🔴حصيلة الإحصاء🔴

☘مع الدكتور مازن ديوب☘
أكمل الدكتور حديثه عن الأمراض المنتقلة بالطريق التنفسي  بالعناوين التالية :
🛑الاجراءات المتخذة نحو مريض الحصبة.
🛑الحصبة.
🛑الحصبة الألمانية.
🛑النكاف.
🛑آليات التمنيع والوقاية (التمنيع الفاعل والتمنيع المنفعل)

🔥ذكر الدكتور مازن انو الدكتورة فاطمة رح تعطي المحاضرة النظرية المرة الجاية.
🔥بالنسبة للعملي رح يكون بالتنسيق بين الدكتور حسين والدكتورة نغم.

🔥حابين نذكركم بالمحاضرة العملية الأولى يوم السبت♥️.
#موفقين_جداً_وكثيراً_زملاء💜

🔴حصيلة الإحصاء🔴

☘مع الدكتورة نغم ☘
أعطت الدكتورة :
🛑الترصد الوبائي.
🛑أهدافه.
🛑خطواته.
🛑أنظمة الرصد الوبائي.
🛑آلية المراقبة الوبائية (التقصي).
🛑تعاريف(جائحة-وباء-فاشية).
🛑الأمراض الانتقالية الواجب الإبلاغ عنها.

🔥 ملحوظة:المسائل والأرقام وهالشغلات العملية رح يعطيها الدكتور حسين.🔥

#موفقين_جداً_وكثيراً_زملاء💜

مساء الخير طلابنا الأعزاء 💙

بظل الهدوء الشديد حبيت نزل بوست جاوب فيه على كثرة تساؤلاتكم حول موضوع المادة بشكل عام وموضوع الكورس ايمت رح يصير.

ورح وضح الموضوع ببعض النقاط:
١. أكيد الكل ملاحظة التأخير بإعطاء مادة لظروف خاصة للدكاترة الله يجزيهم الخير ما بيقصروا كل سنة
لكن هذا التاخير اول مرة يحصل بالعادة بيتاخر الاحصاء اسبوع واحد عن باقي المواد وببلش باخر الشهر ٩ او بالكتير باول اسبوع من ١٠ كنظري وعملي

٢. نحن هلق بمنتصف الشهر ١١ ونعتبر تقريبا ما بلشنا بالمادة فعليا حيث ما انعطى غير محاضرتين من القسم النظري (مفاهيم وبائية والترصد - الأمراض المنقولة بالتنفس) وهنن ما بيشكلو اكتر من ٢٠% من القسم النظري عادة

٣. أما القسم العملي فلهلق لسا ما بلش (وهو قسم الدكتور حسين علي) وهو القسم الذي يشمل ٦٠-٧٠% من المادة

توضيح للضايعين😂 (نظري vs عملي)
💡 عندك دوام نظري التلاتا وعندك دوام عملي السبت حسب برنامجكم كفئات بتاخدوا عليه علامة الحضور (بس هالحكي لا يشمل مضمون المحاضرة عملية او نظرية)
💡 عندك للمادة قسم نظري وهم شق الوبائيات والبحث العلمي وهو اختصاص الدكاترة الثلاث د.فاطمة د.مازن و د.نغم
وهو يشمل حسب اخر سنتين ٣٠-٤٠% من المادة
وعندك قسم عملي للمادة وهو شق الإحصاء الطبي والرياضي (هون يعني شغل ارقام والة حاسبة والله حيو 😍) وهو اختصاص الدكتور حسين ويشمل تقريبا ٦٠% من المادة
💡 اخر اضاءة عندك شي اسمه امتحان عملي هاد يلي بيكون عادة باخر الشهر ١٢ وبيدخل فيه ما تم اعطاؤه من قسم الدكتور حسين وممكن باحتمال اقل يدخل شي نظري معه وعادة بيكون ٢٠ او ٣٠ سؤال اتمتة (حتى المسائل مؤتمتة)
وامتحان نظري فصلي بيدخل فيه كلشي انعطى بالمادة

فالمفروض هلق تكون فهمت كلمة عملي بكل مضمار شو بتعني
(مثلا السبت الماضي كانت محاضرة عملي وعليها حضور بس عطت الدكتورة نغم مشكورةً محاضرة نظرية) الموضوع بيرجع لوقت فضا الدكاترة


٤. سؤال متكررر: المنهاج نفس السنة الماضية؟
🔍 لحد الآن وحسب ما يبدو انو قسم الوبائيات محاضراته ستكون مختلفة عن السنة الماضية أما بما يخص الاحصاء فما فينا نعرف ليعطي الدكتور حسين اول مرة بس

٥. سؤال متكرررر: شو رح نلحق ناخد؟؟
🔍 الموضوع هاد ما فينا نتنبأ فيه تماما لكن الخيارات الممكنة:
🦠 انو ينعط من هون لاخر ١٢ كل اسبوع محاضرتين والدكتور حسين يكثف الكمية بكل محاضرة (الاكثر احتمالا😊)
🦠 انو ما يلحقو الدكاترة يعطو كلشي ويسامحونا بالباقي (أقل احتمالا😇)
🦠انو يضل شغلات ما يلحقوها وتتقرر عليكم (الأقل احتمالا🤕)

٦. سؤال متكرر: شو فينا ندرس بالمادة هلق؟
للاسف ولا شي لبين ما يبلش تنزل الرسميات وننزل محاضراتنا ويشد الاعطاء فوكس عباقي المواد لأنو رح تجيك زنقة احصائية لقدام 😁

٧. سؤال متكرررر: دكتور ايمت رح يبلش الكورس؟
تم توضيح الجواب بالنقاط ٢ ٣ ٤
للأسف ما فينا ناخد قرار بهالموضوع ليكون المادة ماشية على قدم وساق ومعروف شو بده ينعطى

٨. دكتور خايفين... شو نساوي؟
المادة نصف سهلة ما بتخوف 😁
بتخوف اذا قلت انو العملي مو مهم بالنظري منشد😐
وبتخوف اذا قلت الاحصاء لاسبوعها 🙂
واسألوا من كان قبلكم
كل مين تابع فيها عالخفييف واهتم فيها اخد علامة ممتازة❤
وكل مين اهملها تماما لانه قالوله سهلة تبهدل 💔

بالنهاية هية مادة مقررة عندك وعليها 💯 علامة متل الفيزيو والتشريح تماما عزيزي
لهيك يرضى عليك الاهمال ممنوع، بشوية اهتمام قدرانين نصنع فرق

ورح كون معكم باذن الله بكل خطوة بهالمادة لنوصل لاعلى العلامات ان شاء الله

كنا عم نجهز فيديو نشرح فيه هالنقاط السابقة ونعطي لمحة بسيطة عن المادة
وهالحكي من الشهر التاسع وانا ناطر لتنعطى اول محاضرة عملية عالاقل 😅
طبعا وبعدني نااطر

لكن لكثرة الاسئلة والمخاوف والتأخر قررت نزلت عشكل بوست

بالنهاية أصدقائي حاليا لا تاكلوا هم المادة وركزوا على باقي موادكم حتى إشعارٍ آخر

#كل_التوفيق💙

مسااء الخييير أعزائي

وأخيراً صار فينا نقول أنو مادتنا الحلوة ابتدت 😍😍

حيث افتتح الدكتور حسين اليوم المادة بالقسم الأول من مادة الاحصاء المتضمن لمحاضرتين:

⭕️ مقدمة في علم الإحصاء. وتشمل:
🖊 بعض التعاريف الإحصائية
🖊 أنواع البيانات
🖊 طرق عرض وتلخيص المعطيات

⭕️ المؤشرات الإحصائية. وتشمل:
🖊 مؤشرات النزعة المركزية
🖊 مؤشرات التشتت

✨ طبعا المحاضرة بتنزل اول ما تتزل الرسمية ان شاء الله

✨ منحب ننوه أنو هالمحاضرتين وخاصة المؤشرات الإحصائية هامين جدا لامتحاني النظري والعملي

#كل_التوفيق

#نقلا_عن_الهيئة

مسا الخير 💙
بس بكرا رح يكون عملي الاحصاء من 9 لل 10:30 للفئات 1و2و3 بالمدرج 30
بعدين رح تعطي الدكتورة فاطمة محاضرتها الوحيدة من ال 10:30 لل 12💙

هية محاضرة وحدة لهالدكتورة
كما أنها رئيسة قسم المادة ومتعاونة جدا💙
لهيك خلينا نبيض وش بالحضور
عسى تضل المادة لطيفة 💙

مساء الخير أعزائي
بوست ما قبل إعلان الكورس
كونه صار لازم نبلش باقرب وقت طالما المادة بلشت

استفتاء صغير حابين نعرف فيه يلي حابين يشتركوا بالكورس شو بيفضلوا اكتر :
✨كورس عالواقع
حيث ايجابيته الالتزام اكتر وتركيز اعلى وامكانية المناقشة والاسئلة بكل فقرة

مقابل

✨ كورس الكتروني على تطبيق
حيث ايجابيته هو امكانية الحضور باي وقت والاعادة واختصار جهد المواصلات

بتمنى يلي حابب يشترك يصوت لناخد قرار باسرع ما يمكن لنبلش الكورس باذن الله

#مسابقة😍😍

بما انه تجاوز الاستبيان ال١٠٠ تصويت

الجائزة
⭐ كورس مجاني ⭐

السؤال: بناءً على الاستفتاء السابق
ما احتمال أن يكون الكورس إلكتروني؟

الجواب مع التفسير☢

#هامش١: الجائزة ستكون من نصيب صاحب أول إجابة صحيحة فقط 🥇
#هامش٢: يحق لكل طالب محاولة1️⃣
#هامش٣: يلي بدو يبعت الجواب يبعته لهون @DrEssamzain وليس بغروب المناقشة

الكل يحاول
واعتبروها تحماية لدراسة محاضرات الاحتمالات وليست مجرد مسابقة 💙

لا حدا يتسرع يا شباب
لسا ما طلعت الرسالة ١٣ جواب اجاني😂
+ قلت ما بقبل جواب بلا تفسير 😂

ملاحظة
انا عم جاوب عالرسائل حسب يلي عم يبعت قبل
لهيك طولو بالكم اذا ما عم رد بسرعة
الاجابات كتيرة

ونقطة هاااامة
الاحتمال هو مصطلح رياضي يُعبر عنه بقينة نسبية او نسبة مئوية
يعني تعال قلي ٠.٣١ او قلي ٣١%
هيك بقبل الجواب
طبعا مع التفسير ليش طلع معك هيك
والاحتمال كمان مستحيل يكون اكبر من ١٠٠%
وهاد سؤال اجا بالسنة قبل الماضية
فلا حدا يقلي ١٠٩ 😅

واذا بدك تعدل جوابك
معك وقت لبين ما اوصل لمحادثتك😁

يا جماعة الموضوع وصل لعند chat gpt
وما عرف يحله 😂😂💔

طبعا السبب انو ما رح تعرف تصيغ السؤال له صح
ولا تعطيه تفاصيل الاستبيان

المسابقة انتهت 🎉🎉
وشوي رح نعلن الفائِزَين مع شرح الجواب

بداية قبل ذكر الاجوبة الصحيحة حابب ناقش اكتر جواب خاطئ تكرر وهو ٧٤/٧٥ حسب اختلاف وقت الإجابة
وهي النسبة الظاهرة بجانب خيار (الكتروني)

هذا التفكير كان ليكون صحيحا لو كان الاستبيان عبارة عن خيارين فقط
واقع Vs الكتروني
وانتبه انا قلت التفكير وقتا بيكون صح مو الجواب لانو الرقم هاد رح يتغير لانو في ناس صوتت عالمحايد حتصير مجبورة تصوت عاحد الخيارين

ومن هون تاني خطأ
يلي قال منجيب عدد / نسبة المحايدين ومنقسمن بالنص
مين قلك انو رح يروحو بالنص؟
وقت ينحطو تحت الامر الواقع ما حيكونو بالنص

ومن هون منوصل للأجوبة التلاتة الممكنة

١. احذف المحايدين من الاستبيان نهائيا (الأضعف)
هون بشيل نسبتن يلي كانت ١٦ وبشيل عددن يلي كان ٢٤
كانهم ما شاركوا بالاستبيان
(وهالخطوة منسميها بالاحصاء استبعاد القيم المفقودة missing values )
وبالتالي منقسم عدد يلي مصوتين الكتروني
على مجموع المصوتين الكتروني + واقع
تقريبا حيطلع ٨٨
(الزميلة حور)

٢. انو ما نهمل المحايدين كونهم اشخاص حقيقين شاركوا بالبحث وبدنا ناخد جوابهم بيعين الاعتبار
وهون انا اما خيارين
أ. (الأقوى) كونهم محايدين فهنن ايجابين للخيارين
وكونو الشي المدروس هو الالكتروني فأنا فيني ضيفهم معهم يعني هيك بكون استبعدت فقط نسبة اللي اختارو الواقع واللي هنن ٩% وبيصير الجواب ٩١%

ب. (الأقل قوة) انو المحايدين اقسمهم
لكن ليس بالنصف وانما حسب نسبة الالكتروني من الجواب الاول وهو ٨٨%
وعددهم للمحايدين ٢٤ بيطلع منهم تقريبا ٢١ بيصوت عالالكتروني وهدول ال٢١ منضيفهم لعدد يلي مصوتين الكتروني بالاساس ومنقسهم عالعدد الكلي للمشاركين بالاستبيان (الزميل مياس)

الشي الإيجابي 😍
انو أسئلتكم بمادتنا هالفصل مو بهالصعوبة

الشي المو ايجابي كتير 🙃
انو يلي بدو ١٠٠ كعلامة لازم يوصل لهالمنطقية بالتفكير

وهاد الشي اللي رح نحاول نوصله سوا إن شاء الله💙
لذلك لا تقلقوا

تصبحون على خير 💙

🔴حصيلة الإحصاء🔴

☘مع الدكتورة فاطمة  ☘
أعطت الدكتورة محاضرتها الوحيدة بعنوان الوبائيات العامة حيث تضمنت:
🛑تعريف الوبائيات وأهدافها.
🛑أنماط الدراسات الوبائية.
🛑أنواع الأوبئة.
🛑مؤشرات الطوارئ في حالة الأوبئة.
🛑الترصد الوبائي واستخداماته.
🛑الاستقصاء الوبائي وخطواته.


🔥 ملحوظة:الوبائيات متغيرة عن السنة الماضية ما بتندرس أرشيف.
🔥الدكتورة أنهت قسمها.
🔥كمان أخدت تفقد.
#موفقين_ياحلوين♥️

مقدمة في علم الإحصاء للسنة الثالثة
بدقة ٧٢٠ مضغوطة

مقدمة في علم الإحصاء للسنة الثالثة
بدقة 360 مضغوطة

مساء الخير أصدقائي

جئناكم بأول أعمالنا 🔥🔥

فيديو "مقدمة عن مادة الإحصاء"

يتضمن عدة محاور:
🖊 اهمية الإحصاء وارتباط بالطب
🖊 محاضرات المادة
🖊 بعض تفاصيل امتحان العملي
🖊 نقاط سهولة المادة
🖊 نقاط صعوبة المادة وبعض النكشات وشغلات مهمة

🔴كتير مهم 🔴
انو الكل يحضر الفيديو ليتعرف عالمادة هلق ويعرف شو ناطروا فيها احسن
ما يتفاجأ بعدين ويكون هالشي على حساب علامة الطالب بالعملي🌐

⭕️ وطبعا ضروري ⭕️
تكملوا الفيديو للاخير حيث يوجد زبدة الحكي مع شوية تحفيز😁

حاولنا نضغط الفيديو لو نزلت الدقة
لحتى يكون سهل عالجميع تحميل الفيديو ✌🏻

يلي عنده أي سؤال عن المادة بيقدر يطرح سؤاله على غروب المناقشة

اما بخصوص موضوع الكورس
فانطرونا اليوم ببوست الإعلان والتفاصيل المسا 🔥🔥🔥

تسريب: حيكون الكتروني 🤣💙