البوابة فُتحت من جديد🩵

انطلاقة القنوات العامة للسنة الثالثة والرابعة مع بوابة العلوم الطبية

بما إنه قرب الدوام، فريقنا متل ما تعودتوا عليه حيكون معكم خطوة بخطوة 🩵

وكنوع من تنظيم محتوانا وإيصاله الكم بطريقة احترافية تم إنشاء قناتين لطلاب دفعتي 2028 و 2029.

رح يتم عليهم نشر كل ما يهم الدفعتين من:
🔹خطط ومشاريع البوابة.
🔹أخبار الجامعة نقلاً عن الجهات الرسمية.
🔹محتوى مميز عم يتم تجهيزه خلف الكواليس🤫.

🔓دكاترتنا بالسنة الثالثة دفعة 2029، كلشي بتحتاجوه لسنتكم وأهدافكم الجديدة على هي القناة:
https://t.me/MedicalSciencesPortal29

🖇️غروب المناقشة:
https://t.me/+nIlrQE_WJoo3ZGQ8

🔓طلاب السنة الرابعة أصدقاء رحلتنا بالفصل الماضي، هي القناة هي بوابتكم للمرحلة السريرية:
https://t.me/MedicalSciencesPortal28

🖇️غروب المناقشة:
https://t.me/+DvXf7hS4DuFhOWE0


وترقبوا، فالجهد مستمر ببوابة العلوم الطبية وعم نشتغل لإضافة مواد جديدة لتحققوا نقلة نوعية بدراستكم🩵.

#بوابة_العلوم_الطبية
#MedicalSciencesPortal

مفكرين خلصنا؟
غلطانين 😂🩵

البوابة ما الها حدود وعم تجهز للدفعة الجديدة خطط كبيرة 🔥.

لطلاب السنة التحضيرية الدفعة العاشرة يلي عم يفكروا بالبشري، فريق بوابة العلوم الطبية حيكون معكم 🩵.

تم إنشاء القناة العامة للسنة الثانية دفعة 2030

💠رح يتم عليها نشر:
▫️ما يهم طلاب السنة الثانية من تعريف بالفرع والمواد.
▫️إعلانات البوابة والمواد التي سنقدمها.
▫️الأخبار والقرارات نقلاً عن الجهات الرسمية.

وكونوا بانتظار أعمالنا ومحاضراتنا مع بداية الفصل الدراسي 🩵.

🔓رابط القناة العامة للسنة الثانية دفعة 2030:
https://t.me/MedicalSciencesPortal30

🔓رابط غروب المناقشة:
https://t.me/+92TecR7GDBA3ZGNk


#بوابة_العلوم_الطبية
#MedicalSciencesPortal

انطلاقة جديدة، إبداع جديد، وبوابة أخرى تنفتح🔥.

يمكن صرتوا بتعرفوا عن أي مادة عم نحكي وشو البوابة يلي عم نجهزها لدفعتكم😌

💠بوابة الداخلية الغدية💠

▫️ومتل ما تعودتوا علينا رح نقدم بالمادة:
🔹المحاضرات يلي بتغطي كل المعلومات المطلوبة بأسلوبنا يلي بميزنا ويلي رح يحققلكم المتعة والفائدة.
🔹الكورس بس ما حنخبركم عنه هلق، انتظروا التفاصيل قريباً🤫.
🔹متابعة على القناة ببوستات ومحتوى علمي خطوة بخطوة.

▫️أما مين رح يقدم المادة، فهي أسماء مو غريبة عليكم أبدا، وحققت معكم نجاح الفصل الماضي بمادة الطب المسند:
🔹د. عصام زين الدين.
🔹د. تسنيم جمّال.

🔓رابط قناة بوابة الداخلية الغدية

https://t.me/EndocrinePortal

🔓غروب مناقشة المادة

https://t.me/+HgGD7myD8HszN2Rk

ترقبوا أعمالنا، وكل الحب إلكم 🩵.

#بوابة_الداخلية_الغدية
#EndocrinologyPortal
#بوابة_العلوم_الطبية

مساء الخير أحبتي وأعزائي❤️‍🩹

بعد غياب دام أكثر من ثلاثة أسابيع نعود إليكم حاملاً اعتذاري على غيابي وانقطاعي عنكم 💔

سبب الاختفاء هو ظرف صحي طارئ خلاني قضي اغلب الفترة بالمشفى لهيك كنت مضطر مجبرا اني اختفي عنكم
وبفضل الله كتب لي الشفاء بعد معاناة وكان لي نصيب أني ارجع التقي فيكم مرة ثانية وكون معكم ونكمل مشوارنا سوا إن شاء الله ونعوّض ما مضى 💪🏻

بإذن الله ابتداءا من الآن سنعود لنشاطنا ونستعيد حماسنا ونرجع ننشر بقوة ونكمل مشوارنا يلا بلشناه سوا ونعيش أحلى متعة سوا بإذن الله 🔥🔥

🔴 أسئلة هامة متكررة عن الإحصاء 🔴
خلال هي الفترة يلي انقطعت فيها عن كلشي اجاني عشرات ومئات المحادثات على التلغرام والواتساب (اكثر من ٣٥٠ محادثة) واغلبها عن الإحصاء ما بين متحمس للمادة وآخر خائف منها 😇

حاولت جاوب على البعض لكن المحادثات كتيييرة لهيك يلي عندو اسئلة ضرورية يرجع ينقط على محادثته 🩵

إليكم بعض من الأسئلة المتكررة من محادثاتكم:
🔹 هل الإحصاء مادة معدل عنجد
🔹 هل مادة الإحصاء صغيرة أم كبيرة، صعبة أم سهلة
🔹 بتتلحق المادة بأسبوعها؟
🔹 شو وجه الشبه مع إحصاء التحضيري؟
🔹 كيف بتندرس المادة؟
🔹 أنا ضعيف بالرياضيات/أو بالآلة الحاسبة شو اعمل؟
🔹 هل المادة السنة حتكون اكبر من السنين الماضية؟
🔹 مين الدكاترة يلي بتعطي المادة ومين منهم دورات
🔹 ايمت رح يبلش الكورس وشو رح يفيدنا؟
🔹 شو مصدر الدراسة كمحاضرات وشو رح تشتغلوا؟

هي بعض من أسئلتكم وضيفولي عليهم كم سؤال من عندي:
🔸 ما الفرق بين حضور العملي وامتحان العملي والقسم العملي والمحتوى العملي (كابوس الطالب🤣)
🔸 ليش عم يدرسونا إحصاء أساسا
🔸 شو هية أقسام مادتنا كلهم وشو الجديد فيها وشو الأرشيف وكيف بالضبط مندرس كل جزء منهم؟ (كونه رح تكشتفو انو مادتنا ميكس من كتير شغلات)
🔸 شو المطلوب مني خلال الفصل وشو المطلوب مني بأيام المادة؟
🔸 شو أفضل طريقة لأعمل المادة عنجد مادة معدل (لأنو المادة سلاح ذو حدين)
🔸 كيف بيجي امتحان العملي
🔸 كيف توزيع الأسئلة والعلامات
🔸 هل الآلة الحاسبة هي فقط للعمليات البسيطة متل الجمع والضرب والكسور والتربيع والجذور واللوغاريتم وهالشغلات ولا هدول مجرد تنكيشات سنان وفي اسرار بتخوووف بالآلة؟
🔸 شو رح يقدملنا فريق البوابة؟

هذه الأسئلة ستكون أجوبتها هية فيديو المقدمة يلي رح نفصفص فيه كلللللشي لازم تعرفوه عن المادة من هلق وشو لازم تعملو وشو ناطركم ونجاوب على الأسئلة السابقة وننوه لشغلات بااااالغة الأهمية وضروري كل طالب يعرفها من هلق من بداية الفصل لحتى ما يوقع بالفخ ويجي اخر الفصل ندمان 🙁

بإذن الله الفيديو حيكون تجهز من هون لبكرة ورح نباشر بعدها فورا بالمادة كمحاضرات وكفيديوهات ✌🏻✌🏻✌🏻🔥🔥

برومو مادة الإحصاء الطبي

مساء الخير يا أشاوس 🩵

وقت الجد بلش....
جاهزين لنفتح الباب لعالم الإحصاء الطبي، العلم يلي ورا كل تجربة وكل دراسة موثوقة وكل تقدم في الطب

شمرّوا عن سواعدكم 💪🏻
رح نحول الأرقام لقرارات بتنقذ الأرواح 🩵.

بعد اليوم صار لازم كل طالب يمرق ساعة إحصاء
سواء حضور فيديو او دراسة محاضرة او حل تمارين وتدريب ✌🏻
وساعة واحدة يوميا كافية ما بحاجة لأكتر
هي الوصفة لنوصل سوا فيها لل💯 بإذن الله.

والآن نترككم مع برومو المادة لتتجهزوا نفسيا للفيديو التعريفي ولكم فيديو من بداية المادة قريباً جداً😌.

🔹أي طالب عنده أي استفسار عن المادة أو سؤال علمي بإمكانكم طرح أسئلتكم على الغروب الخاص بمناقشة المادة:
https://t.me/interestingstatistical29

بداية موفقة 🩵.

#بوابة_الإحصاء
#بوابة_العلوم_الطبية

مادة الإحصاء أو ما تُسمى بالسهل الممتنع...

أهم ما يتبادر لذهن الطالب سؤالين:

💠 هل مادة الإحصاء حقاً معدل ولا رح نرجع نعيش كابوس التحضيري
💠 أنا كطبيب ليش بيدرسوني إحصاء أصلاً

والكثير من الأفكار الهامة بحاجة للإجابة
ولهذا كان الفيديو التعريفي للمادة يلي رح يخلي الطالب يعرف شو ترتيب هي المادة وكيف لازم يتعامل معها

بداية كل طالب سواء بيحب المادة أو لاء سواء شاكر بالرياضيات أو لاء سواء عاش تجربة جيدة بالتحضيري أو لاء سواء بيطمح لعلامة مرتبة كتير او بس بدو ينجح

كل هدول رح يواجهوا 3 صدمات مرعبين:

🔺صدمة بدراسة العملي وامتحان العملي وضيف وقته ونوعية الأسئلة
🔺صدمة بامتحان النظري والأسئلة الغير متوقعة
🔺 صدمة وقت ينزل السلم ويصير شكل الطلاب هيك 😳😨

ثلاث صدمات يا عزيزي لكن يختلف وقعها على الطلاب لأنه هون رح تنقسم الدفعة لقسمين✌🏻:
☝🏻قسم وعيان عالصدمات وبيعرف شو ناطره وعرفان الحل ومطبقه من بداية الفصل خطوة بخطوة وهدول كلن بإذن الله حيجيبو فوق ال90 وحتى فوق ال 95 (كما الدفعات السابقة)
✌🏻 وقسم رح يعيش الصدمات وينصدم إما بوحدة منهم او كلهم وتتدرج علامته بناءاً على ذلك وصولاً لمرحلة الرسوب بالمادة (إي نعم الرسوب بالمادة المعدل على أساس)

⬅️فالقرار بإيدك وأنت بتحدد طريقك وخيارك وعلامتك من هلق
أو بتصدق عبارة "المادة معدل" وبتتركا لأسبوعها وبيصير "بس لاقولي طريقة لرفعا"

⬅️⬅️ لهيك نحن بحاجة لنتعرف على الوجه الحقيقي للمادة وكل ثغراتها وصعوباتها🔥🔥
وهذا الشي يلي ركزت عليه بالفيديو
لو طويل شوي بس صدقوني كل دقيقة منو أهم من التانية وضروري نحضره من هلق وليس باخر الفصل🙃🙃

أما عن محتوى الفيديو فقد تضمن ما يلي:

🔹 توضيح أقسام المادة وعنوانها
🔹 تاريخ المادة وكيف سيكون وضعها بالنسبة لدفعة 2029
🔹 وضع امتحان العملي وتقسيم الأسئلة في النظري
🔹 الدور الحقيقي للآلة الحاسبة في المادة ( رح تنصدمو بأول قنبلة بالدقيقة 13😌😌)
🔹 توضيح كيف أن منهاج هذه السنة سيعادل ضعف منهاج السنة الماضية ( هي لحالها مصيبة بس تحضر حتعرف ليش وكيف)
🔹 توضيح بعض نقاط ضرب الأسئلة والسلم

💠 وبشكل عام رح تعيش بجو حقيقي بالمادة يلي ناطرتك وتطلع من الفيديو وأنت بتعرف أنو مافي مزح بالموضوع والشي بده تعب
💠 طبعا كل كلامي موجه للطلاب يلي حابة تجيب علامة تبيض الوجه بهالمادة وتعيش أمتع تجربة وتجعل من هالمادة أمتع مادة، أما بالنسبة للطلاب يلي مناها الترفيع بس أنتو لا تتعبوا الكم بوستات خاصة وشغلات اسهل 😂😂 بس معلش احضروا الفيديو كمان

رابط الفيديو التعريفي لمادة الإحصاء

https://youtu.be/NKmOR2iV5uw?si=9a6avLI4lSP11zG2

🖇️أي طالب عنده أي استفسار عن المادة أو سؤال علمي بإمكانكم طرح أسئلتكم على الغروب الخاص بمناقشة المادة
https://t.me/interestingstatistical29

مشاهدة ممتعة 🩵

#بوابة_الإحصاء
#بوابة_العلوم_الطبية

#الرسالة_المثبتة

🔵 الرسائل الهامة 🔵

🔹 البوست الامتحاني
🔹 الڤويس الامتحاني
🔹موقع المكتبة والتوصيات
🔹 إعلان الكورس
🔹 بوست امتحان العملي
🔹 حل أسئلة العملي 2024
🔹 حل أسئلة العملي 2025
🔹 تصويبات

🔵 الفيديوهات 🔵
1. الفيديو التعريفي بالمادة  (هام تبدأ منه)
2. خطوات البحث العلمي 1
3. خطوات البحث العلمي 2
4. المتغير العشوائي
5. درجة الحرية
6. اختبار ANOVA

🟠 فيديوهات من سلسلة النزعة والتشتت 🟠
1. مفهوم النزعة المركزية والتشتت
2. مفهوم المتوسط الحسابي
3. مفهوم التباين والانحراف المعياري


🔴 فيديوهات شرح ملحق العملي 🔴
1. الجزء الأول
2. الجزء الثاني
3. الجزء الثالث

🟡 فيديوهات من شرح قسم د.مازن 🟡
1. مقدمة في الوبائيات
2. تعاريف وبائية هامة
3. الأضداد والمستضدات
4. المناعة المكتسبة

🔵 فهرس المحاضرات 🔵

💠 قسم د.حسين علي:
١. أنواع البيانات وطرق عرضها
٢. مؤشرات النزعة المركزية والتشتت
٣. التوزيعات الاحتمالية المنقطعة
٤. التوزيعات الاحتمالية المستمرة
٥. الاختبارات المعلمية

💠 قسم د. فاطمة حلاج:
١. الملحق الأول
٢. الملحق الثاني

💠 قسم د.مازن ديوب:
١. الملحق الأول
٢. الملحق الثاني

💠 البنك الشامل

🔺 تعديل الصفحة 11 من البنك


💠 ملحق العملي:
ملحق العملي للدكتورة فاطمة معدل



🔵 التجميعات والنكشات الامتحانية 🔵

💠رابط قناة بوابة الإحصاء:
https://t.me/interestingstatistic

💠 رابط شات مناقشة الإحصاء:
https://t.me/interestingstatistical29

💠 رابط قناة الأتمتات:
https://t.me/statisticsportalatmatah

#بوابة_الإحصاء

مساء الخير أصدقائي🩵🩵

بالنسبة للي عم يسأل عن المحاضرات:
طبعا رح نشتغل محاضرات وحيكون شي مرتب وخارج عن المألوف ورح تستمتعوا فيهم كتير إن شاء الله
💠 احضروا فيديو المقدمة ☝🏻☝🏻 لتعرفوا شو ناطركم

💠 طيب إيمت رح تبلش تنزل المحاضرات؟
قريييبا جدا إن شاء الله وبس تنزل منخبركم وين بتنزل ووين المكتبة لا تاكلوا هم

وهلق لنترككم مع كم فيديو مرتبين🔥
جهزوا دفتر وقلم وتعالوا 💙💙

مساء الخير يا أبطال💪🏻💪🏻

جاهزين لنفتتح مادتنا الممتعة ونشوف قديش رح تصير حلوة وسلسة؟🔥

متل ما تعرفنا بالمقدمة أنو اسم مادتنا الكامل هو
💠 الإحصاء الطبي والوبائيات ومنهجية البحث العلمي 💠

ولما كان البحث العلمي متداخل بأقسام الدكاترة الثلاث كان لابد من تجميع أهم أفكاره من كل الأقسام وترتيبها ودمجها مع مراحل وأقسام العملية الإحصائية ✨✨

لهيك جهزنالكم فيديوهين خارقين نشرح فيهم كل ما سبق بطريقة تدخلكم بجو المادة وتفهمكم كل الأساسيات بطريقة مرتبة ✌️🏻✌️🏻
🔴 ومو بس هيك 🔴
رح تكون ضمنت أول 5 علامات لما تحضر هالفيديوهين 🔥🔥

يلا شو ناطرين؟😌😌

خطوات البحث العلمي 1

https://youtu.be/u91kRYsJFnk?si=-TF6IU9Drasqj2MS

خطوات البحث العلمي 2

https://youtu.be/Rdp2M5C_6vY?si=qse2CSXWaNT2uZ8J

هامش: الفيديو مُعدّ لمنهاج السنة الثالثة والتحضيرية معنا كونه معلوماته مشتركة تماما بين المنهاجين (يعني إذا عندك أخ حيصير تحضيري حيكونوا هدول من الفيديوهات يلي رح يفيدوه كتير ويضمنوله علامات كمان)

💠أي طالب عنده أي استفسار عن المادة أو سؤال علمي بإمكانكم طرح أسئلتكم على الغروب الخاص بمناقشة المادة
https://t.me/interestingstatistical29
مشاهدة ممتعة 🩵
#بوابة_الإحصاء
#بوابة_العلوم_الطبية

مساء الخير دفعتنا الأكابر 😌

تعالوا نشوف شو أخدنا اليوم بالإحصاء✨✨

أعطى الدكتور حسين علي محاضرتين:
🔹 اختبار الفرضيات الوسيطية المعلمية:
في هذه المحاضرة عدة اختبارات (اختبار حول متوسط حول نسبة صفة...إلخ)
🔹 تحليل التباين:
في هذه المحاضرة أعطى الدكتور فقط اختبار تحليل التباين أحادي الاتجاه (شكله ثنائي الاتجاه سامحكم فيه🩵 )

🔴شوفي شغلات لازم أعرفها كمان🔴
🔹 بالنسبة للتقارير السابقة وشو عطا الدكتور حسين سابقا شرحته بفيديو المقدمة
🔹 هل المحاضرتين هاتين من الأرشيف؟
لا يا صديقي هدول جداد طبعا وما انعطوا السنة الماضية بالذات (وذكرت بالفيديو انو المنهاج رح يكون أكبر السنة بشكل بديهي لانو السنة الماضية انحذف شغلات كتير وتقررت شغلات بدون ما تنعطى)
🔹 بالنسبة لقسم الدكتور ما منعرف إذا انتهى فعليا ولا بدو يكمل (مثلا عطى فقرة العينات هي جديدة بس ماكمل محاضرة التقديرات والتي تعتبر مهمة اساسا لفهم الاختبارات كما يوجد أيضا محاضرة مؤشرات المسح المخبري تم اعطاؤها السنة الماضية وفي هذه السنة لم تُعطَ بعد وأيضا محاضرة الاختبارات اللامعلمية هي احتمال انو تنعطى بيصفى اقل شي بقى
🔹 بحب ذكر انو قسم الدكتور حسين سواء انتهى هون او حيكمل هو القسم الاكبر (بحاجة لاهتمام وعناية مركزة) وأيضا اله النصيب الاكبر في الامتحانين النظري والعملي (النصف على الأقل)
🔹 يعني هلق شو اعمل؟
المحاضرات قريبا رح تبلش تنزل ورا بعض ولازم تبلش فلاحة بالمادة
وتحط ببالك انو المادة باغلبية السنوات الماضية بتكون مظلومة عمليا خاصة بالامتحان العملي بحيث بتنلحش باي وقت سواء مريح او مو مريح وما بيكون في وقت كافي لدراسة الشي الداخل (انا عم احكي شو صار بالسنوات الماضية مع الطلاب) فلا تتوقع وتتأمل انو حيكون معك وقت يا حبيبي
لهيك اول ما تنزل المحاضرات دغري بدك تسمي بالله وتبلش 🔥🔥

🔹 الشي الأخير يلي بدي قوله وارجع ذكر فيه مرة تانية
فكرة انو المادة سهلة او صعبة / معدل او غير معدل >> هو عبارة فقط عن قرار يأخذه كل طالب لوحده ويطبقه
وبناءا عليه بتتحدد علامته من هلق
لهيك رجاءا جميعا شدو الهمة منيح
بدي علامات ترفع الراس🔥🔥🔥💙

موفقين حبايب 💙

مساااء الخير أصدقائي

وبعد انتظاااار طويييل😍😍

⭕️ إعلان الكورس الإلكتروني ⭕️


في مثل هذا الوقت كل سنة عادةً منبلش الكورس والمادة صار مُعطى فيها كمية جيدة لذلك صار فينا نبدأ ✌🏻

💠بداية ليش الإحصاء بحاجة لكورس؟

🔹كونك يا عزيزي كنت تحضيري من سنتين فأكيد بتعرف أول سبب (المشكلة الأولى أنها حرب وقت وهذه المشكلة تحتاج إلى حل)
🔹 ثانيا كون المادة تتألف من أربعة أجزاء لأربعة مواد معها (بالاسم مادة وحدة بس): إحصاء وبحث علمي ووبائيات وإنتانية
🔹 ثالثا ضخامة المادة مقارنة مع السابقة (منهاج هذه السنة اكبر من مناهج السنوات الثلاث السابقة).
🔹 رابعا مشكلة العملي (من ناحية الالة الحاسبة ومن ناحية احتمال كونه تحريري ومشكلة الرسم البياني)
🔹 خامسا مشكلة الأسئلة المبهمة والأسئلة الاستنتاجية والأسئلة الخارجية
🔹 وأخيرا موضوع الالة الحاسبة سواء كمعرفة استخدام او كسرعة (يلي اكثر من ٩٥٪ من الطلاب بتكون صفر بهالموضوع يلي بدونه صدقني انسى المعدل).

أنا لما سجل بالكورس شو رح اكسب؟

💠محتوى الكورس:

🔹 رح يكون فيه شرح لكامل المنهاج بلا استثناء في أقسام المادة الثلاث: {نظري + عملي}
(وبائيات - بحث علمي - إحصاء طبي)
🔹 دعم  كل فكرة بأمثلة وتمارين خارجية للتدريب.
🔹 الوقوف في كل فقرة على النكشات والاستعانة باسئلة الدورات وشرح الأخطاء المتكررة للطلاب لتلافي الوقوع فيها.
🔹 مناقشة كيفية حل جميع الأسئلة التي لا يمكن حلها بسهولة اعتماداً على المحاضرة (سواء المبهمة او الاستنتاجية او المحذوفة)
🔹 وظائف الكترونية للطلاب مع التصحيح بشكل فردي
🔹 شرح فقرات خارجية مناعية وإنتانية ضرورية لتسهيل قسم الدكتور مازن البصمي
🔹 وأخيرا والأهم كيف تصير محترف بالآلة الحاسبة من الصفر وتوصل لمرحلة تحل امتحان العملي ب10 دقائق والنظري ب25 دقيقة وسطيا من اصل 90 (هي الارقام هي إحصائيات لطلابي من الدفعات السابقة بفضل الله)


✨ الخلاصة:
حضورك ما رح يكون لفهم المادة بس وإنما هو دراسة بحد ذاتها لكن بالطريقة الصحيحة المخصصة لهالمادة
فبتصير المحاضرة يلي بدها دراسة ٦~٧ ساعات (بدون تدريبات خارجية)
بعد الحضور بيلزمها ساعة ونصف بالكتير مراجعة 💪🏻

⬅️الكورس رح يحتوي على فيديوهات عملية أيضا تحتوي:
☘ حل الوظائف المطلوبة
☘ إدراج مسائل امتحانية ومسائل شاملة وكيفية التعامل معه بأنسب طريقة امتحانيا
☘ رح نتعلم فيهم الطرق البديلة لكل قانون بالآلة الحاسبة (يعني حيصير كل قانون بدل ما تحفظه بتكبس زر) 🔥
☘ يعني هي الفيديوهات هية الأهم بعد ما تكون فهمت الافكار والقوانين

✨تفاصيل إضافية:
☘️ عدد الساعات التقديري للكورس 30 ساعة
☘️ الشرح رح يبدأ فورا من القسم العملي للإحصاء لنكون ضمنانين شمولية امتحان العملي قبل موعده

✨سعر الكورس
هو 👈🏻 200 ألف

🔓 يوجد حسم بنسبة 25% لأول 25 مشتركين بيثبتوا اسمهم
وبيصير السعر 👈🏻 أنت حسبها🙃

🖇️للاستفسار والتسجيل يرجى التواصل على المعرف:
@DrEssamzain

#بوابة_الإحصاء
#بوابة_العلوم_الطبية

بدايتنا لإتقان الإحصاء 🔥📊

دكاترتنا، هدوءنا بالفترة الماضية ما كان عبث.. كنا عم نجهز لشي رح يغير نظرتكم للمادة 😌❤️‍🔥.

وبعد ما طبخناها على نار هادية، صارت جاهزة للتقديم 😂🩵.

نضع بين أيديكم أولى محاضراتنا بالمادة الأمتع هالفصل 🩵.

المحاضرة بتتضمن عنوانين كبار أو فينا نقول محاضرتين

💠المقدمة وأنواع البيانات💠
💠طرق عرض البيانات💠

وتم العمل عليها لتغطي كل الثغرات وتجاوب على كل التساؤلات:

🔹بداية؛ وداعا للسرد..
الفقرات النظرية المهمة والمعلومات الدسمة تحولت لمخططات مفاهيمية بتنسيق خارق.
🔹وشملنا أفكار الدورات بحيث بكل فقرة توسعنا وضفنا الأمثلة يلي وردت بأسئلة الدورات السابقة لتكونوا جاهزين لأي نكشة.
🔹توسعنا كمان بفقرة جوهرية كتير وهي "عرض البيانات بيانياً" لاهميتها وورود أسئلة بشكل متكرر منها، وغير انه اجا عليها رسم رسمة بعملي السنة الماضية
فهي الفقرة علامة مضمونة للعملي والنظري 🔥.

وطبعاً المحاضرة مشروحة بطريقة سلسة بتخليكم تستمتعوا كأنه عم تقروا قصة وما تحسوا فيها وتطلعوا منها فهمانينها وحافظينها وجاهزين للامتحان.

⛔ادرسوا ولا تراكموا المادة تحتاج متابعة بداية من هلق.

⬅️تتوافر المحاضرة في مكتبة Steps:
📑 العنوان: ساحة سبيرو-دخلة كافيه بروفا-مقابل معهد A+
📑 رقم المكتبة للتوصية (تلغرام):   0983798786

كل التوفيق 🩵

#بوابة_الإحصاء
#بوابة_العلوم_الطبية
#MedicalStatisticsPortal
#MedicalSciencesPortal

المتغير العشوائي 🧮

مصطلح كثيرا ما نسمعه...
أو لربما سمعنا مصطلح "المتحول الرياضي"

لطالما كانت أعراض كل مرض متغيرات
وكذلك أسبابه وعلاماته وعلاجاته متغيرات...

وصولا لكون كل واحد من عناصر الاستقصاء كقياس السكر والضغط والنبض والأكسجة متغيرات عشوائية...

ولا ننسى القصة المرضية التي تؤخذ لكل مريض على شكل استبيان مؤلف من عدة أسئلة كل منها متغير عشوائي..

فهل تسائلنا يوما ما هو المتغير العشوائي؟
وهل عرفنا صفاته أو شروطه؟

هذا ما سنستفيض فيه في فيديو من أهم الفقرات في مادتنا لنفهم فهما عميقا كل ما يتعلق بالمتغير العشوائي💪🏻💪🏻

وبطريقنا رح نضمن علامتين عالاكيد🔥🔥

رابط الفيديو:
https://youtu.be/ifot3WGnBmg?si=9UGVF1_mpQXOTqC3

💠أي طالب عنده أي استفسار عن المادة أو سؤال علمي بإمكانكم طرح أسئلتكم على الغروب الخاص بمناقشة المادة
https://t.me/interestingstatistical29
مشاهدة ممتعة 🩵
#بوابة_الإحصاء
#بوابة_العلوم_الطبية