أصدقائي الأعزاء

نحن بلشنا ننزل أتمتة للمادة كلها على القناة

ولكن للضرورة أقول (مع احترامي لكل الفرق التطوعية وعملهم لمساعدة الطلاب)
لكن أرجو من الطلاب عدم حل أي سؤال بيطلع بوشكم
بمعدل كل دقيقتين هناك محادثة جديدة لدي بعنوان شو مشان هالسؤال
ليكون الجواب موحدا (هالمحاضرة ما انعطت السنة)
يعني مع الاسف كان شي مضيّع لكل الطلاب وليس مساعد
لذلك أرجو من الطلاب أنو تتابع معي بالشغلات يلي رح نزلها
وبالنسبة للدورات رح نزل كل ما هو متقاطع فقط على قناة الاتمتات فابمكانكم تعتمدوا عليهم كمصدر وحيد ومضمون بإذن الله

موفقين كتير💙

🔴 #سلسلة_فقرات_مهمة 1🔴

ملخص لخصائص التوقع والتباين هنن خارجيين السنة الماضية كنا حاطين قسم منهم بالمحاضرات كإثراء واجا منهم بالنظري رغم انهم مو موجودين بالرسميات

أحد تطبيقاته العملية
إذا كان لدي عينة متماثلة مثلا
5 5 5 5
يكون التوقع 5 والتباين 0

لهيك ضروري تدرسوهم في منهم علامة مضمونة إذا الله راد

موفقين💙

اربع وعشرون ساعة متبقية للامتحان 🔥

لا زلت تستطيع إنجاز الكثير
"انت قدها"💪🏻

تذكير #١
لا تنسوا بكرة الآلة الحاسبة😂

يلي اشترو المحاضرة الرابعة اول ما نزلت في اول كم نسخة كان ناقص فيها سطر التوقع بالصفحة ٤

حل التمرين الغير محلول في المحاضرة ٥ صفحة ١٢

علما ان الفايات مافي داعي ناطلعن من الجدول بيكون جاهزين بيعطيني ياهم الدكتور

والمجالات التلاتة الشهيرة طبعا لازم تكون حافظين احتمالهم

سادس وحدة عدلو مضمون الفاي تبعها لتصير متل السؤال✌🏻

كانت النية انو نعمل اتمتات خفيفة للمحاضرات
مع نموذج امتحاني مرتب

لكن تطور الموضوع لخطوة مرتبة أكتر وأكتر
مع ملف البنك الشامل لقسم الدكتور حسين
نظريا وعمليا

الملف متعوب عليه ومنسق ومبوب كمحاضرات
ومفصول النظري عن المسائل

واي محاضرة حليت منها وحسيت امورك تمام وبدك تختصر ببساطة فيك تنتقل للمحاضرة يلي بعدها

بإذن الله تكون كافة أسئلة الدكتور حسين نظريا وعمليا من هذا الملحق كما تعودنا في كل سنة

يلي لسا باقيلو مراجعة حسين
فدراسة هالملف اشمل من مراجعة وافضل منها لانه وبنسبة كبيرة سيتكرر منه بالحررررف
وعلى نفس النمط بالمسائل

كان بودي لو لحقت اعمل متله لقسمي فاطمة ومازن بس الوقت ابدا ما اسعفني
دراسة موفقة حبايب🔥🔥💙

لحقونا على قناة الاتمتة لتشوفوا المبوب
https://t.me/+_hMOqSzZ2adhZjhk

🔴 موضوع التقريب 🔴

بداية نعرف التقريب بأنو الانتقال من الدقة الاعلى  إلى الدقة الادنى وله مراتب
حيث يوجد لدينا في منهاجنا ثلاثة انواع من التقريب

مبدأ التقريب:
عندما نريد ان نقرب الى خانة ما ننظر الى الخانة الاصغر منها (التي قبلها)
فإذا كانت الخانة التي قبلها احد الارقام التالية
(5 6 7 8 9)
نضيف واحد الى الخانة التي نريد التقريب اليها
مثلا   0.346 >> 0.35    لأن الستة احد الارقام التي نضيف فيها

واذا كانت الخانة التي قبلها اقل من الخمسة اي انها احد الارقام: 0 / 1 / 2 / 3 / 4
لا نضيف شيء (انتبهو ما منطرح)
مثال 0.344  >> 0.34

✨انواع التقريب✨

☘التقريب الى اقرب عدد طبيعي (يعني نساوي بلا فاصلة)
ونستخدم هذا التقريب في منهاجنا فقط في فقرة حساب حجم العينة الجديد في المحاضرة الرابعة
حيث حجم العينة يجب ان لا يمتلك فاصلة فنقوم بالتقريب
امثلة
256.7 >> 257
134.1 >> 134

هنا ننظر الى اول رقم بعد الفاصلة

☘ التقريب الى اول رقمين بعد الفاصلة ويسمى التقريب المئوي (الاكثر استخداما)

عند حساب اغلب المؤشرات فانه قد يكون الناتج يملك عدد كبير من الارقام بعد الفاصلة لذلك نقوم بالتقريب للناتج الى ثاني رقم بعد الفاصلة
وهنا للتقريب سنضطر الى معاينة الرقم الثالث بعد الفاصلة للحكم بالزيادة او البقاء كما هو

أمثلة
V(x)= 45.67095 >>> 45.67
p=0.5693  >> 0.57
p=0.0003  >> 0.00
Fo= 354.5035 >>  354.5

☘ التقريب الى اول رقمين بعد الفاصلة غير معدومين
هذا التقريب نستخدمه خاصة عندما نتعامل مع ارقام متناهية في الصغر لاسيما في بعض الاحتمالات
هون منعمل حالنا مو شايفين كلشي صفار بعد الفاصلة كما يلي
0.000794  > 0.00079 / 0.0008
0.0569      > 0.057

طيب بالامتحان كيف بدي اعرف شو قرب
حسب التقريب المستخدم في الخيارات بتشتغل
ببين معك مثلا كل الخيارات فيهم رقمين بعد الفاصلة

او الخيارات فيهم اربع ارقام بعد الفاصلة

او الخيارات محطوطين كاملين بدون تقريب

فانت بالسؤال فيك تحكم

شغلة اضافية ممكن نحتاجها
بفرض اننا في مسألة توزيع طبيعي حيث قيم الفاي المعطاة تكون مقربة لاول رقمين بعد الفاصلة ونحت سنقوم بالحساب بناء على هذا التقريب
لكن قد يكون هناك فارق بين جوابنا وبين الخيارات وهنا يجب ان نختار الجواب الذي يساوي جوابنا او يمكننا التسامح ب+- واحد بالمية والا نختار غير ذلك
(هي الاشكالية بتظهر اكتر شي لما يكون الطلب ما احتمال ان يكون x بين قيمتين او اكبر من قيمة معينة)

☘ التوزيع الطبيعي N
✨ توقعه لا يساوي الصفر دوما
✨ تباينه لا يساوي الواحد دوما
✨ تباينه ثابت ومعروف ويختلف باختلاف التوزيع وهو غير معدوم
✨شكل التوزيع غير ملتو
✨ شكل التوزيع متناظر وحول المتوسط


☘ التوزيع الطبيعي المعياري Z
✨توقعه ثابت ومعروف ويساوي الصفر دوما
✨ متناظر حول الصفر
✨ تباينه ثابت ومعروف ويساوي الواحد
✨ يستخدم في معظم التقديرات المجالية والاختبارات وخاصة عندما يكون تباين المجتمع معلوم


☘ توزيع ستيودنت T
✨ توزيع متناظر وحول الصفر
✨ له درجة حرية واحدة
✨ غير ملتو
✨يستخدم في بعض اختبارات المتوسط عندما يكون تباين المجتمع مجهول

☘ توزيع كاي مربع X²
✨ توزيع غير متناظر
✨ توزيع قيمه موجبة دوما
✨ توزيع ملتو نحو اليمين
✨ له درجة حرية واحدة
✨ يستخدم في اختبارات الاستقلالية والتجانس

☘ توزيع فيشر F
✨ له درجتي حرية
✨ قيمه موجبة دوما
✨ توزيع غير متناظر بل ملتو نحو اليمين
✨ يستخدم في اختبار تحليل التباين

من المعلوم ان التوزيعات المستمرة تمثل بشكل منحني سواء كان متناظر ام لا

ما يتحكم بمركز المنحني هو التوقع.

لكن مالذي يتحكم بارتفاع المنحني؟🧐🤔

عندما يكون التشتت كبير تكون المفردات متباعدة عن المتوسط اي ان الارتفاع سيكون صغير والمنحني متسطح

اما عندما يكون التشتت صغير فهذا يعني ان المفردات متقاربة من المتوسط اي ان الارتفاع سيزيد وسيقل تسطح المنحني بل سيزيد تقعره

🔥 النتيجة 🔥

الانحراف المعياري يتناسب طردا مع التسطح
وعكسا مع التقعر والارتفاع


هذه النتيجة تنطبق على التوزيع الطبيعي

لكن ماذا بشأن باقي التوزيعات المستمرة التي لا يوجد فيها انحراف معياري؟؟

باقي التوزيعات قد استعاضت عن الانحراف بما يسمى بدرجة الحرية k والتي سيكون لها نفس العمل

✨ في توزيع ستيودنت
تعمل k درجة الحرية عكس الانحراف
حيث كلما زادت k زاد الارتفاع والتقعر
وكلما نقصت زاد التسطح

✨ في توزيع كاي مربع وفيشر
تعمل درجات الحرية بنفس اتجاه الانحراف
حيث كلما زادت درجات الحرية زاد التسطح والتشتت
وكلما نقصت زاد الارتفاع والتقعر

🔴#تنويه🔴
توزيع كاي مربع وفيشر ملتو نحو اليمين وليس نحو اليسار كما ذكرنا سابقا

كم معلومة عالماشي

الاحتمال منرمزلو ب pi او f(x)

اي احتمال يتراوح بين الصفر والواحد

كل قانون يخص التوزيعات المنقطعة فيه مجموع سيغما
سيكون شكله للتوزيعات المستمرة نفسه لكن بدل المجموع نضع تكامل من ناقص لا نهاية حتى زائد لا نهاية

توقع المنقطع يساوي
مجموع جداء كل قيمة باحتمالها

توقع المستمر يساوي
تكامل جداء كل قيمة x باحتمالها fx

احتمال اي قيمة في اي توزيع منقطع
تكون غير معدومة وتاخذ قيمة بين ٠ و ١

احتمال اي قيمة في توزيع مستمر
تكون معدومة

في التوزيع المنقطع يكون
مجموع الاحتمالات يساوي الواحد

في التوزيع المستمر يكون
تكامل كل المساحة يساوي الواحد

شوية ملاحظات اشتهيتكم فيهم
مهمميييين🔥🔥🔥💙💙

تذكير #٢
#لا_حدا_ينسى_الآلة_الحاسبة

مكرر للضرورة
نتسامح في النواتج مع الخيارات القريبة ب 1 بالمية زيادة او نقصانا بالكتيير

يعني
اذا طلع معك جواب وفي بالخيارات رقم قريب عليه جدا لحد 0.01 بيناتهم منختاره
خاااااصة في مسائل التوزيعات الاحتمالية


تانية شغلة
اي رقم اول خانتين بعد الفاصلة صفر فيقرب للصفر بالقطش
0.00004=0.00
0.003 =0.00
0.01 =0.01


وبالعكس من فوق
اي رقم قريييييييب من الواحد قد لا نقربه الى الواحد وانما الى ٠.٩٩ حسب مبدأ التقريب بالقطش
يعني

0.9900 = 0.99
0.991 = 0.99
0.9999999999999 = 0.99
مو تصير مصر انو لاء لازم واحد وتختار غير ذلك🙂

ترا غيرك عملا السنة الماضية وجابها ٦٨ من ٧٠ بس كرمال انو لاء بدو ياها واحد ما بيصير ٠.٩٩

لهيك يرضى عليك كون حباب ومتسامح ب٠.٠١

وهالحكي اكثر ما ينطبق على مسائل التوزيع الطبيعي

وعلى فايات القيم الكبيرة الاكبر من ٣.٥

صح بالتحضيري كنا نقول انو اي رقم من عند ٣.٥ وطالع الفاي تبعه واحد
بس هون حتى لو وصلت لل٢٠ او للمليون رح يضل الفاي
0.99 حسب مبدأ القطش عزيزي💙

ولما يجيك مسألة طبيعي
يعطيك الدكتور فاي ال٤ او فاي ٥ تساوي ٠.٩٩
وتستخدمها بشي طلب وتعوضها ٠.٩٩ وما يطلع معك خيار وتلاقي خيار قريب

وقتا جرب تعوض محلن القيمة الحقيقية يلي هية ١ وليس ٠.٩٩ ورح تزبط

او بالاصل سامحه ب٠.٠١ وريح راسك

يلي استوعب شو عم احكي تمام
يلي ما استوعب معناها نعسان قوم نام

ولا تنسوا الآلة الحاسبة 💙

يا جماعة
بواسون بواسون بواسون بواسون

محذوف؟؟
لاء
طيب موجود بالرسمية؟؟
كمان لاء
🙂🙂
لكن شو

طيب موجود بالبنك؟
كمان لاء

لا هيك كتير 🤣🤣

شو هدول المسائل ؟؟
هدول اسمهم تقريب الثنائي الحداني إلى البواسون وهي فقرة تابعة للثنائي وهي فقرة داخلة

بالمحاضرة نحن ما شرحنا بواسون كاملا نحن اهتمينا فقط بالتقريب
لانه مهم

فبالبنك لا يوجد ولا مسألة بواسون اصلية
يوجد مسائل ثنائي نقربها الى بواسون عند تحقق شروط التقريب

طيب منرجع لموضوعنا: مو موجودة بالرسمية

اي واذا ؟؟؟؟
مين قلك انو لازم يكون كلشي موجود بالرسمية
لما عن نحطلك اسئلة نظرية استنتاجات موجودة بالرسمية؟؟؟
لما عم نحطلك طلبات احتمال نقطي وطلبات احتمال تجميعي (التجميعي موجود شرحوا بالرسمية)

السنة الماضية تكرر نفس التهافت علي قبل العملي
بواسون داخل؟؟؟
وقلت للجميع
وكمان قلتلن بدو يجي بكرة مسألة وتاني يوم تفاجئ الطلاب بمسألة بواسون وندم من لم يسمع النصيحة💔

وبعدها الفرق كلها ضافت بواسون على المحاضرات اللاحقة

حاليا كنظري اكيد الاولوية لمسألة ثنائي أساسية بكرة الا اذا بدو يجي مسالتين من المنقطعة بتجي وحدة ثنائي ووحدة بواسون
لكن مو شرط

بس هاد ما بيعني انو مو مطلوبة

وجب التنبيه💙
ألا قد بلّغت😇

تذكرة #٤
#لا_حدا_ينسى_الآلة_الحاسبة

صباح الخير

قناة الاتمتة
https://t.me/+_hMOqSzZ2adhZjhk

البنك الشامل للدكتور حسين
https://t.me/c/2295555268/150

طبعا بالقناة في قسم مازن مؤتمت
وحاليا عم نشتغل قسم فاطمة عالسريع🔥🔥

تذكير#5
#لا_حدا_ينسى_الآلة_الحاسبة

ذهبت الساعات وبقيت الدقائق🔥🔥
نسأل الله أن يكون الامتحان هيّناً
وتقدموا كلكم منيح

طمنونا بس تطلعوا فورا
واللي بيقدر يجيب الأسئلة يتواصل معي بعد الامتحان

موفقين جميعا في هذا الامتحان المهيب
وان شاء الله بتبشرونا بأحلى النتائج💙💙

إبدأ بالقسم النظري للدكتور حسين أولا لتاخدوا دفعة معنوية بالامتحان

تذكير #٦
#لا_حدا_ينسى_الآلة_الحاسبة

💙💙💙💙💙💙💙
💙💙💙💙💙💙💙

مساء الخير أصدقائي

تعليقي على امتحان اليوم:
لم تصلني الأسئلة كاملة حتى أحلها
لكن مما وصلني من الأسئلة المتفرقة أقول بأن الامتحان لم يكن سهلا 💔
وبالأخذ بعين الاعتبار أنه سيتم تقديم اعتراض على كل الأسئلة الخلافي وستحذف او تبدل إن شاء الله لان القسم متعاون جدا في ذلك وتتوزع علامة ما حذف على الباقي فأقول
ان الامتحان لم يكن صعباً أيضا
وهناك من يحصل على ٧٠ من الآن في حال حذف سؤالين خاطئين وضوحا
واذا قبل الاعتراض على كل الأسئلة الخلافية فلا يبقى أسئلة شديدة الصعوبة

إليكم مناقشة بعض الأسئلة:

🔴 أولا 🔴

سؤال خطوات البحث العلمي (اختر الأصح)
كل الخيارات صحيحة علميا
وكلهم مذكورون في المحاضرة عدا تحديد الموقع

والسؤال اختر الصحيحة

التعليق:
اجا السنة الماضية وانحذف
لهيك قدموا عليه اعتراض
بحجة انه اختر اجابة صحيح وكلهم صحيحون ولا يوجد خطوة اصح من خطوة