الحمد لله عسلامتكم

ان شاء الله تكون قدمتوا منيح جميعا وبانتظار العلامات العالية

إذا حدا مجمع أسئلة يبعتلي ياها عالخاص ويقلي شو كان نموذجه
@Essam2zain

رح نحاول إذا قدرنا نجمع الأسئلة كلها رح ننزل الحل المسا إن شاء الله

حاليا انسوا الإحصاء وروحوا ناموا💙💙

صباح الخير

💙 حل أسئلة عملي الإحصاء 💙

منعتذر عالتأخير لحتى قدرنا نجمع الاسئلة من الطلاب لكل النماذج
(سامحونا اذا منقصين شي سؤال او مزودين لأنه اعتمدنا على ذواكر الطلاب😅)

تعليقنا على الأسئلة بشكل عام:
☘ الأسئلة ليست سهلة وليست صعبة فيها بضعة أسئلة صعبة لكن قابلة للحل

☘ توقعنا أن أغلب العلامات ستكون فوق ٢٥ بمتوسط حسابي يساوي ٢٧ علامة 💙

الخلافيات:
☘ بالنموذج C : حل المسألة الاحتمالية حسب توزيع بواسون ويدعم هذا الحل أربعة أمور:
المعطيات للمسألة - ورود مسائل سابقة على نفس النمط - وجود خيار بواسون وقانونه في أول سؤالين - سؤال التباين جوابه ١٠ حسب بواسون وليس 9.95 حسب الثنائي

طبعا نحن نتكلم عن الحل الصحيح وليس عن رأي الدكتور النهائي فهذا يعود فقط للدكتور 💙

☘ بالنموذج B : تمثيل مستويات السكر بالأعمدة:
إذا قصد الدكتور بالمتغير (مستوى السكر: مرتفع طبيعي منخفض...) يصبح متغير نوعي والأعمدة منفصلة
إذا قصد الدكتور (مستويات يعني مجالات يصبح متغير كمي) ويناسبه مدرج تكراري أي مستطيلات متلاصقة >> غير ذلك
لأن الأعمدة المتلاصقة (المزدوجة) للبيانات المنفصلة الا اذا قصد فيها هون نفسها أعمدة المدرج فتصبح وقتها هي الجواب الصحيح

☘ بالنموذج C:
السؤال (إذا كانت تكلفة عدم اكتشاف مرض خلال اختبار ما نسعى لأن تكون:)
السؤال صياغته مو تمام وفينا نقول ناقص
لكن إذا كان قصد الدكتور أن التكلفة عالية أو  المرض خطير ونتائج علاجه مكلفة مثلا فيكون الجواب
《 حساسية الاختبار عالية 》

☘ سؤال علاقة التباين مع النسبة p جاوبنا عليه وشرحناه بشكل مبسط لكنه ليس خلافي

💙💙

بالنموذج A
حسب البعض الآخر من الطلاب في سؤالين عن الإيجابية الكاذبة بصيغتين مختلفتين

فإذا كان الثاني هو الإيجابية الكاذبة فالجواب 0.017 وهو موجود ضمن الخيارات
وإذا كان سلبية كاذبة فهو يساوي 0.218 ونختار غير ذلك

💙💙💙

بداية البشائر 💙💙

إن شاء الله الجميع بتكون علاماتهم عالية 💙💙
وعقبال النظري 💙💙

☘ صورة للاستئناس

☘ العلاقة بين احتمال الصفة وتباينها

#نقلا_عن_الهيئة 💙

مشان الاشكالات اللي صارت النموذج c بعملي الاحصاء تواصلنا مع الدكتور وكان متعاون مشكور كتير وخبرنا:

المسألة بواسون وهوي شارحها بقلب المحاضرة بس بما انها مو نازلة  بالمحاضرة الرسمية ف هوي رح يحذفها ويوزع علامتها ع باقي الأسئلة

أما بالنسبة للسؤالين 14و11 ف الدكتور كان موجود بوقت الامتحان ومرق ع كل القاعات والطلاب اللي سألوه خبرن ف لهيك ما رح يحذفو
الدكتور كان موجود ومرق ع كل القاعات

موفقين 💙
مع تمنياتنا للجميع بالعلامات العالية 💙

🎊🎊🎊🎊🎊
من فريق بوابة الإحصاء
نتمنى لكم عام جديداً سعيداً
مع تحقيق أفضل الأمنيات للجميع

#كل_عام_وأنتم_وأهليكم_بألف_خير
💙💙💙💙

صباح الخير

منقدملكم محاضرة جديدة من قسم الدكتور حسين وهي قبل الأخيرة بعنوان:
✨التوزيعات الاحتمالية المستمرة✨

تتضمن المحاضرة الرسمية بقالب وترتيب مميز معتمدة على المخططات والجداول والمقارنات والتجميعات والشروحات التي ستحول اصعب محاضرة إلى معلومات سلسة وبسيطة🤩
وبتصير علامتها بالجيبة كمان😌

لهيك كتييير مهم يكون تركيزك بالمقام الأول على الملون بالأحمر لأنو كل كلمة هي خيار من سؤال دورة🔥

عدد الصفحات:20
الوقت المقدر للدراسة: 3-5 ساعات

💡نذكركم💡

تجدون محاضراتنا على القناة بصيغة pdf مبوبة بالرسالة المثبتة
وورقياً في مكتبة عاج لطب الأسنان-عند باب سبيرو- مقابل مكتبة أليسار
بصيغة a5 بخلفية بيضاء
ومن أحب أن يطبع بصيغة a4 يمكن التواصل مع المكتبة والتوصية على الرقم
0997810493

منتمنالكم كل التوفيق مع الحب 💙

مساء الخير 💙💙

كيف الهمة والاستعداد لأول المعارك بكرة😇
خليكم أقوياء وواثقين بحالكم 💪🏻
صح المادة صعبة كدراسة بس إن شاء الله بتكون الأسئلة سهلة وتذكروا انو السنة الماضية كانت العلامات كتير عالية بهالمادة وتفائلوا 😁

منتمنالكم كل التوفيق والإبداع
💙💙💙💙💙💙💙

#منقول
علامات عملي الاحصاء
https://www.facebook.com/groups/472400402932753/permalink/2623727464466692/?mibextid=Nif5oz
الاعتراضات لنهاية الدوام يوم الخميس القادم
موفقين ❤️
#هامش بالاعتراضات وانتو عم تكتبو الاعتراض كتبو وين قدمتو باي مدرج واي مجموعة

مبارك هالعلامات العالية للجميع🩵🩵 🎊🎊🎉

عقبال العلامات العالية بالنظري كمان لتكون تعويض عن الجراثيم ❤️‍🩹❤️‍🩹

موعدنا معكم بعد الآن في النظري بمفاجئات جديدة رح تعجبكم كتير 🔥🔥

كونوا بالانتظار
وموفقين بكل موادكم 💙💙

مساء الخير أعزائي

هذا حل أسئلة إحصاء التحضيري الحملة بتشرين تبع اليوم

في حال بتعرفو حدا قدمها وعم يدور على حل

للاستفسارات يرجى التواصل @Essam2zain

مساء الخير أعزائنا💙

إليكم المحاضرة الأخيرة بقسم الدكتور حسين بعنوان
✨الاختبارات المعلمية✨

المحاضرة فكرتها مختلفة عما سبق وفهمية بمعظمها لهيك رح تلاقو فيها شرح كتير 💪🏻 لدرجة تصير ابسط من البساطة 😌
بالإضافة للتمارين الخارجية يلي رح تخليكم تصيرو امكن فيها بسبب أهميتها الكبيرة⚡
لانو غالبا يجي منها مسألتين بغض النظر عن الاسئلة النظرية 😇
وبآخرها كالعادة في تجميعة قوانين حلوة

عدد الصفحات: ٢٤
المدة الوسطية للدراسة: ٥ ساعات

تتوافر المحاضرة إلكترونيا على القناة
وورقيا في مكتبة عاج - سبيرو
رقم المكتبة للتواصي 0997810493

لسا ما خلصنا 😌

مبوب جديد
المبوب الثالث والاخير لقسم الدكتور مازن🤩
يتضمن المبوب موضوعين:
☘ بعض الانجازات لعلم الوبائيات
☘ البحث العلمي الصحي

طبعا البحث الصحي كتير مهم، ولو اخذ حقه ما كان قل عن ٤٠ صفحة، وانما الدكتور (الله يجزيه الخير💙) اختصره بشكل رهيب حيث حافظ فقط عالتعدادات الرئيسية ورؤوس أقلام بشرح بسيط ومختصر
لهيك خلونا نهتم بما تبقى منها🤣 لانو الدكتور قال مهمين ورح يجي منها اسئلة منيح

عدد الصفحات: ١١
المدة الوسطية للدراسة: انت وشطارتك 💙

تتوافر المحاضرة إلكترونيا على القناة
وورقيا في مكتبة عاج - سبيرو
رقم المكتبة للتواصي 0997810493

هيك خالصين؟؟🤔
كمحاضرات اي نعم خلصوا

طيب وغير المحاضرات شوفي؟
خليها مفاجأة 🔥🔥
كونوا بانتظارنا

https://t.me/+IZo3cyFcC8w0NWM0
رابط غروب المناقشة للمادة
انضموا عليه اذا ما انضمتوا لسا وضيفو رفقاتكم المو موجودين

رح نكون متواجدين فيه معكم من هلق للامتحان لنجاوب على اي سؤال بيتعلق بالمادة 💙💙

موفقين بالحرب الضروس غداً 😇

مسا الخير أعزائنا

مفاجأة اليوم 🎊🎊

الحل الاسعافي🔥🔥
حابب تجيب علامة عالية بالمادة وترفع المعدل؟
ما بتعرف تتعامل مع اختراع اسمو الة حاسبة
بتعرف بس بتتلبك ومالك سريع؟
خايف الوقت ما يكفي بالامتحان او ينقصك علامة
ما بتعرف تتعامل مع المسائل بطرق سريعة وسلسة؟
والمادة عبارة عن حرب وقت قبل أن تكون حرب معلومات
.....
إليك الحل😍😍
جلسات إمتحانية للمادة 💪🏻💪🏻⏱
طريقك نحو السبعين 🔥🔥

مضمون الجلسات:
١. شرح عن الالة الحاسبة وكيفية استغلالها في كل القوانين وكيفية تسلسل الحل
يعني بتطلع خاتمها⚡⚡
٢. كيفية حل المسائل العامة والتغلب على النكشات وموضوع تقريب الاجابات
والكثير من الأفكار الهامة 🤩🤩
٣. كل ما يخص الاحتمالات و الاختبارات المعلمية بشكل خاص وكيفية مقارنة الاختبارات بالإضافة للمسائل الشاملة بأسلوب جديد😇
٤. نقاط نظرية هامة متفرقة ومتوقعة للامتحان

طيب أنا دارس المادة. بتفيدني الجلسات؟
طبعا مفيدة لسببين:
رح تتعلم تحل المسائل بطرق احلى واسرع وبدون قوانين🔣
وثانيا رح تتدرب على مسائل وأسئلة رح تجي على نمطها تماما بالامتحان 😍 إذا مو هية نفسا 😇

كل ما عليك هو الحضور وإحضار الآلة الحاسبة 😌😌

📍المكان:
معهد بيسان🌐
الأماكن محدودة ✨

للاستفسار والتسجيل يرجى التواصل على التلغرام او الواتساب على الرقم
0992956277
@DrEssamzain

🔻وقت المفاجأة🔻

متل ما وعدناكم أصدقائنا💙
جئناكم بمفاجئتين بدل الواحدة😇

ولأنه كتير بتهمنا علامتكم كان لا بد من بذل الكثير من الجهود لتوفير كل ما يضمن لكم تسهيل المادة والإلمام بها وضمان العلامة العالية💜💜

🔥   المفاجأة الأولى     🔥
🔥 بنك الدورات الشامل🔥
أكيد كلنا عانينا أنو مافي تمارين نتدرب ولا في أسئلة لنعرف كيف ندرس الفقرات النظرية ومافي دورات
بس لكل مشكلة حل😌😌

⭕️شرحولنا طيب شو هو البنك الشامل⭕️

هو متل يلي منعملو كل سنة للمادة ولكن بسبب أن المنهاج نصف جديد هذه السنة كان لابد من التطرق لدورات دكاترتنا الأعزاء في غير محافظات وعدم الاكتفاء بدورات جامعتنا

يحتوي الملحق على ما يفوق 400 سؤال بالإضافة إلى 30 مسألة شاملة ككل

مضمون الملحق:
☘ 9 دورات للدكتور حسين من جامعة طرطوس وجامعة الأندلس
☘ أسئلة ومسائل إضافية لقسم الدكتور حسين لشمولية كل أفكار المادة
☘ 5 دورات للدكتور عدنان سابقا (قسم الدكتور مازن حالياً)
☘ آخر دورتين في الطب المسند بما يتقاطع مع قسم الدكتور مازن
☘أسئلة إضافية تعزيزية لقسم الدكتور مازن لضمان الشمولية وللمحاضرات الجديدة
☘ أسئلة امتحان العملي لدورتين
☘ أسئلة توصيل لقسم الدكتور مازن
☘ اخر دورتين في جامعتنا

🧐🤔 طيب منجي للمفيد
شو بيضمنلنا دراسة البنك؟

غالبا وبنسبة ٩٠% تجي كل الأسئلة منه وذلك لسببين:
الأول شموليته لكل أفكار المادة
الثاني بسبب تكرار الدورات وأفكارها بشكل كبير
🔥 السنة الماضية اجا منه ٨٠% من اسئلة الامتحان بحرفيتها🔥

(لكن اعتمدنا في بنكنا على عدم وضع الأسئلة المكررة بحرفيتها مشان الحجم بيكفي ٧٢ صفحة😇)

ومن فوائد الملحق أيضا بيخليك تعرف كيف تدرس المحاضرات وخاصة لما ما تكون عرفان شو تحفظ فيهم وشو ما تحفظ وبيسهلك الأمور وبيخليك تتدرب كتير

🔥🔥🔥وأهم نقطة في البنك🔥🔥🔥
أن المسائل كلها محلولة مع طريقة حلها وما هو القانون الذي تم التعويض به وشغلات مساعدة حلوة بتكتشفوها لحالكم 😍😍 يعني رح يكون أروق بنك بتدرسوه بالمسيرة الطبية 💙

شو درجة أهميته؟
أهم من المحاضرات شخصيا
لانو فيه بتكسب المعلومة وبتكسب اسلوب السؤال

والخلاصة
الملحق متعوب عليه كتير ومشغول بشكل كتير منيح  ومدقق من الأخطاء بإذن الله وأكيد رح يعجبك وما حدا يروح عالامتحان بدون ما يدرسه💣 لأنه ضمان للعلامة العالية ان شاء الله

يتوافر البنك الشامل #ورقياً فقط في مكتبة عاج - عند باب سبيرو
للتوصية على المحاضرات لتفادي الزحمة يرجى ارسال الاسم وأسماء المحاضرات برسالة على البوت @dentinlibrary_bot

🔥 المفاجاة الثانية غداً مع البوست التفصيلي للمادة ... انتظرونا🔥

وهي صور من الملحق 💙💙

مساء الخير أصدقائي المرابطين على جبهات الكيمياء⚡
مدري عم يضيعو وقت وما فارقة للدنيا 😂

تأخرنا عليكم اليوم بما وعدناكم فيه
بس المفاجأة أخذت شغل أكتر من المتوقع لتطلع تحفة فنية بكل معنى الكلمة

جاهزين؟ 🔥🔥