الخير

الكثييير من الأسئلة والتساؤلات تردني حول محاضرات الإحصاء....

هل يوجد محاضرات تتمة للمادة متل ما عودناكم ببدايتها؟
نعم😌

بس بكرة بتاخدو تفاصيل كلشي وبتشوفو كل المحاضرات
وانطروا بوست التوصية برضه بكرة بعد ما تنزل الملفات 🔥🔥

هلق ركزولي عالفيزيو يرضى عليكم والاحصاء جاي وقتها

في شغلات نااااار ناطرتكم 🥁🥁

موفقين بمادتكم القادمة 🩵

عسيرة الفيزيو

اشتهيتكم بفيديو من فيزيو الغدية شي مرتب عالاخر ان شاء الله

بتحضروه وبتدعولي 😌
معلوماته تجميع من النخامى + السكري

دراسة ممتعة 👇🏻👇🏻

واحد من أمتع الفيديوهات بشرح الغدية اللي ممكن تحضرها بحياتك 🔥🔥

💠رح يغيرلك جو ويحببك أكتر بالمادة
💠ويعلمك كيف تفكر متل كونان قدام الأمراض
💠ورح تنصدم بمعلومات فيه كتييير (هي حقا صادمة يعني) مثلا هل كنت بتتوقع انو كلمة Diabetes بتتعلق بالبوال وترجمتها ليست السكري؟😱 الفيديو مليان مفاجئات 😌
💠 ورح تبلش تكتشف كيف انو الغدية هية التي تجمع بين معظم الاختصاصات الثانية كالعصبية والنفسية والقلبية والكلية والسكري و....
💠 طبعا الفيديو ليس مجرد ترفيه وإنما اقل شي عليه سؤالين وبيفيدك بالحياة كتييير

كل هاد تحت عنوان: مقاربة البوال

موفقين كتير 🩵

#بوابة_الداخلية_الغدية
#EndocrinologyPortal

مساء الخيييرات 🩵

وصار وقت الإحصاء

#البوست_الامتحاني

لا أحب البوستات الطويلة دوماً لهيك رح اختصر وقسم الموضوع لعدة بوستات كرمال ما تضيعو وقت كتير وكرمال الكلام كاملا ياخد حقه✌🏻

💠 وضع المادة 💠
🔹 المادة بيعطيها 3 دكاترة
🔹 يلي دخل بالعملي داخل بالنظري ويشكّل 40% تقريبا من المادة ككل
🔹 نوعية الأسئلة: أتمتة
🔹 عدد الأسئلة: ولا سنة متل اللي قبلها بس غالبا بين 50 لل70

💠 توزيع الأسئلة 💠
🔹 عادة بيكون للإحصاء نصف الأسئلة أو أكثر (قسم د.حسين)
🔹 وللوبائيات النصف أو أقل (قسم مازن + فاطمة)

💠 مين أصعب قسم 💠
كل قسم نكهة لهيك مافي شي أصعب بشكل حتمي وإنما انت شو بتحب لهيك رح قلك شو الأقسام
☘ قسم الدكتور حسين:
عملي - رياضيات - فهم 90% - بصم 10%

☘ قسم الدكتورة فاطمة:
نظري - وبائيات ودراسات - فهم 70% بصم 30%

☘ قسم الدكتور مازن:
نظري - وبائيات وإنتانية ومناعة وجراثيم
بصم 70% - فهم 30%

بقا حسب انت من أي نوع بتعرف شو الصعب ويلي لازم تبلش فيه✌🏻

🔴 شو اشتغللنا فريق البوابة 🔴

كالعادة سلسلة المحاضرات الخارقة أكيد ما رح توقف بالعملي وإنما مستمرة معكم بكل قوة
طالما كانت مصدر دراسة لأكثر من 600 طالب من الدفعة بالعملي وشفتو قديش كانت متعوب عليها وبعد العملي انضم عدد كبير كمان لهيك رح نرجع نحكي عن الشغلات يلي بتميز شغلنا بالذات✌🏻

🔵 ليش لحتى أدرس محاضرات الإحصاء تبع البوابة حصرا؟
👈🏻 أولا هي المحاضرات هي أول مصدر معتمد لدراسة هالمادة وما كان في حدا بيكتبها قبل ما بلش فيها كانت حصرا من الرسميات والرسوب عالي جدا كان لحد ما قلبنا الموازين بمحاضراتنا بفضل الله
👈🏻 ثانيا تابع محاضراتنا ودرس منها عدد يتجاوز 5500 طالب خلال السنوات السابقة (وأي حدا عنده أخ كبير بالطب بيعرف هالمعلومة😌)
👈🏻 بتتميز محاضراتنا بشكل أساسي بانها اشمل مصدر على الاطلاق حتى أشمل من الرسميات لانو في كتير افكار ما موجودة غير عندنا وما موجودة بالرسمية وبتجي كتيير وبضل نوه عليها كل سنة وعنجد بتجي شي بيكون من شرح الدكتور وشي بيكون استنتاجي بس انا حاططلك المعلومات جاهزة لهيك شي طبيعي تلاقي المحاضرة عندي أكبر بشوي (اولا بسبب اني شارح زيادة لتفهم ثانيا بسبب بعض الاضافات يلي عليها علامات🔥🔥🔥 كلو بحقو😌)
👈🏻 رابعاً: من أهم الميزات المطلوبة بمادة علمية وفهمية ورياضية متل هية أنو تكون مدققة وخالية من الأخطاء وبإذن الله محاضراتنا رح تلمسو فيها هالصفة بشكل رهيب علما انو حتى الرسميات فيهم نقص وفيهم اخطاء بس مصوبين كلشي نحن مشان تدرسو وأنتو مطمنين عالآخر
👈🏻 خامسا: مخططات التجميعات الشاملة: من أهم الشغلات يلي بيحبها طالب الطب كرمال يفهم وكرمال يراجع لهيك معتمدين عليها بكل محاضراتنا ✌🏻
👈🏻 سادسا: التنسيق المرتب والأسلوب السلس المريح يلي رح يحسسك أني قاعد معك شخصيا وعم اشرحلك المحاضرة وطالعك عن الطور النمطي بشكل تتمنى أنو المحاضرة ما تخلص
👈🏻 نكمل بسابعا ولا نتركها مفاجأة للي رح يدرس منن؟😌😌

ومنذكر بشهادات طلاب الدفعات السابقة يلي بتشوفوهم بالقناة فوق 👆🏻 أن مصدر البوابة - بفضل الله - كان المصدر الوحيد خلال كل السنوات الماضية يلي حصل على أعلى العلامات  لكوننا الوحيدين الشاملين لكل المعلومات حتى النكشات والخارجيات والأسئلة المضروبة ✌🏻

والنهاية بإمكانك تقارن لو محاضرة وحدة فقط وشوف كيف رح ترجع لعندنا ركض 🔥🔥

محاضرات فريق البوابة

🔵 قسم د. حسين
🔹 ١. أنواع البيانات وطرق عرضها
🔹 ٢. مؤشرات النزعة المركزية والتشتت
🔹 ٣. التوزيعات الاحتمالية المنقطعة
🔹 ٤. التوزيعات الاحتمالية المستمرة
🔹 ٥. الاختبارات المعلمية + اكسترا

🟡 قسم د.فاطمة
🔸 ملحق أول -وبائيات (يضم 3 محاضرات)
🔸 ملحق ثاني -دراسات (يضم محاضرتين)

🔴 قسم د.مازن
🔻 ملحق أول - وبائيات
🔻 ملحق ثاني - أمراض سارية

🟢 والمفاجأة الكبرى
البنك الشامل (دليل حل المادة)
شغلة مرتبة عالأول بس تفاصيلها بكرة 🔥

تتوافر المحاضرات على القناة كاملة بصيغة pdf ابتداءا من الغد (الإثنين)
وتتوافر أعمالنا ورقيا في مكتبة ستيبس ابتداءا من الثلاثاء (يعني يوم تقديم الفيزيو)
🔴#هامش: البنك الشامل سيتوافر ورقيا فقط يعني ما رح ينزل pdf بس رح ننزل عينة منه بكرة مع البوست الخاص فيه لتشوفو المفاجآت يلي ناطرتكم 🥁 😌🔥

⛔مهم جدا - بوست التوصية⛔

مسا الخير مرة تانية 🩵.

كيف نحصل عالمحاضرات، ووين متوفرة وشلون نوصي 👇🏻

▪️قبل ما توصي نقطة مهمة جداا:
لتفادي الوقفة الطويلة بالمكتبة، وما تعلقوا بالزحمة بدنا منكم تعاون بسيط يلي هو نصوت على الاستبيان بالشغلات يلي حابين نحصل عليها من المكتبة ورح ننزله تحت هالبوست فورا👇🏻.
أهمية الاستبيان إنه نعرف الأعداد لحتى نقدر نجهز نسخ بأعداد مناسبة وما ننطركن لتاخدوا محاضراتكم❤️‍🔥.

▪️بعدين فورا بتروح بتبعت رسالة توصية للمكتبة على الرقم المذكور بنهاية البوست.

▪️ليش لازم نوصي؟
ضروري جداً لنفس الفكرة السابقة وهاد كله احتراماً لوقتكم طلابنا 😌🩵.

▪️كافة أعمالنا متوافرة ضمن مكتبة Steps.
ويلي ما بيعرف لسا وين المكتبة فمنذكركم بالعنوان 🩵.
⬅️ رقم المكتبة للتوصية (تلغرام):   0983798786.

📍ملاحظة: النسخ يلي رح تتجهز قياس A5، لهيك اذا بدك A4 وضح هالشي ضمن توصيتك.

طريقة التوصية

💠الاسم :
💠السنة الدراسية:
💠اسم الفريق: بوابة العلوم الطبية
💠 اسم المادة مع الملفات:

⚠️تنويه: حدد اسم الفريق

دوام المكتبة خلال شهر رمضان المبارك رح يكون على الشكل الآتي:
⏱بتفتح الساعة 8 الصبح
⏱بتسكر من ال6 لل 7ونص استراحة افطار
⏱ بتسكر عال9

بانتظاركم وموفقين🩵🩵.

#بوابة_الإحصاء
#MedicalStatisticsPortal