🔴 تجميعة 🔴

مذكورين بالمحاضرة بس حبينا نجمعن مرة تانية
سلسلة

☘ التوزيع الطبيعي N
✨ توقعه لا يساوي الصفر دوما
✨ تباينه لا يساوي الواحد دوما
✨ تباينه ثابت ومعروف ويختلف باختلاف التوزيع وهو غير معدوم
✨شكل التوزيع غير ملتو
✨ شكل التوزيع متناظر وحول المتوسط


☘ التوزيع الطبيعي المعياري Z
✨توقعه ثابت ومعروف ويساوي الصفر دوما
✨ متناظر حول الصفر
✨ تباينه ثابت ومعروف ويساوي الواحد
✨ يستخدم في معظم التقديرات المجالية والاختبارات وخاصة عندما يكون تباين المجتمع معلوم


☘ توزيع ستيودنت T
✨ توزيع متناظر وحول الصفر
✨ له درجة حرية واحدة
✨ غير ملتو
✨يستخدم في بعض اختبارات المتوسط عندما يكون تباين المجتمع مجهول

☘ توزيع كاي مربع X²
✨ توزيع غير متناظر
✨ توزيع قيمه موجبة دوما
✨ توزيع ملتو نحو اليمين
✨ له درجة حرية واحدة
✨ يستخدم في اختبارات الاستقلالية والتجانس

☘ توزيع فيشر F
✨ له درجتي حرية
✨ قيمه موجبة دوما
✨ توزيع غير متناظر بل ملتو نحو اليمين
✨ يستخدم في اختبار تحليل التباين

⭕️ تذكير رقم ١ ⭕️
#لا_حدا_ينسى_الآلة_الحاسبة

لسا باقي ١٤ ساعة للامتحان
يعني لو باقيلك جبال لسا بتلحق
لا تتوترو يعني

هي اخر مادة وخلص بترتاحو لهيك خلينا نتعب شوي عليها💙

نأمل انو الدكتور حسين يجيبها دورات من البنك كلها
وأسئلة مازن ان شاء الله بتكون اسهل من اسئلة البنك وابسط متل ما وعد
لهيك لا داعي للتوتر

ما عاد في وقت للغروق بالتفاصيل لهيك كلشي عم تدرسه لاول مرة ادرسه بسرعة دون التعمق الا اذا الفقرة مبينة هامة

برجع بعيد لسا في وقت لتخلص كمية كبيرة لو مقصر
بس اعتمد اسلوب القراءة السريعة ابتداءا من الآن

فقرة لغير المزنوقين

فقرة العينة وانواع العينات من الارشيف

درجة الاهمية ٢٥% فقط
للي معه وقت يعملها وش قراءة سريع

لانو عليها دورات سابقة

اللي مزنوق لا يفتحها

مقاييس الخطورة وحالات سريرية

فقرة تقييم الخطر باخر المبوب الثاني مقطوشة
ما عطاها الدكتور

جبنالكم ياها من الارشيف للي حاابب يطلع عليها مو صعبة كتير
اهميتها ١٥% فقط

اخر ٣ صفحات في ١٢ حالة دراسية مهمين بنسبة ٤٠%
ولو وش قراءة سريع بياخدو ١٠ دقايق

صباح الخير
تذكير رقم ٢
#لا_حدا_ينسى_الآلة_الحاسبة
أهم من القلم الأزرق

للي عندو اسئلة عن المادة
او عن الالة الحاسبة
رح كون متواجد بالكلية من الساعة ١ عند مركز التصوير

وايضا بعد الامتحان سنحاول بجمع الاسئلة وحلها

كل التوفيق💙💙

🔥 حل أسئلة الإحصاء للنموذجين🔥

الحل صحيح بإذن الله لكن يوجد بعض الأسئلة الخلافية وهي:

☘السؤال ٤١ بالنموذج a و٦ بالنموذج b

هناك البعض القاعات دخل إليها الدكتور وصلح الخيار a ليصبح تحديد موضوع البحث وبالتالي يكون الجواب c

☘السؤال ٤٣ بالنموذج a و٨ بالنموذج b
جميع الخيارات صحيحة

☘السؤال ٢٣ بالنموذجa و٣٨ بالنموذج b
الجواب 0.9999999
التقريب المنطقي حسب المراجع لل١
لكن حسب مبدأ التقريب عند الدكتور حسين وهو القطش فيصبح الجواب 0.99

#تنويه:
السؤال 26 بالa والسؤال 41 بالb
جوابهم c

بفضل الله ولمرة جديدة أثبت البنك شموليته لجميع أسئلة الدكتور حسين بأكملها حتى الطلبين الخارجيين خاصية التباين والعينة الطبقية 💙💙

#نقلا_عن_الهيئة
مسا الخير
مشان الاعتراضات عسلم الاحصاء تواصلنا مع الدكاترة ومشكورين الدكاترة تعاونو معنا باي سؤال فيه اشكال واجا الرد:
قسم الدكتور حسين:
النموذج A السؤال 26_النموذج B السؤال 41
الجواب كان D وتعدل صار C
النموذج A السؤال 27_النموذج B السؤال 42
الجواب كان D صار B
النموذج A السؤال 28_النموذج B السؤال 43
الجواب هوي A
قسم الدكتور مازن:
النموذج A السؤال 37_النموذج  B السؤال 2
الجواب كان C صار B
النموذج A السؤال 41_ النموذج B السؤال 6
انحذف السؤال
النموذج A السؤال 43_النمودج B السؤال 8
انحذف السؤال
بالتوفيق❤️❤️

الخلاصة
كل الاعتراضات انقبلت تقريبا
كل الشكر لدكاترتنا المحترمين وللهيئة المتعاونة💙💙

هيك صار فينا نقول رجعت المادة معدل متل ما وعدناكم بالبداية 🔥🔥
نحن بانتظار السبعينات 😍😍

بداية ثمار التعب
أولى البشائر 💙💙

مبارك صدور نتائج الإحصاء

طمنونا💙

المنشور الختامي في مادتنا

اتمنى بداية من كل قلبي أن تكونو استمتعتم بالمادة وحبيتوها عنجد بعيدا عن النظرة السلبية يلي كنتو بتنظرو للمادة فيها 💙💙

وأتمنى أن أكون قد أديت واجبي في المحاضرات والشروحات والملاحظات ولم أقصر في حق المادة وفي حقكم💙💙

وبفضل الله العلامات العالية كانت مؤشر لنجاح ما كنا نطمح إليه😇

وفي النهاية كان لي الشرف بوجودي معكم 💙💙

فريق بوابة الإحصاء يتمنى لكم كل التوفيق 💙💙

💙مساء الخير أصدقائنا الأعزاء💙

مع بداية سنتنا الجديدة حبينا نرحب فيكم أصدقائي طلاب السنة الرابعة 💙
كما نرحب بطلاب السنة الثالثة الجدد بالقناة 💙

حابين نخبركم أنو فريقنا مستمر هذه السنة إن شاء الله بمادة الإحصاء الممتعة بحيث نجعلها من أسهل المواد ونحصل أحلى العلامات

فضلاً وليس أمراً يلي عنده رفقات صاروا سنة ثالثة ياريت يشارك معهم هالقناة لحتى تعم الفائدة للجميع 😇

رابط قناتنا
https://t.me/interestingstatistic

رابط شات المناقشة والأسئلة
https://t.me/interestingstatistical28

بالتوفيق جميعا💙

مساء الخير أصدقائي
💙💙💙

وبعد طول انتظار ⏱
مادتنا الحلوة قررت أنو تبلش ليتم افتتاح المحاضرة الأولى من قسم الوبائيات اليوم من الدكتور مازن ديوب بعنوان:
✨الأمراض المنقولة بالجهاز التنفسي✨

تم فيها تناول بعض الأمراض السارية كالنزلة الوافدة والحصبة

وهي محاضرة نظرية (بمحتواها) وسهلة 🌺

المحاضرة رح تكون جاهزة بإذن الله بعد ما تنزل الرسمية ✌🏻

وبالنسبة للحكي عن المادة والتفاصيل
كونوا على انتظار بوست تعريفي رح نشرح فيه تماما عن المادة وكيفية التعامل معها قريبا بس نتأكد من بعض المعلومات

حاليا لا تشغلوا بالكم بالمادة ليبلش ينزللها محاضرات بس جهزوا حالكم 💪🏻

#قررربت💙

🔴حصيلة الإحصاء🔴

☘مع الدكتور مازن ديوب☘
أكمل الدكتور حديثه عن الأمراض المنتقلة بالطريق التنفسي  بالعناوين التالية :
🛑الاجراءات المتخذة نحو مريض الحصبة.
🛑الحصبة.
🛑الحصبة الألمانية.
🛑النكاف.
🛑آليات التمنيع والوقاية (التمنيع الفاعل والتمنيع المنفعل)

🔥ذكر الدكتور مازن انو الدكتورة فاطمة رح تعطي المحاضرة النظرية المرة الجاية.
🔥بالنسبة للعملي رح يكون بالتنسيق بين الدكتور حسين والدكتورة نغم.

🔥حابين نذكركم بالمحاضرة العملية الأولى يوم السبت♥️.
#موفقين_جداً_وكثيراً_زملاء💜

🔴حصيلة الإحصاء🔴

☘مع الدكتورة نغم ☘
أعطت الدكتورة :
🛑الترصد الوبائي.
🛑أهدافه.
🛑خطواته.
🛑أنظمة الرصد الوبائي.
🛑آلية المراقبة الوبائية (التقصي).
🛑تعاريف(جائحة-وباء-فاشية).
🛑الأمراض الانتقالية الواجب الإبلاغ عنها.

🔥 ملحوظة:المسائل والأرقام وهالشغلات العملية رح يعطيها الدكتور حسين.🔥

#موفقين_جداً_وكثيراً_زملاء💜

مساء الخير طلابنا الأعزاء 💙

بظل الهدوء الشديد حبيت نزل بوست جاوب فيه على كثرة تساؤلاتكم حول موضوع المادة بشكل عام وموضوع الكورس ايمت رح يصير.

ورح وضح الموضوع ببعض النقاط:
١. أكيد الكل ملاحظة التأخير بإعطاء مادة لظروف خاصة للدكاترة الله يجزيهم الخير ما بيقصروا كل سنة
لكن هذا التاخير اول مرة يحصل بالعادة بيتاخر الاحصاء اسبوع واحد عن باقي المواد وببلش باخر الشهر ٩ او بالكتير باول اسبوع من ١٠ كنظري وعملي

٢. نحن هلق بمنتصف الشهر ١١ ونعتبر تقريبا ما بلشنا بالمادة فعليا حيث ما انعطى غير محاضرتين من القسم النظري (مفاهيم وبائية والترصد - الأمراض المنقولة بالتنفس) وهنن ما بيشكلو اكتر من ٢٠% من القسم النظري عادة

٣. أما القسم العملي فلهلق لسا ما بلش (وهو قسم الدكتور حسين علي) وهو القسم الذي يشمل ٦٠-٧٠% من المادة

توضيح للضايعين😂 (نظري vs عملي)
💡 عندك دوام نظري التلاتا وعندك دوام عملي السبت حسب برنامجكم كفئات بتاخدوا عليه علامة الحضور (بس هالحكي لا يشمل مضمون المحاضرة عملية او نظرية)
💡 عندك للمادة قسم نظري وهم شق الوبائيات والبحث العلمي وهو اختصاص الدكاترة الثلاث د.فاطمة د.مازن و د.نغم
وهو يشمل حسب اخر سنتين ٣٠-٤٠% من المادة
وعندك قسم عملي للمادة وهو شق الإحصاء الطبي والرياضي (هون يعني شغل ارقام والة حاسبة والله حيو 😍) وهو اختصاص الدكتور حسين ويشمل تقريبا ٦٠% من المادة
💡 اخر اضاءة عندك شي اسمه امتحان عملي هاد يلي بيكون عادة باخر الشهر ١٢ وبيدخل فيه ما تم اعطاؤه من قسم الدكتور حسين وممكن باحتمال اقل يدخل شي نظري معه وعادة بيكون ٢٠ او ٣٠ سؤال اتمتة (حتى المسائل مؤتمتة)
وامتحان نظري فصلي بيدخل فيه كلشي انعطى بالمادة

فالمفروض هلق تكون فهمت كلمة عملي بكل مضمار شو بتعني
(مثلا السبت الماضي كانت محاضرة عملي وعليها حضور بس عطت الدكتورة نغم مشكورةً محاضرة نظرية) الموضوع بيرجع لوقت فضا الدكاترة


٤. سؤال متكررر: المنهاج نفس السنة الماضية؟
🔍 لحد الآن وحسب ما يبدو انو قسم الوبائيات محاضراته ستكون مختلفة عن السنة الماضية أما بما يخص الاحصاء فما فينا نعرف ليعطي الدكتور حسين اول مرة بس

٥. سؤال متكرررر: شو رح نلحق ناخد؟؟
🔍 الموضوع هاد ما فينا نتنبأ فيه تماما لكن الخيارات الممكنة:
🦠 انو ينعط من هون لاخر ١٢ كل اسبوع محاضرتين والدكتور حسين يكثف الكمية بكل محاضرة (الاكثر احتمالا😊)
🦠 انو ما يلحقو الدكاترة يعطو كلشي ويسامحونا بالباقي (أقل احتمالا😇)
🦠انو يضل شغلات ما يلحقوها وتتقرر عليكم (الأقل احتمالا🤕)

٦. سؤال متكرر: شو فينا ندرس بالمادة هلق؟
للاسف ولا شي لبين ما يبلش تنزل الرسميات وننزل محاضراتنا ويشد الاعطاء فوكس عباقي المواد لأنو رح تجيك زنقة احصائية لقدام 😁

٧. سؤال متكرررر: دكتور ايمت رح يبلش الكورس؟
تم توضيح الجواب بالنقاط ٢ ٣ ٤
للأسف ما فينا ناخد قرار بهالموضوع ليكون المادة ماشية على قدم وساق ومعروف شو بده ينعطى

٨. دكتور خايفين... شو نساوي؟
المادة نصف سهلة ما بتخوف 😁
بتخوف اذا قلت انو العملي مو مهم بالنظري منشد😐
وبتخوف اذا قلت الاحصاء لاسبوعها 🙂
واسألوا من كان قبلكم
كل مين تابع فيها عالخفييف واهتم فيها اخد علامة ممتازة❤
وكل مين اهملها تماما لانه قالوله سهلة تبهدل 💔

بالنهاية هية مادة مقررة عندك وعليها 💯 علامة متل الفيزيو والتشريح تماما عزيزي
لهيك يرضى عليك الاهمال ممنوع، بشوية اهتمام قدرانين نصنع فرق

ورح كون معكم باذن الله بكل خطوة بهالمادة لنوصل لاعلى العلامات ان شاء الله

كنا عم نجهز فيديو نشرح فيه هالنقاط السابقة ونعطي لمحة بسيطة عن المادة
وهالحكي من الشهر التاسع وانا ناطر لتنعطى اول محاضرة عملية عالاقل 😅
طبعا وبعدني نااطر

لكن لكثرة الاسئلة والمخاوف والتأخر قررت نزلت عشكل بوست

بالنهاية أصدقائي حاليا لا تاكلوا هم المادة وركزوا على باقي موادكم حتى إشعارٍ آخر

#كل_التوفيق💙

مسااء الخييير أعزائي

وأخيراً صار فينا نقول أنو مادتنا الحلوة ابتدت 😍😍

حيث افتتح الدكتور حسين اليوم المادة بالقسم الأول من مادة الاحصاء المتضمن لمحاضرتين:

⭕️ مقدمة في علم الإحصاء. وتشمل:
🖊 بعض التعاريف الإحصائية
🖊 أنواع البيانات
🖊 طرق عرض وتلخيص المعطيات

⭕️ المؤشرات الإحصائية. وتشمل:
🖊 مؤشرات النزعة المركزية
🖊 مؤشرات التشتت

✨ طبعا المحاضرة بتنزل اول ما تتزل الرسمية ان شاء الله

✨ منحب ننوه أنو هالمحاضرتين وخاصة المؤشرات الإحصائية هامين جدا لامتحاني النظري والعملي

#كل_التوفيق

#نقلا_عن_الهيئة

مسا الخير 💙
بس بكرا رح يكون عملي الاحصاء من 9 لل 10:30 للفئات 1و2و3 بالمدرج 30
بعدين رح تعطي الدكتورة فاطمة محاضرتها الوحيدة من ال 10:30 لل 12💙

هية محاضرة وحدة لهالدكتورة
كما أنها رئيسة قسم المادة ومتعاونة جدا💙
لهيك خلينا نبيض وش بالحضور
عسى تضل المادة لطيفة 💙