المسألة الخلافية نمبر ون
وتوضيح فكرتها بشكل مفصل
في الفويس التالي👇🏻👇🏻

فويس لشرح المسألة الخلافية ذات النمط العلاجي "للمعلمة ذات ٥٥ عام المصابة بخدر وألم في كلتا اليدين

بالاضافة لتوضيح متى يكون السؤال علاجي

ومتى يكون السؤال تطوري

سمعوه هام 🔥🔥

صباح الخير ❤️
لسا عم تدرسوا شكلكم
فتوضيح بسيط بس لهاد السؤال كتير سألتونا عليه

حسب السلم الحل A لدورة عام ٢٠٢٠

لكن الأصل إنه باري مارشال اكتشف الملتوية البوابية بالتمانينات (وهاد الحكي مو مكتوب بمنهاجنا) وأخد الجائزة ب ٢٠٠٥ وهو التاريخ يلي مذكور عنا

لهيك العبارة خاطئة علمياً لكن هيك حل السلم.

وهيك منكون وصلنا لنهاية المادة البسكوتاية بس هتعورك🤣

صدقوني بتعور بالدراسة فقط بس هي معدل إن شاء الله ورح تكون الأسئلة واضحة وبسيطة ❤️

⭕قبل كلشي ضروري الكلل يرجع لرسالة التصويبات هلق وفوراً:
https://t.me/interestingstatistic/621

يلي مزنوق بالنظري يمر عالدورات أهم شي وبعدين إذا بحب على ملف أهم الأفكار، المهم حاول ما تروح وإنت تارك شي.

منتمنى إنه يلي قدمناه يكون حقق الفائدة المطلوبة وتكون أول تجربة للفريق بكتابة المادة ناجحة بالنسبة إلكم وما نكون قصرنا لا بكتابة المحاضرات ولا بالمتابعة والإجابة عن الأسئلة💙.

سامحوني إذا غلطت بشي واتذكروني بدعوة اذا شفتوا اني قدمت المادة بشكل منيح🙏.

حاولنا بكل طاقتنا انو نقدم اكثر عمل مميز سواء بالمحاضرات او الكورس او المتابعة عالقناة لنترك أثر حلو عندكم مع هالمادة 🩵🩵

كان معكم في هذه المادة:
د. تسنيم جمّال
د. عصام زين الدين

لا تنسونا من صالح دعائكم 💜
موفقين جداً بأعلى العلامات💜
وكل الحب من البوابة💜💜.

#الطب_المسند_بالدليل
#EvidenceBasedMedicine
#بوابة_العلوم_الطبية

🔥🔥فويس مهم🔥🔥
مشروح فيه عدة نقاط يلي الكل عم يخربط فيهم

💠الفرق بين الأسئلة التمهيدية والاستطلاعية مع امثلة
💠متى يكون السؤال الاستطلاعي علاجيا
💠 كيف نفرق بين التطوري والسببي
💠 مسألة الربو الوقائية

طمنونا شباب كيف التقديم؟

وهي أول علامة خارجية من فريق البوابة بس 🔥🔥

مبدأيا أسئلة العملي مقبولة

بس في إشكال بالسؤال 20 لازم يصير حله b دراسة وصفية ارتباطية
كوننا عم ندرس تاثير سبب على نتيجة✌️🏻✌️🏻

بالنسبة للمسألة التابعة للبدانة والسؤال ١٥
فإن هذه الدراسة تعتبر علاجية بالمقصد الأول
صح انو outcome هو الالتزام بالرياضة والحمية
بس مشان شو؟ لانو الرياضة حلوة مثلا؟
اكيد كرمال نقص الوزن وعالج البدانة ولكن من خلال الرياضة كوسيط لهيك الرياضة والحمية هي للنتيجة التي ارجوها من حملات التوعية بسكل اساسي
ما فيني اعمل توعية وقول نزلو وزنكم وانما بقول العبو رياضة ومارسو الحمية وهاد الشي تلقائيا بينزل الوزن يلي هو المشكلة الاساسية من بداية السيناريو اذا برجع بعيد قراءة السؤال

طيب بعد ما اقتنعت انو علاجي
فالدراسة الأفضل هية التجريبية أكيد

وبتزبط تجريبية سواء اذا قصدك عالرياضة والحمية فيك انت تجرب فيهم

او متل هي المسألة التجريب (التدخل) هون انو تخلي الناس تحضر جلسة التوعية
مقابل مجموعة ضابطة ما تحضر الجلسة ولا تتحفز للرياضة
وتشوف كيف انو المجموعة الاولى حتصير تلعب رياضة ثم مستقبلا يقل وزنها وتتعالج من البدانة

فلا إشكال من الإجابة بالسلم بس حبيت وضحها اكتر

ما ضاعت الملاحظة عالفاضي الحمد لله ❤️‍🩹

انا لسا هلق بدي اقرأ الاسئلة النظرية
واعملها مراجعة منهجية ونقد

سامحوني عالتأخير
بس ملتهي اكتر باسئلة دمشق
لانو كمان قدمو طب مسند معكم
بس وين انتو وييين اسئلتن

أسئلتكم سلطة 🤣🤣🤣🤣🤣
احمدوا الله

🔴المراجعة المنهجية لأسئلة النظري 🔴

أولا قسم الصح والخطأ
كلهم دورات بالحرف ✌️🏻
لكن أوضح سؤالين

السؤال ٢١
العالم غوردن غايات اوجد اسم (مصطلح) الطب المسند بالدليل بال١٩٩٢
رفيقه ديفيد ساكت عرف الطب المسند بالدليل (التعريف الشائع) بال ١٩٩٦
بالتالي التعريف ليس لجوردن غايات ووضحنا هاد الشي بملاحظة لهيك هو اكيد جوابه خاطئ

السؤال ٢٣
اثبت العالم باري مارشال كون جرثومة الملتوية البوابية سبب للقرحة والسرطان المعدي في مطلع الثمانينات واخذ جائزة في 2005

يعني الإثبات ما كان بال ٢٠٠٥ لهيك الجواب خاطئ اكيد ولو كان في سلالم سابقة محلولة على أنها صحيحة
بس نحن ذكرناها انها خاطئة ونوهنا عليها بملاحظة وحتى بالفيديوهات كتير شرحت القصة ودققت كتييير على هالموضوع انو وقت الإثبات غير وقت الجائزة ثم كانت المفاجأة انو عنجد اجا السؤال وانحل متل ما شرحت على أنه الجواب خاطئ
فهو لا يحتاج إلى تعديل.

🔴ولكن 🔴
في حال الرغبة في الاعتراض يمكن ذلك بطريقة واحدة
اولا عدم ذكر انو السؤال كان ينحل عكس هالسنة بالسنوات السابقة لانو هاد ابدا مانو دليل
ثانيا الاعتراض من باب انو المعلومة ليست موضحة بالرسمية مذكور فقط توقيت الجائزة ولم يذكر توقيت الاكتشاف بالتالي اذا ما كان عندنا اطلاع على القصة لحالنا ما فينا نعرف انو ما كان الاكتشاف والجائزة في نفس العام

هي الطريقة الوحيدة التي يمكن الاعتراض بها ومن هلق خلينا متفقين انو مو شرط ينقبل طالما المعلومة صحيحة 😅


💠أسئلة التداخلات والايصاء وقوة الدليل💠

🔹٣٦ اعطاء اللقاح الخماسي للوليد
الجواب: lA
التعليق: ذكرنا بالمبوب كل الامثلة الخارجية يلي ذكرهم الدكتور وكان في من بينهم بعض اللقاحات للاطفال وقلنا انو كلشي ضروري او اسعافي او بيتعلق بامراض خطيرة بتكون التوصية تبعيته l
وبالفيديوهات فصلت اكتر بهالشي وحكيت انو بالتالي كل برنامج التلقيح السوري للاطفال يأخذ الجواب lA بهذه الحالة
النقد: مثال خارجي وما موجود برنامج التلقيح السوري في المنهاج ولا يمكن التنبؤ بمعلومة خارجية

🔹 ٣٨ إعطاء مستحضرات الحديد لمريض التلاسيميا
الجواب: lll A
التعليق: lll تعني ان التدخل ضار Aتعني ان هناك ادلة قوية تجرببية تثبت هذا الضرر
شو سبب الضرر؟
فقر الدم بعوز الحديد ممكن تفضى مخازن الحديد ونصير نحتاج لتعويضه
فقر الدم في التلاسيميا لا ينقص الحديد وانما هنا نحتاج لنقل دم متكرر (في بعض حالات التلاسيميا) وهالشي بيعمل ترااااكم حديد بالجسم
فما بتجي لسا بتزيد الموضوع سوءا باعطاء حديد لفوقه لهيك ممنوع تعطي
النقد: معلومة طبية من خارج المنهاج ولا يمكن التنبؤ بها

🔹 ٤٠ اعطاء الجرعة التعزيزية (الداعمة) من لقاح BCG للأطفال في سنة الدخول للمدرسة (للوقاية من السل)
الجواب: la A مثل جواب الجرعة الأولى من اللقاح
التعليق: الكلمة التي خدعت الطلاب هية (التعزيزية) حيث فهموها انها بمعنى زيادة الخير خير 😅
طيب شو قصتها
بعد الولادة وقت ينعطى الطفل الجرعة الاساسية بيكتسب مناعة
واذا بتتذكرو مرة بالاحصاء وقت حكينا باحد الفيديوهات عن المناعة وشي اسمه الذاكرة المناعية وانو الذاكرة المناعية قد تكون دائمة مدى الحياة فبيكفي لقاح واحد واحيانا بتكون سنوية او عدة سنوات او شهرية او هيك شي فبتضطر تجدد اللقاح واحيانا ما بيكون في ذاكرة مناعية فانت عند كل احتمال خطر لازم تاخد لقاح جديد
الوضع هون انو اللقاح لمرة واحد لا يعطي مناعة مدى الحياة وانما يحتاج لسا جرعة تعزيزية هون تعزز الذاكرة المناعية وليس تعزز المفعول لانو رح تستمر بنفس المفعول وبنفس القوة وبنفس الفائدة وبالتالي نفس الضرورة وبنفس الايصاء وبنفس الدليل
النقد: لا يوجد


💠 الأسئلة من 41 حتى 70
كلها دورات بالحرف مع خياراتها وموجودة في البنك الشامل وبنفس حل السلم تماما (مثل وضع الصح والخطأ)
في بس السؤال ٦٧ ما متذكر اذا كان دورة بالحرف متل ما هو

تعليق على السؤال ٥٦
نقاط قوة دراسة case control
يوجد خيارين صحيحين
دراسة عدة عوامل ممرضة و قلة التكاليف
لكن اذا كان لازم اختار واحدة منهم فالاهم هية قلة التكاليف أكيد حيث هية مو بس ايجابية وانما نقطة قوة كبيرة تميزها عن باقي الدراسات التي تسعى لاثبات العلاقة السببية
يعني هو الخيار الاقوى والاصح
النقد: انا كطالب شو بدو يعرفني بهالحكي 😐
بس المسألة نفسا حاطينا بالبنك صفحة ٢٠ متل ما هية وحاطين حلها قلة التكاليف متل السلم اليوم

تعليق على السؤال ٦٤
بعض الطلاب تعترض على حل السؤال إلا أنه مشروح وموجود في الملحق الثاني صفحة ٥ ولا إشكال فيه

💠 التحليل التلوي والملخص والملاحظات💠

🔹 علامة السؤال العملي 1.5
🔹 علامة السؤال النظري 1.4
🔹نسبة الدورات في القسم النظري 90
🔹تقييم الأسئلة : سهلة (تلت اربع اسئلة جدلية غير كافية لتعديل التقييم إلى متوسط)
🔹توقع متوسط العلامات: [ 85, 96]

🔹 مستوى شمولية الملاحق والبنوك: 68 سؤال من أصل 70
🔹 مستوى شمولية الكورس: 69 سؤال من أصل 70 ( سؤال التلاسيميا ) 🔥🔥

🔹 مدة الامتحان: كافية للحل
🔷 مدة التحضير للامتحان: اليومين يعتبروا قلال
🔹 قرار الدمج: تبين أنه أقل فائدة للطلاب

توصيات للدفعات اللاحقة :
🌐عدم المطالبة بالدمج
🌐عدم ترك المادة كاملة لاسبوعها
🌐عدم التهاون بموضوع الدورات
🌐عدم التمسك بالسلالم المضروبة بل بالمعلومة الصحيحة ولو كان ذلك على حساب علاماتك
🔥وأخيرا وليس آخر الاعتماد على فريق البوابة في أي مادة ستفتتح مستقبلا حيث ستجد المعلومة المبسطة والعلامة المضمونة 💙

💙💙💙