بما يخص الامتحان العملي

قسم الدكتور حسين:
المطلوب هو أول ٣ محاضرات من فريقنا (يلي نزلوا يعني) لأنو الرسمية الاولى نحن قاسمينها لمحاضرتين

قسم الدكتورة نغم:
ملف عملي الوبائيات يلي نزلته الهيئة
طبعا انحذف منه اول مرة الاستمارات
وحاليا انحذف منه تفاصيل الامراض عدا تعدادها
وبكرة الدكتورة رح تعطي بعد الدكتور حسين
بس ناخد تفاصيل اكتر منخبركم اذا رح ننزله او شو رح نعمل فيه

يعني اليوم بامكانكم تدرسو قسم الدكتور حسين لبين ما يجي بكرة

موفقين💙

♥️مرحباا زملاء


💫أعطى الدكتور مازن ديوب محاضرة بعنوان:
💢الأمراض المنقولة بالرذاذ ومفرزات الأنف💢 تضمنت:

📌الهربس النطاقي.
📌الحُماق.
📌السعال الديكي.
📌التهاب السحايا.
📌التهاب سنجابية النخاع.
📌فقرة صغيرة عن السل.

(طبعا المادة صارت انتانية ماعاد في احصاء بالموضوع😅)

🔥الدكتور أنهى قسمه.


👻الدكتور أخد حضور وما كان راضي 👀
👻كان على وشك يتأجل الامتحان بس بالآخير تراجع😞

🔥الدكتور ذكر أنو الأسئلة بدها تفكير وتركيز💡



♥️موفقين بامتحان الاحصاء♥️

👀👀جاهزين لأتمتات المحاضرة الأولى بقسم الدكتور حسين🔥

قناة الأتمتات
https://t.me/+rc9N2519s7syNTNk

مساء الخير للساهرين على الإحصاء

بالنسبة لملف العملي
نحن ما حسنا نشتغله لأنه بدو ياخد وقت كتير لينعمل خاصة اذا بدنا نشتغله فأكيد بدنا نشرح كلشي بده شرح ويصير حجمه كبير شي ٣ محاضرات وليس الموضوع فقط كتابة او تلخيص
لهيك ما قدرنا نشتغله بهالوقت الضيق وبامكانكم تدرسوه من ملف الهيئة
(طبعا الأمراض مطلوب اسمائهم حسب ما ذكرت الدكتورة نغم)

بالمقابل
🔥 غدا رح يكون فيه ان شاء الله فويسات لشرح أهم افكار الملحق العملي واي شيء بيحتاج لتوضيح او فيه عمليات حسابية رح ننبسطه ان شاء الله

#موفقين💙

حل التمارين الغير محلولة في المحاضرات

في حل تمرين الاحتمالات
الطلب ٦ في مقامه نستبدل ١٥٠ ب١٢٥ ويبقى الجواب صحيح

🔥🔥🔥🔥

كل طالب سهران هلق عالدراسة معناها مهتم وبيحب هالمادة 😌

وهدول المهتمين شتهيتهم بهالفيديو الحلو يلي مشروح فيه عدة امور اهمها معنى النزعة المركزية ومعنى التشتت وكيفية تمثيل المجتمعات

طبعا هالفيديو رح يساعدكم كتير سواء بدراسة محاضرة النزعة والتشتت او بالمحاضرات القادمة يلي بعد العملي بشكل كبير

عدا عن كونه انو بيورجيك جانب من جوانب الاحصاء العملية الحلوة بالوقت يلي عصيان فيه حضرتك ببصم الإحصاء يلي هية بالحقيقة ما بتحتاج لبصم

☘ بتمنى من الجميع يحضره ليستفيد وهو مو طويل ما بتملوا يعني 💙

#كل_التوفيق

🔥🔥🔥🔥

لانو وعدناكم أنو ما منترككم💙

جبنالكم مفاجأة
موضوع الفويسات صار فيديو وشرح 🔥🔥
هيك بتفهمو اكتر وتعتبرو عم تدرسو وانتو عم تحضرو

الفيديوهات مشروحة اعتمادا على ملف العملي الرسمي ومدعوم بشروحات هااامة من محاضرات ثانوية (إحصاء + طب مسند)

هاد الفيديو هو الجزء الاول من ملحق العملي
ويتضمن:
☘ تعريف الترصد الوبائي
☘ أسس وخطوات الترصد الوبائي
☘ الأمراض المنتقلة الواجب الإبلاغ عنها

حاولنا نضغط الفيديو لحتى يكون سهل تحميله للجميع

شاركوا الفيديو مع اصدقائكم لحتى الكل يستفيد

جاهزين للفيديو التاني؟
🔥🔥🔥🔥🔥

🔥🔥🔥🔥🔥
مع الفيديو التاني الخاص بملحق العملي

بهاد الفيديو حكينا عن
☘ اسس الاحصاء الصحي ومراحله
☘ المسح والتعداد
☘ الاعتيان وكل ما يخصه

🔥 هالفيديو اهم من اللي قبله واحلى وامتع وعملي اكتر

حيكون لسا في جزء ثالث عن الدراسات الوبائية ومؤشراتها عم نحاول نشتغله باسرع ما يمكن 💙

لا تنسوا تضيفو رفقاتكم حتى الكل يستفيد
رابط قناتنا
https://t.me/interestingstatistic

رابط شات المناقشة والأسئلة
https://t.me/interestingstatistical28

قناة الأتمتات
https://t.me/+rc9N2519s7syNTNk

الفيديو الأخير والاهم للقسم العملي تقريبا صار فينا نقول انو جاهز
لمسات بسيطة وحنباشر برفعه اصدقائي 💙

الجزء الثالث والأخير من فيديوهات ملحق العملي

وتضمن:
☘ انواع الدراسات التدخلية
☘ انواع الدراسات اللاتدخلية
☘ المؤشرات الوبائية التي يمكن حسابها لها

الفيديو رح يوفر عليك حفظ كل من ميزات ومساوئ كل دراسة وكيفية تصميمها وكمان القوانين رح تفهمها وتعرف تحسبها

لهيك طالما حاسس حالك ضعيف فيهم لا تروح الفيديو من بين ايديك

الموضوع مدسم وبده شرح وتفصيل كتير لكن حاولت قدر الامكان ما ركز وغوص التفاصيل اولا مشان ما يطلع الفيديو ضخم تانيا مشان يكون ملائم لمحتوى العملي
اما فعليا بالعادة بياخدو مني ٤ ساعات شرح بشكل كامل😂

دراسة موفقة💙

وببوست أخير لهاليوم المعبى حابين نذكركم بالالة الحاسبة محدا ينساها بكرة

ان شاء الله الوضع بيكون رواق والاسئلة سهلة
المهم ما تتردد بشي بتعرفه ومتاكد منه وتحل عرواق وتقرأ كل كلمة بالسؤال منيح

ان شاء الله بكرة الكل ببشرنا بالاخبار الطيبة 😇

منتمنالكم كل التوفيق 💙💙

🔴 #سلسلة_فقرات_هامة 1🔴

🔴 التشتت ومقارنة التشتت 🔴

✨لدارسة تشتت لعينة:
١. المدى المطلق: (الأسوأ) لأنه يأخذ بعين الاعتبار قيمتين فقط ويتأثر بالقيم الشاذة
٢. التباين: (أفضل من المدى) لأنه يأخذ بعين الاعتبار كل القيم ويقيس صفة التشتت (كبير أو صغير) لكنه لا يقيس كمية التشتت لأنه ليس له دلالة إحصائية
٣. الانحراف المعياري:(المعيار الأفضل) يقيس بدقة كمية التشتت

✨ لمقارنة تشتت مجتمعين مختلفين أو لمقارنة تشتت متغيرين مختلفين لنفس المجتمع:
لا يمكننا استخدام مقاييس مطلقة وذلك بسبب وجود واحدات قياس مختلفة
>>> نحن بحاجة لمقاييس نسبية خالية من الواحدة
>>> لذلك نحول المدى والانحراف من مقاييس مطلقة إلى نسبية بتقسيمها على متوسط عينتها

١. المدى النسبي Rp: مؤشر سهل الحساب يفيد في المقارنة السريعة بين تشتت عينتين
٢. معامل الاختلاف (الانحراف النسبي) C.V: أفضل مؤشر لمقارنة التشتت بين مختلف العينات

في هذين المقياسين من الطبيعي أنو يكون أقل من ١٠٠% وهذا بيشير الى ان التشتت ضمن الوضع الطبيعي
وإذا اقل من ٥٠% فالتشتت قليل وأفضل
لكن إذا كان فوق ال١٠٠% (وخاصة المدى النسبي) فهذا يعني ان تشتت القيم كبير جدا جدا

فلا تستغربو إذا طلع الرقم مثلا ١٥٤% او ٣٨٠%

🔴 آخر ملاحظة مهمة🔴
المقياسين هدول نسب مئوية فلازم عند حسابهم نضرب ب١٠٠ ونحط إشارة %

إذا الخيارات محطوط فيها اشارة % (الوضع لوز)
اذا كل الخيارت ما محطوط فيها % (بتختار الرقم اللي طلع معك بغض النظر عن اشارة% في منهاجنا فقطططططط)
إذا خيارات فيها % وخيارات لاء هون بدك تدقق وحصرا لازم تختار الرقم الصحيح مع % وإلا بتختار غير ذلك

🔴#سلسلة_فقرات_هامة 2🔴

🔴 معلومات متنوعة 🔴

🔥 الوسيط 🔥
هو القانون الوحيد الذي نحتاج فيه لترتيب البيانات

🔥 الانحراف والتباين 🔥
☘التباين هو مربع الانحراف والانحراف هو الجذر الموجب للتباين
☘ بما يخص العملي بكرة فبحساب التباين يكون المقام هو n حتى يثبت العكس بنسبة ٩٠%
(طيب شو ال١٠%؟  اذا قلي احسب S² بشكل واضح وصريح وهون المقام n-1 اذا الn اقل من ٣٠)

🔥 المؤشرات الاحصائية🔥
كللل المؤشرات للاحصائية تقبل الفواصل وحينها ناخذ أول رقمين بعد الفاصلة

🔥 العينة 🔥
يتناسب حجم العينة مع كل مما يلي:
١. هدف الدراسة (حسب ما يراه الباحث مناسبا)
٢. الدقة المطلوبة *طردا*
٣. الميزانية المخصصة للبحث *طردا*
٤. تجانس المجتمع *عكسا*

🔥 العرض البياني 🔥
☘ مخطط الأعمدة للبيانات المنقطعة
☘ المدرج (الهيستوغرام) للمستمرة حتما
☘ المنحني افضل للمستمرة
☘ الفطيرة للمنقطعة حتما وخااصة للاسمي وخاااصة اذا قيمه المختلفة قليلة

🔥 احتمال الحدث 🔥
☘ إذا الحدث بسيط يعني مطلوب صفة واحدة
فالاحتمال هو عدد اصحاب هالصفة عالعدد الكللللللي
☘ إذا الحدث شرطي (مدخن متعلم)
فالبسط هو المربع اللي تقاطعت فيه هالصفتين
والمقام هو مجموع الصفة الثانية (كل المتعلمين)

🔥 أرجحية الحدث 🔥
☘ إذا الحدث بسيط يعني مطلوب صفة واحدة
فالأرجحية هو عدد اصحاب هالصفة على عدد اصحاب الصفة المعاكسة وليس العدد الكللللللي

يسعد صباحكم
منرجع منذكر ما حدا ينسى الالة الحاسبة

موفقين جدا اصدقائي
اول ما تطلعو من الامتحان طمنونا💙

مرحبا بعد المعركة الطاحنة

بالعادة متل هيك وقت مننزل استفتاء عن التقديم
بس اليوم بعرف النتيجة مسبقا😅
اذا في شي ٧٠٠ طالب مقدمين ف ٦٩٩ طالب رح يحط أغضبني بعد الاستياء الحاصل بسبب الأسئلة
خاصة بعد ما كان الوعد اتمتة والمفاجأة رسمات والوقت غير كافي وخلقة وقت الدراسة لهالمادة بالذات كان مظلوم
(بتوقع هاد شعور الأغلبية حسب ما عم يبعتولي💔)

بالنسبة لرأيي:
ما فيني احكم عالاسئلة ابدا لشوفها كاملة بكل تفاصيلها وصيغتها كرمال اعرف حلها واحكم عالصعوبة

أي حدا قدر يصور الأسئلة او متذكر شي سؤال ياريت يبعتلي ياه لنقدر نجمعهم وننزل حل بركي منبرد قلوبكم شوي وبتطمنوا
عالمعرف @DrEssamzain

بشكل عام كل طالب فيك قدم ما باستطاعته وعمل جهده فالمهم تكون راضيا عن تعبك لحتى تكون علامتك بتناسب تعبك
وان شاء الله بيكون في شي طريقة للتساهل بالتصحيح خاصة للرسمة

💙💙💙

المستعجلين الكتار يلي عم يسألوا عالحل انو وينه 😂😂

انتهينا من جمع الأسئلة وكل الشكر لكل مين ساهم ولو بسؤال 💙💙

عم نشتغل الملف صدقوني واول ما يخلص ما رح خبيه عندي فورا رح ابعته

استعدوا للصدمات 💙💙

الحل سيتم نشره في الساعة الثامنة 💙

🔥🔥🔥
نقدم إليكم أصدقائي ملف حل أسئلة عملي الإحصاء

☘ الملف بيحوي كامل الأسئلة بتفاصيلها

☘ مع كل سؤال حله وشرح حله او دليل عليه من المحاضرات

☘ مقسمين ومبوبين مشان اختلاف النماذج

☘ الحل اجتهاد شخص وبإذن الله صحيح لكن الحل النهائي يضعه الدكاترة حسب وجهة نظرهم بكل سؤال ونحن واجبنا فقط نبين الاجابة الصحيحة

☘ مستوى الأسئلة: سهلة عدا سؤال بانواع المتغيرات صعب وسؤال الرسمة متوسط
عكس السنة الماضية حيث كانت الأسئلة اصعب

☘ مستوى الامتحان: صعب جدا
والسبب
✨ضيق وقت الدراسة قبل الامتحان
✨نمط الاسئلة الغير مؤتمت
✨وجود رسم
✨كارثة الوقت القليل للامتحان مقارنة بكمية الاسئلة

لذلك منتمنى من الدكاترة المتعاونين انو يكون في تساهل بالتصحيح خااااصة بسؤال الرسمة يلي الوقت تبعه كان مستحيييل يكفيه لو افترضنا انو للسؤال دقيقة

أي تساؤل بيطلع معكم عالحل بامكانكم تسألو عالشات لنجاوبكم