عيد فطر سعيد 🌙

أسأل الله أن يجبر خاطر كلَّ واحدٍ منكم
وأن يعطي كلّاً منكم ما يرغب
وأن يتقبّل طاعاتِكم
ويوفقكم في دراساتكم وامتحاناتكم
ويُدخل السرور على قلوبكم

💙💙💙

مساء الخير حبايب

طمنونا كيف قدمتوا احصاء تحضيري اليوم جماعة الحملة💙

ويلي معو الأسئلة يبعتلي ياها✌🏻

إن شاء الله نكون ما قصرنا مع الجميع💙

🏥 "لحظة واحدة قد تُنقذ حياة.. هل أنت مستعد لها؟"
تخيل هذا الموقف:
شخصٌ بجانك أغمى عليه فجأة، أو طفل كان عم ياكل واختنق، أو نجرحت وبلش النزف، أو أخوك الصغير انسكب عليه شي ساخن واحترق لاسمح الله، والأمثلة كتير ...

شو رح تعمل؟
بدك تنتظر الوصول للمشفى وكل ثانية بتعمل فرق بحياة المصاب؟!
ولا بدك تلوم حالك ياريت كنت بعرف التصرف الصحيح؟!

فأنت أمام ٣ خيارات:
❌إما أنك ما تتدخل
❌ أو تتدخل بدون علم وتدريب ويكون تدخلك مضر بدل ما يكون مفيد
✔️أو تتدخل بالطريقة الصحيحة بالوقت الصح

✅ ممكن أنت تكون وسيلة لإنقاذ حياة إنسان
"وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا"

🎯ولحتى يكون تصرفك صحيح أنت بحاجة لعلم وتدريب
وهاد يلي رح تحصل عليه بكورس الإسعافات الأولية مع د. براءة العبسي:
- تتعلّم خطوة بخطوة كيف تتعامل مع الحالات الطارئة.
- تدريبات عملية تُحولك من "مُتفرج" إلى مسعف.
- شهادة معتمدة تُضيفها لسيرتك الذاتية و تنقذ فيها أحبابك

🔗 سجل الآن: معهد العربي الأكاديمي: مشروع الصليبة، شارع بور سعيد، مقابل بناء البطة
واتس :0944801414
هاتف :0412763920

#الإسعافات_الأولية #سلامة_العائلة #كن_مسعفاً

مساء الخير أصدقائي 💙💙

تقريبا أغلبكم خلص امتحانات وهلق عندو استراحة قصيرة لازم نستغلها بشي مفيد✌🏻

وكورس الإسعافات الأولية هو أحد أهم الكورسات يلي لازم يمتلكها كل طالب طب تحسبا لكل الظروف يلي ممكن تفاجئه سواء بالبيت أو بالشارع✌🏻

وطبعا في شهادات حضور🔥

والأقوى من هيك انو الكورس حيكون مدعوم من فريقنا 🔥🔥
يعني صار فيك وقت التسجيل تقلهم أنا من طرف الدكتور عصام وتلقائيا بتحصل على حسم 50%

يلا شو ناطرين 😌😌💙

في تسجلوا وتحضروا مع الفئات يلي انفتحت اليوم او تسجلوا على فئات جديدة✌🏻

#هامش: ناطركم مفاجأتين إلكم عالفصل الثاني

مساء الخير أعزائي:

في انطلاقة مسيرتنا مع طلاب السنة التحضيرية لهذا العام 🔥🔥🔥

نقدم قناة فريقنا الخاصة بالسنة التحضيرية
https://t.me/statisticforpre10

التي سيكون فيها متابعة علمية وتوجيهية ونصائح للطلاب✌🏻

كما سيكون لنا دورة واقع في اللاذقية بالإضافة لكورس الكتروني بإذن الله 💙

بالإضافة إلى شات للمناقشة وطرح الأسئلة العلمية حول المادة
https://t.me/medicalstatisticforpre10

والكثير من المفاجئات ستكون من نصيب طلاب دفعة pre10 😌

لذلك شاركوا رابط القناة مع إخوتكم ورفقاتكم التحضيريين لحتى تكون الاستفادة على اوسع نطاق ويدعولنا🔥💙

مساء الخير أصدقائي💙

حابين نعلن عن مفاجأة كبيرة ( قنبلة الموسم 💙😉)
طبعا هي الأولى ها..

البوابة هالفصل رح ترافقكم مثل عدوناكم بالفصل الماضي وهالمرة مع مادة من أجمل مواد الطب ألا وهي علم التشريح المرضي General Pathology 🔬👀


💠نقدم قناة فريقنا الخاصة بالتشريح المرضي
https://t.me/pathologyportal
💠بالإضافة لغروب مناقشات تفاعلية:
https://t.me/+ZpNdfsNCSFBlZTE0


🗨القناة رح تكون معين الكم للحصول على أعلى العلامات وفهم مادة من أساسيات تعلم الطب

🗨 وهالمادة مفاجآتها كثيرة لهيك خليكم مستعدين دائماً👀💙


لهيك نتمنى منكم  تشاركوا رابط القناة مع رفقاتكم  لحتى نحقق أكبر استفادة علمية مع بعض 😎💙


🩺رح نكون معكم نحن تيم المادة:


1⃣د.عصام زين الدين (بظن بتعرفوني 😅).

2⃣د.أسامة حسين( طالب طب بشري سنة رابعة ومشرف سابق عن مواد التشريح المرضي العام و الخاص ).

3⃣د.بشار يوسف( طالب طب بشري سنة رابعة ومشرف سابق في علم التشريح المرضي الخاص).


#بوابة_التشريح_المرضي🤍
#General_Pathology🔬
#Undersatanding_Diseases💙🩺

حابين نمسي عالسهرانين 😉
ونقلن جاهزين للمفاجأة التالية بكرة؟

🔥🔥🔥

مساء الخير أعزائنا 💙💙

صار وقت نحكي عن المفاجأة التالية 🔥🔥

طبعا غير يلي ناطرها أغلبكم 🤣💙

مادة من مواد الطب والتي تُعتبر أحد الفروع النظرية لمادة الإحصاء ومبنية على البحث العلمي📑

مادة تحتاج إلى التفكير العميق في بعض جوانبها وإلى الفهم الموضوعي في جوانب أخرى ولا تعتمد على البصم إلى في مواضيع قليلة✌🏻

مادة اشتغلنا عليها خلال السنتين الماضيتين لكن بشكل جزئي، لكن...
اليوم قررنا نعتمدها بشكل رسمي وكامل 🤩

✨ الطب المسند بالدليل ✨

☘ مادة من أمتع المواد ويلي رح تصير معنا بإذن الله مادة معدل

☘ عن شو بتحكي المادة؟
الجواب ما بيكفيه كلمتين لهيك رح نعطيه حقه ببوست لحاله

☘ مين حيستلم المادة؟
✨ الدكتور عصام زين دين
✨ الدكتورة تسنيم جمّال

مين هي الدكتورة تسنيم؟
دكتورة سنة رابعة بشري غنية عن التعريف بالنسبة لمعظمكم، لها خبرة في كتابة العديد من المواد الطبية أهمها مادة الطب المسند بالدليل حيث كانت المادة من أجمل المواد في السنة الماضية من كتابة الدكتورة ودرست من وراها الدفعة كلها 🔥

☘ بالنسبة للقناة فسنبقى في قناة بوابة الإحصاء كون المادة امتداد لها وذات صلة علمية

هلق صار فيكم تقولوا أنو تاني مادة صارت بالجيبة 🔥🔥💙

مساء الخير أصدقائي

https://t.me/haninAl_370
قناة لزميلتنا بالسنة التالتة حنين العبده الحائزة على شهادات في أساسيات المهارات الجراحية

رح تكون معكم الدكتورة في قناتها من خلال بعض الفيديوهات اللي حتشرح فيها بطرق مبسطة أهم أساسيات مادة المهارات الجراحية ومتل ما بتعرفوا هي المادة فيها عملي والعملي فيها مهم وبيعتمد كتير عالتطبيق اليدوي والذاكرة البصرية ✌🏻

لهيك لازم تعتمدوا على فيديوهات للفهم والتثبيت

#هامش: هي المادة بالذات هالفصل امتحانها العملي بيكون عملي حقيقي يعني مقابلة وليس كتابي والمقابلة عادة بيكون فيها ميكس بين الأسئلة الشفوية وبين التطبيق اليدوي (مثلا يقلولك جرب تخيط او دخل قثطرة وهيك)

موفقين💙💙

صباح الخير🤍

أعمال البوابة رح تكون متل ريمونتادات برشلونة هالسنة😂❤️💙

ألف مبارك للكوليز💙❤️

وهاردلك للمشجعين الريال🤍

#بوابة_التشريح_المرضي🤍
#General_Pathology🔬

🔷تقرير الطب المسند بالدليل:

يعطيكم العافية دكاترة 💙.
اليوم كانت تاني محاضرة من مادتنا اللطيفة.

⬅️عطى بهالمحاضرتين الدكتور فواز حيدر عناوين بسيطة:
▫️ تعريف بالطب المسند بالدليل.
▫️أمثلة تاريخية.

⛔العملي ببلش الأسبوع الجاية بالمدرج.
⛔ذكر الدكتور إنه ما في علامات على الحضور.

#الطب_المسند_بالدليل
#EvidenceBasedMedicine

🔷بوست تعريفي عن الطب المسند بالدليل:

مساء الخير زملائنا 💙.
بهاد البوست رح احكي أهم الشغلات يلي لازم تعرفوها عن المادة.

⬅️هي السنة عم يعطي المادة كاملة الدكتور فواز حيدر.

▫️الدكتور حسب السنين السابقة (ما عدا السنة الماضية) إله رسميتين
▫️السنة الماضية كان إله رسمية وحدة والقسم التاني كانت مستلمته الدكتورة سوسن غزال بس هي هالسنة ما عم تعطينا.

⬅️بناء عليه بالنسبة للنظري حسب شو بينزل الدكتور رسميات نحنا رح نشتغل ملحق أو ملحقين فقط.

⬅️شو نمط أسئلة الدكتور؟
الدكتور فواز اسئلته سهلة بشكل عام بيعتمد التكرار بشكل كبير وما بيطلع عن الرسمية
لكن السنة الماضية طلع عن أسلوبه بخمس أسئلة خارجيات تقريباً.

⬅️يعني مندرس الملاحق ولا بس دورات؟
سابقاً كانت كافية الدورات لكن حالياً مالها كافية لأن الدكتور طلع عنهم السنة الماضية.
لهيك الملاحق مهم دراستها مشان نضمن المعدل.

⬅️طيب شو بالنسبة للعملي؟
العملي السنة الماضية كان عن ال PICO بشكل أساسي وهو موضوع رح نحكيلكم عنه بالتفصيل.
كان الفحص بشكل مسائل وعليها خيارات.

آخر شي منطمنكم المادة سهلة كتير ومعدل بإذن الله ومنوعدكم رح نقدم كلشي ممكن يفيدكم فيها 💙.

كل التوفيق 💙.

#الطب_المسند_بالدليل
#EvidenceBasedMedicine

🟣تقرير الطب المسند بالدليل:

نهاية يوم جديد ومحاضرة جديدة من الطب المسند💜.

كمل فيها الدكتور بالأمثلة التاريخية وشرحلنا عن:
▫️سرطان الرئة.
▫️الجدري.
▫️التسمم بميتيل الزئبق.

⛔الدكتور أكد على أهمية أسماء العلماء.

تضلوا بخير💜.

#الطب_المسند_بالدليل
#EvidenceBasedMedicine

🟣تقرير الطب المسند بالدليل:

يسعد أوقاتكم دكاترة 💜.
خلينا نشوف شو عطانا الدكتور فواز اليوم:

⬅️الكسور ومنها كسر الورك.
⬅️أهمية الطب المسند بالدليل.
⬅️ميزات الطب المسند.
⬅️الخطوات التي يجب اتباعها في ممارسة الطب المسند.

#الطب_المسند_بالدليل
#EvidenceBasedMedicine

🟢تقرير الطب المسند بالدليل:

مساء الخير 💚.

عطانا الدكتور فواز حيدر عنوانين اليوم:
▪️الطب في زمن الguidelines
▪️تاريخ وأهمية الطب المسند.

وبس هيك موفقين 💚.

#الطب_المسند_بالدليل
#EvidenceBasedMedicine

فاصل منشط 😂

كيف دكتور الإحصاء بياخد التفقد 🔥🔥

بدون آلة حاسبة = غياب

https://www.instagram.com/reel/DJ2PF5QoZXS/?igsh=MXNkNmFhMWY5eWIzbg==

بوست  خلي عينك على البوابة وصل يا شباب☠

مساء الخير دكاترة 🤍

تعالوا شوفوا  معنا المفاجئة يلي محضرينها البوابة  بخصوص عملي المادة 🤍


بالبدابة تقريبا نص الدفعة عم يروح عليها العملي منهم بسبب الاستضافة ومنهم الطلاب يلي ما عم تقدر تنزل ع العملي لهيك رح ينزل فيديوهات شرح لمحضرات العملي ان شاءلله🔥.

طبعا الفيديوهات رح تنزل بإشراف قسم التشريح المرضي🫡( بموافقة رئيس القسم د.عيسى ورح تنزل بتدقيق معيدين المادة يعني الفيديوهات رسمية متل فيديوهات يلي كانت تنزل بالنسج).

💠رح تتضمن الفيديوهات:

🔹️شرح البنية الطبيعية للمحضر(  يعني ما  في داعي ترجع للنسج  وتراجع منها دكتور)
🔹️شرح سلايدات الرسمية.
🔹️شرح صور مجهرية.

💠عدد الفيديوهات ومدتهن:

🔹️7 فيديوهات.
🔹️مجموع مدتهم ساعتين ونص.

🔹️رح ينزل كمان فيديوهات مجهرية بس بشكل منفرد وبقائمة منفردة يلي بحب يشوفهم😴.

💠فائدة الفيديوهات:

🔹️رح تختصر وقت دراستك الى نصف الوقت خاصةً قبل إمتحان العملي بيوم  ورح تساعدك  تعرف تفرق بين السلايدات يلي بتشبه بعض ولو اجاك سلايد خارجي قادر تحل😶‍🌫.

هيك بنكون خلصنا، لسا ما خلصنا صديقي😂

💠 جلسات العملي كمان رح تنزل باشراف المعيدين لانو هي يلي رح ينشرح عليها الفيديوهات طبعا رح تتضمن الجلسات:

🔹️سلايدات الرسمية.
🔹️سلايدات خارجية كرمال الذاكرة البصرية.

⚠️ تنويه 1: كامل فيديوهات العملي رح تنزل على اليوتيوب🥳.

⚠️تنويه 2: الفيديوهات اعتباراً من الأسبوع القادم رح تنزل ان شاءلله🤲.

بالنهاية بنتشكر قسم التشريح المرضي على تعاونهم وسعيهم دوماً لفائدة الطلاب 🤍

🔵تقرير الطب المسند بالدليل:

تقريرنا صغير لطيف😂💙

⬅️عطانا الدكتور فواز الأدلة في guidelines.

موفقين 💙.

#الطب_المسند_بالدليل
#EvidenceBasedMedicine

اللهم بجاه هذه الساعات المباركة لا تدع في نفس أحد من طلابنا وأحبابنا حاجة ودعوة في نفسه إلّا أعطيته إياها بفضلك وكرمك يا أكرم الأكرمين❤️

بهالوقت الكل يدعي لنفسه وللي بيعرفن❤️

الله يتقبل يارب ❤️

أضحى مبارك

الله يعيده عليكم وعلى أحبابكم بالخير 💙