مساء الخير أصدقائي
#تعويض_عملي

تذكير وشوية ملاحظات (برسالة شاملة)

🔴 تذكير بالمطلوب

✨ قسم الدكتور حسين علي (٣ محاضرات)
1. أنواع البيانات وطرق عرضها
2. المؤشرات الإحصائية
3. مؤشرات المسح المخبري والاحتمال

✨ قسم الدكتورة فاطمة والدكتورة نغم (ملف واحد)
ملف العملي (طبعا الاستمارات والأمراض غير مطلوبة كلها بيطلعو شي نص الملف)

☘ شغلات مساعدة
🟢 ملف حل أسئلة العملي الأساسية مع بعض الشروحات (مهمممم جدا)
🟢 فيديوهات لشرح ملف العملي بتسهل دراسته وبتختصر الوقت جدا ومركزة على أهم الأفكار:
١. الترصد الوبائي
٢. الإحصاء الصحي والمسح والتعداد والمعاينة
٣. الدراسات الوبائية ومؤشراتها

#هامش: الأفضل إذا دراستك سريعة أنك تدرس كلشي داخل

لكن إذا متأكد انو ما بتلحق فتعال معي على خطة الزنقة:
🧨 بداية ملف العملي بيكفيه الفيديوهات (مدتها ١٠٨ دقيقة) ومافي داعي لتجرب مين اسهل واسرع اسال يلي قدمو بيقلولك كيف ضلو بالملحق اكتر من ٥ ساعات وبالاخير ما اندرس معن ✌🏻

🧨 محاضرة حسين الأولى: (٢.٥ ساعة)
💥بتروح فورا عالصفحة ٤ و٥ وبتدرس التعاريف وميزات العينة بدون الصناديق الخضر
💥 تصنيف البيانات بيهمك فقط تصنيف البيانات حسب طبيعتها (الاهم) صفحة ٦ وحسب الاستمرار النصف الاول من الصفحة ٩ والباقي اذا بدك حفظه بس بالاسم
يعني بالنهاية بيهمك فقط تعرف المتغير إذا كان (وصفي اسمي / وصفي رتبي / كمي منقطع / كمي مستمر)
💥 صفحة ١٠ و١١ و١٢ فهم وقراءة سريييعة
💥 هلق بتروح عاخر صفحة بالمحاضرة في مخطط بتبصمه وبترجع عكل نوع بالعرض البياني بيهمك وقتا تعرف انو شلون بينرسم (اذا في اعمدة شو شكلا واذا في زوايا شلون تنحسب واذا في محورين كل واحد عشو بيدل) وليش منستخدم كل واحد (للبيانات المنقطعة ولا المستمرة واذا اعمدة شو الفرق بينهم)

🧨 محاضرة حسين الثانية (٢ ساعة بالكتير)
💥 ما اجا منها بالعملي الاساسي بس مافي مانع يجي هلق منها
💥 بشكل عام ادرسها كلها دراسة سريعة وبس فهم لا تبصم شي غير القانون النهائي واذا في ايجابيات سلبيات
💥 شغلات فيك تتجاوزها:
المقدمة - كلشي مكتوب عليه اضافة للفهم او اثراء - مستطيل التوضيح صفحة ٣ - مستطيل اخضر صفحة ٦
صفحة ٧ و٨ فيك تتجاوزن تماما لانهم شرح لاستنتاج قانون بلش من الصفحة ٩ وافهم كيف حسبنا من التدريب
💥 باقي المحاضرة بتمشي بسرعة

🧨محاضرة حسين الثالثة (٢ ساعة)
💥 بلش بالصفحة ٦ وفيك تمشي بسرعة من هون بس فهم شو يعني احتمال وشو يعني ارجحية مين البسط ومين المقام وهيك
💥 صفحة ٩ و١٠ مقاييس الخطر اكتر شي بيهمك رمز القانون واسمه والقانون (التذكرة الوبائية والملاحظة الحمراء بلاهم)
💥 هلق جرب تحل التمرين ٢ بالصفحة ١٢ (طبعا ما توجع راسك باخر طلب) وهي الحل للتأكد
💥 هلق ارجع عمؤشرات المسح المخبري يلي مهمة وقبل ما تبلش دراستها بدي تحفر براسك شكل الجدول بالصفحة ٥ مع اسهمه لتربط شكل القانون
💥 طبعا القوانين مافي داعي لحفظ اسمائها بالانكليزي او رموزها P(T/D) بيهمك تعرف كل وحدة ليش بتنحسب (يعني شو بتمثل) وكيف بتنحسب (يعني شو ع شو) بعدين بتحل التمرين صفحة ١١ مهم جدا جدا

🔴 وأخيرا والأهم تعمل تشييك على ملف حل أسئلة العملي هاد لتكون بالصورة كيف ممكن تكون الأسئلة
وخلي ببالك انو الامتحان بكرة حرب وقت قد ما فيك تأسرع بالحل أسرع

#موفقين 💙

مساء الخير

ملاحظة صغيرة لجماعة التعويض😇

يلي عم يسألوني عن سؤال الجرعة بالميليغرام الكامل

انا ذكرت بملف الحل انو يقبل كذا اجابة وهو خلافي وحل الخلاف هو فقط وجهة نظر واضع السؤال حسب شو قصده تماما بكلمة الكامل
ذكرت التوضيح كاملا بالملف
لكن اذا اجا شي متله بكرة ورجع كرر الدكتور كلمة الكامل متل ما هية فوقتها منرجح انو القصد فيها للدكتور انو بلا فواصل وبيصير الجواب كمي منقطع

برجع بذكر بامكانك تختار الجواب المنطقي بالنسبة الك وحسب السؤال
لكن اذا انزنقت بالوقت وحبيت تشلفها فشلفها منقطع وقتا

موفقين💙

مراااحب أصدقائي 💙💙

هالمرة جيناكم مع العرض الأقوى والمميز🔥🔥

بما انو هلق في فترة لا بأس فيها قبل أول مادة فبإمكانكم ترمموا النقص في بعض المواد💪🏻

ومن هون حبينا نقدملكم عرض مرتب هالمرة 🤩
واللي هو:

حسم بنسبة 50% على كورس الإحصاء الشامل
ليصبح بسعر 100 ألف بدلا من 200 ألف 😌

ومو بس هيك....
مع كورس الإحصاء رح تاخد كورس كيمياء سريرية كمان للدكتورة سميرة غزولين - الغنية عن التعريف💙- وبتكون حطيت مادتين بالجيبة ✌🏻

العرض لمدة ثلاثة أيام فقط من الأحد حتى الثلاثاء 🍃

إعلان الكورس الأساسي وتفاصيله هون

حضور الكورس رح يخليك تفهم المادة بشكل احترافي جدا لدرجة تصير قادر على تدريس المادة وكمان فيك تستغني عن المحاضرات بنسبة 98% وتستأنس فيها لتحل تمارينها بس 😇😌

للتواصل والتسجيل يرجى التواصل على الرقم:
تلغرام: 0992956277

مساء الخير
منحب نذكركم انو بكرة حيكون آخر يوم لعرضنا المميز لكورس الإحصاء والكيمياء 💙

مساء الخير أعزائنا💙

الإقبال على عرض الكورسات كان كبير 🔥
لهيك بناء على رغبة البعض بالتمديد وبمناسبة اقتراب المشتركين بالكورس من ال100 مشترك حبينا نمدد العرض يومين كمان ليشمل الأربعاء والخميس😍😍

مشكورين على ثقتكم الكبيرة فينا 💙

للتذكير بتفاصيل العرض:
كورس لمادة الإحصاء + كورس لمادة الكيميا مع الدكتورة سميرة سوا ب١٠٠ ألف فقط بدلا من ٢٤٠ 🔥🔥

يوم الخميس رح يكون آخر يوم بالعرض

موفقين كتير حبايب 💙

مشاركة من أحد زميلاتنا💙

السلام عليكم 💚

هاد استبيان بيدرس مدى انتشار الوعي للتشخيص الذاتي للأمراض النفسية

استبيان ما بياخد من وقت أي حدا الا دقيقة واله فوائد كتير كبيرة للمستقبل 🔥

والي بحب يعبي الاستبيان ويتسلى بهل الدقيقة المفيدة يحط ال ID رقم ٣

شكرا💚💚

هاد الرابط:
https://forms.gle/7RKB2QZo42u2REKt7

مساء الخير أعزائي

مبارك لكم صدور نتائج عملي الإحصاء
الحمد لله العلامات بشكل عام رائعة وبمتوسط أعلى من السنة الماضية🔥

وفيه كمية ثلاثينات جيدة 💙

وحسب إحصائياتي فإنه كان فيه نوع من التساهل في التصحيح من جهة
وتوزيع العلامات لم يكن علامة لكل سؤال بل أقل من علامة لوجود علامات للحضور
وهو شيء جيد ✌🏻

طبعا هيك مناسبة ما منمرقها هيك بدون حلوان لأصحاب العلامات المميزة😌

🔥 حسم لأي طالب حاصل على علامة 30 بنسبة 65% من سعر كورس الإحصاء
🔥 حسم لأي طالب حاصل على علامة 29 بنسبة 50% من سعر كورس الإحصاء
🔥 الحسم مستمر لموعد المادة
☘ للتسجيل يرجى التواصل على المعرف @DrEssamzain مع اصطحاب سكرين للعلامة

موفقين أصدقائي💙

انطلاقا من كونه مافي حدا " ابن البطة السودة "😌

توسع العرض ليشمل كل من حصل على علامة ٢٨ وأقل بحسم يعادل ٤٠% من سعر الكورس 🔥
ويستمر هذا العرض إلى موعد المادة

موفقين بالأحياء 💙

في مثل هذا الوقت من كلّ فصلٍ
حيث الطلاب يشعرون بقمة الضغط النفسي قبيل المادة الأولى التي تكون الأصعب عادة.

كلمتان عالخفيف لضيق الوقت💙:
رغم كل الصعاب على كااافة المستويات التي مرّ فيها كل طالب فيكم إلا أنه كلٌ منكم قدم ما باستطاعته وهذا لوحده إنجاز

فإذا كان مطلوب منك ١٠٠% من الإنجاز
وقمت بتحقيق x% منه فقط بحسب طاقتك فأنت عملت اللي عليك 💖
والباقي (x - ١٠٠)% !!!؟
هدول تركن لرب العالمين وأدعي يتولاك فيهم وباللي درستن كمان 🤲🏻

✨فبكرة خلي نفسيتك ومعنوياتك عالية لتقدم الامتحان بكل كفاءة 💪🏻

✨خلي عندك ثقة بنفسك قبل التقديم، ورضى تام عن التعب والنتيجة بعد التقديم

✨ وتذكر: توقف عن مقارنة نفسك بالأخرين فهذا هو سر السعادة والرضى

✨ موفقين أصدقائي بامتحانكم 💙

مساء الخير أعزائي

بنص الزنقة بدنا دقيقتين من وقتكم نحكي فيهم شوي عن مادة الإحصاء 💙

امتحان الإحصاء يكون مؤتمت

وعدد اسئلته من المتوقع ان تكون ٧٠ لهذه السنة (علما انها لم تكن ٧٠ سؤال في كل السنوات وانما اقل)
لذلك سيكون الامتحان حرب معلومات ووقت أيضا

أقسام المادة:

🔵 الدكتور حسين علي
🔵 قسم الإحصاء
قسم عملي في محتواه وفهمي بامتياز وسهل الدراسة لكن يحتاج الى التركيز على بعض الافكار والى التدريب الكثيير والسرعة في الالة الحاسبة

القسم عبارة عن 5 محاضرات موجودة نازلة
تحتاج لدراسة 1~1.5 يوم
قد يكون لهذا القسم ثلث الأسئلة وممكن النصف🔥

🔵 الدكتور مازن ديوب
🔵 قسم الانتانية والبحث العلمي
قسم نظري بامتياز ويحتاج إلى بعض الدقة في حفظ المعلومات السردية فيه والتعدادات

القسم عبارة عن مبوبين:
الاول يحوي الأمراض الإنتانية السارية
الثاني سيحوي البحث العلمي وبعض المؤشرات الوبائية (وهذا المبوب لم يُعطَ في المدرج)
يحتاج هذا القسم إلى 1 يوم للدراسة ويجب دراسته مرتين على الأقل كيلا يُنسى

☘ سيتوافر الملحقان الليلة بصيغة pdf وابتداءا من الغد ورقيا في المكتبة

🔵 الدكتورة فاطمة حلاج
🔵 قسم الوبائيات والدراسات الوبائية

هذا القسم يتنوع بين الفهم والحفظ مع ميل للفهم أكثر وسلس في دراسته بشكل عام ودرستم أغلبه في ملحق العملي
لذلك يحتاج إلى أقل من يوم للدراسة

سيكون هناك ثلاث محاضرات للقسم (لم ننته منها) لذلك لن تكون متوافرة غدا في المكتبة وسنحاول إنجازه باسرع وقت وبأفضل شكل🔥

🟢 المادة بمعظمها كمنهاج جديدة السنة لذلك لن يكون هناك بنك شامل للمادة مثل كل سنة
وبدلا من ذلك سيكون هناك اسئلة لكل المادة عبر القناة الخاصة بالاتمتة بالاضافة لنموذج او اثنين امتحانيات في اخر يومين

🟢 خطة المادة:
يمكنك ترتيب المادة متل ما بتحب بس حط ببالك كذا نقطة:
☘ يلي بدو سبعين ببلش من بكرة وليس بعده
☘ كل طالب لازم يدرس المادة مرتين وبالارقام يلي حطيناها فوق هيك اذا ما زنقت حالك بتخلص اول وش ب٣ ايام وشوي وبيزيد معك يوم للوش التاني والتدريب
☘ بدك تحسب حسابك السبت العصر او المسا يكون في نموذج امتحاني يعني بدك تكون خالص المادة لتقدر تستفيد منه بالشكل الأمثل
☘ أي مادة تتحول إلى مادة معدل فقط إذا تعبت على حالك لذلك الموضوع نسبي ومتعلق بتعبك فأكيد طالب رح يبلش بكرة ما رح تكون علامته متل طالب حيبلش الجمعة او السبت بالمادة لهيك شدو الهمة وخلينا كلنا سوا نعملها معدل بهمتنا
وإن شاء الله رح كون معكم وما قصر بالمساعدة بكل طاقتي لحتى نوصل لغايتنا الأساسية 💙💙

موقع المكتبة يلي متواجدة فيها محاضراتنا للي ما بيعرفها
https://t.me/interestingstatistic/413
ولا داعي للتوصية فالمحاضرات النازلة ستكون مطبوعة وجاهزة
ودوام المكتبة من ٨ونصف صباحا حتى ٨ مساءا💙

لا تنسوا تضيفو رفقاتكم حتى الكل يستفيد
رابط قناتنا
https://t.me/interestingstatistic

رابط شات المناقشة والأسئلة
https://t.me/interestingstatistical28

قناة الأتمتات
https://t.me/+rc9N2519s7syNTNk

صباح الخير أصدقائي

المحاضرات يلي جهزت صارت موجودة بالمكتبة وبامكانكم تجيبوها بعد الامتحان

وكل محاضرة عم تنتهي معنا عم تنزل فورا بالمكتبة

بالنسبة للpdf رح ينزلوا كلهم دفعة وحدة المسا بس نكون خلصنا شغل المادة كاملة 🔥🔥

تذكير بموقع المكتبة:
سبيرو - دخلة كافيه بروفا - مقابل معهد A+

كل التوفيق بامتحانكم💙

المبوب الأول للدكتور مازن
بعنوان الأمراض الوبائية

المبوب الثاني للدكتور مازن بالعناوين
انجازات الوبائيات والبحث الصحي وبعض مؤشرات الوبائيات

قسم الدكتور مازن كاملا👆🏻👆🏻

قسم الدكتورة فاطمة يُطبخ عل نار هادئة ليقدم بأفضل جودة كما تعودتم على عملنا 🔥🔥

والأغلب أننا لن ننتهِ اليوم منه بل للغد
وكمان بيكون بين اذا الدكتورة بدها تحذف شي او لاء لنعدل عليه قبل ما ينزل

حاليا عندكم قسمين اشتغلوا فيهم 💪🏻

موفقين

صباح الخير

#سؤال_مكرر

دكاترة السنة
حسين + مازن + فاطمة
يعني مافي دورات غير لحسين فقططططط وحننزلن عالقناة
عدد الاسئلة غير معروف
التوزيع غير معروف

السنة الماضية
حسين (كان منهاجه اكبر)
مازن (كان يعطي دراسات وبائية وترصد)
دورة اساسية: ٥٠ سؤال (٣٥ لحسين)
تكميلية: ٧٠ سؤال مناصفة

اللي قبلا
دكتور حسين عطا منهاج متقارب من منهاج السنة الماضية
دكتور عدنان بدور عطا دراسات وبائية وترصد وتقصي
الاسئلة بالنظامية ٧٠ (٤٠ لحسين ٣٠ لعدنان)
بالتكميلية يمكن ٦٠ حسب ما اذكر

السنتين يلي قبلهم
الدكتور عز الدين حيدر فقط
كان يعطي احصاء ومحاضرة وحدة وبائيات
الدورات يتراوح اسئلتا بين ٣٥ و٤٥

الخلاصة يلي بتهمك هية اول سطرين تلاتة💙

حسين مضمون
فاطمة تعرفتو على نمطها بالاخلاقيات (صعبة بس مو مستحيلة مع انو بمواد تانية كانت تجيب اسئلة متوسطة وشي سهلة فالموضوع نسبي)
مازن نمط اسئلته نصها سهللل بسييط ونصها صعببببب وبيركز عالكلمة فكمان ما تتهاونوا فيه

طيب كتوقع شو بتتوقع دكتور عالاسئلة؟
بشكل عام حتكون حرب وقت لاني متوقع ٧٠ سؤال
والتقسيم (كتوووووقع فقط)
يا متالتة يا حسين بياخد اكتر بشوي (هيك المفروض)

#سؤال_مكرر 2

إذا بلشت دراسة اليوم بلحق المادة؟

طبعا بتلحق بس حاول قدر الامكان ما تضيع وقت
يعني مو تدرس اليوم ساعتين تلاتة وتجي تقلي مبلش دراسة من الخميس🙃
الا اذا عندك امتحان تشريح

وفي قاعدة بتقول "متل ما بتزرع بتحصد"
فإذا تعبت هلق هالكم يوم بإذن الله بتجيب علامة عالية تناسب تعبك وترضيك
شو ما كان مستوى الأسئلة

طيب معلش بلش بكرة؟
لاء

موفقين💙

جاهزين؟

🔥🔥🔥🔥🔥

المحاضرة الثانية للدكتورة فاطمة تتضمن الدراسات الوبائية ومؤشراتها

طبعا المحاضرة متعوب عليها بكثير من الشرح وليست مثل الرسمية تماما

وان شاء الله حتستمتعوا بدراستها

يا جماعة المحاضرة الاولى طلع فيها مشكلة بس عم نعدل عليها وبترجع بتنزل
تحملونا💙💙