تمديد عرض التحرير

أطباءنا.. سُعدنا بثقتكم فينا وإقبالكم الكبير على عرض التحرير الذي استفاد منه 132 طالب من مختلف السنوات خلال 3 أيام فقط 💚.

ونزولاً عند رغبتكم والطلب المستمر، وكمحاولة منا لنحقق فائدة لعدد أكبر من طلابنا 😌💚.

تم تمديد العرض ليوم الثلاثاء 16/12🥳

نعيد إرفاق التفاصيل لكم:

عرض السنة الثانية

كورس جنين وكورس نسج بسعر 100 ألف بدل 175 ألف

عرض السنة الثالثة

كورس إحصاء وكورس فيزيولوجيا ب 175 ألف بدل 300 ألف

عرض السنة الرابعة

كورس تشريح مرضي خاص وكورس داخلية غدية ب 100 ألف بدل 175 ألف

⬅️للتسجيل التواصل على المعرف:
@DrEssamzain

#بوابة_العلوم_الطبية
#MedicalSciencesPortal

مساء الزنقات 🔥

حبينا نقطعلكم دراستكم دقيقتين 😉

غدا الثلاثاء عندكم اول امتحان عملي (الله يكتبلكم التوفيق جميعا وتبشرونا بالعلامات العالية💙)

وبعدها عندكم فرصة أسبوع لدراسة مادة الإحصاء كونه حتصادف يوم الثلاثاء التالي ✌️🏻
ولكون معظمكم حسب ما عم تابع ما مبلش دراسة فيها فهية بتستحق أنك تتعب عليها هالأسبوع لنضمنها معدل

🔹شو ندرس وقديش ساعات كل يوم بكرة منحكي عليه ومنحط خطتين

🔹 شو داخل بالامتحان: (الكلية والهيئة بيحددولنا هالموضوع)
في حال كان داخل أول ملحقين للدكتور حسين بالرسميات فهنن بيعادلو المحاضرات الأربعة يلي نزلناهم كاملين
بتلاقوهم بالمثبتة ونازلين ورقي بمكتبة steps
وبالنسبة لملحق العملي يلي نازل بكرة رح نحكي عنه بالتفصيل 😇

بالنسبة للكورس هل رح يكون شامل للشي يلي داخل بالعملي؟
إي طبعا
يلي حيدخل بالعملي بيعادل تقريبا ٦٠% من المنهاج ✌🏻
لهيك لا حدا ياخد استراحة خمس أيام ويجي يقلي الأحد الجاي دكتور حابب بلش بالمادة شو بتنصحني 😂😅

لهيك يرضى عليكم بتبلشو من بكرة ولو عالخفيف
المادة مافيها مزح 💙

موعدنا إذا غدا لنفصص كل أمور المادة ونجاوب على أسئلتكم
كل التوفيق بامتحان الغد💪🏻

مساء الخير🩵
إن شاء الله يكون الجميع قدم بشكل جيد🔥🔥

نقلا عن هيئتنا الكريمة

يعطيكن العافية..🩵

امتحان ومذاكرة عملي الاحصاء
الثلاثاء 23-12-2025
المطلوب:
-المحاضرة الأولى والثانية للدكتور حسين علي (الرسمية)
- ملحق العملي
(رح ينزل بالضبط المطلوب منو ما كلشي داخل)
النمط وعدد الاسئلة والتوزيع رح ينزلو لاحقاً

🔵البوست الامتحاني لعملي مادة الإحصاء🔵

كنت حابب آخر البوست على آمل يكون تحدد شو المطلوب من ملحق العملي وشو طبيعة أسئلة الامتحان، لكن ما نزل شي لحد الآن لذلك سنتكلم بباقي الأمور ونجيب على ما يدور في أذهانكم🩵

💠 أولا بتنجاب المادة 30 بالعملي؟🥹

طبعا بتنجاب.
بفضل الله بكل السنوات السابقة كان في من طلابنا عم يجيبوا 30 باعداد منيحة
لذلك لا تخف يا صديقي 😌😌

💠 شو داخل بالامتحان؟

الملفات الرسمية المطلوبة لامتحان العملي هي:
🔹 أول ملحقين رسميين للدكتور حسين
🔹 ملحق العملي للدكتورة فاطمة

💠 شو مصدر الدراسة لنضمن العلامة؟

فريقنا مجهزلكم محاضرات مرتبة كتير ومنضاف عليها شروحات خارقة وتجميعات ومخططات تسهل عليكم الفهم والربط والحفظ وتصيل العلامة كله سوا
بتلاقوهم موجودين بالمثبتة
🔷 شو هنن المحاضرات بالتفصيل؟ (قسم د.حسين)
🔹 الأولى: تضم موضوعين أنواع البيانات + طرق عرض البيانات
🔹 الثانية: تضم موضوعين مؤشرات النزعة المركزية + مؤشرات التشتت
هدول التنتين سوا بيعادلوا الرسمية الاولى للدكتور
🔹 الثالثة: تضم التوزيعات الاحتمالية المنقطعة
🔹 الرابعة: تضم التوزيعات الاحتمالية المستمرة
هدول التنتين سوا بيعادلو الرسمية الثانية
🔺 يعني المحاضرات الاربعة من شغلنا كلهم مطلوبين مو بس أول تنتين
(نحن مقسمينهم حسب ترابط المواضيع )

💠طيب شو مشان ملحق العملي؟

هاد رح نحكي عنه ببوست لحاله بكرة في حال نزل شي بخصوصه
بس على الأرجح بتوقع يكون نفس السنة الماضية وضعه أنو ينطلب نصفه الثاني بدون الاستمارات
على كل حال رح نفصّل فيه منيح ببوست خاص😌

💠بدنا آلة حاسبة؟

حسب إذا بدك تنجح أو لاء 😌
إي نعم بدون آلة حاسبة مافيك تحل شي
وما بيكفي تشتريها وانت رايح عالامتحان لانو برضو ما حتستفاد
بدك تدبر وحدة من هلق لو استعارة وكل فقرة بفقرتها بدك تتدرب منيح (لهيك بمحاضراتنا حاطيلك تدريبات زيادة وحتى في تدريبات غير محلولة اكسترا لتمكن دراستك ضمن المحاضرات) وحتى عالقناة حيكون في تدريبات لهيك شدولنا الهمة

لحتى لخصلك الموضوع...
في فرق بين طاالب فات عامتحان مدته ٢٥ دقيقة تقريبا وخلص حل ب١١ دقيقة
وبين طالب فات وسحبو منه الورقة وهو بعده بنص الأسئلة
ببساطة الطالبين بيكونو دارسين نفس الشي بس واحد ضايف عالموضوع اختراع اسمه الة حاسبة والتاني مفكر الموضوع سهل وما بدو تدريب ولا بده طرق مختصرة💔

💠مين أهم امتحان العملي ولا النظري؟

طبعا العملي..
😱إي حبيبي لا تنصدم لأن رح قلك ليش...
🔹امتحان العملي في حال رسبت فيه ما بتتأهل للنظري
🔹 في حال نجحت بس بعلامة منخفضة رح تتحسر وما تقدم نظري وتنطر للسنة الجاي وتعيد العملي
🔹 في حال نجحت بعلامة جيدة بالعملي فهون المصيبة .... طيب ليش؟؟؟
🔴 كتير بتحزّ بنفسي لما روح بارك لطالب جايب 91 بالإحصاء ويقلي دكتور رحلي بس علامتين بالنظري بس رايحلي 7 بالعملي لاني وقتا ما كنت عرفان وين الله حاططني
وهالشي بيصير بس بالإحصاء انو يروح بالعملي اكتر من النظري بتصير عادة عند اكتر من 40٪ من الطلاب
والمصيبة الاكبر في سنوات في طلاب عندي سكرت النظري ورايحلا بالعملي علامات وانحرموا من الـ 💯

لهيك خلينا ندرس هلق بهمة وهيك هيك المضمون داخل بالنظري كمان
يعني امتحان العملي هو نموذج مصغر عن النظري فقط انو بنصف المنهاج وما يقارب نصف العلامة
والشي يلي رح تدرسه هلق للعملي رح يجي عليه قرابة ٣٠ علامة بالنظري (يعني حتكون شلت أول ٦٠ علامة برياحة)

معناها بدنا خطة

ليك صديقي مطلوب منك 4 محاضرات وملحق عملي ومعك 6 أيام
🔹 فيك تدرس بهالأيام الستة إحصاء خاصة إذا ما فاتحها من قبل
🔹 فيك اول كم يوم تمرق مع الاحصاء مادة ثانية وبالاخير تركز عالاحصاء
🔹 فيك تدرس مادة تانية هلق يومين وتبلش بزنقة مرتبة يوم الجمعة عالاحصاء
🔹 صدقني اكتر من هيك بتكون عم تخاطر كتير كرمال ما تندم لاحقا

🔴 خطة A 🔴 إذا بدك 30 مضمونة
🔺 الأربعاء: 1 و2 (5 ساعات)
🔺 الخميس: 3 (4 ساعات)
🔺 الجمعة: 4 (4 ساعات)
🔺 السبت: ملحق العملي (أنت وهمتك)
🔻 الأحد: مراجعة حسين مع تدريبات
🔻 الإثنين: مراجعة كلشي مع تدريبات

🔵 خطة B 🔵
🔹 الأربعاء: فارغ
🔹 الخميس: 1+2
🔹 الجمعة: 3+4
🔹 السبت: ملحق العملي
🔹 الباقي: لم شمل ومراجعة وحل تدريبات

🟠 خطة C 🟠 بلشنا نخوطر
🔸جمعة: 1+2
🔸 سبت: 3+4
🔸أحد: ملحق العملي
🔸 الإثنين: مراجعة د.حسين وملحق العملي تدريبات ونماذج وشوية بكا

💠 شو برنامج البوابة معنا خلال هالأسبوع؟

هي بدها بوست تفصيلي لحالها غدا 😌🩵

💠لا تنسوا تضيفوا رفقاتكم ليستفيدوا
👈🏻رابط قناة بوابة الإحصاء:
https://t.me/interestingstatistic

💠 لطرح أي سؤال متعلق بالمادة
👈🏻 رابط شات مناقشة الإحصاء:
https://t.me/interestingstatistical29

لاحظت أنه خلال كتابتي للبوست نزلو الهيئة إعلان الامتحان مع المطلوب 😅
متل ما توقعت بالبوست السابق
رح نفصّل بالموضوع غدا إن شاء الله 🩵

مساء الخير أصدقائي💙💙

نكمل معكم بالحديث عن امتحان عملي الإحصاء كونه بلشتو دراسة فيها

نعود للسؤال يلي عم يتكرر عندي عالخاص كتيييير 👈🏻👉🏻

دكتور شو داخل معنا؟

أو برواية أخرى شو ندرس🧐❓

لنبسط الموضوع...

🔵 عندنا الدكتور حسين داخل من قسمه أول ملحقين بالرسمية
واللي بيعادلوا عندنا المحاضرات الأربعة يلي نازلين بتلاقوهم بالمثبتة
😂 لا تجي تقلي ادرس بس أول تنتين
🎙 نعيد ونكرر الأربعة مطلوبين
(أنا بس مقسملك كل ملحق عرسمي على محاضرتين)✌️🏻

هي اول نقطة خلصنا منها 😌


🔵 عندنا ملحق العملي للدكتورة فاطمة.

رح تشتغلوا الملحق شي لحتى ندرسه؟

لاء 😌
طيب نشوف إذا حدا منزله نحاول نجيبه؟
مافي داعي.
لكن شو العمل❓❓❓

الهيئة نزلولنا ملحق العملي وحجمه 84 صفحة بس كان فيه استمارات أمراض وما انطلبت بالامتحان
ونفس الشي صار السنة الماضية تماما ✌️🏻

🔥 لهيك رح نعيد نشر الملف 👇🏻 بشكل معدل حيث قمنا بحذف السلايدات الغير مطلوبة وأصبح الملف بحجم 40 سلايد فقط وكله مطلوب

تمام يعني مندرس منه؟

لاء 😂
لكن شو؟

👇🏻👇🏻 تابع معي الشي البديل والأسهل والأضمن إذا حابب تجيب 30 بالاستعانة بالملف 🔥🔥

تنسوا تضيفوا رفقاتكم ليستفيدوا
👈🏻رابط قناة بوابة الإحصاء:
https://t.me/interestingstatistic

💠 لطرح أي سؤال متعلق بالمادة
👈🏻 رابط شات مناقشة الإحصاء:
https://t.me/interestingstatistical29

💠 ملحق عملي الإحصاء للدكتورة فاطمة معدّل

الملحق عبارة عن 40 سلايد مطلوبين بالكامل
حيث قمنا باختصار السلايدات الغير مطلوبة 🩵

يلا جاهزين للقنبلة ؟🔥🔥🔥

💠 فيديوهات شرح ملحق عملي الإحصاء💠

🔥نقدم لكم أصدقائي أفضل مصدر لدراسة ملحق العملي على شكل فيديوهات مشروحة بأفضل جودة وبالاستعانة بمحاضرات خارجية لإيصال الفكرة بأفضل شكل ممكن 💙

🔥هدول الفيديوهات أصدقائي هنن شي بديل عن الملحق، يعني الملحق بتستخدمه لتتبع معي فقط وفيك تستغني عنه حتى وتكتفي بالفيديوهات بتشوفن وبتفوت عالامتحان.

🔥 الفيديوهات كافيين؟
طبعاً، ومو بس كافيين وإنما مركزلك على كل جملة هامة فيه، السنة الماضية كل عبارة ركزت عليها وقلت عنها هامة لاقوها الطلاب تاني يوم بالامتحان لهيك إيّاك ما تركز عليهم منيح

🔥 بفضل الله كانوا هدول الفيديوهات هنن مصدر دراسة الدفعة السابقة كاملة، وكل يلي جابوا 30 بالعملي كانوا معتمدين عليهم لهيك ضروري الكل يحضرهم هلق لحتى نضمن سوا أحلى علامة 🔥❤️❤️

🔥 بالنسبة للملحق: أعدنا نشر الملحق 👆🏻👆🏻
وقمنا بحذف السلايدات الغير مطلوبة وبالتالي الملحق هاد صار 40 صفحة وكله مطلوب (الأصلي قبل التعديل كان 86 صفحة)

والآن نترككم مع الفيديوهات👇🏻👇🏻

🔵 الجزء الأول 🔵
🔹 الفيديو
🔹يتضمن:
☘ تعريف الترصد الوبائي
☘ أسس وخطوات الترصد الوبائي
☘ الأمراض المنتقلة الواجب الإبلاغ عنها


🟠 الجزء الثاني 🟠
🔸 الفيديو
🔸 يتضمن:
☘ اسس الاحصاء الصحي ومراحله
☘ المسح والتعداد
☘ الاعتيان وكل ما يخصه

🔴 الجزء الثالث 🔴
🔻 الفيديو
🔻 يتضمن
☘ انواع الدراسات التدخلية
☘ انواع الدراسات اللاتدخلية
☘ المؤشرات الوبائية التي يمكن حسابها لها

🩵 تذكرونا بدعوة حسنة 🩵

لا تنسوا تضيفوا رفقاتكم ليستفيدوا
👈🏻رابط قناة بوابة الإحصاء:
https://t.me/interestingstatistic

💠 لطرح أي سؤال متعلق بالمادة
👈🏻 رابط شات مناقشة الإحصاء:
https://t.me/interestingstatistical29

🔥🔥🔥
نقدم إليكم أصدقائي ملف حل أسئلة عملي الإحصاء 2024

☘ الملف بيحوي كامل الأسئلة بتفاصيلها

☘ مع كل سؤال حله وشرح حله او دليل عليه من المحاضرات
☘ مقسمين ومبوبين مشان اختلاف النماذج

⭕️🔴 ركززززز معي 🔴⭕️

🔴 سبق وحكينا أنو كل سنة منهاج الإحصاء عم يتغير منذ 5 سنوات لذلك دورة العملي الوحيدة التي يمكن الاعتماد عليها نوعا ما هي الدورة السابقة فقط

🔴 حتى بهي الدورة يلي هية أقرب شي في اختلاف، الدكتور حسين ما عطى هي السنة محاضرة مؤشرات المسح المخبري لذلك المسألة (بعنوان السؤال الثاني) في الصفحة 3 وحلها في الصفحة 4 غير مطلوبة
🔴 بالمقابل هي السنة دخلت التوزيعات المستمرة بالعملي فتوقع تنحط مسالة من هي مطرح هي✌🏻

🔴 تنويه: السؤال رقم 7 بالصفحة 6 تبع الميلي متر الكامل حله عند الدكتور حسين غالبا منقطع (انسى المراجع وحله متل ما بده الدكتور إذا اجا نفسه) يعني حل عكلمة الكامل وانسى أنو هو قياس

🟠 طيب دكتور دورة وحدة ما بتكفينا لنختبر حالنا، شو العمل❓
خلص الموضوع عندي، بنزلكم اتمتات ونماذج تختبروا حالكم فيها، المهم تبلشوا دراسة هلق 😇

كل التوفيق🩵

⭕️فيديوهات مؤشرات النزعة المركزية والتشتت ⭕️

🔥 المتوسط الحسابي والانحراف المعياري أحد المصطلحات الهامة جدا في كافة أفرع الإحصاء وفي الطب

🔥 رغم انو مرق معنا بالتحضيرية هالمصطلحين كتيير ورد هلق عم يمرقوا إلا أن الأغلبية لسا ما فهمانينهم ولا بيعرفو أهمية كل واحد منهم وشو استخدامه وليش هيك قانونه وعن شو بيعبر

🔥 لهيك حبيت شارككم جزء من سلسلة النزعة المركزية والتشتت لحتى ولا طالب يبقى عنده نقص بهذا الموضوع البالغ الأهمية

🔥 هدول الفيديوهات رح يساعدوكم بالفهم كتيير وحتى رح يحببوكم بالإحصاء لأنه اغلبكم كان عنده فوبيا منها من وقت التحضيري

🔥 إذا ما صارت الإحصاء بالنسبة الك فهم 100% فوضعك بخطر  (وبعد هالفيديوهات رح تحس انك كنت باصم القوانين بصم وليس فهمانهم)

🔴 الفيديوهات 🔴
🔵 المستوى الأول (مفهوم النزعة والتشتت)
https://youtu.be/iW1ybQs_ywA?si=RNo3obav3U0CjoOO

🔵 المستوى الثاني (المتوسط الحسابي)
https://youtu.be/AIE80k1XstA?si=y8HXCzymLVFerwWM

🔵 المستوى الثالث (التباين والانحراف)
https://youtu.be/O6rfMwKUt64?si=VUrt_be9B5Tf6but

للوصول لشرح قسم الدكتور حسين كاملا وباقي المادة يمكنكم الاشتراك بالكورس الإلكتروني 🩵

🩵 تذكرونا بدعوة حسنة 🩵

لا تنسوا تضيفوا رفقاتكم ليستفيدوا
👈🏻رابط قناة بوابة الإحصاء:
https://t.me/interestingstatistic

💠 لطرح أي سؤال متعلق بالمادة
👈🏻 رابط شات مناقشة الإحصاء:
https://t.me/interestingstatistical29

🔥قناة الأتمتات🔥

مساء الخير حبايب
🩵نضع بين أيديكم قناة الاتمتات يلي رح ينشر عليها كلشي اتمتات ودورات وشغلات مفيدة ومسائل
لحتى تتدربو وتختبرو دراستكم

🩵 طبعا القناة كافية ووافية ما بتحتاجوا اتمتات أكتر من هيك

🩵 الأسئلة يلي رح تنزل حصرا رح تكون من الشغلات المطلوبة ومافي شي خارجي

🔥رابط القناة
https://t.me/statisticsportalatmatah

ادخلوا وشاركوها مع رفقاتكم لحتى نبلش نشر 🩵

نحنا بلشنا تنزيل أتمتات هامة
يلي لسا ما دخل عالقناة يدخل 🩵

مساء الخير أصدقائي🩵

بالنسبة لاستكمال الأتمتة:
عندي مشكلة بالنت حاليا عم حاول زبطها وحتى الشحن
كان المفروض من العصر نكمل أتمتات

على كل حال غدا سيكون حافل إحصائيا إن شاء الله حتى إني متفرغلكم تماما وآخد إجازة
فبإذن سيكون يوم غد كله عبارة عن أتمتات ونصائح ونكشات على القناة وإجابة على تساؤلاتكم

الأمور هينة لينة بإذن الله، لا حدا يرتعب
يلي مخلص بيلحق يراجع
ويلي مقصر بيلحق يكمل
ويلي خو مبلش بيلحق يتدارك الوضع (ويركز خاصة على أتمتاتتنا والملاحظات)

بكرة جهزولي محاضراتكم ودفتركم والآلة الحاسبة
كونو مستعدين 🔥🔥

بدي 30 من الكل ها
#أنتو_قدها💪🏻

مساء الخير أصدقائي المزنوقين

زنقتوني معكم 😂
وعدتكم كون معكم اليوم وجاوبكم على كل شيء🩵

ماشاء الله فخور بحماسكم
هي أول دفعة بتجي متشجعة عالإحصاء (يمكن لأنكم أكتر دفعة تحضيري أكلين كم فيها 😂💔)

الحاصل، من لما فقت وأنا عم احاول رد على جميع استفساراتكم عالخاص لكن ما شاء الله أعداد المحادثات رهيب وعم يزيدو بشكل غير قابل للمعاوضة 😂 فحاليا صفيان عندي فوق 300 محادثة غير مقروءة

والمشكلة الدفعة كلها خجولة ولا حدا بيسترجي يسأل عالغروب مع اني عامله لتسألو عليه😂 بس بتخافو تبينو نيردات بعرف😉😌

هلق لكون لازم ننزل أتمتات فأنا رح وقف حاليا ردود عالمحادثات مؤقتا (إلا إذا شي طارئ جدا نقطولي)

كرمال أسئلتكم تلت رباعها مشتركة
ونصها من نوع (كيف نمط الاسئلة؟ وكم سؤال؟ ولسا منلحق؟🥲 ومين أهم؟ وشو أترك وووو)

لهيك الأسئلة المشتركة ححاول نزلها هون كملاحظات إن شاء الله🩵

والغروب للأسئلة معلش لا تستحوا

كمشة أخبار 🩵

🩵التوزيع نزل
🩵 الامتحان الساعة 12
🩵 المدة 30 دقيقة
🩵 عدد الأسئلة غالبا 30 سؤال (يعني حرب وقت اصحك تصفن وبلش بقسم د.فاطمة)
🩵 عادة بيكون نماذج الامتحان نموذجين او تلاتة (سنوات كان مجرد تغيير ترتيب وسنوات كان أسئلة مختلفة بالكامل) يعني بس تطلع من الامتحان إذا أنت طلع معك مدرج تكراري ورفيقك مخطط أعمدة لا تولول دغري 😂❤️‍🩹
🩵 تذكير رقم 1
#لا_تنسى_الآلة_الحاسبة

🩵 توزيع الأسئلة غالبا مناصفة 15 للدكتور حسين و15 للدكتورة فاطمة للملحق

🩵 أسئلة الدكتور حسين مؤتمتة حسب ما حكا ونزلو الهيئة وبالتالي توقع شغلة 5 أسئلة نظري وشي تلت مسائل مجموع طلباتهم 10 كل طلب لحالو مؤتمت (يعني اختر الاجابة مو تحريري وبيكون خيارات أرقام مختلفة فمطلوب منك الجواب النهائي وليس طريقة الحل)

🩵 الدكتورة فاطمة قسمها كمان مؤتمت
بس يعني حط ببالك أنو الاتمتة تعني (اختر اجابة او صح وخطأ او توصيل) كلن اتمتة ومن ناحية إحصائية التوصيل أسهل وأضمن شي واختر الإجابة هية اكتر نوع اتمتة فيه مخاطرة اذا اجيت تشلف، حسبها😉
بس كونكم دارسين منيح فرح تعرفوا تحلو كلشي وما تخاطرو بالتشليف أساسا✌🏻

🩵 يُفضل نبلش حل بأسئلة ملحق العملي ثم أسئلة د.حسين النظرية ثم المسائل كرمال ما تاكلوا غدرة مرتبة بالوقت
🩵 بملحق العملي كلشي قوانين وكلشي تعدادات هااام جدا ومشروع سؤال هدول خط أحمر ما تتهاونو فيهم أبدا

🩵 ختاما بالنسبة للي خلصوا دراسة وحابين يختبروا حالهم تابعوا معي عقناة الأتمتة المفيييدة جدا لتتعرفوا فيها عنمط الأسئلة بكرة 🥰

تذكير رقم 2
#لا_تنسى_الآلة_الحاسبة

تجميعة حلوة مرتبة للتوزيعات حلوين كتير للمراجعة

شغل الزميلة رقية جسري 😇
ان شاء الله حتستفادوا منها كتير

🔴 #سلسلة_علامة_ومعلومة 1 🔴

كم معلومة عالماشي

⭕️الاحتمال منرمزلو ب pi او f(x)

⭕️ اي احتمال يتراوح بين الصفر والواحد

⭕️كل قانون يخص التوزيعات المنقطعة فيه مجموع سيغما
سيكون شكله للتوزيعات المستمرة نفسه لكن بدل المجموع نضع تكامل من ناقص لا نهاية حتى زائد لا نهاية

⭕️توقع المنقطع يساوي
مجموع جداء كل قيمة باحتمالها

⭕️توقع المستمر يساوي
تكامل جداء كل قيمة x باحتمالها fx

⭕️احتمال اي قيمة في اي توزيع منقطع
تكون غير معدومة وتاخذ قيمة بين ٠ و ١

⭕️احتمال اي قيمة في توزيع مستمر
تكون معدومة

⭕️في التوزيع المنقطع يكون
مجموع الاحتمالات يساوي الواحد

⭕️في التوزيع المستمر يكون
تكامل كل المساحة يساوي الواحد

🔴 #سلسلة_علامة_ومعلومة 2 🔴


☘ التوزيع الطبيعي N
✨ توقعه لا يساوي الصفر دوما
✨ تباينه لا يساوي الواحد دوما
✨ تباينه ثابت ومعروف ويختلف باختلاف التوزيع وهو غير معدوم
✨شكل التوزيع غير ملتو
✨ شكل التوزيع متناظر وحول المتوسط


☘ التوزيع الطبيعي المعياري Z
✨توقعه ثابت ومعروف ويساوي الصفر دوما
✨ متناظر حول الصفر
✨ تباينه ثابت ومعروف ويساوي الواحد
✨ يستخدم في معظم التقديرات المجالية والاختبارات وخاصة عندما يكون تباين المجتمع معلوم


☘ توزيع ستيودنت T
✨ توزيع متناظر وحول الصفر
✨ له درجة حرية واحدة
✨ غير ملتو
✨يستخدم في بعض اختبارات المتوسط عندما يكون تباين المجتمع مجهول

☘ توزيع كاي مربع X²
✨ توزيع غير متناظر
✨ توزيع قيمه موجبة دوما
✨ توزيع ملتو نحو اليمين
✨ له درجة حرية واحدة
✨ يستخدم في اختبارات الاستقلالية والتجانس

☘ توزيع فيشر F
✨ له درجتي حرية
✨ قيمه موجبة دوما
✨ توزيع غير متناظر بل ملتو نحو اليمين
✨ يستخدم في اختبار تحليل التباين

🔴 #سلسلة_علامة_ومعلومة 3 🔴
⭕️ خصائص التوقع والتباين ⭕️

كلكم بالمحاضرة الرابعة شفتو عبارة انو روحو عالقناة دورو عهي الرسالة بس ما حدا كلّف خاطره إلا ما رحم ربي 😂

🔹دكتور ليش كل سنة بتنزل هالصورة وهالفقرة؟
طبعا أنا متعمد ما حطها بالمحاضرة مشان تقرؤوها من هون
ليش مهمة؟ جدا
ليش موجودة بالمحاضرة أو انشرحت؟ لاء
طيب بيجي منها أسئلة؟ طبعا اي وكل سنة😱

خلص مندرسها لكن 🩵