مساء الخير أصدقائي
موعدنا اليوم مع مسابقتنا بعد ساعة تماما
في تمام التاسعة 🔥🔥🔥

كونو كتار 💙

كرمال يلي حسو مسابقة مبارح غريبة
فمسابقة اليوم اقرب للمادة واوضح
واي حدا مبلش دراسة احصاء لو محاضرة وحدة رح يعرف الجواب

الجواب رح يكون موجود بفيديوهات خطوات البحث العلمي يلي نزلناهم

كونو مستعدين 🔥🔥

🏆 مسابقة 🏆

ما هو الهدف من الإحصاء التحليلي (الاستدلالي)؟
مع ذكر اثنتين من أدواته.


🔴هام 🔴
الإجابة تُرسل على المعرف @DrEssamzain حصرا

إعلان الفائز

نبارك للدكتورة حلا محمد كونها أو من أرسل اجابة صحيحة وفازت بالمسابقة وحصلت على كورس مجاني للإحصاء 🔥🔥

وحظ أوفر لباقي المشاركين في المسابقات القادمة ✌️🏻✌️🏻

هي المسابقة بينت لي أنو الاغلبية لسا مو مبلشين بدراسة المادة... لماذا؟ 👀
شو ناطرين

💠بالنسبة للجواب
أنواع الإحصاء وصفي وتحليلي
التحليلي (الاستدلالي) هو الذي يعمل على الاستدلال على المجتمع من خلال العينة / او بعبارة أخرى ينطلق من العينة إلى المجتمع/ او بعبارة أخرى يدرس العينة في سبيل الوصول إلى المجتمع / أو في سبيل تعميم النتائج
🔴🔴🔴🔴 كل هذه العبارات وردت في الدورات مع انها غير موجودة بحرفيتها ابدا في الرسمية
صح هية تعريف لكن مطلوب فهمه وليس بصمه لهيك شرحتها وفصلت فيها كتيير بفيديو "خطوات البحث 2"

أما ادواته فهي كثيرة تابعوها بالفيديو لنضمن سؤال مضمون بيجي سنويا حبايب🩵

❤️ يعني المسابقة مو عالفاضي ❤️
هاد السؤال رح يجي
وبكرة قولو أنو الدكتور عصام حكا ✌🏻✌🏻

🛑 تذكير 📢

اليوم هو اليوم الأخير للعرض

لاستغلال العرض بإمكانكم تثبيت أسمائكم اليوم وتثبيت التسجيل بالدفع لاحقاً🩵.

🔹للتسجيل التواصل على المعرف
@DrEssamzain

#بوابة_العلوم_الطبية
#MedicalSciencesPortal

مساء الخير أصدقائي
موعدنا اليوم مع مسابقتنا بعد ساعة تماما
في تمام التاسعة 🔥🔥🔥

كونو كتار 💙

🏆 مسابقة اليوم 🏆

💠النص💠
إذا كانت 3 قطط تحتاج لاصطياد 3 فئران مدةً قدرها 3 دقائق.

💠 السؤال 💠
ما المدة التي يحتاجها قط واحد لاصطياد فأر واحد؟

🥇 الجائزة (كورس إحصاء) ستكون من نصيب صاحب أول إجابة صحيحة على المعرف @DrEssamzain

🔥 اتحفونا بابداعاتكم

🔥نتيجة المسابقة🔥

كان الفوز في هذه المسابقة من نصيب الزميلة سيدرا اسبر لكونها أول من أجاب على المسألة بشكل صحيح🩵🩵
مبارك لكِ دكتورة🔥

المسابقة هالمرة كانت حرب وقت وليست بالمستوى الصعب
حيث عملنا تنوع بالمسابقات شي بيعتمد عالتفكير وشي بيعتمد عالدراسة وشي بيعتمد عالسرعة لنستكشف مواهبكم ونحاول نرجعكم شوي عمود الرياضيات

💠 جواب هي المسابقة هو كما يلي
٣ قطط تطارد ٣ فئران ب٣ دقائق
إما أنو يكون ال٣ قطط سوا عم يهجمو عأول فأر لحاله ويصطادوه بدقيقة ثم الثاني ثم الثالث
أو يمكن تفسيرها بشكل أقوى أنو يتم مطاردة الفئران الثلاثة معا
كل قط بيطارد فأر وبيستغرقو ٣ دقائق
وهاد هو الجواب 3 دقائق✌🏻

تعريفنا اليوم رح يكون بشخص أغلبكم بيعرفه بس مافينا ما يكون إله بوست خاص تقديراً لجهوده العظيمة بتأسيس وإنجاح الفريق 🩵.

الدكتور المحبوب صديق أعضاء الفريق والطلاب:

د. عصام زين الدين

🔹أسس الفريق عام 2021 بمادة وحدة وهي مو مادة عادية بالنسبة إله.. هي شغفه ومجال عمله وأسلوب حياته.. مادة الإحصاء الطبي.
🔹توسع بالفريق بمواد أكتر خلال الفصل هاد والفصل الماضي وحقق نجاح كبير مع فريقه.
🔹درس الإحصاء لطلاب التحضيرية وطلاب السنة الثالثة لمدة 8 سنوات.
🔹درس الطب المسند بالدليل والرباضيات والإحصاء ومنهجية البحث العلمي بعدة جامعات.
🔹مدرس لمواد الطب الوقائي والإحصاء الطبي والطب المسند بالدليل والصحة العامة في جامعة دمشق.
🔹خبرة بإعداد المحاضرات لعدة مواد لمدة 7 سنوات.
🔹المواد يلي ساهم فيها بشكل أساسي بالفريق غير الإحصاء هي الطب المسند بالدليل والداخلية الغدية.

الدكتور عصام شخص طموح، ناجح، شغوف بيلي عم يقدمه، أولويته فريقه وطلابه وإنه يقدم شي مميز وخارج عن المعتاد 🩵.

ضمن فريقه هو قائد وإداري ناجح بأوقات العمل، أخ وصديق وقت الشدة، وداعم وقت الإنجازات 🩵.

منحب نقله شكراً لكلشي وما في شي منحكيه بعبر عن جهودك 🙏🏻🩵.

#بوابة_العلوم_الطبية
#MedicalSciencesPortal

💠روابط كامل قنوات بوابة العلوم الطبية 💠

السنة الثانية

🔓القناة العامة
🖇️مناقشة القناة العامة

🔓قناة الجنين
🖇️مناقشة الجنين

🔓قناة النسج
🖇️مناقشة النسج

السنة الثالثة

🔓القناة العامة
🖇️ مناقشة القناة العامة

🔓قناة الإحصاء
🖇️مناقشة قناة الإحصاء

🔓قناة الفيزيولوجيا
🖇️ مناقشة قناة الفيزيولوجيا

السنة الرابعة

🔓القناة العامة
🖇️مناقشة القناة العامة

🔓قناة التشريح المرضي
🖇️مناقشة قناة التشريح المرضي

🔓 قناة الداخلية الغدية
🖇️مناقشة قناة الداخلية الغدية

#بوابة_العلوم_الطبية
#MedicalSciencesPortal

تمديد عرض التحرير

أطباءنا.. سُعدنا بثقتكم فينا وإقبالكم الكبير على عرض التحرير الذي استفاد منه 132 طالب من مختلف السنوات خلال 3 أيام فقط 💚.

ونزولاً عند رغبتكم والطلب المستمر، وكمحاولة منا لنحقق فائدة لعدد أكبر من طلابنا 😌💚.

تم تمديد العرض ليوم الثلاثاء 16/12🥳

نعيد إرفاق التفاصيل لكم:

عرض السنة الثانية

كورس جنين وكورس نسج بسعر 100 ألف بدل 175 ألف

عرض السنة الثالثة

كورس إحصاء وكورس فيزيولوجيا ب 175 ألف بدل 300 ألف

عرض السنة الرابعة

كورس تشريح مرضي خاص وكورس داخلية غدية ب 100 ألف بدل 175 ألف

⬅️للتسجيل التواصل على المعرف:
@DrEssamzain

#بوابة_العلوم_الطبية
#MedicalSciencesPortal

مساء الزنقات 🔥

حبينا نقطعلكم دراستكم دقيقتين 😉

غدا الثلاثاء عندكم اول امتحان عملي (الله يكتبلكم التوفيق جميعا وتبشرونا بالعلامات العالية💙)

وبعدها عندكم فرصة أسبوع لدراسة مادة الإحصاء كونه حتصادف يوم الثلاثاء التالي ✌️🏻
ولكون معظمكم حسب ما عم تابع ما مبلش دراسة فيها فهية بتستحق أنك تتعب عليها هالأسبوع لنضمنها معدل

🔹شو ندرس وقديش ساعات كل يوم بكرة منحكي عليه ومنحط خطتين

🔹 شو داخل بالامتحان: (الكلية والهيئة بيحددولنا هالموضوع)
في حال كان داخل أول ملحقين للدكتور حسين بالرسميات فهنن بيعادلو المحاضرات الأربعة يلي نزلناهم كاملين
بتلاقوهم بالمثبتة ونازلين ورقي بمكتبة steps
وبالنسبة لملحق العملي يلي نازل بكرة رح نحكي عنه بالتفصيل 😇

بالنسبة للكورس هل رح يكون شامل للشي يلي داخل بالعملي؟
إي طبعا
يلي حيدخل بالعملي بيعادل تقريبا ٦٠% من المنهاج ✌🏻
لهيك لا حدا ياخد استراحة خمس أيام ويجي يقلي الأحد الجاي دكتور حابب بلش بالمادة شو بتنصحني 😂😅

لهيك يرضى عليكم بتبلشو من بكرة ولو عالخفيف
المادة مافيها مزح 💙

موعدنا إذا غدا لنفصص كل أمور المادة ونجاوب على أسئلتكم
كل التوفيق بامتحان الغد💪🏻

مساء الخير🩵
إن شاء الله يكون الجميع قدم بشكل جيد🔥🔥

نقلا عن هيئتنا الكريمة

يعطيكن العافية..🩵

امتحان ومذاكرة عملي الاحصاء
الثلاثاء 23-12-2025
المطلوب:
-المحاضرة الأولى والثانية للدكتور حسين علي (الرسمية)
- ملحق العملي
(رح ينزل بالضبط المطلوب منو ما كلشي داخل)
النمط وعدد الاسئلة والتوزيع رح ينزلو لاحقاً

🔵البوست الامتحاني لعملي مادة الإحصاء🔵

كنت حابب آخر البوست على آمل يكون تحدد شو المطلوب من ملحق العملي وشو طبيعة أسئلة الامتحان، لكن ما نزل شي لحد الآن لذلك سنتكلم بباقي الأمور ونجيب على ما يدور في أذهانكم🩵

💠 أولا بتنجاب المادة 30 بالعملي؟🥹

طبعا بتنجاب.
بفضل الله بكل السنوات السابقة كان في من طلابنا عم يجيبوا 30 باعداد منيحة
لذلك لا تخف يا صديقي 😌😌

💠 شو داخل بالامتحان؟

الملفات الرسمية المطلوبة لامتحان العملي هي:
🔹 أول ملحقين رسميين للدكتور حسين
🔹 ملحق العملي للدكتورة فاطمة

💠 شو مصدر الدراسة لنضمن العلامة؟

فريقنا مجهزلكم محاضرات مرتبة كتير ومنضاف عليها شروحات خارقة وتجميعات ومخططات تسهل عليكم الفهم والربط والحفظ وتصيل العلامة كله سوا
بتلاقوهم موجودين بالمثبتة
🔷 شو هنن المحاضرات بالتفصيل؟ (قسم د.حسين)
🔹 الأولى: تضم موضوعين أنواع البيانات + طرق عرض البيانات
🔹 الثانية: تضم موضوعين مؤشرات النزعة المركزية + مؤشرات التشتت
هدول التنتين سوا بيعادلوا الرسمية الاولى للدكتور
🔹 الثالثة: تضم التوزيعات الاحتمالية المنقطعة
🔹 الرابعة: تضم التوزيعات الاحتمالية المستمرة
هدول التنتين سوا بيعادلو الرسمية الثانية
🔺 يعني المحاضرات الاربعة من شغلنا كلهم مطلوبين مو بس أول تنتين
(نحن مقسمينهم حسب ترابط المواضيع )

💠طيب شو مشان ملحق العملي؟

هاد رح نحكي عنه ببوست لحاله بكرة في حال نزل شي بخصوصه
بس على الأرجح بتوقع يكون نفس السنة الماضية وضعه أنو ينطلب نصفه الثاني بدون الاستمارات
على كل حال رح نفصّل فيه منيح ببوست خاص😌

💠بدنا آلة حاسبة؟

حسب إذا بدك تنجح أو لاء 😌
إي نعم بدون آلة حاسبة مافيك تحل شي
وما بيكفي تشتريها وانت رايح عالامتحان لانو برضو ما حتستفاد
بدك تدبر وحدة من هلق لو استعارة وكل فقرة بفقرتها بدك تتدرب منيح (لهيك بمحاضراتنا حاطيلك تدريبات زيادة وحتى في تدريبات غير محلولة اكسترا لتمكن دراستك ضمن المحاضرات) وحتى عالقناة حيكون في تدريبات لهيك شدولنا الهمة

لحتى لخصلك الموضوع...
في فرق بين طاالب فات عامتحان مدته ٢٥ دقيقة تقريبا وخلص حل ب١١ دقيقة
وبين طالب فات وسحبو منه الورقة وهو بعده بنص الأسئلة
ببساطة الطالبين بيكونو دارسين نفس الشي بس واحد ضايف عالموضوع اختراع اسمه الة حاسبة والتاني مفكر الموضوع سهل وما بدو تدريب ولا بده طرق مختصرة💔

💠مين أهم امتحان العملي ولا النظري؟

طبعا العملي..
😱إي حبيبي لا تنصدم لأن رح قلك ليش...
🔹امتحان العملي في حال رسبت فيه ما بتتأهل للنظري
🔹 في حال نجحت بس بعلامة منخفضة رح تتحسر وما تقدم نظري وتنطر للسنة الجاي وتعيد العملي
🔹 في حال نجحت بعلامة جيدة بالعملي فهون المصيبة .... طيب ليش؟؟؟
🔴 كتير بتحزّ بنفسي لما روح بارك لطالب جايب 91 بالإحصاء ويقلي دكتور رحلي بس علامتين بالنظري بس رايحلي 7 بالعملي لاني وقتا ما كنت عرفان وين الله حاططني
وهالشي بيصير بس بالإحصاء انو يروح بالعملي اكتر من النظري بتصير عادة عند اكتر من 40٪ من الطلاب
والمصيبة الاكبر في سنوات في طلاب عندي سكرت النظري ورايحلا بالعملي علامات وانحرموا من الـ 💯

لهيك خلينا ندرس هلق بهمة وهيك هيك المضمون داخل بالنظري كمان
يعني امتحان العملي هو نموذج مصغر عن النظري فقط انو بنصف المنهاج وما يقارب نصف العلامة
والشي يلي رح تدرسه هلق للعملي رح يجي عليه قرابة ٣٠ علامة بالنظري (يعني حتكون شلت أول ٦٠ علامة برياحة)

معناها بدنا خطة

ليك صديقي مطلوب منك 4 محاضرات وملحق عملي ومعك 6 أيام
🔹 فيك تدرس بهالأيام الستة إحصاء خاصة إذا ما فاتحها من قبل
🔹 فيك اول كم يوم تمرق مع الاحصاء مادة ثانية وبالاخير تركز عالاحصاء
🔹 فيك تدرس مادة تانية هلق يومين وتبلش بزنقة مرتبة يوم الجمعة عالاحصاء
🔹 صدقني اكتر من هيك بتكون عم تخاطر كتير كرمال ما تندم لاحقا

🔴 خطة A 🔴 إذا بدك 30 مضمونة
🔺 الأربعاء: 1 و2 (5 ساعات)
🔺 الخميس: 3 (4 ساعات)
🔺 الجمعة: 4 (4 ساعات)
🔺 السبت: ملحق العملي (أنت وهمتك)
🔻 الأحد: مراجعة حسين مع تدريبات
🔻 الإثنين: مراجعة كلشي مع تدريبات

🔵 خطة B 🔵
🔹 الأربعاء: فارغ
🔹 الخميس: 1+2
🔹 الجمعة: 3+4
🔹 السبت: ملحق العملي
🔹 الباقي: لم شمل ومراجعة وحل تدريبات

🟠 خطة C 🟠 بلشنا نخوطر
🔸جمعة: 1+2
🔸 سبت: 3+4
🔸أحد: ملحق العملي
🔸 الإثنين: مراجعة د.حسين وملحق العملي تدريبات ونماذج وشوية بكا

💠 شو برنامج البوابة معنا خلال هالأسبوع؟

هي بدها بوست تفصيلي لحالها غدا 😌🩵

💠لا تنسوا تضيفوا رفقاتكم ليستفيدوا
👈🏻رابط قناة بوابة الإحصاء:
https://t.me/interestingstatistic

💠 لطرح أي سؤال متعلق بالمادة
👈🏻 رابط شات مناقشة الإحصاء:
https://t.me/interestingstatistical29

لاحظت أنه خلال كتابتي للبوست نزلو الهيئة إعلان الامتحان مع المطلوب 😅
متل ما توقعت بالبوست السابق
رح نفصّل بالموضوع غدا إن شاء الله 🩵

مساء الخير أصدقائي💙💙

نكمل معكم بالحديث عن امتحان عملي الإحصاء كونه بلشتو دراسة فيها

نعود للسؤال يلي عم يتكرر عندي عالخاص كتيييير 👈🏻👉🏻

دكتور شو داخل معنا؟

أو برواية أخرى شو ندرس🧐❓

لنبسط الموضوع...

🔵 عندنا الدكتور حسين داخل من قسمه أول ملحقين بالرسمية
واللي بيعادلوا عندنا المحاضرات الأربعة يلي نازلين بتلاقوهم بالمثبتة
😂 لا تجي تقلي ادرس بس أول تنتين
🎙 نعيد ونكرر الأربعة مطلوبين
(أنا بس مقسملك كل ملحق عرسمي على محاضرتين)✌️🏻

هي اول نقطة خلصنا منها 😌


🔵 عندنا ملحق العملي للدكتورة فاطمة.

رح تشتغلوا الملحق شي لحتى ندرسه؟

لاء 😌
طيب نشوف إذا حدا منزله نحاول نجيبه؟
مافي داعي.
لكن شو العمل❓❓❓

الهيئة نزلولنا ملحق العملي وحجمه 84 صفحة بس كان فيه استمارات أمراض وما انطلبت بالامتحان
ونفس الشي صار السنة الماضية تماما ✌️🏻

🔥 لهيك رح نعيد نشر الملف 👇🏻 بشكل معدل حيث قمنا بحذف السلايدات الغير مطلوبة وأصبح الملف بحجم 40 سلايد فقط وكله مطلوب

تمام يعني مندرس منه؟

لاء 😂
لكن شو؟

👇🏻👇🏻 تابع معي الشي البديل والأسهل والأضمن إذا حابب تجيب 30 بالاستعانة بالملف 🔥🔥

تنسوا تضيفوا رفقاتكم ليستفيدوا
👈🏻رابط قناة بوابة الإحصاء:
https://t.me/interestingstatistic

💠 لطرح أي سؤال متعلق بالمادة
👈🏻 رابط شات مناقشة الإحصاء:
https://t.me/interestingstatistical29

💠 ملحق عملي الإحصاء للدكتورة فاطمة معدّل

الملحق عبارة عن 40 سلايد مطلوبين بالكامل
حيث قمنا باختصار السلايدات الغير مطلوبة 🩵