ناطرين تعليقي ما؟

"حسبي الله ونعم الوكيل بس"

لعلّ هذه العبارة كافية لتنقل إليكم كل ما أريد التعبير عنه بوضوح دون كلمات تُستمسك عليّ


يعني يمكن وظيفتي هلق لاقي كلمات واسيكم فيها
لكن الموضوع جلل، ومحزن جداً
فهمتو قصدي أكيد

يلي تحمل الظلم كتيييير وبيتحمل لسا شوي كمان
بعرف أنو ما ذنبكم أكيد
لكن الإنسان أحيانا ينزل فيه بلاء ويكون مطلوب منه الصبر واحتساب الأجر عند الله
والله يعوضه في شيء آخر

لذلك نصبر ونقول الحمد لله على كل حال
❤️‍🩹❤️‍🩹❤️‍🩹❤️‍🩹❤️‍🩹❤️‍🩹❤️‍🩹❤️‍🩹❤️‍🩹

مساء الخير أصدقائي

بداية أبارك لكم صدور نتائج مادة الإحصاء بعد معاناة استمرت من بداية الفصل بتأخر إعطاء محاضرات المادة لأكثر من شهرين، انتهاءا بصدور نتيجة الاعتراضات مع الرفض الكامل الغير مُنصف، مرورا بالكثير من العقبات مع هذه المادة (خص نص) ضمن تلك المدة

بداية اجتيازكم لهذا الامتحان نجاح بحد ذاته والعلامة فيه غير مصنِّفة بما أن الاعتراض لم يُقبل وكان ليكون منصفا ومصنّفا لترتيب مستويات الطلاب لو كانت الأسئلة منطقية بالأساس
فمشكلتنا كانت مع الأسئلة ومع صياغة بعضها وليست مع أجوبتها الصحيحة رغم السؤال
وعليه فإنه ومن وجهة نظري فإن من حصل على علامة ٧٠ فعلامته الفعلية ٨٠
ومن حصل على ٨٠ فعلامته الفعلية ٩٠
ومن حصل على ٩٠ وأعلى فهو يستحق المئة 💙💙
وهذه ليست مواساة لأنفسنا بل هو الواقع

كثير من المواد تكون غير عادلة وليست معيار لمستوى جهد الطالب ودراسته وفهمه لهذه المادة
واليوم نضيف إلى هذه القائمة مادة جديدة

الخلاصة: لا داعي للزعل الشديد فزعلك ما رح يغير شي غير انو ينعكس سلبا على نفسيتك وامتحاناتك القادمة💙
رغم انو في علامات حلوة ومرتبة بفضل الله عم تجيني لكن شعور عدم الرضا لمسته عند الجميع (يلي جايب عالي قبل غيره كمان) وهو أمر طبيعي نتيجة الظلم الحاصل
لكن صديقي تخيلها مادة فيزيولوجيا مثلا والها ٣٠ محاضرة وزدلك شي ٥ محاضرات مثلا ما لحقتن وراحلك شي عشر علامات بسببهم (بدل يلي راحوا برفض الاعتراض)
على فكرة نفس النتيجة بتكون
(هي مو بس مواساة هي تحفيز لحتى ما تترك ولا محاضرة هلق😂❤️‍🩹)

وشعور انو رحلك علامات شي بحق وشي ظلم رح تضل تشعر فيه من هون لتتخرج صدقني لهيك لازم تتأقلم مع هاد الوضع (لبين ما يتحسن على أمل ويصير في جهة تسمع الشكاوي عنجد)

البوست موجه نسبيا للي حصلو أقل مما متوقعين أو حاسبين أو بيستاهلوا وكمان للي زعلانين على علامتهم
بالوقت يلي متل هلق بيكون البوست بالعادة مباركة عالعلامات العالية وتهنئة أصحاب العلامات المميزة 😌

لكن المباركة خليتا عامة
مبارك للجميع على هذه العلامات في المادة الأصعب نفسيا وعلميا لهذا الفصل 💙💙💙

#البوست_الختامي_للمادة

بعيدا عن العلامات 😇
نتكلم الآن عن المحاضرات التي قدمها فريقنا والتي أثبتت جدارتها على مدى اربع سنوات منذ بداية تأسيس البوابة في محاضرات تُعتبر تحفة فنية كسرنا بها نمطية المحاضرات الرسمية  في أسلوب مُحبب للطالب وجذاب وبترتيب أفضل لإيصال المعلومة مع الإغناء بكل الشرح الذي يحتاجه الطالب في صورة مبسطة وسلسلة وتمارين خارجية داعمة وتدريبات للاختبار😌
كل ذلك في سبيل جذب اهتمام الطالب وجعل دراسة هذه المادة ممتعة تجعل من الطالب محبا للمادة ومتقنا لها لاسيما قسم الإحصاء✌🏻
عدا عن كونها المصدر الأشمل بعون لله 🔥

فقد كانت قناة الأتمتات خيرُ رفيق مساعد للمحاضرات
سواء في البنك الشامل لقسم الدكتور حسين الذي كان شاملا لكل أسئلة قسمه (عدا اثنين) سؤال حرفيا او كفكرة ونمط المسائل😌
ناهيك عن أتمتات الدكتور مازن التي غطت بشكل كبير الكثير من أسئلة قسمه سواء كأفكار تم التركيز عليها أو بالأسلوب أو بالحرفية حتى وشمل ذلك بعض الأسئلة الخارجية أيضا التي أتت كما هي 🔥🔥

وكل ذلك تحت عمل دقيق وطويل ليتم تقديمه بشكل خالٍ من الأخطاء والتصويبات ولا سيما الأتمتات ومحاضرات قسم الدكتور حسين التي لم تحتوِ على تصويبٍ واحد
أما قسمي مازن وفاطمة فقد احتوى بعض الأخطاء الإملائية في حرف او حرفين بسبب السرعة والزنقة قبل المادة وليس أخطاء علمية أو رقمية ومع ذلك فسامحونا على تقصيرنا😇

حاولنا بفضل الله وعونه تقديم كل ما باستطاعتنا في سبيل إفادة جميع الطلاب وجعل هذه المادة محببة (بغض النظر عن امتحانها) ومحاولة ربط الطلاب في هذه المادة التي سيحتاجونها مستقبلها في ابحاثهم الطبية ودراستهم المستمرة 💙💙

آملين من الله أن تكونوا قد استمتعتم بدراسة محاضراتنا😇

إن أحسنا فمن الله وإن أسأنا فمن أنفسنا فسامحونا😊

طبعا شغلنا معكم ما وقف هالفصل ولا حيوقف عند هالمادة
بس رح نترك الموضوع مفاجأة🔥🔥🔥🔥🔥
لهيك انتظرونا😌

أكثر نكتة محزنة ومأساوية سمعتها بمسيرتي التدريسية
السطر الثالث للسادس من السكرين

نتمنى في قادم الأيام أن تعود الإحصاء إحصاء حقا
وأن تكون المعلومات فيها مرتبطة بالمادة من جهة ومفيدة للطالب من جهة أخرى على مستوى الإحصاء الطبي
وترك التفاصيل الطبية للمواد الخاصة لذلك

ويلي بيحضر عند الدكتور مازن بالانتانية السنة الجاي ياريت يخبره أنو فيروس شلل الأطفال ينتقل هضميا وليس تنفسيا فقط
مافي داعي لجيب دليل من مرجع أو نسأل CHATGPT لانو الرسمية لحالها بتكفي كدليل
اما لو كان السؤال عن نسبة الانتقال التنفسي بهالمرض وانو قارنها مع نسبة الانتقال التنفسي للبروسيلا (المالطية) وشوف مين أعلى لاختارها
فعدم المؤاخذة من الدكتور هاد السؤال ما بيكفي انو كون سنة رابعة واخد انتانية وهضمية وعصبية سوا لاعرف جاوب هاد صار بدو اختصاصي

السؤال على كلٍ مرق ومشي حاله
بس بيهمني كطبيب أعرف أنو المعلومة الصح ان انتقال فيروس شلل الأطفال ليس تنفسيا فقط

والأحلى أني عم احكي هاد الحكي بمادة الإحصاء
ثانكس يا جامعة💙💙

سكرين خطير الي من يوم نزل السلم😂😂
من محادثة الي مع احد الاشخاص يلي سألني عن رأيي بالسلم
ما تحملت قاوم وما انشره هلق

طبعا مع توضيح بسيط:
ما نشرت رأيي وقتا مشان ما حدا يفهم انو ما لازم تعترضوا

تاني نقطة والأهم:
قولي بان السلم صحيح
تعني ان اجاباته صحيح حسب الاسئلة
وليس ان الاسئلة صحيح او لا تحتاج الى اعتراض
سواء لكونها تحوي خطأ إملائي او خيار اخر يقبل وجه الصحة بشكل اضعف
او سؤال خارجي
او صيغة السؤال خاطئة مثل (خطوات البحث)

فكون السؤال غير مقبول ويحتاج لاعتراض
جملة لا تتنافى مع أن جواب السؤال مضروب صحيح

في فكرة مخباية بهالرسالة
انو من اليوم ورايح بكل امتحاناتكم خلو احتمال انو لو السؤال فيه اشكال ممكن ما ينحذف او يتعدل فتعامل مع الوضع متل ما بده الدكتور
والنتيجة بتكون نصيب
يا بتصيب يا بتخيب

ثانكس يا جامعة مرة تانية💙

تحملوني
حبيت جمع كلشي بدي انشره واحكيه سوا اليوم وبفترة وحدة
مشان ما كل شوي ضل عم اخد من وقتكم والهيكم 😁

ومع الختام 💙💙

فقد قدمنا إلى جانب المحاضرات كورسا إلكترونيا
وتم التوفيق فيه بعونٍ من الله لشرح المادة كاملة بأدق تفاصيلها شرحا موسعا يجعل ممن يحضره متمكنا تمام التمكين في المادة لدرجة يصبح بعدها قادرا على تدريسها🔥🔥

وبفضل الله كان الإقبال على الكورس مبهرا والاستفادة منه عالية
وحتى ممن اشترك فيه من جامعات أخرى قد حصّل على علامات فوق ال٩٠ 🔥

رغم أن التجربة الالكترونية للكورس كانت للمرة الأولى هذه السنة (حسب تصويتكم ورغبتكم) إلا أنها لاقت قبولا أكثر لدى الطلاب وسنسعى في قادم الأيام إلى اعتمادها سواء في مادتكم أو في التحضيرية او باقي المواد 😇

ختاما بتشكركم كتير على ثقتكم الكبيرة فيني
وكنت فخور فيكم جدا ولي الشرف بالتعرف عليكم ووجودي معكم في كل أزمات هذه المادة🔥💙

وبصراحة هناك من الكلام الجميل الذي وصلني الكثير وأحب أن أشارك معكم بعضا من الكلام الجميل الذي وصلني خلال الفصل وبعد العلامات
(طبعا رح انشر كم سكرين لأنو أكيد زنقة الفيزيولوجيا ما رح تسمحلكم تقرأو ٢٦٣ سكرين😂💔)

وأشكركم ثانية على كلامكم ودعمكم لي
💙💙💙💙💙