مرحبا بعد المعركة الطاحنة

بالعادة متل هيك وقت مننزل استفتاء عن التقديم
بس اليوم بعرف النتيجة مسبقا😅
اذا في شي ٧٠٠ طالب مقدمين ف ٦٩٩ طالب رح يحط أغضبني بعد الاستياء الحاصل بسبب الأسئلة
خاصة بعد ما كان الوعد اتمتة والمفاجأة رسمات والوقت غير كافي وخلقة وقت الدراسة لهالمادة بالذات كان مظلوم
(بتوقع هاد شعور الأغلبية حسب ما عم يبعتولي💔)

بالنسبة لرأيي:
ما فيني احكم عالاسئلة ابدا لشوفها كاملة بكل تفاصيلها وصيغتها كرمال اعرف حلها واحكم عالصعوبة

أي حدا قدر يصور الأسئلة او متذكر شي سؤال ياريت يبعتلي ياه لنقدر نجمعهم وننزل حل بركي منبرد قلوبكم شوي وبتطمنوا
عالمعرف @DrEssamzain

بشكل عام كل طالب فيك قدم ما باستطاعته وعمل جهده فالمهم تكون راضيا عن تعبك لحتى تكون علامتك بتناسب تعبك
وان شاء الله بيكون في شي طريقة للتساهل بالتصحيح خاصة للرسمة

💙💙💙

المستعجلين الكتار يلي عم يسألوا عالحل انو وينه 😂😂

انتهينا من جمع الأسئلة وكل الشكر لكل مين ساهم ولو بسؤال 💙💙

عم نشتغل الملف صدقوني واول ما يخلص ما رح خبيه عندي فورا رح ابعته

استعدوا للصدمات 💙💙

الحل سيتم نشره في الساعة الثامنة 💙

🔥🔥🔥
نقدم إليكم أصدقائي ملف حل أسئلة عملي الإحصاء

☘ الملف بيحوي كامل الأسئلة بتفاصيلها

☘ مع كل سؤال حله وشرح حله او دليل عليه من المحاضرات

☘ مقسمين ومبوبين مشان اختلاف النماذج

☘ الحل اجتهاد شخص وبإذن الله صحيح لكن الحل النهائي يضعه الدكاترة حسب وجهة نظرهم بكل سؤال ونحن واجبنا فقط نبين الاجابة الصحيحة

☘ مستوى الأسئلة: سهلة عدا سؤال بانواع المتغيرات صعب وسؤال الرسمة متوسط
عكس السنة الماضية حيث كانت الأسئلة اصعب

☘ مستوى الامتحان: صعب جدا
والسبب
✨ضيق وقت الدراسة قبل الامتحان
✨نمط الاسئلة الغير مؤتمت
✨وجود رسم
✨كارثة الوقت القليل للامتحان مقارنة بكمية الاسئلة

لذلك منتمنى من الدكاترة المتعاونين انو يكون في تساهل بالتصحيح خااااصة بسؤال الرسمة يلي الوقت تبعه كان مستحيييل يكفيه لو افترضنا انو للسؤال دقيقة

أي تساؤل بيطلع معكم عالحل بامكانكم تسألو عالشات لنجاوبكم

أولى البشائر 🔥🔥

عقبال الجميع يارب 💙💙

واي حدا ما حالفه النصيب
ان شاء الله بتعوض بالنظري
ورح نضل معكم لنوصل لل٧٠ بالنظري إن شاء الله 💙

حدا لاحظ انو التوزيع متناظر وخاضع للتوزيع الطبيعي؟ ✌🏻
طبعا مع استبعاد خيار يلي ما قدمو

بتوقع النزعة المركزية واضحة جدا بالاستبيان 😂

🔥 مساء الخير

بظل الوقت يلي الأغلبية مالهم نفس يدرسو حبينا نعملكم شوية تحفيز 💙

مسابقة صغيرة عالخفيف 🔥
والجائزة: كورس كامل مجاني 🔥

طبعا ما تفكروا انو المادة انتهت بمجرد انكم قدمتو امتحانها العملي لسا فيها محاضرات وشغلات كتير بانتظاركم لقدام

لكن لكونه محاضرة المؤشرات الإحصائية درستوها وما اجا منها شي حبينا نعمل مسابقتنا منها 💙

لهيك الكل يحاول يشارك واعتبروها كمان دراسة من جانب وتحدي من جانب وتمهيد لمحاضرة التقدير مستقبلا من جانب آخر

تفاصيل المسابقة
☘ المسألة بالصورة
☘ للفوز يجب الاجابة عن السؤالين (الاول الاساسي + واحد من التاني)
☘ المسابقة الإضافية يلي بيحب يحاول فيها يحاول
☘ الاجابة بتنبعت هون @DrEssamzain مو عالشات
☘ يحق لكل طالب محاولتين🔥
☘ ما بقول لطالب اذا جوابه صح او غلط في حال مجاوب على سؤال بده تفسير وما مفسره
☘ يعتبر صاحب اول اجابة كاملة صحيحة فائزا

good luck 💙

مساء الخير أصدقائي

عدنا إليكم بعد غياب بمحاضرة جديدة بعنوان:
✨ التوزيعات الاحتمالية المنقطعة ✨

تتضمن عدة محاور:
☘ تعريف بالتوزيع الاحتمالي وشروطه
☘ التوزيع الاحتمالي التجريبي
☘ التوزيع الاحتمالي المنتظم
☘ توزيع برنولي
☘ توزيع ثنائي الحد
☘ توزيع بواسون

⭕️ فينا نقول انو من هون بلش الجد والعملي الحقيقي

واكيييد رح يجي مسألة وحدة عالاقل منها بالنظري لهيك كتيير لازم تركزو عليها

مستوى الصعوبة: متوسط ~ صعبة (صعبة بنكشاتها وليس بدراستها)

لذلك متل ما تعودتوا علينا بمحاضراتنا المشغولة بدقة وعناية وتعب وخالية من الأخطاء رح نكمل معكم بنفس الاسلوب أكيد

🔴 المحاضرة أكيد مدعومة بشغلات اضافية مهمة جدااااااا وليس عن عبث وتمارين للتقوية ومسألة شاملة بالنهاية ومخطط مفاهيمي خارق ومهم ببدايتها بتدرسوه بس تخلصوا المحاضرة

🔥 الوقت المقدر للدراسة: ٤-٦ ساعات وسطيا

⭕️تجدون كافة اعمالنا ورقياً بطباعة ملونة ممتازة وبأسعار مناسبة في مكتبة STEPS - سبيرو - دخلة كافيه بروفا - مقابل معهد A+

⭕️رقم المكتبة للتوصية (تلغرام):   0983798786

⭕️ المحاضرة رح يكون في نسخ منها جاهزة ومطبوعة بالقياسين A4 و A5بوكلت

مساء الخير

منقدملكم محاضرة جديدة من قسم الدكتور حسين بعنوان:
✨التوزيعات الاحتمالية المستمرة✨

تتضمن المحاضرة الرسمية بقالب وترتيب مميز معتمدة على المخططات والجداول والمقارنات والتجميعات والشروحات التي ستحول اصعب محاضرة إلى معلومات سلسة وبسيطة🤩
وبتصير علامتها بالجيبة كمان😌

لهيك كتييير مهم يكون تركيزك بالمقام الأول على الملون بالأحمر لأنو كل كلمة هي خيار من سؤال دورة🔥

⭕️عدد الصفحات:20

⭕️الوقت المقدر للدراسة: 5 ساعات وسطيا

⭕️تجدون كافة اعمالنا ورقياً بطباعة ملونة ممتازة وبأسعار مناسبة في مكتبة STEPS - سبيرو - دخلة كافيه بروفا - مقابل معهد A+

⭕️رقم المكتبة للتوصية (تلغرام):   0983798786

⭕️ المحاضرة رح يكون في نسخ منها جاهزة ومطبوعة بالقياسين A4 و A5بوكلت

⭕️منحب نذكركم انو المكتبة
بتفتح يوميا عدا الجمعة من الساعة ٩ صباحا حتى ٧ مساءا عدا يوم الجمعة😇

⭕️ كرمال موضوع يلي عم يسألوني إذا الكورس لساته قائم
فأكيد طبعا الكورس مستمر بأي وقت فيك تشترك فيه
وحاليا باشرنا بشرح المحاضرات اللي بعد العملي ✌️🏻
للاستفسار والتسجيل
@DrEssamzain

بالتوفيق للجميع💙

مبارك عليكم اسم الجامعة الجديد

✨ جامعة اللاذقية ✨

نحو مستقبل أكثر إشراقاً بإذن الله
💙💙💙

مساء الخير أصدقائي

حابين بهالعطلة نقدملكم فيديو مميز
بعنوان:

✨التوافيق والتراتيب والتباديل✨

حيث رح نحل فيه مشكلة هالمصطلحات الثلاثة إلى الأبد بطريقة جدا مميزة 🤩
محاور الفيديو:
☘ شرح مبادئ هذه المصطلحات باستخدام أوراق اللعب (الشدة) 🃏
☘ توضيح القوانين بأبسط طريقة💪🏻
☘ كيفية حساب كل واحد منهم على الآلة الحاسبة بكبسة زر 🔥🔥
☘ بعض من خصائص التوافيق✌🏻

الفيديو لا تقتصر فائدته على الإحصاء
حيث يمكن أن يستفيد منه أي طالب يدرس رياضيات او إحصاء من اي كلية او اي طالب بكالوريا يدرس بحث التحليل التوافقي والاحتمالات
فإذا عندك أخ أو صديق بإمكانك تشاركه معه 💙

رابط قناتنا (بوابة الإحصاء)
https://t.me/interestingstatistic

#منقول


برنامج امتحانات العملي

موفقين أصدقائي في كل امتحاناتكم 💙💙🔥

عام يمضي وآخر يأتي
وهكذا عجلة الزمن تدور بلا توقف

ودورنا الآن ليس النظر إلى الوراء وتذكر الماضي
مهمتنا الوحيدة الاهتمام بمستقبلنا
وهلق عام جديد سيفتح صفحته أمامنا لنملأها
فبالأمل المزروع في داخلنا يتوجب علينا أن نكتب أهدافنا الجديدة لهذا العام لنقوم بتنفذيها (لا أقول أحلام وأماني فهذه لا تُحقق)

كل واحد فينا لازم يصبح إنسانا جديدا في مكانه
في دراسته في عمله في مجتمعه ...

الاشياء الإيجابية يلي عندنا لازم نحط خطة لتنميتها وجعلها اكبر

وأخطائنا اللي وقعنا فيها لازم نلاقي الطريقة الصحيحة لتلافي الوقوع فيها مكررا

هكذا يجب أن تكون نظرتنا تجاه عام جديد

لا نكتفي بالفرح بل نحتاج إلى إنجاز يصاحب الفرح لنصل للفرح الحقيقي

كنت تدرس كذا ساعة باليوم
ضيفهم ساعة
اسلوب دراستك بمادة ما حاسه ما عم يفيد
دور عطرق فعالة اكتر
شوف الشغلات يلي عم تخليك تقصر باهدافك ودراستك وحاول تقلل منها قدر الامكان
لحتى معدلك يتحسن

كن إيجابيا وواقعيا وثق في نفسك أنك قادرٌ على فعل المستحيل 🔥🔥

عام جديد جميل مليء بالأطباء الأبطال الجدد 💙💙💙

#منقول
#تعويض_العملي

مسا الخير جميعا💙
مشان تعويض عملي الاحصاء اللي بدو يعوض يبعت الاسم الثلاثي و الرقم الجامعي و الفئة عهاد الغروب 💙
و مشان التفاصيل المواعيد بس نعرف منخبركن فورا 💙
و بالنسبة لطلاب الاستضافة كمان يبعتو عهاد الغروب و يكتبو انن استضافة و رح يقدمو معنا💙
موفقين💙
https://t.me/+rktg51W9TlY1OWFk

#منقول

#تعويض_امتحان_عملي_الاحصاء 💙

تواصلنا مع الدكتوره فاطمة حلاج والدكتوره مشكوره وافقت على تعويض امتحان الاحصاء للذين لم يتقدموا.

🔻الامتحان راح يكون الاربعاء القادم بتاريخ 15 /1.

بالنسبه للمطلوب فهو نفسه:
🔹️بقسم الدكتورة فاطمه والدكتور مازن ملف العملي موجود عالبوت (الاستمارات يلي بتشوفوها بالملف غير مطلوبة بتطلع قسم منيح من الملف).
🔹️قسم الدكتور حسين مطلوب منو اول محاضرتين نظري.

🔻بالنسبه لطلاب الاستضافه راح يكون التقديم مع طلاب التعويض.

🔹️التوزيع راح ينزل لاحقا.


نتمنى لكم كل التوفيق💙💙

مساء الخير أصدقائي
#تعويض_عملي

تذكير وشوية ملاحظات (برسالة شاملة)

🔴 تذكير بالمطلوب

✨ قسم الدكتور حسين علي (٣ محاضرات)
1. أنواع البيانات وطرق عرضها
2. المؤشرات الإحصائية
3. مؤشرات المسح المخبري والاحتمال

✨ قسم الدكتورة فاطمة والدكتورة نغم (ملف واحد)
ملف العملي (طبعا الاستمارات والأمراض غير مطلوبة كلها بيطلعو شي نص الملف)

☘ شغلات مساعدة
🟢 ملف حل أسئلة العملي الأساسية مع بعض الشروحات (مهمممم جدا)
🟢 فيديوهات لشرح ملف العملي بتسهل دراسته وبتختصر الوقت جدا ومركزة على أهم الأفكار:
١. الترصد الوبائي
٢. الإحصاء الصحي والمسح والتعداد والمعاينة
٣. الدراسات الوبائية ومؤشراتها

#هامش: الأفضل إذا دراستك سريعة أنك تدرس كلشي داخل

لكن إذا متأكد انو ما بتلحق فتعال معي على خطة الزنقة:
🧨 بداية ملف العملي بيكفيه الفيديوهات (مدتها ١٠٨ دقيقة) ومافي داعي لتجرب مين اسهل واسرع اسال يلي قدمو بيقلولك كيف ضلو بالملحق اكتر من ٥ ساعات وبالاخير ما اندرس معن ✌🏻

🧨 محاضرة حسين الأولى: (٢.٥ ساعة)
💥بتروح فورا عالصفحة ٤ و٥ وبتدرس التعاريف وميزات العينة بدون الصناديق الخضر
💥 تصنيف البيانات بيهمك فقط تصنيف البيانات حسب طبيعتها (الاهم) صفحة ٦ وحسب الاستمرار النصف الاول من الصفحة ٩ والباقي اذا بدك حفظه بس بالاسم
يعني بالنهاية بيهمك فقط تعرف المتغير إذا كان (وصفي اسمي / وصفي رتبي / كمي منقطع / كمي مستمر)
💥 صفحة ١٠ و١١ و١٢ فهم وقراءة سريييعة
💥 هلق بتروح عاخر صفحة بالمحاضرة في مخطط بتبصمه وبترجع عكل نوع بالعرض البياني بيهمك وقتا تعرف انو شلون بينرسم (اذا في اعمدة شو شكلا واذا في زوايا شلون تنحسب واذا في محورين كل واحد عشو بيدل) وليش منستخدم كل واحد (للبيانات المنقطعة ولا المستمرة واذا اعمدة شو الفرق بينهم)

🧨 محاضرة حسين الثانية (٢ ساعة بالكتير)
💥 ما اجا منها بالعملي الاساسي بس مافي مانع يجي هلق منها
💥 بشكل عام ادرسها كلها دراسة سريعة وبس فهم لا تبصم شي غير القانون النهائي واذا في ايجابيات سلبيات
💥 شغلات فيك تتجاوزها:
المقدمة - كلشي مكتوب عليه اضافة للفهم او اثراء - مستطيل التوضيح صفحة ٣ - مستطيل اخضر صفحة ٦
صفحة ٧ و٨ فيك تتجاوزن تماما لانهم شرح لاستنتاج قانون بلش من الصفحة ٩ وافهم كيف حسبنا من التدريب
💥 باقي المحاضرة بتمشي بسرعة

🧨محاضرة حسين الثالثة (٢ ساعة)
💥 بلش بالصفحة ٦ وفيك تمشي بسرعة من هون بس فهم شو يعني احتمال وشو يعني ارجحية مين البسط ومين المقام وهيك
💥 صفحة ٩ و١٠ مقاييس الخطر اكتر شي بيهمك رمز القانون واسمه والقانون (التذكرة الوبائية والملاحظة الحمراء بلاهم)
💥 هلق جرب تحل التمرين ٢ بالصفحة ١٢ (طبعا ما توجع راسك باخر طلب) وهي الحل للتأكد
💥 هلق ارجع عمؤشرات المسح المخبري يلي مهمة وقبل ما تبلش دراستها بدي تحفر براسك شكل الجدول بالصفحة ٥ مع اسهمه لتربط شكل القانون
💥 طبعا القوانين مافي داعي لحفظ اسمائها بالانكليزي او رموزها P(T/D) بيهمك تعرف كل وحدة ليش بتنحسب (يعني شو بتمثل) وكيف بتنحسب (يعني شو ع شو) بعدين بتحل التمرين صفحة ١١ مهم جدا جدا

🔴 وأخيرا والأهم تعمل تشييك على ملف حل أسئلة العملي هاد لتكون بالصورة كيف ممكن تكون الأسئلة
وخلي ببالك انو الامتحان بكرة حرب وقت قد ما فيك تأسرع بالحل أسرع

#موفقين 💙

مساء الخير

ملاحظة صغيرة لجماعة التعويض😇

يلي عم يسألوني عن سؤال الجرعة بالميليغرام الكامل

انا ذكرت بملف الحل انو يقبل كذا اجابة وهو خلافي وحل الخلاف هو فقط وجهة نظر واضع السؤال حسب شو قصده تماما بكلمة الكامل
ذكرت التوضيح كاملا بالملف
لكن اذا اجا شي متله بكرة ورجع كرر الدكتور كلمة الكامل متل ما هية فوقتها منرجح انو القصد فيها للدكتور انو بلا فواصل وبيصير الجواب كمي منقطع

برجع بذكر بامكانك تختار الجواب المنطقي بالنسبة الك وحسب السؤال
لكن اذا انزنقت بالوقت وحبيت تشلفها فشلفها منقطع وقتا

موفقين💙