مساء الخير أصدقائنا😇

حابين نقدملكم قبل النوم مبوب خفيف نضيف

المبوب الثاني للدكتور مازن ويتضمن محاضرتين بالمحاور التالية:
✨ الدراسات الوبائية وأنواعها حسب الزمن والتدخل
✨ المقاييس الوبائية الهامة

📄 عدد الصفحات: ٢٨
💈مستوى الصعوبة: متوسط
🕰 متوسط مدة الدراسة: يوم واحد

يتوافر الملحق ابتداءا من الغد في مكتبة عاج

ما رح نكتر حكي عنه لأنو نظرة الو بتحكي عن كمية التعب المبذول عليه والشرح والاضافات والتوضيح كرمال توصل المعلومة بابسط وجوهها وتتمكن وتنحفظ وتنفهم دون تعب 🥰

نتمنى لكم دراسة ممتعة😇

هيك بيكون باقيلنا محاضرة وحدة للدكتور مازن بانتظار تنزل الرسمية تبعها
أما الدكتور حسين ف عم نشتغل على محاضراته بس عنار هادية ليصيرو شغلة مرتبة ورح نحاول ننزلها بأقرب وقت كونا بانتظارنا💙💙

☘☘☘☘

مساء الخير أصدقائنا المرابطين على جبهة التشريح

منتمنالكم كل التوفيق بكرة 🤍

ونحيطكم علما بأن أول محاضرتين من قسم الدكتور حسين جاهزين

ورح يتوافرو ابتداءا من بكرة الصبح ورقيا بمكتبة عاج و pdf عالقناة

الدراسة عليكم والفهم والعلامة علينا😌

صباح الخيرات💜💜

علم الإحصاء علم قديم كقدم البشرية وتطور عبر العصور ليصبح في وقتنا الراهن هو النافذة المطلة على كافة أنواع العلوم الدراسات حيث يكاد لا يخلو أي فرع تداخل الإحصاء النظري والتطبيقي

فعلى سبيل المثال:
عندما تسأل نفسك كيف أحسب معدلي السنوي
فسأقول لك إنك ستسخدم قانون المتوسط الحسابي😍
أما عندما تسأل ما هو مجال المعدل الذي يرضيني😌 فسأقول أنك ستعتمد على قانون الانحراف المعياري✌🏻

مؤشرات إحصائية هامة نستخدمها في حياتنا
على كافة أنواع البيانات

نقدم لكم أول محاضرتين من قسم الدكتور حسين علي بالعناوين:
⭕️ أنواع البيانات وطرق عرضها
⭕️ مؤشرات النزعة المركزية والتشتت

💡ما المميز في محاضرات بوابة الإحصاء💡
الفرق بين محاضرتنا العملية وغيرها
١. هو أنك ستفهم كل قانون كيف تم إيجاده وما فكرته واستخدامه فلن تعود مضطرا إلى الحفظ بصما☄☄
٢. إيجاد طرق أبسط بديلة عن الطرق الصعبة😁
٣. عرض المسائل بالطريقة التي تأتي بالامتحان وليس الطريقة النظرية الموجودة في المحاضرات الرسمية
( أي أننا سنتعلم كيف نطبق كل قانون على كل نمط من أنماط المسائل لوحده)😍😍
٤. تدريب على كل قانون لتحله بيدك وتقوي نفسك💪🏻
٥. التنسيق الرائع الذي يفتح النفس على الدراسة بمتعة ✌🏻💗

🥰اطلع على المحاضرات واحكم بنفسك 😌✌🏻

تجدون كافة اعمالنا ورقياً بطباعة ملونة ممتازة وبأسعار مناسبة في مكتبة عاج - عند باب سبيرو - دخلة كافيه كراج - مقابل مكتبة أليسار
رقم المكتبة:   0997810493

لا تنسوا تضيفو رفقاتكم حتى الكل يستفيد
رابط قناتنا
https://t.me/interestingstatistic

رابط شات المناقشة والأسئلة
https://t.me/+IZo3cyFcC8w0NWM0

#فريق_بوابة_الإحصاء بيتمنالكم كل التوفيق💜💜

مساء الخير أصدقائنا💙

صحيح ما لحقتو ترتاحو من التشريح هلق فورا كبسوكم عالإحصاء بيعينكم الله
كلن اسبوعين تلاتة زنقة وبيمرقو 😇 بعدين ببلش الجد 😂

كرمال الإحصاء
تحدد الامتحان يوم الخميس القادم

⭕️ الامتحان عملي بمعظمه
عدد أسئلته ٣٠ (غالب الظن كل سؤال بعلامة)
الأسئلة أتمتة
رح يكون منها اسئلة نظري ومنها أسئلة عملية ومنها مسائل

⭕️ طيب شو داخل بالامتحان من محاضرات الفريق؟
داخل أول أربع محاضرات من قسم الدكتور حسين:
١. أنواع البيانات وعرضها (نزلت)
٢. المؤشرات الإحصائية (نزلت)
٣. مؤشرات المسح المخبري والاحتمالات
٤. التوزيعات الاحتمالية المنقطعة

اخر تنتين بمرحلة التدقيق واعتبارا من بكرة الصبح بيكون متوافرين ورقيا وpdf

شو ترتيب الدراسة؟
يُفضل نمشي بترتيب المحاضرات

المحاضرة الأولى نظرية تقريبا (تعاريف وتصنيفات)
المحاضرات الباقية عملية بمعظمها وبدها دراسة بتركيز (طبعا الشرح الاضافي اللي منزلينه بالمحاضرات والتمارين الكتيرة والتدريبات رح تخليك تفهم فورا بإذن الله)

⭕️ شو مشان الآلة الحاسبة؟
موضوع الآلة الحاسبة ضروري جدا
خاصة لسبب أنو الامتحان مدته ٣٠ يعني فعليا ٢٥
ولسا في لبكة نقل الاجوبة لرأس الورقة هي بدها ٥ دقايق
يعني معك وسطيا ٤٠ ثانية للسؤال
وأغلب الأسئلة فيها قوانين وحسابات لهيك اذا وضعك مع الالة ما تمام او متخانقين حاول تزبط الوضع يرضى عليك😌

رح يكون في ملحق للعملي؟
بما انه ما دخل من قسم الدكتور مازن شي واللي دخل من قسم الدكتور حسين ما كتار لهيك ما عاد في لزوم للملحق والوقت بيكفي لدراسة المحاضرات مرتين بدل مرة وحدة🔥

لكن البديل هو أنو رح يكون في متل كل سنة نماذج امتحانية للعملي بتنزل الأربعاء عالقناة💪🏻
وهي اللي رح يجي الأسئلة منها وعنمطها 😇

بالإضافة لذلك رح نعمل جلسات مكثفة بخصوص المحاضرات العملية ومحورها الأساسي هو الألة الحاسبة وكيفية حل جميع المسائل بدقيقة واحدة😇

أي سؤال بخصوص المادة خلال دراستكم فيكم تسألو على غروب المناقشة ورح نجاوبكم جميعا إن شاء الله
https://t.me/+IZo3cyFcC8w0NWM0

⭕️ جلسات مكثفة ⭕️

🔥مفاجأتنا للعملي:
منقدملكم جلستين مكثفتين يومي الثلاثاء والأربعاء

محاورها الأساسية:
✨ تعريف بالالة الحاسبة وكل خصائصها وعلمياتها
✨ التعلم على أسرار الآلة الحاسبة وكيفية حساب كل القوانين بطرق مختصرة جدا
✨ شرح للأفكار العملية الداخلة بالامتحان
✨ حل مشكلة تقريب الأرقام وتقريب الخيارات
✨ شغلات رح نتركا مفاجأة😌

الحضور عليكم والفهم والعلامة علينا😇

📞 للاستفسار والتسجيل:
التواصل تلغرام على الرقم 0992956277

🪑 الأماكن محدودة

🎁 من لديه مشكلة مادية فحضوره مجاني 🥰

#كل_التوفيق💙

صباح الخير أصدقائي💙

موضوعين كتير بواجهونا بالحياة الطبية والحياة العملية

بكرة بس تصير دكتور وتفتح عيادة ويجي لعندك مريض رح تطلب منو شي مليون تحليل واختبار
وبس يجبلك النتيجة رح تصفن صفنة (انو عأساس الدكتور الفهمان) وتقول والله هالنتائج ما عاجبتني ما شكلا دقيقة

كيف بدك تعرف اذا النتيجة صحيحة
وشو دقة الاختبار وتقارنها مع الحالة الفعلية للمريض

هون رح تكون بحاجة لما يُسمى بمؤشرات المسح المخبري

على صعيد آخر منضل نسأل حالنا اسئلة احتمالية:
شو احتمال ننجح
شو احتمال نفرش
شو احتمال تجي دورات
شو احتمال اذا الواحد ما دارس شي يرفع المادة
شو احتمال يفوز الفريق الفلاني
شو احتمال .....

طيب شو يعني احتمال؟
كيف يمكن حسابه؟

كمان هالشغلات رح نفهمها ونوضحها كلها

مع المحاضرة السهلة واللذيذة والسلسة كتير

المحاضرة الثالثة للدكتور حسين بعنوان:
✨مؤشرات المسح المخبري ومبدأ الاحتمال✨

ننهي سلسلة محاضراتنا الآن مع المحاضرة الآخيرة المطلوبة لامتحان العملي

بعنوان:
✨ التوزيعات الاحتمالية المنقطعة ✨

تتضمن عدة محاور:
☘ تعريف بالتوزيع الاحتمالي وشروطه
☘ التوزيع الاحتمالي التجريبي
☘ التوزيع الاحتمالي المنتظم
☘ توزيع برنولي
☘ توزيع ثنائي الحد
☘ توزيع بواسون

⭕️ هي المحاضرة الأهم للعملي ⭕️
غالبا يجي مسألتين منها بالعملي (أو وحدة عالأقل)
واكيييد رح يجي مسألة وحدة عالاقل منها بالنظري كمان لهيك كتيير لازم تركزو عليها

#الرسالة_المثبتة_للمحاضرات

🔴قسم الدكتور حسين علي:
١. أنواع البيانات وعرضها
٢. مؤشرات النزعة المركزية والتشتت
٣. مؤشرات المسح المخبري
٤. التوزيعات الاحتمالية المنقطعة
٥. التوزيعات الاحتمالية المستمرة
٦. الاختبارات المعلمية

🔴قسم الدكتور مازن ديوب:
١. المبوب الأول
٢. المبوب الثاني
٣. المبوب الثالث


🔴 الملاحق الإضافية:
نموذج امتحان العملي
البنك الشامل (ورقي)
الدليل الشامل (ورقي)

🔴 رسالة تصويبات المحاضرات

غروب المناقشة

https://t.me/+IZo3cyFcC8w0NWM0

مساء الخير 😌

🔥 نموذج امتحاني 🔥

موعدنا مع النموذج الامتحاني
غدا (الثلاثاء) عند التاسعة مساءاً
والحل ينزل يوم الأربعاء

النموذج هام جدا ولازم الكل يحله
غالبا يجي على نمطه تماماً لهيك أكيد رح تستفيدو منو

#كونو_كتار 💙

⭕️ رسالة التصويبات ⭕️

" جل من لا يخطئ "

☘ المحاضرة الثالثة د.حسين:
✨ص٧
بالجدول مجموع المدخنين ٦٠٠ و ٤٠٠ بدل ٣٠٠ و٧٠٠ والتعويض والحل صحيح
✨ صفحة ٣
خامس سطر من تحت بفقرة الشرح اخرها ( السلبية الكاذبة ضئيلة)
✨ صفحة ٤
قبل اخر سطرين (نسبة الأشخاص غير المرضى ذوي النتائج السلبية )
✨ صفحة ٩
اخر شي بمقام قانون الRR
المقام بيصير c×(a+b)
وفي التطبيق في بداية الصفحة التالية

🔴تصويبات البنك 🔴
بالفهرس محاضرة المؤشرات الاحصائية رقما ٢
والمؤشرات المخبرية رقما ٣
بس بدلو الارقام

ص٤٣
بشرح السؤال ٤ تعويض فاي ال١ يجب ان يكون ٠.٨٥ ويبقى الناتج نفسه
ص٤١
بشرح السؤال ٥ مقام المعايرة ٨ بدل ١٠ والباقي صحيح




ان شاء الله ما رح يكون في أخطاء بالمحاضرات الا اذا شي هفوة صغيرة عالسرعة
لذلك إذا حسيت في إشكال بشي شغلة لا تتردد وإسألنا عنهم فإما وضحنا سببها أو عدلناها إن أخطأنا 💙

⭕️ رسالة التصويبات رح نحط رابطها بالرسالة المثبتة لهيك تابعوها

🔴 #سلسلة_فقرات_مهمة 1🔴

ملخص لخصائص التوقع والتباين هنن خارجيين السنة الماضية كنا حاطين قسم منهم بالمحاضرات كإثراء واجا منهم بالنظري رغم انهم مو موجودين بالرسميات

لهيك ضروري تدرسوهم في منهم علامة مضمونة إذا مو هلق فبالنظري اجباري

موفقين💙

🔴 #سلسلة_فقرات_مهمة 2🔴

🔴 موضوع التقريب 🔴

بداية نعرف التقريب بأنو الانتقال من الدقة الاعلى  إلى الدقة الادنى وله مراتب
حيث يوجد لدينا في منهاجنا ثلاثة انواع من التقريب

مبدأ التقريب:
عندما نريد ان نقرب الى خانة ما ننظر الى الخانة الاصغر منها (التي قبلها)
فإذا كانت الخانة التي قبلها احد الارقام التالية
(5 6 7 8 9)
نضيف واحد الى الخانة التي نريد التقريب اليها
مثلا   0.346 >> 0.35    لأن الستة احد الارقام التي نضيف فيها

واذا كانت الخانة التي قبلها اقل من الخمسة اي انها احد الارقام: 0 / 1 / 2 / 3 / 4
لا نضيف شيء (انتبهو ما منطرح)
مثال 0.344  >> 0.34

✨انواع التقريب✨

☘التقريب الى اقرب عدد طبيعي (يعني نساوي بلا فاصلة)
ونستخدم هذا التقريب في منهاجنا فقط في فقرة حساب حجم العينة الجديد في المحاضرة الرابعة
حيث حجم العينة يجب ان لا يمتلك فاصلة فنقوم بالتقريب
امثلة
256.7 >> 257
134.1 >> 134

هنا ننظر الى اول رقم بعد الفاصلة

☘ التقريب الى اول رقمين بعد الفاصلة ويسمى التقريب المئوي (الاكثر استخداما)

عند حساب اغلب المؤشرات فانه قد يكون الناتج يملك عدد كبير من الارقام بعد الفاصلة لذلك نقوم بالتقريب للناتج الى ثاني رقم بعد الفاصلة
وهنا للتقريب سنضطر الى معاينة الرقم الثالث بعد الفاصلة للحكم بالزيادة او البقاء كما هو

أمثلة
V(x)= 45.67095 >>> 45.67
p=0.5693  >> 0.57
p=0.0003  >> 0.00
Fo= 354.5035 >>  354.5

☘ التقريب الى اول رقمين بعد الفاصلة غير معدومين
هذا التقريب نستخدمه خاصة عندما نتعامل مع ارقام متناهية في الصغر لاسيما في بعض الاحتمالات
هون منعمل حالنا مو شايفين كلشي صفار بعد الفاصلة كما يلي
0.000794  > 0.00079 / 0.0008
0.0569      > 0.057

طيب بالامتحان كيف بدي اعرف شو قرب
حسب التقريب المستخدم في الخيارات بتشتغل
ببين معك مثلا كل الخيارات فيهم رقمين بعد الفاصلة

او الخيارات فيهم اربع ارقام بعد الفاصلة

او الخيارات محطوطين كاملين بدون تقريب

فانت بالسؤال فيك تحكم

🔥🔥 آخر وأهم شي في منهاجنا عند الدكتور حسين وخاااصة هلق للعملي 🔥🔥
الدكتور في أغلب الأوقات تقريبه بيكون لثاني رقم بعد الفاصلة دون النظر الى ما بعد
يعني الرقم بينقطش قطش:
متوسط = 2.5492 >> 2.54
وبس 😁

نتمنى لكم كامل الفائدة المرجوة💙

🔴 #سلسلة_فقرات_مهمة 3🔴

🔴 التشتت ومقارنة التشتت 🔴

✨لدارسة تشتت لعينة:
١. المدى المطلق: (الأسوأ) لأنه يأخذ بعين الاعتبار قيمتين فقط ويتأثر بالقيم الشاذة
٢. التباين: (أفضل من المدى) لأنه يأخذ بعين الاعتبار كل القيم ويقيس صفة التشتت (كبير أو صغير) لكنه لا يقيس كمية التشتت لأنه ليس له دلالة إحصائية
٣. الانحراف المعياري:(المعيار الأفضل) يقيس بدقة كمية التشتت

✨ لمقارنة تشتت مجتمعين مختلفين أو لمقارنة تشتت متغيرين مختلفين لنفس المجتمع:
لا يمكننا استخدام مقاييس مطلقة وذلك بسبب وجود واحدات قياس مختلفة
>>> نحن بحاجة لمقاييس نسبية خالية من الواحدة
>>> لذلك نحول المدى والانحراف من مقاييس مطلقة إلى نسبية بتقسيمها على متوسط عينتها

١. المدى النسبي Rp: مؤشر سهل الحساب يفيد في المقارنة السريعة بين تشتت عينتين
٢. معامل الاختلاف (الانحراف النسبي) C.V: أفضل مؤشر لمقارنة التشتت بين مختلف العينات

في هذين المقياسين من الطبيعي أنو يكون أقل من ١٠٠% وهذا بيشير الى ان التشتت ضمن الوضع الطبيعي
وإذا اقل من ٥٠% فالتشتت قليل وأفضل
لكن إذا كان فوق ال١٠٠% (وخاصة المدى النسبي) فهذا يعني ان تشتت القيم كبير جدا جدا

فلا تستغربو إذا طلع الرقم مثلا ١٥٤% او ٣٨٠%

🔴 آخر ملاحظة مهمة🔴
المقياسين هدول نسب مئوية فلازم عند حسابهم نضرب ب١٠٠ ونحط إشارة %

إذا الخيارات محطوط فيها اشارة % (الوضع لوز)
اذا كل الخيارت ما محطوط فيها % (بتختار الرقم اللي طلع معك بغض النظر عن اشارة% في منهاجنا فقطططططط)
إذا خيارات فيها % وخيارات لاء هون بدك تدقق وحصرا لازم تختار الرقم الصحيح مع % وإلا بتختار غير ذلك

مساء الخير أصدقائي

اللي عنده سؤال بخصوص المادة بإمكانكم السؤال ضمن غروب المناقشة

وإن شاء الله الفائدة للجميع

غروب المناقشة
https://t.me/+IZo3cyFcC8w0NWM0

🔴 حل نموذج العملي 🔴

إن شاء الله هذا الحل الصحيح للنموذج 💙

هامش: السؤال ٣
القيمة التنبؤية السلبية تساوي
d/c+d

على بيانات الجدول بتطلع
750/800=0.9375
ومنختار c عهالأساس

لكن نحن مخربطين بالمجموع الأفقي يعني لازم 775 بدل 800
وبيصير الناتج ٠.٩٦٧٧
هاد الجواب الصحيح واللي لازم يكون محل ال c
😇😇

موفقين

حل السؤال ٣٢
اختر الإجابة الخاطئة مو الصحيحة
بس بيضل الخيار c

🔴🔴🔴🔴🔴🔴🔴🔴🔴

تذكير رقم ١

#لا_حدا_ينسى_الآلة_الحاسبة

🔴 #سلسلة_فقرات_مهمة 4🔴

🔴 معلومات متنوعة 🔴

🔥 الوسيط 🔥
هو القانون الوحيد الذي نحتاج فيه لترتيب البيانات

🔥 الانحراف والتباين 🔥
☘التباين هو مربع الانحراف والانحراف هو الجذر الموجب للتباين
☘ بما يخص العملي بكرة فبحساب التباين يكون المقام هو n حتى يثبت العكس بنسبة ٩٠%
(طيب شو ال١٠%؟  اذا قلي احسب S² بشكل واضح وصريح وهون المقام n-1 اذا الn اقل من ٣٠)

🔥 المؤشرات الاحصائية🔥
كللل المؤشرات للاحصائية تقبل الفواصل وحينها ناخذ أول رقمين بعد الفاصلة

🔥 العينة 🔥
يتناسب حجم العينة مع كل مما يلي:
١. هدف الدراسة (حسب ما يراه الباحث مناسبا)
٢. الدقة المطلوبة *طردا*
٣. الميزانية المخصصة للبحث *طردا*
٤. تجانس المجتمع *عكسا*

🔥 العرض البياني 🔥
☘ مخطط الأعمدة للبيانات المنقطعة
☘ المدرج (الهيستوغرام) للمستمرة حتما
☘ المنحني افضل للمستمرة
☘ الفطيرة للمنقطعة حتما وخااصة للاسمي وخاااصة اذا قيمه المختلفة قليلة

🔥 احتمال الحدث 🔥
☘ إذا الحدث بسيط يعني مطلوب صفة واحدة
فالاحتمال هو عدد اصحاب هالصفة عالعدد الكللللللي
☘ إذا الحدث شرطي (مدخن متعلم)
فالبسط هو المربع اللي تقاطعت فيه هالصفتين
والمقام هو مجموع الصفة الثانية (كل المتعلمين)

🔥 لنفهم كم فكرة 🔥
كم توضيح بخصوص المحاضرات التابعة لفريقنا:
☘ بما يخص المحاضرة الرابعة خاصة:
توزيع برنولي ما موجود بالرسمية بس حطيناه وشرحناه كمقدمة لثنائي الحد لأنه بدون برنولي ما رح تفهم الثنائي الحداني (او بيجوز تفهم بس رح تطول ما تفهمه كاملا بشكل اسرع) وهالحركة مدروسة مو عن عبث ضايفها يعني دراسة برنولي + دراسة الثنائي بياخدو وقت اقل من دراسة الثنائي لوحده وبفهم ودقة اكثر .
توزيع بواسون: مو موجود بالرسمية. طيب ليش ضايفينه؟
عزيزي نحن ضايفين جزء صغييييير من توزيع بواسون وهو الجزء يلي فيه قرابة بينه وبين الثنائي الحداني او بعبارة اخرى هناك حالة خاصة من التوزيع الثنائي يمكن حسابه عن طريق قانون بواسون بشكل اسهل وبوقت اقل... أما توزيع بواسون هو اكبر من هيك بكتير وما تطرقناله كاملا... والدكتور قد يجيب هلق او بالنظري مسالة فيها n كبيرة في تحلا حسب الثنائي وبتطلع معك نتائج صحيحة وفيك تحلا حسب بواسون وكمان بتطلع النتائج نفسا لهيك انت حر بطريقة حلك ونحن بس حاولنا نقدملك كذا طريقة .. فيك تاخد الموضوع من وجهة النظر هي.

☘ بما يخص المادة ككل:
اكيد لاحظتو انو محاضراتنا اكبر من الرسمية
وذلك لانو فيها شرح اكتر وتدريبات اكترر ... طيب ليش؟؟؟

منذ تأسيس الفريق وبداية كتابة المحاضرات كان هدفي الأول ليس انو خلي الطالب يجيب علامة عالية ولا انو يفهم المادة
كان هدفي الأول هو انو خلي الطالب بالنهاية يطلع من المادة حاببها بالمرتبة الأولى .. فهمان ليش عم يدرسها .. عرفان شو عم يشتغل فيها .. عرفان انو لازم يتعامل معها كمادة علمية مو بصمية .. يتقبل فكرة انو الاحصاء بتهمو نوعا كطبيب .. يفهم حقيقة المادة ويخرج من جو الحفظ المجرد والتطبيق الاعمى للقوانين يلي ما عرفانين من وين اخترعوها.
انطلاقا من هذا الهدف عم تشوفو انو خلال المادة عم نشرح كل قانون شو معناه وكيف استنتجوه وكيف بحسبه وليس بحسبه وشو بستفاد منه وشو علاقته مع كلشي
ومنحط تدريب وتنين وتلاتة
وطريقة وتنتين وتلاتة
وشرح وتوضيحات واثراءات
وكل ما سبق اشياء خارجية لكن من خلالها رح تحب المادة وبطريقك رح تفهما وبطريقة رح تجيب ال١٠٠ بدون تعب ومو بس هيك .. رح تكرج معك كرج المادة كمان لانك عرفان بكل فقرة شو عم يصير

✨ الخلاصة ✨
لا تاكل هم الحجم الكبير
لا تاكل هم التوضيحات الخارجية
لا تاكل هم الفقرات الاضافية
كل هدول لصالحك بالنهاية
وذلك حسب تجارب عدة دفعات سابقة قبلكم فيكم تسألوهم كيف انو لما درسو هالمادة من عندنا وبهالشكل خرجو من الفصل وهنن حابينها اكتر مادة وباعلى علامة

وفي الختام..
إن أحسنا فمن الله وإن أخطأنا فمن عند أنفسنا

سامحونا عالإطالة ولا تنسو الآلة الحاسبة بكرة مرة ثانية 💙💙💙💙