🔴 رابعا 🔴

سؤال أي من الامراض التالية ينتقل هضميا:

طبعا نحن اوضحنا بداية انو كل الامراض يلي عطاها الدكتور مازن السنة تنتقل بالتنفس وليس فقط النزلة والحصبة والحصبة الالمانية

بناء على ذلك تكون جميع الخيارات تنفسية عدا الحمى التيفية التي تنتقل هضميا

يمكن حل السؤال بلا مشاكل من داخل المنهاج بالاستبعاد

لكن الخيار المختار غير موجود بالمنهاج
لذلك لكم حرية الاعتراض إن وجدتم عذرا مناسبا

🔴 خامسا 🔴
سؤالي الكورونا والسل

منطقيين
وكمان نزلتلكم ياهم بالحرف مبارح على قناة الأتمتة💙

لكن هذه الامراض لم تُدرَّس
وهي من خارج المنهاج

لكم حرية الاعتراض على ذلك

🔴 سادسا 🔴

العلمو التي يجب ان يلم بها باحث الوبائيات
الجواب هو (العلوم الاقتصادية بالاستبعاد)

على الرغم انو لم يذكر بالفقرة علم الفيزيولوجيا بل انطوت تحت جملة كافة العلوم الطبية والسريرية
وهو سؤال واضح ومنطقي طبعا
وصحيح

لكن عذر الاعتراض ان اردتم انه لم يذكر علم الفيزيولوحيا (علم وظائف الأعضاء) وضوحا في المحاضرة

بل موجودة في الارشيف من سنتين على ايام الدكتور عدنان

ولا أوكد أن هذا السؤال سيتم حذفه لانه صحيح ولا اشكال فيه فعليا وعلم الفيزيولوجيا هو احد العلوم الطبية وكلكم يعرف ذلك وعلم الاقتصاد لم يذكر في المحاضرة ايضا (ولا علاقة لدراسة الوضع الاقتصادي لمجتمع يعني شو حالته المادية بدراسة علم الاقتصاد كاملا)

هي الدليل على الجواب من ارشيف احد السنوات

🔴 سابعا 🔴

سؤال من مسألة
جوابه 0.028
يوجد في الخيارات
0.02
0.03

لو كان في الخيارات فقط 0.03
نختارها
لو كان في الخيارات فقط 0.02
نختارها حسب مبدأ التقريب بالقطش يلي بيتبعوا الدكتور حسين كرمال ما نختار كل ما سبق صحيح

لكن للمرة الأولى في دوراته كلها بيجيب رقمين متجاورين لهالدرجة.
اي؟؟؟
هلق الصح (حسب كل مراجع الدنيا) هو 0.03 بمبدأ التقريب الحقيقي كونو مافي شي اسمه تقريب بالقطش ابدا الا عند الدكتور حسين وحتى بهالدورة استخدموا بالاسئلة كذا مرة
لهيك قد يكون الجواب حسب السلم وطريقة تقريب الدكتور هي 0.02

وتترك تتمة المناقشة في هذا السؤال لبعد صدور السلم

🔴 ثامنا 🔴

سؤال المتوسط والوسيط
لماذا الوسيط أقل تأثرا من المتوسط تجاه القيم الشاذة (المتطرفة)؟

في الحقيقة المتوسط يضع في البسط كل القيم عند الحساب
حتى المتطرفة لذلك قد تختلف قيمته كثييير تأثرا بأي قيمة متطرفة

طيب القيم المتطرفة وين بيكون محلها؟
يا بسفل البيانات يا بأعلاها
مثلا ٢ ٣ ٣ ٤ ٥ ٥ ٦ ٦ بيانات طبيعية
اما ٢ ٣ ٤ ٥ ٥ ٦ ٧ ٢٠٠ بيانات تحوي قيمة متطرفة (يعني عالطرف) وتسمى شاذة لانها بعيدة عن باقي الارقام
كيف بيهرب منها الوسيط
بياخد فقط المفردة اللي بالنص (اذا عددن فردي)
او متوسط القيمتين يلي بالنص (اذا عدد زوجي ) متل مثالنا التحتاني بيكون الوسيط= متوسط ال٥ وال٥ يعني ٥
سواء كانت القيمة الاخيرة ٢٠٠ او ٩ او مليون ما بيتغير الوسيط
ليييش
لانو هربان عالنص
يعني؟ يعني موقعه هو القيمة الوسطى او متوسط القيمتين اللتي في الوسط
وهاد هو الخيار يلي اجاكم وشرحه بالتفصيل الممل

فما بختار غير ذلك
طيب وخيار الترتيب؟؟؟
نحن منرتب بس لنحسب الوسيط بس ما دخل الترتيب بالتأثر

يعني افترض مثلا الوسيط هو اعلى قيمة
ما بيكون لازم ترتب؟ مبلا
وبيتأثر وقتا بالقيم المتطرفة معناها ما دخل الترتيب وانما الموقع

والجواب هذا هو الصحيح(لانو يحسب من متوسط القيمتين الوسطيتين)
فاذا كان هيك بالسلم فلا يحتاج اعتراض

مستوى السؤال: صعب لكنه مو مضروب ولا خارجي

🔴 تاسعا 🔴

سؤال متوسط
وسهل اذا فهمان الرسمة
وصعببب اذا يا دوب قارئ المحاضرة بلا تركيز

توزيع طبيعي بمتوسط ١٥٠ وانحراف ٥

ما احتمال ان يكون x اكبر من 500
p(x>500)
=p(z>70)
=1- φ(70)
=1-1=0

الطلب الثاني
p(x>0)
=p(z>-30)
= 1- φ(-30)
= 1- 0
= 1

و احد النكشات فيها انه توزيع طبيعي وليس معياري
لذلك البعض اختلط عليهم الطلب الثاني وفكروه تبع خواص المعياري انو اكبر من الصفر يساوي 0.5

هدول الأسئلة يلي حسيت إما خارجيين او فيهم غلط او اشكال او صعبين

يلي عندو لسا سؤال فيه مشكلة يبعتلي ياه لننزل مناقشته

بالنسبة لباقي الأسئلة فقد كانت مقبولة جدا وحلها واضح من المحاضرات
كما كان للأتمتات وبنك الدكتور حسين نسبة الكبيرة في شمولية باقي الأسئلة والمسائل إما حرفيةً او فكرةً

💙💙💙

من أولا حتى سادسا
سبع اسئلة
في أفضل الاحوال ممكن ينقبل حذفهم كلهم ويصير عالسؤال بدل ١.٤ بيصير عالسؤال ١.٦٢
يعني بفارق ٠.٢٢ تقريبا زيادة على كل سؤال

اي؟؟؟
يعني انت كسبت العلامات تبع الاسئلة كلن بدون ما تحس
لانو هلق بعد الاعتراض وحذف كل هدول لازم يكون عندك غيرن خمس اخطاء لحتى يرحلك علامة زيادة عن ال ١.٤
بالوقت يلي كسبت فيه ٦ علامات زيادة 🙂🙂
بقا فهموني وين الخسارة بحذف اسئلة وتوزيع علامتها؟؟؟
لو في شي منن معك صح كمان بتستفيد
حتى لو كلن صح بتكون ما خسرت شي

(هلق بيطلعلي واحد بركي كلن عندي صح وفي غيرن خمسة غلط وخسرت علامة زيادة بحب قلك انو مستحيييل تكون حليت كل الاسئلة الخلافية صح واجيت على الاسئلة التافهة وخربطت بخمسة منن🙂 مو منطقي)

الخلاصة
الحذف والتوزيع هو دوما ايجابي ومفيد على الجميع بلا استثناء ولا يضر احدا

الشيء الوحيد المضر هو حذف السؤال وعلامته على الجميع بدون توزيع العلامة
وايضا وضع العلامة على سؤال واحد اخر
وهالشغلتين مو مستخدمين عندنا بالجامعة نوعا ما

حبيت وضح الصورة للجميع مشان ما يضل عندكم عقدة مع الاعتراض او خوف

الاعتراض على الاخطاء حقكم 💙💙

🔴 عاشرا 🔴

سؤال فيه خطأ إملائي يحتاج لاعتراض أيضا
الأخطار يلي بتعملا الحصبة الالمانيه ..
صمم
ساد
قصور فعلي
تشوهات قلبية
قصور كلوي

مافي شي اسمو قصور فعلي
والقصور الكلوي خاطئ
والتشوهات القلبية منها بقاء القناة الشريانية سالكة
الصمم والساد وضوحا
بيصفى القصور الفعلي
يُقصد به القصور العقلي ويصبح صحيحا
ويكون الجواب هو القصور الكلوي خاطئة

بده اعتراض

مساء الخير 💙💙

شكله اليوم مافي سلم إحصاء

لهيك جبتلكم شغلة بداله مفيدة
مقدمة من الدكتور محمود الصمادي 🤍🤍

في كتير شغلات ...
و ممكن تحتاجوها بالسنين الجاي
و خاصة ستاجات
السنة الرابعة و الخامسة بالمشفى 🏨
لهيك جبنالكون شي كتير حلو
هل بيج فيها كلشي بتحتاجو
من مستلزمات الطبية 🥼🤍

سماعات طبية .
أدوات جراحية . طاقية جراحية .
بجامة جراحية (سكرابات).
مريول للمخبر .
كروكس .كمامات . قفازات.
اجهزة قياس سكر. اجهزة قياس ضغط .
كتابة الاسم و اللوغو على المريول ..
و أشياء كتيرة ...

بيج الانستغرام :
الي عم تنزل بالأضافة لعروضنا ✨️
عليها سلسلة من المعلومات الطبية الأساسية الي رح تكونوا محتاجينها بدراستكون ..🚨
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️

https://www.instagram.com/dr.m.uniforms?igsh=MTF4bGoycDY4dXo5dw==

قناه التلغرام :
عم ينزل عليها أول بأول
و ايا شي حصري او لقطة
⬇️⬇️⬇️⬇️⬇️⬇️⬇️⬇️ ⬇️⬇️⬇️⬇️⬇️

https://t.me/Drmuniformes

مساء الخير أصدقائي

بالنسبة لبوست الاعتراضات
كثرة التعليقات لا تفيد برأيي

حقكم تعبروا عن رأيكم صح
ولكن إذا في بالامكان تتناقشوا وتخلوا حدا يحكي كلشي باسم الدفعة يذكر كامل الاعتراضات سوا
وبشكل واضح وصريح

ويفضل عدم ذكر اعتراضات بدون دليل من الرسمية (الا طبعا اذا سؤال اعتراضه انو خارجي فمافي الو دليل)

السؤال تبع
0.028

خلو اعتراضاتكم بطريقة انو في جوابين صح
https://t.me/interestingstatistic/509
هي الرسالة يلي وضحت فيها طريقة التقريب (هية خاطئة علميا اكيد) بس صحيحة بالنسبة للدكتور اشتغلها بكل الاسئلة الباقي وبكللل الدورات السابقة لهيك نزلت بوست كامل عن طريقة التقريب حسب تفكير الدكتور

بالتالي ٠.٠٢ صح عند الدكتور وهيك نص الطلاب حطتا

بالمقابل هي اول سنة بيجي خيارين متتالين 0.02 و 0.03
لهيك وللمرة الاولى كانوا الطلاب مضطرين للاختيار بين طريقة تقريب الدكتور والطريقة العلمية الصحيحة واختاروا الصحيحة 0.03

لذلك وضحوا بالاعتراض انو الخيارين صح
بطريقتي التقريب
مشان السؤال ينحذف حذف

اما اذا واحد شد لهون وواحد شد لهون
فيا اما بينرفض الاعتراض وبينظلموا جماعة 0.03
يا بينقبل وبيتعدل تعديل وليس حذف وبينظلموا جماعة 0.02

وبالحقيقة الكل انظلم بهالسؤال
لانو بالأصل ما لازم يكون في شي اسمو تقريب بالقطش 💔💔


بالنسبة للسؤال ١٧ نموذج A
احتمال إصابة كل الاشخاص هو
الجواب هو 0.0000059
اذا عندكم رغبة تعترضوا عليه اعترضوا فحقكم تطلبوا أي

لكن وجب التنويه (رأيي الشخصي)
لا يحتاج السؤال للاعتراض
حيث جوابه 0.00 يعني 0
سواء بمبدأ التقريب العادي أو القطش
ولا داعي لاختيار الخيار غير ذلك تحت أي مبرر

سؤال المرض المنتقل تنفسيا
حتى لو قبلنا انتقال شلل الاطفال تنفسيا
فهذا لا ينفي ابدا ان البروسيلا ايضا تنتقل تنفسيا
شوفوا البند 3 بالصورة

بالاعتراض
خلو تركيزكم على أن السؤال خارجي وامراضه خارجية ويجب حذفه
اكثر من التركيز على ان هناك اجابة ثانية صحيحة (او اصح)
مشان يقتنع الدكتور بالحذف وليس بتبديل الاجابة
للحفاظ على مصلحة الجميع ولكي ياخذ الجميع العلامة

فصيغة الاعتراض جدا تؤثر باقتناع الدكتور حول تبديل الاجابة او حذف السؤال او رفض الاعتراض

اصدقائي السلم نزل

وتقريبا كتير طلاب ساهمت بكتابة الاعتراضات

يلي مطلوب منك انو تنتظر نتيجة الاعتراض
ما تضل تفكر هلق وعم توجع راسك

بالنهاية انت لسا عندك امتحانات
وهلق عداد التشريح عم يتنازل

لهيك يرضى عليكم انسوا الاحصاء لفترة يا لتطلع نتسجة الاعتراض يا النتائج ووقتا منزعل ومنفرح

هلق اغتنموا الوقت وادرسوا تشريح
موفقين💙💙

نعم...
هذه هي الحقيقة المرة...

إن كنت تظن أن الظروف والمواقف يجب أن تكون مثالية لتُظهرَ مواهبَك وتكون مبدعاً...
فأنت واهم...

لاشيء في الحياة مثالي
كما أنه ليس كل شيء عبثي..

فعلى مستوى امتحانٍ
لم تُجعل العلامة من مئة لتحصل أنت والجميع على المئة الكاملة
وربما لا يحصل عليها أحد احيانا
هذه التدريجات خُلقت لتدريج الطلاب عليه وترتيبهم
فلربما يكون موقعك فيها هو الثمانين مثلا
فإذا وصلت إليها فهذه هي مئتُك

لكن لربما تتسائل
كيف نتسلسل على هذه الدرجات؟

هل هي الشطارة والذكاء؟
كلنا أذكياء ومن متفوقي البكالوريا

هل هي عدد ساعات الدراسة؟
كلنا نعلم أن هناك من يدرس طويلا بلا جدوى وهناك من يدرس مدة قصيرة مع علامات ممتازة

إذاً هل هي الحالة المادية والظروف؟
أقول هل كل الأوائل من الذين ظروفهم جيدة؟
أم هل كل أصحاب العلامات المتدنية ظروفهم سيئة؟

إذاً ماذا؟  هل الكلية والدكاترة والسلالم و و و و تراعي فئةً دون غيرها؟
لا. فالامتحان والتصحيح والتعامل موحد ويسري على الجميع

إذا ما الفارق؟
كيف نتدرج؟؟؟
إنها الهمة.
نعم الهمة التي لطالما دفعت الكثيرين إلى إنجاز ما لا يتصوره العقل بأقل وقت وأصعب الظروف وأقل الدعم و وأسوأ المعاملة
تلك الهمة التي تجعل الطالب يضع علامةً فلانيةً نصب عينيه ويسعى إليها ليحققها أو يضعُ كميةً معينةً ليدرسها بكل فنٍ وإتقان
هذا الدافع...
هذا الأمل...
هذا الهدف...

ما رأيت طالبا يدرس اعتباطياً دون هدفٍ سواءاً مادة أو كمية أو علامة أو إنجاز ما ووصل إلى الدرجات العالية

إذاً لا بدّ لك (كما ذكر الطبيب في الفيديو) من خلق دافعك الشخصي الذي ستحطم فيه كل القيود وكل الصعاب وكل عبارات تحطيم الأحلام وكل جمل التثبيط من الجوار وكل تثبيط المعنويات من الامتحانات التي تقدمها
لا تنتظر امتحانا سهلاً
ولا تنظر مادةَ معدل
ولا تنتظر معاملة حانية عادلة

اجعل أنت من دراستك المتفانية قوةً تُحارب بها المواد الصعبة والمعلومات الثقيلة والمعاملات القاسية

لا ترضى حتى يأتيك كل شيء طواعية

كنت أنت البطل الذي يصل إلى المكان الصعب

ضع هدفاً واسع إليه فهذا سبيلك الوحيد، فلتعلم كيف تتعامل مع الواقع

د.عصام 💙

ناطرين تعليقي ما؟

"حسبي الله ونعم الوكيل بس"

لعلّ هذه العبارة كافية لتنقل إليكم كل ما أريد التعبير عنه بوضوح دون كلمات تُستمسك عليّ


يعني يمكن وظيفتي هلق لاقي كلمات واسيكم فيها
لكن الموضوع جلل، ومحزن جداً
فهمتو قصدي أكيد

يلي تحمل الظلم كتيييير وبيتحمل لسا شوي كمان
بعرف أنو ما ذنبكم أكيد
لكن الإنسان أحيانا ينزل فيه بلاء ويكون مطلوب منه الصبر واحتساب الأجر عند الله
والله يعوضه في شيء آخر

لذلك نصبر ونقول الحمد لله على كل حال
❤️‍🩹❤️‍🩹❤️‍🩹❤️‍🩹❤️‍🩹❤️‍🩹❤️‍🩹❤️‍🩹❤️‍🩹

مساء الخير أصدقائي

بداية أبارك لكم صدور نتائج مادة الإحصاء بعد معاناة استمرت من بداية الفصل بتأخر إعطاء محاضرات المادة لأكثر من شهرين، انتهاءا بصدور نتيجة الاعتراضات مع الرفض الكامل الغير مُنصف، مرورا بالكثير من العقبات مع هذه المادة (خص نص) ضمن تلك المدة

بداية اجتيازكم لهذا الامتحان نجاح بحد ذاته والعلامة فيه غير مصنِّفة بما أن الاعتراض لم يُقبل وكان ليكون منصفا ومصنّفا لترتيب مستويات الطلاب لو كانت الأسئلة منطقية بالأساس
فمشكلتنا كانت مع الأسئلة ومع صياغة بعضها وليست مع أجوبتها الصحيحة رغم السؤال
وعليه فإنه ومن وجهة نظري فإن من حصل على علامة ٧٠ فعلامته الفعلية ٨٠
ومن حصل على ٨٠ فعلامته الفعلية ٩٠
ومن حصل على ٩٠ وأعلى فهو يستحق المئة 💙💙
وهذه ليست مواساة لأنفسنا بل هو الواقع

كثير من المواد تكون غير عادلة وليست معيار لمستوى جهد الطالب ودراسته وفهمه لهذه المادة
واليوم نضيف إلى هذه القائمة مادة جديدة

الخلاصة: لا داعي للزعل الشديد فزعلك ما رح يغير شي غير انو ينعكس سلبا على نفسيتك وامتحاناتك القادمة💙
رغم انو في علامات حلوة ومرتبة بفضل الله عم تجيني لكن شعور عدم الرضا لمسته عند الجميع (يلي جايب عالي قبل غيره كمان) وهو أمر طبيعي نتيجة الظلم الحاصل
لكن صديقي تخيلها مادة فيزيولوجيا مثلا والها ٣٠ محاضرة وزدلك شي ٥ محاضرات مثلا ما لحقتن وراحلك شي عشر علامات بسببهم (بدل يلي راحوا برفض الاعتراض)
على فكرة نفس النتيجة بتكون
(هي مو بس مواساة هي تحفيز لحتى ما تترك ولا محاضرة هلق😂❤️‍🩹)

وشعور انو رحلك علامات شي بحق وشي ظلم رح تضل تشعر فيه من هون لتتخرج صدقني لهيك لازم تتأقلم مع هاد الوضع (لبين ما يتحسن على أمل ويصير في جهة تسمع الشكاوي عنجد)

البوست موجه نسبيا للي حصلو أقل مما متوقعين أو حاسبين أو بيستاهلوا وكمان للي زعلانين على علامتهم
بالوقت يلي متل هلق بيكون البوست بالعادة مباركة عالعلامات العالية وتهنئة أصحاب العلامات المميزة 😌

لكن المباركة خليتا عامة
مبارك للجميع على هذه العلامات في المادة الأصعب نفسيا وعلميا لهذا الفصل 💙💙💙

#البوست_الختامي_للمادة

بعيدا عن العلامات 😇
نتكلم الآن عن المحاضرات التي قدمها فريقنا والتي أثبتت جدارتها على مدى اربع سنوات منذ بداية تأسيس البوابة في محاضرات تُعتبر تحفة فنية كسرنا بها نمطية المحاضرات الرسمية  في أسلوب مُحبب للطالب وجذاب وبترتيب أفضل لإيصال المعلومة مع الإغناء بكل الشرح الذي يحتاجه الطالب في صورة مبسطة وسلسلة وتمارين خارجية داعمة وتدريبات للاختبار😌
كل ذلك في سبيل جذب اهتمام الطالب وجعل دراسة هذه المادة ممتعة تجعل من الطالب محبا للمادة ومتقنا لها لاسيما قسم الإحصاء✌🏻
عدا عن كونها المصدر الأشمل بعون لله 🔥

فقد كانت قناة الأتمتات خيرُ رفيق مساعد للمحاضرات
سواء في البنك الشامل لقسم الدكتور حسين الذي كان شاملا لكل أسئلة قسمه (عدا اثنين) سؤال حرفيا او كفكرة ونمط المسائل😌
ناهيك عن أتمتات الدكتور مازن التي غطت بشكل كبير الكثير من أسئلة قسمه سواء كأفكار تم التركيز عليها أو بالأسلوب أو بالحرفية حتى وشمل ذلك بعض الأسئلة الخارجية أيضا التي أتت كما هي 🔥🔥

وكل ذلك تحت عمل دقيق وطويل ليتم تقديمه بشكل خالٍ من الأخطاء والتصويبات ولا سيما الأتمتات ومحاضرات قسم الدكتور حسين التي لم تحتوِ على تصويبٍ واحد
أما قسمي مازن وفاطمة فقد احتوى بعض الأخطاء الإملائية في حرف او حرفين بسبب السرعة والزنقة قبل المادة وليس أخطاء علمية أو رقمية ومع ذلك فسامحونا على تقصيرنا😇

حاولنا بفضل الله وعونه تقديم كل ما باستطاعتنا في سبيل إفادة جميع الطلاب وجعل هذه المادة محببة (بغض النظر عن امتحانها) ومحاولة ربط الطلاب في هذه المادة التي سيحتاجونها مستقبلها في ابحاثهم الطبية ودراستهم المستمرة 💙💙

آملين من الله أن تكونوا قد استمتعتم بدراسة محاضراتنا😇

إن أحسنا فمن الله وإن أسأنا فمن أنفسنا فسامحونا😊

طبعا شغلنا معكم ما وقف هالفصل ولا حيوقف عند هالمادة
بس رح نترك الموضوع مفاجأة🔥🔥🔥🔥🔥
لهيك انتظرونا😌