🔴 حل نموذج العملي 🔴

إن شاء الله هذا الحل الصحيح للنموذج 💙

هامش: السؤال ٣
القيمة التنبؤية السلبية تساوي
d/c+d

على بيانات الجدول بتطلع
750/800=0.9375
ومنختار c عهالأساس

لكن نحن مخربطين بالمجموع الأفقي يعني لازم 775 بدل 800
وبيصير الناتج ٠.٩٦٧٧
هاد الجواب الصحيح واللي لازم يكون محل ال c
😇😇

موفقين

حل السؤال ٣٢
اختر الإجابة الخاطئة مو الصحيحة
بس بيضل الخيار c

🔴🔴🔴🔴🔴🔴🔴🔴🔴

تذكير رقم ١

#لا_حدا_ينسى_الآلة_الحاسبة

🔴 #سلسلة_فقرات_مهمة 4🔴

🔴 معلومات متنوعة 🔴

🔥 الوسيط 🔥
هو القانون الوحيد الذي نحتاج فيه لترتيب البيانات

🔥 الانحراف والتباين 🔥
☘التباين هو مربع الانحراف والانحراف هو الجذر الموجب للتباين
☘ بما يخص العملي بكرة فبحساب التباين يكون المقام هو n حتى يثبت العكس بنسبة ٩٠%
(طيب شو ال١٠%؟  اذا قلي احسب S² بشكل واضح وصريح وهون المقام n-1 اذا الn اقل من ٣٠)

🔥 المؤشرات الاحصائية🔥
كللل المؤشرات للاحصائية تقبل الفواصل وحينها ناخذ أول رقمين بعد الفاصلة

🔥 العينة 🔥
يتناسب حجم العينة مع كل مما يلي:
١. هدف الدراسة (حسب ما يراه الباحث مناسبا)
٢. الدقة المطلوبة *طردا*
٣. الميزانية المخصصة للبحث *طردا*
٤. تجانس المجتمع *عكسا*

🔥 العرض البياني 🔥
☘ مخطط الأعمدة للبيانات المنقطعة
☘ المدرج (الهيستوغرام) للمستمرة حتما
☘ المنحني افضل للمستمرة
☘ الفطيرة للمنقطعة حتما وخااصة للاسمي وخاااصة اذا قيمه المختلفة قليلة

🔥 احتمال الحدث 🔥
☘ إذا الحدث بسيط يعني مطلوب صفة واحدة
فالاحتمال هو عدد اصحاب هالصفة عالعدد الكللللللي
☘ إذا الحدث شرطي (مدخن متعلم)
فالبسط هو المربع اللي تقاطعت فيه هالصفتين
والمقام هو مجموع الصفة الثانية (كل المتعلمين)

🔥 لنفهم كم فكرة 🔥
كم توضيح بخصوص المحاضرات التابعة لفريقنا:
☘ بما يخص المحاضرة الرابعة خاصة:
توزيع برنولي ما موجود بالرسمية بس حطيناه وشرحناه كمقدمة لثنائي الحد لأنه بدون برنولي ما رح تفهم الثنائي الحداني (او بيجوز تفهم بس رح تطول ما تفهمه كاملا بشكل اسرع) وهالحركة مدروسة مو عن عبث ضايفها يعني دراسة برنولي + دراسة الثنائي بياخدو وقت اقل من دراسة الثنائي لوحده وبفهم ودقة اكثر .
توزيع بواسون: مو موجود بالرسمية. طيب ليش ضايفينه؟
عزيزي نحن ضايفين جزء صغييييير من توزيع بواسون وهو الجزء يلي فيه قرابة بينه وبين الثنائي الحداني او بعبارة اخرى هناك حالة خاصة من التوزيع الثنائي يمكن حسابه عن طريق قانون بواسون بشكل اسهل وبوقت اقل... أما توزيع بواسون هو اكبر من هيك بكتير وما تطرقناله كاملا... والدكتور قد يجيب هلق او بالنظري مسالة فيها n كبيرة في تحلا حسب الثنائي وبتطلع معك نتائج صحيحة وفيك تحلا حسب بواسون وكمان بتطلع النتائج نفسا لهيك انت حر بطريقة حلك ونحن بس حاولنا نقدملك كذا طريقة .. فيك تاخد الموضوع من وجهة النظر هي.

☘ بما يخص المادة ككل:
اكيد لاحظتو انو محاضراتنا اكبر من الرسمية
وذلك لانو فيها شرح اكتر وتدريبات اكترر ... طيب ليش؟؟؟

منذ تأسيس الفريق وبداية كتابة المحاضرات كان هدفي الأول ليس انو خلي الطالب يجيب علامة عالية ولا انو يفهم المادة
كان هدفي الأول هو انو خلي الطالب بالنهاية يطلع من المادة حاببها بالمرتبة الأولى .. فهمان ليش عم يدرسها .. عرفان شو عم يشتغل فيها .. عرفان انو لازم يتعامل معها كمادة علمية مو بصمية .. يتقبل فكرة انو الاحصاء بتهمو نوعا كطبيب .. يفهم حقيقة المادة ويخرج من جو الحفظ المجرد والتطبيق الاعمى للقوانين يلي ما عرفانين من وين اخترعوها.
انطلاقا من هذا الهدف عم تشوفو انو خلال المادة عم نشرح كل قانون شو معناه وكيف استنتجوه وكيف بحسبه وليس بحسبه وشو بستفاد منه وشو علاقته مع كلشي
ومنحط تدريب وتنين وتلاتة
وطريقة وتنتين وتلاتة
وشرح وتوضيحات واثراءات
وكل ما سبق اشياء خارجية لكن من خلالها رح تحب المادة وبطريقك رح تفهما وبطريقة رح تجيب ال١٠٠ بدون تعب ومو بس هيك .. رح تكرج معك كرج المادة كمان لانك عرفان بكل فقرة شو عم يصير

✨ الخلاصة ✨
لا تاكل هم الحجم الكبير
لا تاكل هم التوضيحات الخارجية
لا تاكل هم الفقرات الاضافية
كل هدول لصالحك بالنهاية
وذلك حسب تجارب عدة دفعات سابقة قبلكم فيكم تسألوهم كيف انو لما درسو هالمادة من عندنا وبهالشكل خرجو من الفصل وهنن حابينها اكتر مادة وباعلى علامة

وفي الختام..
إن أحسنا فمن الله وإن أخطأنا فمن عند أنفسنا

سامحونا عالإطالة ولا تنسو الآلة الحاسبة بكرة مرة ثانية 💙💙💙💙

صباح الخير يا حلوين:

أخيرا صار موعدكم مع احلى مادة لهالفصل
الامتحان ان شاء الله رح يكون سهل ورايق لهيك لا تتوتروا ولا تتشنجوا 💙

بيجوز هلق متلبكين وغرقانين بالتفاصيل
ولكن بس تفوتوا وتشوفو الأسئلة إن شاء الله رح تنبسطوا وتجيبوا علامات حلوة كلكم🥰


⭕️ تنويه ⭕️
الامتحان اتمتة لكن ليس من الضروري تكون الاجابات على ورقة الأتمتة
في السنوات السابقة كان امتحان عملي الإحصاء إجاباته على نفس الورقة

فإذا كان هالسنة هيك .. ركزو معي:
بأعلى الورقة رح يكون في العنوان والاسم والتاريخ وعالشغلات...
تحتا مباشرة جدول مؤلف من سطرين: السطر الأول مرقم من ١ ل ٣٠
والسطر التاني خاناته فاضية لتحط فيه اجاباتك النهائية تحت كل رقم✌🏻

طيب كيف بدي أتعامل مع الموضوع؟
يُفضل (وليس إجباري) تبلش سؤال سؤال وكل ما تحل سؤال انقل اجابته فورا عالجدول لفوق بالرصاص وبالاخير بتعلمن بالأزرق

⭕️ من تعليمات العملي بالسنوات السابقة:
لا تقبل الإجابة إلا من قلب الجدول حصرا
يعني لو حالل كل الاسئلة مختار اجابات عالاسئلة كلن صح وتارك الجدول فاضي ما بيمشي الحال

إذا حالل السؤال صح ونقلته لفوق غلط >>راحت العلامة
اذا حالل السؤال غلط وبالجدول حاطط الاجابة الصحيحة بتاخد العلامة
الخلاصة المصحح بيشوف الجدول وبس

إذا كان الامتحان هيك بتكونو وفرتو وقت هالتعليمات وعندكم فكرة شو بدكم تعملو مشان ما تتوترو بالامتحان لأنو الأسئلة قد ما كانت سهلة اذا ما كنت رايق ما رح تعرف تحل

#موفقين

#شوفو_التصويبات

#تذكير_رقم_3
#لا_حدا_ينسى_الآلة_الحاسبة

صباح الخير 💙

الله يكرمكم جميعا بالعلامة اللي ناطرينها ولا يضيع تعب حدا فيكم🤲🏻

كل واحد تعب رح يلاقي النتيجة أكيد💪🏻

أهم شي الرواق والهدوء والنفسية
لا حدا يتوتر بالفحص لأن الموضوع بسيط 😇

حاولوا اخر نصف ساعة ما تدرسوا شي ولا تحكوا شي عن المادة خلوها صفاء ذهني لتستجمعوا تركيزكم جوا ☕

تذكيرنا الآخير
#لا_حدا_ينسى_الآلة_الحاسبة

#موفقين_جدا_وكثيرا_زملاء 💙💙

الحمد لله عسلامتكم

ان شاء الله تكون قدمتوا منيح جميعا وبانتظار العلامات العالية

إذا حدا مجمع أسئلة يبعتلي ياها عالخاص ويقلي شو كان نموذجه
@Essam2zain

رح نحاول إذا قدرنا نجمع الأسئلة كلها رح ننزل الحل المسا إن شاء الله

حاليا انسوا الإحصاء وروحوا ناموا💙💙

صباح الخير

💙 حل أسئلة عملي الإحصاء 💙

منعتذر عالتأخير لحتى قدرنا نجمع الاسئلة من الطلاب لكل النماذج
(سامحونا اذا منقصين شي سؤال او مزودين لأنه اعتمدنا على ذواكر الطلاب😅)

تعليقنا على الأسئلة بشكل عام:
☘ الأسئلة ليست سهلة وليست صعبة فيها بضعة أسئلة صعبة لكن قابلة للحل

☘ توقعنا أن أغلب العلامات ستكون فوق ٢٥ بمتوسط حسابي يساوي ٢٧ علامة 💙

الخلافيات:
☘ بالنموذج C : حل المسألة الاحتمالية حسب توزيع بواسون ويدعم هذا الحل أربعة أمور:
المعطيات للمسألة - ورود مسائل سابقة على نفس النمط - وجود خيار بواسون وقانونه في أول سؤالين - سؤال التباين جوابه ١٠ حسب بواسون وليس 9.95 حسب الثنائي

طبعا نحن نتكلم عن الحل الصحيح وليس عن رأي الدكتور النهائي فهذا يعود فقط للدكتور 💙

☘ بالنموذج B : تمثيل مستويات السكر بالأعمدة:
إذا قصد الدكتور بالمتغير (مستوى السكر: مرتفع طبيعي منخفض...) يصبح متغير نوعي والأعمدة منفصلة
إذا قصد الدكتور (مستويات يعني مجالات يصبح متغير كمي) ويناسبه مدرج تكراري أي مستطيلات متلاصقة >> غير ذلك
لأن الأعمدة المتلاصقة (المزدوجة) للبيانات المنفصلة الا اذا قصد فيها هون نفسها أعمدة المدرج فتصبح وقتها هي الجواب الصحيح

☘ بالنموذج C:
السؤال (إذا كانت تكلفة عدم اكتشاف مرض خلال اختبار ما نسعى لأن تكون:)
السؤال صياغته مو تمام وفينا نقول ناقص
لكن إذا كان قصد الدكتور أن التكلفة عالية أو  المرض خطير ونتائج علاجه مكلفة مثلا فيكون الجواب
《 حساسية الاختبار عالية 》

☘ سؤال علاقة التباين مع النسبة p جاوبنا عليه وشرحناه بشكل مبسط لكنه ليس خلافي

💙💙

بالنموذج A
حسب البعض الآخر من الطلاب في سؤالين عن الإيجابية الكاذبة بصيغتين مختلفتين

فإذا كان الثاني هو الإيجابية الكاذبة فالجواب 0.017 وهو موجود ضمن الخيارات
وإذا كان سلبية كاذبة فهو يساوي 0.218 ونختار غير ذلك

💙💙💙

بداية البشائر 💙💙

إن شاء الله الجميع بتكون علاماتهم عالية 💙💙
وعقبال النظري 💙💙

☘ صورة للاستئناس

☘ العلاقة بين احتمال الصفة وتباينها

#نقلا_عن_الهيئة 💙

مشان الاشكالات اللي صارت النموذج c بعملي الاحصاء تواصلنا مع الدكتور وكان متعاون مشكور كتير وخبرنا:

المسألة بواسون وهوي شارحها بقلب المحاضرة بس بما انها مو نازلة  بالمحاضرة الرسمية ف هوي رح يحذفها ويوزع علامتها ع باقي الأسئلة

أما بالنسبة للسؤالين 14و11 ف الدكتور كان موجود بوقت الامتحان ومرق ع كل القاعات والطلاب اللي سألوه خبرن ف لهيك ما رح يحذفو
الدكتور كان موجود ومرق ع كل القاعات

موفقين 💙
مع تمنياتنا للجميع بالعلامات العالية 💙

🎊🎊🎊🎊🎊
من فريق بوابة الإحصاء
نتمنى لكم عام جديداً سعيداً
مع تحقيق أفضل الأمنيات للجميع

#كل_عام_وأنتم_وأهليكم_بألف_خير
💙💙💙💙

صباح الخير

منقدملكم محاضرة جديدة من قسم الدكتور حسين وهي قبل الأخيرة بعنوان:
✨التوزيعات الاحتمالية المستمرة✨

تتضمن المحاضرة الرسمية بقالب وترتيب مميز معتمدة على المخططات والجداول والمقارنات والتجميعات والشروحات التي ستحول اصعب محاضرة إلى معلومات سلسة وبسيطة🤩
وبتصير علامتها بالجيبة كمان😌

لهيك كتييير مهم يكون تركيزك بالمقام الأول على الملون بالأحمر لأنو كل كلمة هي خيار من سؤال دورة🔥

عدد الصفحات:20
الوقت المقدر للدراسة: 3-5 ساعات

💡نذكركم💡

تجدون محاضراتنا على القناة بصيغة pdf مبوبة بالرسالة المثبتة
وورقياً في مكتبة عاج لطب الأسنان-عند باب سبيرو- مقابل مكتبة أليسار
بصيغة a5 بخلفية بيضاء
ومن أحب أن يطبع بصيغة a4 يمكن التواصل مع المكتبة والتوصية على الرقم
0997810493

منتمنالكم كل التوفيق مع الحب 💙

مساء الخير 💙💙

كيف الهمة والاستعداد لأول المعارك بكرة😇
خليكم أقوياء وواثقين بحالكم 💪🏻
صح المادة صعبة كدراسة بس إن شاء الله بتكون الأسئلة سهلة وتذكروا انو السنة الماضية كانت العلامات كتير عالية بهالمادة وتفائلوا 😁

منتمنالكم كل التوفيق والإبداع
💙💙💙💙💙💙💙

#منقول
علامات عملي الاحصاء
https://www.facebook.com/groups/472400402932753/permalink/2623727464466692/?mibextid=Nif5oz
الاعتراضات لنهاية الدوام يوم الخميس القادم
موفقين ❤️
#هامش بالاعتراضات وانتو عم تكتبو الاعتراض كتبو وين قدمتو باي مدرج واي مجموعة

مبارك هالعلامات العالية للجميع🩵🩵 🎊🎊🎉

عقبال العلامات العالية بالنظري كمان لتكون تعويض عن الجراثيم ❤️‍🩹❤️‍🩹

موعدنا معكم بعد الآن في النظري بمفاجئات جديدة رح تعجبكم كتير 🔥🔥

كونوا بالانتظار
وموفقين بكل موادكم 💙💙

مساء الخير أعزائي

هذا حل أسئلة إحصاء التحضيري الحملة بتشرين تبع اليوم

في حال بتعرفو حدا قدمها وعم يدور على حل

للاستفسارات يرجى التواصل @Essam2zain

مساء الخير أعزائنا💙

إليكم المحاضرة الأخيرة بقسم الدكتور حسين بعنوان
✨الاختبارات المعلمية✨

المحاضرة فكرتها مختلفة عما سبق وفهمية بمعظمها لهيك رح تلاقو فيها شرح كتير 💪🏻 لدرجة تصير ابسط من البساطة 😌
بالإضافة للتمارين الخارجية يلي رح تخليكم تصيرو امكن فيها بسبب أهميتها الكبيرة⚡
لانو غالبا يجي منها مسألتين بغض النظر عن الاسئلة النظرية 😇
وبآخرها كالعادة في تجميعة قوانين حلوة

عدد الصفحات: ٢٤
المدة الوسطية للدراسة: ٥ ساعات

تتوافر المحاضرة إلكترونيا على القناة
وورقيا في مكتبة عاج - سبيرو
رقم المكتبة للتواصي 0997810493