مساء الخير

اليوم أغلبكم تعبان لهيك ما عم نحكي شي عن المادة

رح نلبش معكم كشغل حقيقي ابتداءا من بكرة الصبح بحيث تكونو ارتحتو 😇😇

الرسالة المثبتة فيها المحاضرات اللي نازلة ✌🏻

صباح الخير

#خطة دراسية 🤓

✨بداية اول فكرة لا يوجد ترابط فين قسم حسين (اللي اغلبهم فهمي) مع قسم مازن (اللي اغلبه حفظي)
وايضا قسم مازن مافي ترابط بين مبوباته الثلاثة
يعني ترتيب دراسة ما سبق كيف ما كان شغال

✨لكن كل ما خليت العملي ابكر والنظري متأخر افضل كرمال العملي يتخمر ويتركز والنظري يكون متاخر فما تنساه

🧨الخطة المزنوقة (دراسة + مراجعة)
يوم الخميس:
أول أربعة د.حسين (نفس تبع العملي) ثم المبوب الأول لمازن

يوم الجمعة:
٥+٦ لحسين ثم المبوب الثالث لمازن

يوم السبت: نصفه الأول
المبوب الثاني لمازن

النصف الثاني من السبت مع يوم الأحد:
مراجعة للمادة ممكن بنفس الترتيب وممكن من الاصعب إلى الأسهل حسب ما لاقيت صعوبة بدراستك

س: منلحق هيك؟
ج: طبعا بتلحق إذا ما التهيت والمادة مانها ضخمة

س:دراسة كاملة + مراجعة كاملة قديش بتضمنلي؟
ج: 65+

س: وين محل البنك والدليل طيب؟
مع الدراسة يُفضل وليس بعد انتهائها
بعد كل كل محاضرة مستقلة بتفتح فهرس البنك وبتشوف وين أسئلة المحاضرة النظرية وبتحلها وبتحط نجمة جنب كل سؤال خربطت فيه.
هي كأسئلة نظرية، طيب والمسائل والقوانين وكذا؟
كمان لما تخلص محاضرة فيها قوانين او فقرة مستقلة بذاتها مثلا خلصت فقرة الثنائي الحداني وفهمتا وحفظت قوانينها وصرت بعرف طبق عالقوانين هلق بروح عالدليل بفتح عفقرة نمط الثنائي الحداني بتعلم كيف بتجي المسألة وبشوف شو هية كل الطلبات الممكن تنطلب وكيف فيني حلها بطريقة أسرع عالآلة الحاسبة بالطريقة المختصرة....
بس تعلمت وصار تمام بفتح فورا البنك على مسائل الاحتمالات اول كم مسألة هنن ثنائي بجرب عليهم بأرضن ... وهكذا دواليك

يعني دراسة البنك والدليل متزامنة مع المحاضرات وليست لاحقة
بالمراجعة بامكانك تترك البنك لبعد دراسة كل قسم بأكمله

☘ الخطة الأقل زنقة
اللي ما رح يلحق ينضغط هالضغط ويمشي نفس التوزيع فوق👆🏻 يضل على نفس الترتيب عالاقل ويخلص كلشي وش واحد بس ماكن يكون
واذا زاد معه وقت بيكفي لمراجعة بعض الفقرات فيدرس الفقرات المهمة اللي رح نخصصلا بوست لحالا بعد شوي

أخر شغلة حابب قولها
انو فيك تحط الخطة البدك ياها كلشي بيزبط ما عندك غير شرط واحد واللي هو تسلسل محاضرات حسين بالترتيب غير هيك انت حر وبتتلحق لا حدا يخاف

💙💙

#الرسالة_المثبتة_للرسائل_المهمة

بهالرسالة رح نحط تباعا روابط الرسائل المهمة والنكشات والنقاط
بحيث إذا ما كنت عم تتابع كل رسالة برسالتها بتجي بتفتح هون وبتدور عالعنوان البدك ياه


💠فقرات مهمة

🌐 موضوع التقريب
🌐 خصائص التوقع والتباين
🌐 ملاحظات للاختبارات


⭕️ رسائل مهمة ⭕️

🔥التصويبات
🔥 حل امتحان العملي
🔥 الخطة الدراسية
🔥 الفقرات المهمة والفقرات قليلة الأهمية
🔥 حل التمارين الغير محلولة



💙💙

عرفني عالمادة أكتر 😇

اول واهم النقطة لازم نعرف انو قسم الدكتور مازن لا يقل اهمية عن قسم الدكتور حسين لمجرد كونه نظري واسهل واصغر لانو غالبا تكون العلامات موزعة بالنص

⭕️ س: شو أهم الفقرات بالمادة ⭕️

🔥فقرات سوبر هامة🔥

🔥 تصنيف البيانات حسب طبيعتها (حسين١ ص٦)
🔥 مخطط الاعمدة والمضلع والمدرج التكراري (حسين ١ ص ١٣+١٧)
🔥 المتوسط الحسابي والانحراف المعياري (حسين ٢)
🔥 المؤشرات المخبرية (حسين ٣ صفحة ٣>٥)
🔥 توزيع ثنائي الحدين (حسين ٤ صفحة ٨ + مخطط ص٥)
🔥  مخطط المستمر (حسين ٥ صفحة ٤)
🔥 جداول (حسين ٥ صفحة ٧+١٠)
🔥 جداول (حسين ٦ صفحة ٣+٤+٦+٢٤)
🔥 اختبار ANOVA خاصة حله ابتداءا من جدوله (متوقع بشددددة كمسألة اخيرة)
🔥 تعريف الصحة والمرض وأشكال المرض (مازن١)
🔥 مبادئ الترصد والتقصي للأوبئة (مازن ١ ص ٢٩+٣٢+٣٣+٣٤)
🔥 الدراسة الرجعية والمسبقة الحشدية والحالة شاهد + كل ما يؤثر بمعدل الانتشار (مازن ٢)
🔥 البحث الصحي من المبوب الثالث مهم جدا بأكمله وخاصة معايير صيغة فاغنر توقعو منها شي تلت أسئلة


❌ شو الفقرات الغير مهمة بالمادة؟ ❌
فقرات قليلة الأهمية (يعني إذا مزنوق اعمل skip):

🟢 بشكل عام كلشي مكتوب عليه إثراء أو للقراءة أو خارجي
🟢  حسين ١ (صفحة ٢+٣)
🟢 توزيع حسب البعدين (حسين ١ ص٧)
🟢 توزيع بواسون تركوه لتامنو عالاهم بالاول (حسين ٤ ص ١٣)
🟢 اختبار ANOVA المفصل فقط (يعني طريقة حله ابتداءا من العينات قليل الاهمية لكن ابتداءا من الجدول خااااارق الاهمية)
🔵 تطور مفهوم علم الوبائيات (مازن ١ صفحة ٣)
🔵 أرشيف المنحني الوبائي (مازن١ ص ١٩>٢١)
🔵 تفاصيل وشرح المثلث التحليلي (مازن ١ ص ٢٣>٢٦)


طيب والباقي اللي ما نذكر شو وضعه ؟
بده دراسة اكيد بشكل طبيعي

بس ذكرنا الاهم لتركز عليهم تماااام
والمو مهم لتتركن للأخير اذا زاد معك وقت

حل التدريبات الغير محلولة في المحاضرات

مساء الخير

المكتبة ستفتح غدا الجمعة من الساعة ١١ حتى الساعة ٤ عصرا

وتعاود لدوامها الكامل يوم السبت
💙💙

بالنسبة للأسئلة اللي عم تصلني رح حاول رد عالجميع ما تاكلو هم بس عذروني بالتأخير لأنو عدد المحادثات والأسئلة هائلة الله يحميكم🤣😇
طبعا بنبسط لما بشوف الكل هيك عم يسأل يعني عم تتفاعلو مع المادة والوضع تمام

كل التوفيق 💙💙

انتظرونا مساءً مع رسالة مهمة رح يكون فيها اجوبة على كثير من أسئلتكم
+ تنويهات مهمة امتحانية ونكشات

💙💙

🔴 #سلسلة_فقرات_مهمة 5🔴

مستوى المعنوية ألفا α تقريرا ثابت بمنهاجنا ويساوي 0.05

وهو ما نستخدمه في المقارنة مع القيمة p-value (sig) يلي كمان بيعطينا ياها الدكتور

اذا ما عطانا ياها بيكون عندنا معيار تاني للمقارنة وهو

الدكتور بيعطينا قيمة ل Zα منسميها القيمة الجدولية او الحرجة او الحدية او النظرية واللي غاااااالبا بتكون بتساوي 1.96
قد يكون لها اسماء اخرى مثل Z1-α / Z1-α/2
حسب اتجاه الفرضية لكن مو دوما الدكتور بيدقق عهالنقطة وغالبا بيستخدم Zα بغض النظر

بالمقابل في وحدة نحن منحسبها Zo فمنسميها المحسوبة او الفعلية او العملية او قيمة دالة الاختبار

وهنا اذا كاانت يلي حسبتها انا بالقيمة المطلقة اقل من القيمة الحرجة تبع الدكتور منقبل العدم واذا اكبر منرفض العدم

#ملاحظة
بيجيني طلبين ورا بعض
الاول: احسب القيمة الفعلية لدالة الاختبار هون اذا طلع الناتج موجب بختار الخيارا الموحب واذا سالب بختار السالب

الطلب الثاني احكم على الفرضية
هنا وفقط هنا ناخذ القيمة المطلقة
هنا فقط هنا فقط هنا فقط هنا

#اخر_نقطة

اذا مو مسالة
اذا سؤال نظري
ما بيكون عندي قيم مطلقة
بالتالي بدنا نشتغل عالرسمات
خلاصة الرسمات هي:

نقبل العدم عندما تكون
في الثنائية اصغر من الحرجة بالقيمة المطلقة
في اليمينية اصغر من الحرجة
في اليسارية اكبر من الحرجة

هاد الحكي فقط اذا سؤال نظري مستقل

اما اذا شغل ومسالة فكلشي باخد قيمة مطلقة متل ما قلنا

💙💙💙

🔴 تجميعة 🔴

مذكورين بالمحاضرة بس حبينا نجمعن مرة تانية
سلسلة

☘ التوزيع الطبيعي N
✨ توقعه لا يساوي الصفر دوما
✨ تباينه لا يساوي الواحد دوما
✨ تباينه ثابت ومعروف ويختلف باختلاف التوزيع وهو غير معدوم
✨شكل التوزيع غير ملتو
✨ شكل التوزيع متناظر وحول المتوسط


☘ التوزيع الطبيعي المعياري Z
✨توقعه ثابت ومعروف ويساوي الصفر دوما
✨ متناظر حول الصفر
✨ تباينه ثابت ومعروف ويساوي الواحد
✨ يستخدم في معظم التقديرات المجالية والاختبارات وخاصة عندما يكون تباين المجتمع معلوم


☘ توزيع ستيودنت T
✨ توزيع متناظر وحول الصفر
✨ له درجة حرية واحدة
✨ غير ملتو
✨يستخدم في بعض اختبارات المتوسط عندما يكون تباين المجتمع مجهول

☘ توزيع كاي مربع X²
✨ توزيع غير متناظر
✨ توزيع قيمه موجبة دوما
✨ توزيع ملتو نحو اليمين
✨ له درجة حرية واحدة
✨ يستخدم في اختبارات الاستقلالية والتجانس

☘ توزيع فيشر F
✨ له درجتي حرية
✨ قيمه موجبة دوما
✨ توزيع غير متناظر بل ملتو نحو اليمين
✨ يستخدم في اختبار تحليل التباين

⭕️ تذكير رقم ١ ⭕️
#لا_حدا_ينسى_الآلة_الحاسبة

لسا باقي ١٤ ساعة للامتحان
يعني لو باقيلك جبال لسا بتلحق
لا تتوترو يعني

هي اخر مادة وخلص بترتاحو لهيك خلينا نتعب شوي عليها💙

نأمل انو الدكتور حسين يجيبها دورات من البنك كلها
وأسئلة مازن ان شاء الله بتكون اسهل من اسئلة البنك وابسط متل ما وعد
لهيك لا داعي للتوتر

ما عاد في وقت للغروق بالتفاصيل لهيك كلشي عم تدرسه لاول مرة ادرسه بسرعة دون التعمق الا اذا الفقرة مبينة هامة

برجع بعيد لسا في وقت لتخلص كمية كبيرة لو مقصر
بس اعتمد اسلوب القراءة السريعة ابتداءا من الآن

فقرة لغير المزنوقين

فقرة العينة وانواع العينات من الارشيف

درجة الاهمية ٢٥% فقط
للي معه وقت يعملها وش قراءة سريع

لانو عليها دورات سابقة

اللي مزنوق لا يفتحها

مقاييس الخطورة وحالات سريرية

فقرة تقييم الخطر باخر المبوب الثاني مقطوشة
ما عطاها الدكتور

جبنالكم ياها من الارشيف للي حاابب يطلع عليها مو صعبة كتير
اهميتها ١٥% فقط

اخر ٣ صفحات في ١٢ حالة دراسية مهمين بنسبة ٤٠%
ولو وش قراءة سريع بياخدو ١٠ دقايق

صباح الخير
تذكير رقم ٢
#لا_حدا_ينسى_الآلة_الحاسبة
أهم من القلم الأزرق

للي عندو اسئلة عن المادة
او عن الالة الحاسبة
رح كون متواجد بالكلية من الساعة ١ عند مركز التصوير

وايضا بعد الامتحان سنحاول بجمع الاسئلة وحلها

كل التوفيق💙💙

🔥 حل أسئلة الإحصاء للنموذجين🔥

الحل صحيح بإذن الله لكن يوجد بعض الأسئلة الخلافية وهي:

☘السؤال ٤١ بالنموذج a و٦ بالنموذج b

هناك البعض القاعات دخل إليها الدكتور وصلح الخيار a ليصبح تحديد موضوع البحث وبالتالي يكون الجواب c

☘السؤال ٤٣ بالنموذج a و٨ بالنموذج b
جميع الخيارات صحيحة

☘السؤال ٢٣ بالنموذجa و٣٨ بالنموذج b
الجواب 0.9999999
التقريب المنطقي حسب المراجع لل١
لكن حسب مبدأ التقريب عند الدكتور حسين وهو القطش فيصبح الجواب 0.99

#تنويه:
السؤال 26 بالa والسؤال 41 بالb
جوابهم c

بفضل الله ولمرة جديدة أثبت البنك شموليته لجميع أسئلة الدكتور حسين بأكملها حتى الطلبين الخارجيين خاصية التباين والعينة الطبقية 💙💙

#نقلا_عن_الهيئة
مسا الخير
مشان الاعتراضات عسلم الاحصاء تواصلنا مع الدكاترة ومشكورين الدكاترة تعاونو معنا باي سؤال فيه اشكال واجا الرد:
قسم الدكتور حسين:
النموذج A السؤال 26_النموذج B السؤال 41
الجواب كان D وتعدل صار C
النموذج A السؤال 27_النموذج B السؤال 42
الجواب كان D صار B
النموذج A السؤال 28_النموذج B السؤال 43
الجواب هوي A
قسم الدكتور مازن:
النموذج A السؤال 37_النموذج  B السؤال 2
الجواب كان C صار B
النموذج A السؤال 41_ النموذج B السؤال 6
انحذف السؤال
النموذج A السؤال 43_النمودج B السؤال 8
انحذف السؤال
بالتوفيق❤️❤️

الخلاصة
كل الاعتراضات انقبلت تقريبا
كل الشكر لدكاترتنا المحترمين وللهيئة المتعاونة💙💙

هيك صار فينا نقول رجعت المادة معدل متل ما وعدناكم بالبداية 🔥🔥
نحن بانتظار السبعينات 😍😍

بداية ثمار التعب
أولى البشائر 💙💙

مبارك صدور نتائج الإحصاء

طمنونا💙