ال30 رقم 7 لحد الآن وبانتظار الكل يطمني 🩵🩵

فخور فيكم جدا طلابي الشطورين🔥

🔴 مناقشة #1 🔴

🔹الحالة التعليمية (متعلم - غير متعلم)

على غرار يلي ذاكرهم بالمحاضرة الأولى
مصاب غير مصاب
مدخن غير مدخن
ناجح راسب
ذكر أنثى
....

هدول من المتغيرات الاسمية

كل متغير اله قيمتين فقط متقابلتين اسمه متغير صفة (وجود الصفة×غياب الصفة)
وكل متغيرات الصفة هي جزء من المتغيرات الاسمية
🔹وهالموضوع توسعت فيه منيح بالفيديو 6 بالكورس

🔵نقطة ثانية
ما ممكن ابدا يكون رتبي شرحت مرة برسالة هون لواحد سألني عنها عالشات
وقلت انو الترتيب لازم يكون عندك تلت قيم اقل شي ✌️🏻✌️🏻

🔵 نقطة ثالثة
نفس مثال سكر الدم يلي كنا عم نتناقش فيه بالليل
التعليم ليس متغير بل ظاهرة فيك تحطلها كتير متغيرات بيختلف نوعها حسب اسمها
الحالة التعليمية غير مستوى التعليم غير عدد الشهادات الحاصل عليها او عدد سنوات الدراسة غير معدل الخبرة مع انو كلن تابعين للتعليم بس واحد اسمي واحد رتبي واحد منقطع واحد مستمر

فأنا بحدد من مضمون القيم داخل القوسين لما يعطيني ياهم شو النوع

👈🏻 الجواب: اسمي 👉🏻

🔴 منجي هلق لمشكلة 0.00 🔴

سؤال خاطئ بكل الأبعاد إلا أنه دورة
صيغة السؤال يجب ان تكون (يقابل دقة تساوي)
الخيارات لا ارقامهم كاملة ولا محطوط فواصل مثلا 0.68 ولا محطوط نسبة مئوية 68%
هدول بكل المعايير مرفوضين
بس وقت يجي سؤال يرضى عليك بتحط كل معاييرك
عجنب وبتشتغل بقاعدة (جود بالموجود)
وبتحل a وإياك تقرب على غير ذلك ❌

بالامس نزلنا هاد السؤال ووضحت فيه فكرة كتيير مهمة انو ما عطول بيجيك شي صح او مثالي او مزبوط حسب المراجع
لكن الصحيح بالنسبة الك كطالب انك تعرف تتعامل معه ✌️🏻

والمادة فيها كتير مشاكل اساسا
لهيك ببداية الفصل نزلتلكم فيديو كامل بس لتعرف شو وضع المادة وكيف تتعامل معها وشو مشاكلها وكيف تحصل علامة ١٠٠ تحت اسوأ الظروف

مافي منهاج مثالي
كلشي بيكون فيه شغلات صح وشغلات غلط
بس طالما انت عم تقدم مادة عند دكتور ما وبمقرر ما
فأنت لازم (إذا بدك العلامة) تجاوب متل ما بده المقرر ودكتور المقرر (برجع بقول إذا بدك العلامة)

ولكل دكتور وجهة نظر وأسلوب عرض مافيك تعترض عليه
فالدكتور حسين ماشي على مبدأ تقريب (هو مبدأ القطش بدون إصلاح) وهالشي من دوراات مو جديد لحتى نجي نعترض

ببساطة هذا التقريب هو انك تاخد اول رقمين بعد الفاصلة فقط بغض النظر عن اي شيء
مثلا 0.6826 خلص بتصير 0.68
وكمان 0.9972 خلص بتصير 0.99 وبس
وعلى نفس المبدأ يكون
0.0001 هو 0.00
وأيضا 0.006 هو 0.00
الموضوع بيضل اسمه تقريب وليس رقم حقيقي
يعني 0.00 وايضا 0.01 كلاهما مو جواب دقيق ابدا الدقيق فقط 0.006 بس هاد الخيار مو موجود والدكتور كل خياراتو بدقة رقمين بعد الفاصلة معناها بدك تقرب لنفس الدقة يلي مشغول فيها
وطالما رضيت تقرب فلازم تقرب متل ما بده الدكتور (حسب مبدأ القطش)

الموضوع يحتاج إلى توسع لسا اكتر

لهيك قلتلكم ذات مرة انو المادة اكبر بكتيير من المحتوى الرسمي
الشي يلي بتشوفه بالامتحان من تمارين ونكشات وصيغ طرح السؤال ومشاكل منهاج تاني حرفيا
لهيك محاضراتي اكبر من الرسمية
ولهيك الكورس ايضا فيه كمية معلومات اكتر من محاضراتي
لان المادة لا تحتاج الى دراسة فحسب بل الى تعلم اسلوب التعامل مع ورقة الامتحان حرفيا (لانو بالاحصاء بالذات الدراسة فقط ابدا ما بتكفي)

👈🏻 الجواب: 0.00 👉🏻

جزء من فيديو الالة الحاسبة يلي شارح فيه فكرة التقريب اللي اختلف عليها العلماء ✌🏻🔥🔥

فيديو شرح بالصور لماذا المساحة بين +١ و+٢ تساوي 13%

مفكرين البوابة فيها بس إحصاء❓😎

متل ما سلمناكم 30 الإحصاء باليد 😌🩵

رح تكمل البوابة معكن بمعركتكم التانية وهي الفيزيولوجيا ❤️‍🔥

وتجهيزاً للمقابلة بكرا الدكتور جهاد بلش ينشر فيديوهات على قناة بوابة الفيزيولوجيا كمصدر كافي لدراستكم 🩵

🔹الفيديوهات بتتضمن شرح لكل المعلومات المطلوبة للمقابلة والعملي كمعلومات نظرية أو تجارب🩵

🔹 وكيف وشو ممكن تنسأل بالمقابلة✌️🏻

🔹 وطبعاً مع متابعة أول بأول على القناة لنقدم كل تفصيل بفيدكم بالعملي والنظري 😌

🔴 هامش 🔴
حل الإحصاء رح ينزل بس تطلعوا من مقابلة الفيزيو لا بقى تشتتوا حالكم هلق وتفكروا فيها 🩵

🖇️رابط بوابة الفيزيولوجيا:

https://t.me/PhysiologyPortal

🖇️رابط غروب المناقشة لأي سؤال:

https://t.me/+uAktRod7ncc0ZTE0

#بوابة_العلوم_الطبية

مساء الخير أصدقائي 🩵

بالنسبة لما كنت واعدكم فيه فأنا اعتذر عن التأخير بسبب انضغاطي بالعمل مبارح فما فضيت حتى افتح الجوال ولا رد عالمحادثات 💔

فهلق إن شاء الله بحاول رد على كل اللي باعتيلي عالخاص 🩵

وبالنسبة لملف حل أسئلة العملي كمان شغلة ساعة وبينزل ✌️🏻
وهو مو مجرد حل وإنما أكثر من ذلك 🔥

بعد شوي بتعرفوا 😌😌

جاهزين؟🔥🔥🔥

افتحوا الملف وطمنونا بالنتيجة عالخاص 🩵

🔥نقدم لكم أصدقائي ملف حل دورة العملي 2025 لمادة الإحصاء

💠ولأن فريقنا مميز بكل المعايير فإن هذا الملف ليس مجرد حل عادي وإنما مبوب دليل حل كامل مضمون ومتقن ويتضمن ما يلي:
☘ جميع الأسئلة بحرفيتها مدققة من كافة النماذج.
☘ الحل الصحيح لكل الأسئلة
☘ تعليقات على أغلب الأسئلة
☘ دليل الحل وموقعه من محاضراتنا والتي بلغت شموليتها 100% (أكثر حتى من الرسمية)🔥🔥
☘ دليل الحل من قناة الأتمتات (التي تابعنا فيها بفضل الله 500 متابع) والتي بلغت شموليتها 73% أي 22 سؤال من أصل 30 (والسبب أنه ما لحقنا ننزل أتمتات لكل المطلوب لضيق الوقت وخاصة التوزيعات المستمرة)
☘ دليل الحل من الكورس والذي بلغت شموليته 100% مع كفاءة أكبر في الحل وسرعة الحل 🔥
☘ شوية إحصائيات بسيطة بآخر الملف

🔴🔴 هام 🔴🔴
هاد الملف مو بس للتأكد من إجاباتك يعني لو نسيان شوحالل ادخل عليه وإقرأ واحفظه عندك لأنو رح تعوزه بالنظري
هاد الملف انشغل ليفيدك لقدام بتتمة دراسة المادة
لأنوالمحتوى يلي انطلب منك بالعملي في عليه قرابة 35~40 علامة بامتحان النظري وأسئلة بنفس الأسلوب فجهز حالك 🔥
حاولنا يكون كل شغلنا متقن تماما فتذكرونا بدعوة حسنة🩵

🔴هامش🔴
في سؤال بدو اعتراض اكتشفوه😉

🥹🩵🩵🩵
شكرا لعذوبة الكلمات 🩵

الكثير من الرسائل الجميلة والردود اللطيفة والنتائج الرائعة بفضل الله والتي أعجز عن نشرها كلها بكثرتها🩵🩵
بكفي قول انو فخور فيكم طلاب الرائعين 🔥

مشوارنا ما وقف هون
انطروني هالكم يوم في عندنا كم بوست وكم فويس هامين عن وضع ما تبقى من المادة بشكل خاص ووضع امتحان النظري بشكل عام كيف لازم نتعامل مع المادة لنحصل علامة ال٧٠ 🔥🔥

دمتم بخير 🩵🩵

البوصلة يلي بتجمعنا على هدف واحد..🩵

الدكتور العظيم، قائد فريقنا، وملك الإحصاء🩵.

يلي عطول بيمنح أعضاء الفريق والطلاب كل الدعم، وبيقدملهم أسرار النجاح

ويلي بيحول أصعب الأوقات لرحلة ممتعة، وبيرسم الطريق قدامنا لنمشي بثقة🙏🏻.

اليوم وبعيد ميلادك، دورنا نحتفل فيك، ونهني أنفسنا على وجودك بيناتنا 😌.

كل عام وأنت بخير د. عصام🩵.

#بوابة_العلوم_الطبية
#MedicalSciencesPortal

#عاجل

برنامج امتحانات التحضيرية
لمن يهمه الأمر في حال حاملين مواد✌🏻

كرمال يلي كانو سائليني عن وضع الإحصاء الحملة تبع التحضيري فانا بنصح انو تتقدم هاد الفصل وليس الفصل القادم لانو بتكون أسهل بكثير من ناحية أولى

ومن ناحية الثانية: بسبب تأخير بدء امتحانات التحضيري بالتالي حتى مواد الحملة -والتي سيصدر برنامجها لاحقا لكل جامعة لوحدها- ستكون متماشية مع المواد الاساسية على ان تكون أيام الثلاثاء
وبالتالي من المرجح أن تكون إحصاء التحضيري في تاريخ ٣/٣ او ١٠/٣ اغلب الظن
واساسا انتو بتكونو قدمتو احصاء التالتة ب١/٣ ودارسينها منيح ونسبة التقاطع مع التحضيري ٥٠٪ هيك بيكون صفيانلكم دورات وكمشة شغلات بسيطة بخبركم عليها باسبوعها

#الخلاصة: هاد انسب وقت لتقدم إحصاء التحضيري الحملة
كل التوفيق أصدقائي🩵🩵

🔥هام🔥
نزلوا علامات عملي الإحصاء

طمنونا كيف الوضع؟