صباح الخير أصدقائي💙

موضوعين كتير بواجهونا بالحياة الطبية والحياة العملية

بكرة بس تصير دكتور وتفتح عيادة ويجي لعندك مريض رح تطلب منو شي مليون تحليل واختبار
وبس يجبلك النتيجة رح تصفن صفنة (انو عأساس الدكتور الفهمان) وتقول والله هالنتائج ما عاجبتني ما شكلا دقيقة

كيف بدك تعرف اذا النتيجة صحيحة
وشو دقة الاختبار وتقارنها مع الحالة الفعلية للمريض

هون رح تكون بحاجة لما يُسمى بمؤشرات المسح المخبري

على صعيد آخر منضل نسأل حالنا اسئلة احتمالية:
شو احتمال ننجح
شو احتمال نفرش
شو احتمال تجي دورات
شو احتمال اذا الواحد ما دارس شي يرفع المادة
شو احتمال يفوز الفريق الفلاني
شو احتمال .....

طيب شو يعني احتمال؟
كيف يمكن حسابه؟

كمان هالشغلات رح نفهمها ونوضحها كلها

مع المحاضرة السهلة واللذيذة والسلسة كتير

المحاضرة الثالثة للدكتور حسين بعنوان:
✨مؤشرات المسح المخبري ومبدأ الاحتمال✨

ننهي سلسلة محاضراتنا الآن مع المحاضرة الآخيرة المطلوبة لامتحان العملي

بعنوان:
✨ التوزيعات الاحتمالية المنقطعة ✨

تتضمن عدة محاور:
☘ تعريف بالتوزيع الاحتمالي وشروطه
☘ التوزيع الاحتمالي التجريبي
☘ التوزيع الاحتمالي المنتظم
☘ توزيع برنولي
☘ توزيع ثنائي الحد
☘ توزيع بواسون

⭕️ هي المحاضرة الأهم للعملي ⭕️
غالبا يجي مسألتين منها بالعملي (أو وحدة عالأقل)
واكيييد رح يجي مسألة وحدة عالاقل منها بالنظري كمان لهيك كتيير لازم تركزو عليها

#الرسالة_المثبتة_للمحاضرات

🔴قسم الدكتور حسين علي:
١. أنواع البيانات وعرضها
٢. مؤشرات النزعة المركزية والتشتت
٣. مؤشرات المسح المخبري
٤. التوزيعات الاحتمالية المنقطعة
٥. التوزيعات الاحتمالية المستمرة
٦. الاختبارات المعلمية

🔴قسم الدكتور مازن ديوب:
١. المبوب الأول
٢. المبوب الثاني
٣. المبوب الثالث


🔴 الملاحق الإضافية:
نموذج امتحان العملي
البنك الشامل (ورقي)
الدليل الشامل (ورقي)

🔴 رسالة تصويبات المحاضرات

غروب المناقشة

https://t.me/+IZo3cyFcC8w0NWM0

مساء الخير 😌

🔥 نموذج امتحاني 🔥

موعدنا مع النموذج الامتحاني
غدا (الثلاثاء) عند التاسعة مساءاً
والحل ينزل يوم الأربعاء

النموذج هام جدا ولازم الكل يحله
غالبا يجي على نمطه تماماً لهيك أكيد رح تستفيدو منو

#كونو_كتار 💙

⭕️ رسالة التصويبات ⭕️

" جل من لا يخطئ "

☘ المحاضرة الثالثة د.حسين:
✨ص٧
بالجدول مجموع المدخنين ٦٠٠ و ٤٠٠ بدل ٣٠٠ و٧٠٠ والتعويض والحل صحيح
✨ صفحة ٣
خامس سطر من تحت بفقرة الشرح اخرها ( السلبية الكاذبة ضئيلة)
✨ صفحة ٤
قبل اخر سطرين (نسبة الأشخاص غير المرضى ذوي النتائج السلبية )
✨ صفحة ٩
اخر شي بمقام قانون الRR
المقام بيصير c×(a+b)
وفي التطبيق في بداية الصفحة التالية

🔴تصويبات البنك 🔴
بالفهرس محاضرة المؤشرات الاحصائية رقما ٢
والمؤشرات المخبرية رقما ٣
بس بدلو الارقام

ص٤٣
بشرح السؤال ٤ تعويض فاي ال١ يجب ان يكون ٠.٨٥ ويبقى الناتج نفسه
ص٤١
بشرح السؤال ٥ مقام المعايرة ٨ بدل ١٠ والباقي صحيح




ان شاء الله ما رح يكون في أخطاء بالمحاضرات الا اذا شي هفوة صغيرة عالسرعة
لذلك إذا حسيت في إشكال بشي شغلة لا تتردد وإسألنا عنهم فإما وضحنا سببها أو عدلناها إن أخطأنا 💙

⭕️ رسالة التصويبات رح نحط رابطها بالرسالة المثبتة لهيك تابعوها

🔴 #سلسلة_فقرات_مهمة 1🔴

ملخص لخصائص التوقع والتباين هنن خارجيين السنة الماضية كنا حاطين قسم منهم بالمحاضرات كإثراء واجا منهم بالنظري رغم انهم مو موجودين بالرسميات

لهيك ضروري تدرسوهم في منهم علامة مضمونة إذا مو هلق فبالنظري اجباري

موفقين💙

🔴 #سلسلة_فقرات_مهمة 2🔴

🔴 موضوع التقريب 🔴

بداية نعرف التقريب بأنو الانتقال من الدقة الاعلى  إلى الدقة الادنى وله مراتب
حيث يوجد لدينا في منهاجنا ثلاثة انواع من التقريب

مبدأ التقريب:
عندما نريد ان نقرب الى خانة ما ننظر الى الخانة الاصغر منها (التي قبلها)
فإذا كانت الخانة التي قبلها احد الارقام التالية
(5 6 7 8 9)
نضيف واحد الى الخانة التي نريد التقريب اليها
مثلا   0.346 >> 0.35    لأن الستة احد الارقام التي نضيف فيها

واذا كانت الخانة التي قبلها اقل من الخمسة اي انها احد الارقام: 0 / 1 / 2 / 3 / 4
لا نضيف شيء (انتبهو ما منطرح)
مثال 0.344  >> 0.34

✨انواع التقريب✨

☘التقريب الى اقرب عدد طبيعي (يعني نساوي بلا فاصلة)
ونستخدم هذا التقريب في منهاجنا فقط في فقرة حساب حجم العينة الجديد في المحاضرة الرابعة
حيث حجم العينة يجب ان لا يمتلك فاصلة فنقوم بالتقريب
امثلة
256.7 >> 257
134.1 >> 134

هنا ننظر الى اول رقم بعد الفاصلة

☘ التقريب الى اول رقمين بعد الفاصلة ويسمى التقريب المئوي (الاكثر استخداما)

عند حساب اغلب المؤشرات فانه قد يكون الناتج يملك عدد كبير من الارقام بعد الفاصلة لذلك نقوم بالتقريب للناتج الى ثاني رقم بعد الفاصلة
وهنا للتقريب سنضطر الى معاينة الرقم الثالث بعد الفاصلة للحكم بالزيادة او البقاء كما هو

أمثلة
V(x)= 45.67095 >>> 45.67
p=0.5693  >> 0.57
p=0.0003  >> 0.00
Fo= 354.5035 >>  354.5

☘ التقريب الى اول رقمين بعد الفاصلة غير معدومين
هذا التقريب نستخدمه خاصة عندما نتعامل مع ارقام متناهية في الصغر لاسيما في بعض الاحتمالات
هون منعمل حالنا مو شايفين كلشي صفار بعد الفاصلة كما يلي
0.000794  > 0.00079 / 0.0008
0.0569      > 0.057

طيب بالامتحان كيف بدي اعرف شو قرب
حسب التقريب المستخدم في الخيارات بتشتغل
ببين معك مثلا كل الخيارات فيهم رقمين بعد الفاصلة

او الخيارات فيهم اربع ارقام بعد الفاصلة

او الخيارات محطوطين كاملين بدون تقريب

فانت بالسؤال فيك تحكم

🔥🔥 آخر وأهم شي في منهاجنا عند الدكتور حسين وخاااصة هلق للعملي 🔥🔥
الدكتور في أغلب الأوقات تقريبه بيكون لثاني رقم بعد الفاصلة دون النظر الى ما بعد
يعني الرقم بينقطش قطش:
متوسط = 2.5492 >> 2.54
وبس 😁

نتمنى لكم كامل الفائدة المرجوة💙

🔴 #سلسلة_فقرات_مهمة 3🔴

🔴 التشتت ومقارنة التشتت 🔴

✨لدارسة تشتت لعينة:
١. المدى المطلق: (الأسوأ) لأنه يأخذ بعين الاعتبار قيمتين فقط ويتأثر بالقيم الشاذة
٢. التباين: (أفضل من المدى) لأنه يأخذ بعين الاعتبار كل القيم ويقيس صفة التشتت (كبير أو صغير) لكنه لا يقيس كمية التشتت لأنه ليس له دلالة إحصائية
٣. الانحراف المعياري:(المعيار الأفضل) يقيس بدقة كمية التشتت

✨ لمقارنة تشتت مجتمعين مختلفين أو لمقارنة تشتت متغيرين مختلفين لنفس المجتمع:
لا يمكننا استخدام مقاييس مطلقة وذلك بسبب وجود واحدات قياس مختلفة
>>> نحن بحاجة لمقاييس نسبية خالية من الواحدة
>>> لذلك نحول المدى والانحراف من مقاييس مطلقة إلى نسبية بتقسيمها على متوسط عينتها

١. المدى النسبي Rp: مؤشر سهل الحساب يفيد في المقارنة السريعة بين تشتت عينتين
٢. معامل الاختلاف (الانحراف النسبي) C.V: أفضل مؤشر لمقارنة التشتت بين مختلف العينات

في هذين المقياسين من الطبيعي أنو يكون أقل من ١٠٠% وهذا بيشير الى ان التشتت ضمن الوضع الطبيعي
وإذا اقل من ٥٠% فالتشتت قليل وأفضل
لكن إذا كان فوق ال١٠٠% (وخاصة المدى النسبي) فهذا يعني ان تشتت القيم كبير جدا جدا

فلا تستغربو إذا طلع الرقم مثلا ١٥٤% او ٣٨٠%

🔴 آخر ملاحظة مهمة🔴
المقياسين هدول نسب مئوية فلازم عند حسابهم نضرب ب١٠٠ ونحط إشارة %

إذا الخيارات محطوط فيها اشارة % (الوضع لوز)
اذا كل الخيارت ما محطوط فيها % (بتختار الرقم اللي طلع معك بغض النظر عن اشارة% في منهاجنا فقطططططط)
إذا خيارات فيها % وخيارات لاء هون بدك تدقق وحصرا لازم تختار الرقم الصحيح مع % وإلا بتختار غير ذلك

مساء الخير أصدقائي

اللي عنده سؤال بخصوص المادة بإمكانكم السؤال ضمن غروب المناقشة

وإن شاء الله الفائدة للجميع

غروب المناقشة
https://t.me/+IZo3cyFcC8w0NWM0

🔴 حل نموذج العملي 🔴

إن شاء الله هذا الحل الصحيح للنموذج 💙

هامش: السؤال ٣
القيمة التنبؤية السلبية تساوي
d/c+d

على بيانات الجدول بتطلع
750/800=0.9375
ومنختار c عهالأساس

لكن نحن مخربطين بالمجموع الأفقي يعني لازم 775 بدل 800
وبيصير الناتج ٠.٩٦٧٧
هاد الجواب الصحيح واللي لازم يكون محل ال c
😇😇

موفقين

حل السؤال ٣٢
اختر الإجابة الخاطئة مو الصحيحة
بس بيضل الخيار c

🔴🔴🔴🔴🔴🔴🔴🔴🔴

تذكير رقم ١

#لا_حدا_ينسى_الآلة_الحاسبة

🔴 #سلسلة_فقرات_مهمة 4🔴

🔴 معلومات متنوعة 🔴

🔥 الوسيط 🔥
هو القانون الوحيد الذي نحتاج فيه لترتيب البيانات

🔥 الانحراف والتباين 🔥
☘التباين هو مربع الانحراف والانحراف هو الجذر الموجب للتباين
☘ بما يخص العملي بكرة فبحساب التباين يكون المقام هو n حتى يثبت العكس بنسبة ٩٠%
(طيب شو ال١٠%؟  اذا قلي احسب S² بشكل واضح وصريح وهون المقام n-1 اذا الn اقل من ٣٠)

🔥 المؤشرات الاحصائية🔥
كللل المؤشرات للاحصائية تقبل الفواصل وحينها ناخذ أول رقمين بعد الفاصلة

🔥 العينة 🔥
يتناسب حجم العينة مع كل مما يلي:
١. هدف الدراسة (حسب ما يراه الباحث مناسبا)
٢. الدقة المطلوبة *طردا*
٣. الميزانية المخصصة للبحث *طردا*
٤. تجانس المجتمع *عكسا*

🔥 العرض البياني 🔥
☘ مخطط الأعمدة للبيانات المنقطعة
☘ المدرج (الهيستوغرام) للمستمرة حتما
☘ المنحني افضل للمستمرة
☘ الفطيرة للمنقطعة حتما وخااصة للاسمي وخاااصة اذا قيمه المختلفة قليلة

🔥 احتمال الحدث 🔥
☘ إذا الحدث بسيط يعني مطلوب صفة واحدة
فالاحتمال هو عدد اصحاب هالصفة عالعدد الكللللللي
☘ إذا الحدث شرطي (مدخن متعلم)
فالبسط هو المربع اللي تقاطعت فيه هالصفتين
والمقام هو مجموع الصفة الثانية (كل المتعلمين)

🔥 لنفهم كم فكرة 🔥
كم توضيح بخصوص المحاضرات التابعة لفريقنا:
☘ بما يخص المحاضرة الرابعة خاصة:
توزيع برنولي ما موجود بالرسمية بس حطيناه وشرحناه كمقدمة لثنائي الحد لأنه بدون برنولي ما رح تفهم الثنائي الحداني (او بيجوز تفهم بس رح تطول ما تفهمه كاملا بشكل اسرع) وهالحركة مدروسة مو عن عبث ضايفها يعني دراسة برنولي + دراسة الثنائي بياخدو وقت اقل من دراسة الثنائي لوحده وبفهم ودقة اكثر .
توزيع بواسون: مو موجود بالرسمية. طيب ليش ضايفينه؟
عزيزي نحن ضايفين جزء صغييييير من توزيع بواسون وهو الجزء يلي فيه قرابة بينه وبين الثنائي الحداني او بعبارة اخرى هناك حالة خاصة من التوزيع الثنائي يمكن حسابه عن طريق قانون بواسون بشكل اسهل وبوقت اقل... أما توزيع بواسون هو اكبر من هيك بكتير وما تطرقناله كاملا... والدكتور قد يجيب هلق او بالنظري مسالة فيها n كبيرة في تحلا حسب الثنائي وبتطلع معك نتائج صحيحة وفيك تحلا حسب بواسون وكمان بتطلع النتائج نفسا لهيك انت حر بطريقة حلك ونحن بس حاولنا نقدملك كذا طريقة .. فيك تاخد الموضوع من وجهة النظر هي.

☘ بما يخص المادة ككل:
اكيد لاحظتو انو محاضراتنا اكبر من الرسمية
وذلك لانو فيها شرح اكتر وتدريبات اكترر ... طيب ليش؟؟؟

منذ تأسيس الفريق وبداية كتابة المحاضرات كان هدفي الأول ليس انو خلي الطالب يجيب علامة عالية ولا انو يفهم المادة
كان هدفي الأول هو انو خلي الطالب بالنهاية يطلع من المادة حاببها بالمرتبة الأولى .. فهمان ليش عم يدرسها .. عرفان شو عم يشتغل فيها .. عرفان انو لازم يتعامل معها كمادة علمية مو بصمية .. يتقبل فكرة انو الاحصاء بتهمو نوعا كطبيب .. يفهم حقيقة المادة ويخرج من جو الحفظ المجرد والتطبيق الاعمى للقوانين يلي ما عرفانين من وين اخترعوها.
انطلاقا من هذا الهدف عم تشوفو انو خلال المادة عم نشرح كل قانون شو معناه وكيف استنتجوه وكيف بحسبه وليس بحسبه وشو بستفاد منه وشو علاقته مع كلشي
ومنحط تدريب وتنين وتلاتة
وطريقة وتنتين وتلاتة
وشرح وتوضيحات واثراءات
وكل ما سبق اشياء خارجية لكن من خلالها رح تحب المادة وبطريقك رح تفهما وبطريقة رح تجيب ال١٠٠ بدون تعب ومو بس هيك .. رح تكرج معك كرج المادة كمان لانك عرفان بكل فقرة شو عم يصير

✨ الخلاصة ✨
لا تاكل هم الحجم الكبير
لا تاكل هم التوضيحات الخارجية
لا تاكل هم الفقرات الاضافية
كل هدول لصالحك بالنهاية
وذلك حسب تجارب عدة دفعات سابقة قبلكم فيكم تسألوهم كيف انو لما درسو هالمادة من عندنا وبهالشكل خرجو من الفصل وهنن حابينها اكتر مادة وباعلى علامة

وفي الختام..
إن أحسنا فمن الله وإن أخطأنا فمن عند أنفسنا

سامحونا عالإطالة ولا تنسو الآلة الحاسبة بكرة مرة ثانية 💙💙💙💙

صباح الخير يا حلوين:

أخيرا صار موعدكم مع احلى مادة لهالفصل
الامتحان ان شاء الله رح يكون سهل ورايق لهيك لا تتوتروا ولا تتشنجوا 💙

بيجوز هلق متلبكين وغرقانين بالتفاصيل
ولكن بس تفوتوا وتشوفو الأسئلة إن شاء الله رح تنبسطوا وتجيبوا علامات حلوة كلكم🥰


⭕️ تنويه ⭕️
الامتحان اتمتة لكن ليس من الضروري تكون الاجابات على ورقة الأتمتة
في السنوات السابقة كان امتحان عملي الإحصاء إجاباته على نفس الورقة

فإذا كان هالسنة هيك .. ركزو معي:
بأعلى الورقة رح يكون في العنوان والاسم والتاريخ وعالشغلات...
تحتا مباشرة جدول مؤلف من سطرين: السطر الأول مرقم من ١ ل ٣٠
والسطر التاني خاناته فاضية لتحط فيه اجاباتك النهائية تحت كل رقم✌🏻

طيب كيف بدي أتعامل مع الموضوع؟
يُفضل (وليس إجباري) تبلش سؤال سؤال وكل ما تحل سؤال انقل اجابته فورا عالجدول لفوق بالرصاص وبالاخير بتعلمن بالأزرق

⭕️ من تعليمات العملي بالسنوات السابقة:
لا تقبل الإجابة إلا من قلب الجدول حصرا
يعني لو حالل كل الاسئلة مختار اجابات عالاسئلة كلن صح وتارك الجدول فاضي ما بيمشي الحال

إذا حالل السؤال صح ونقلته لفوق غلط >>راحت العلامة
اذا حالل السؤال غلط وبالجدول حاطط الاجابة الصحيحة بتاخد العلامة
الخلاصة المصحح بيشوف الجدول وبس

إذا كان الامتحان هيك بتكونو وفرتو وقت هالتعليمات وعندكم فكرة شو بدكم تعملو مشان ما تتوترو بالامتحان لأنو الأسئلة قد ما كانت سهلة اذا ما كنت رايق ما رح تعرف تحل

#موفقين

#شوفو_التصويبات

#تذكير_رقم_3
#لا_حدا_ينسى_الآلة_الحاسبة

صباح الخير 💙

الله يكرمكم جميعا بالعلامة اللي ناطرينها ولا يضيع تعب حدا فيكم🤲🏻

كل واحد تعب رح يلاقي النتيجة أكيد💪🏻

أهم شي الرواق والهدوء والنفسية
لا حدا يتوتر بالفحص لأن الموضوع بسيط 😇

حاولوا اخر نصف ساعة ما تدرسوا شي ولا تحكوا شي عن المادة خلوها صفاء ذهني لتستجمعوا تركيزكم جوا ☕

تذكيرنا الآخير
#لا_حدا_ينسى_الآلة_الحاسبة

#موفقين_جدا_وكثيرا_زملاء 💙💙

الحمد لله عسلامتكم

ان شاء الله تكون قدمتوا منيح جميعا وبانتظار العلامات العالية

إذا حدا مجمع أسئلة يبعتلي ياها عالخاص ويقلي شو كان نموذجه
@Essam2zain

رح نحاول إذا قدرنا نجمع الأسئلة كلها رح ننزل الحل المسا إن شاء الله

حاليا انسوا الإحصاء وروحوا ناموا💙💙

صباح الخير

💙 حل أسئلة عملي الإحصاء 💙

منعتذر عالتأخير لحتى قدرنا نجمع الاسئلة من الطلاب لكل النماذج
(سامحونا اذا منقصين شي سؤال او مزودين لأنه اعتمدنا على ذواكر الطلاب😅)

تعليقنا على الأسئلة بشكل عام:
☘ الأسئلة ليست سهلة وليست صعبة فيها بضعة أسئلة صعبة لكن قابلة للحل

☘ توقعنا أن أغلب العلامات ستكون فوق ٢٥ بمتوسط حسابي يساوي ٢٧ علامة 💙

الخلافيات:
☘ بالنموذج C : حل المسألة الاحتمالية حسب توزيع بواسون ويدعم هذا الحل أربعة أمور:
المعطيات للمسألة - ورود مسائل سابقة على نفس النمط - وجود خيار بواسون وقانونه في أول سؤالين - سؤال التباين جوابه ١٠ حسب بواسون وليس 9.95 حسب الثنائي

طبعا نحن نتكلم عن الحل الصحيح وليس عن رأي الدكتور النهائي فهذا يعود فقط للدكتور 💙

☘ بالنموذج B : تمثيل مستويات السكر بالأعمدة:
إذا قصد الدكتور بالمتغير (مستوى السكر: مرتفع طبيعي منخفض...) يصبح متغير نوعي والأعمدة منفصلة
إذا قصد الدكتور (مستويات يعني مجالات يصبح متغير كمي) ويناسبه مدرج تكراري أي مستطيلات متلاصقة >> غير ذلك
لأن الأعمدة المتلاصقة (المزدوجة) للبيانات المنفصلة الا اذا قصد فيها هون نفسها أعمدة المدرج فتصبح وقتها هي الجواب الصحيح

☘ بالنموذج C:
السؤال (إذا كانت تكلفة عدم اكتشاف مرض خلال اختبار ما نسعى لأن تكون:)
السؤال صياغته مو تمام وفينا نقول ناقص
لكن إذا كان قصد الدكتور أن التكلفة عالية أو  المرض خطير ونتائج علاجه مكلفة مثلا فيكون الجواب
《 حساسية الاختبار عالية 》

☘ سؤال علاقة التباين مع النسبة p جاوبنا عليه وشرحناه بشكل مبسط لكنه ليس خلافي

💙💙