بداية عام جديد ومشرق 🤩🤩

إن شاء الله بهالسنة الكل يكون محقق طموحاته وجايب علامات ومعدل حلو وتكون سنة فرح وفرج وهناء للجميع💙💙💙

وكل عام وأنتم وأهاليكم بألف خير😇😇

بالبرنامج الامتحاني بعد بعد بعد بعد اخر تعديل
💙💙
#موفقين_جدا_وكثيرا_زملاء

🔺️#البوست_الامتحاني🔺️

مع اقتراب لحظات النهاية صار لازم نلملم المادة ونعرف شو وضعها
☘ طبعا هي مادة المعدل والمادة الفرفوشة ما بدك مين يقلكم💙

مستعدين #للمفاجئة الحلوة اليوم؟🥳😍

شو صرنا مشتغلين للمادة؟؟

قسم الدكتور 💚عدنان بدور💚
خمس محاضرات:
١. الدراسات الوبائية
٢. المقاييس الوبائية
٣. مفاهيم أساسية في الوبائيات ✨
٤. الثالوث الوبائي✨
٥. التقصي والترصد الوبائي ✨

قسم الدكتور 💜حسين علي💜
١. مفاهيم أساسية في الإحصاء
٢. التوزيعات المنقطعة
٣. التوزيعات المستمرة
٤. المعاينة والتقديرات ✨
٥. الاختبارات المعلمية✨

📍ملخص للعملي : مضمونه تلخيص للمحاضرات الخمسة يلي كانو داخلين بالعملي وهو ممتاز للمراجعة

كلشي جنبه ✨ جديد وما كان داخل بالعملي

من ناحية صعوبة المحاضرات والمادة ككل لا يمكننا القول ببساطة ان المادة سهلة فالموضوع متل ما بتعرفوا هو مؤشر #نسبي وليس #مطلق
وبالتالي لا يمكننا إلا أن نقول أن المادة سهلة شئتم أم أبيتم😌💙

ومعكم وقت طويل وبتقدروا تلحقوها مرتين ولو ما كنتو دارسين شي منها من قبل

🔴كخطة دراسة🔴
يفضل البدء بالمحاضرات التي لم تتم دراستها خلال العملي
وهم ثلاث محاضرات للدكتور عدنان (ورجوني شطارتكم بالبصم فيهم💪🏻)
ومحاضرتين للدكتور حسين (بيعتمدوا عالفهم كتير وممتعين ولا تنغروا بحجمن بيخلصوا بسرعة)
ثم دراسة المادة كاملة كل قسم دكتور من بدايته حتى نهايته

دراسة بدون قلم وورقة والة حاسبة غير مجدية ابدا
حتى لو فقرة سهلة ولو الجواب موجود لازم ترجع تحل بايدك كل تمرين ولو اكتر من مرة
فالهدف هو التدريب للتعود على السرعة أكثر من كونها للحفظ والفهم😎

تحتاج المادة وسطيا ٣ أيام دراسة مبحبحة
ومراجعة المادة يوم ونص لأول مرة😇

إذا مقصر بالمهارات السريرية ووضعك لا بأس فيه بالإحصاء فيك تتنازل عن الأحد والإثنين بسهولة لصالح المهارات👍

برجع بكرر أنو المادة كتير سهلة وحرام ما تجيبوا فيها علامات مميزة وحتى تسكروها أنتو قدها🤩

ترقبوا  #مفاجأتنا المسا😌💙

خلال دراستكم نحن مستعدون لأي سؤال على غروب المناقشة
https://t.me/statistic2026


نذكر أن المحاضرات تتوافر ورقيا في مكتبة عاج
وهي مداومة طوال الأسبوع من ٩ صباحا حتى ٨ مساءا
0997810493
رقم المكتبة إذا حدا بيحب يوصي كرمال الزحمة

🔻وقت المفاجأة🔻

متل ما وعدناكم أصدقائنا💙
جئناكم بمفاجئتين بدل الواحدة😇

ولأنه كتير بتهمنا علامتكم كان لا بد بذل الكثير من الجهود لتوفير كل ما يضمن لكم تسهيل المادة والإلمام بها وضمان العلامة العالية💜💜

🔥   المفاجأة الأولى     🔥
🔥 بنك الدورات الشامل🔥
أكيد كلنا عانينا أنو مافي تمارين نتدرب ولا في أسئلة لنعرف كيف ندرس الفقرات النظرية ومافي دورات
بس لكل مشكلة حل😌😌

⭕️شرحولنا طيب شو هو البنك الشامل⭕️

هو متل يلي منعملو كل سنة للمادة ولكن بسبب أن المنهاج جديد هذه السنة كان لابد من التطرق لدورات دكاترتنا الأعزاء في غير محافظات

يحتوي الملحق على 300 سؤال بالإضافة إلى 27 مسألة شاملة ككل

مضمون الملحق:
☘ ٧ دورات للدكتور حسين من جامعة طرطوس
☘ أسئلة ومسائل إضافية لقسم الدكتور حسين لشمولية كل أفكار المادة
☘ ٣ دورات للدكتور عدنان من جامعة البعث
☘ آخر دورتين في الطب المسند بما يتقاطع مع قسم الدكتور عدنان
☘أسئلة إضافية تعزيزية لقسم الدكتور عدنان لضمان الشمولية
☘ أسئلة امتحان العملي
☘ أسئلة توصيل لقسم الدكتور عدنان

🧐🤔 طيب منجي للمفيد
شو بيضمنلنا دراسة البنك؟

غالبا وبنسبة ٩٥% تجي كل الأسئلة منه وذلك لسببين:
الأول شموليته لكل أفكار المادة
الثاني بسبب تكرار الدورات وأفكارها بشكل كبير

(لكن اعتمدنا في بنكنا على عدم وضع الأسئلة المكررة بحرفيتها مشان الحجم بيكفي ٥٢ صفحة😇)

ومن فوائد الملحق أيضا بيخليك تعرف كيف تدرس المحاضرات وخاصة لما ما تكون عرفان شو تحفظ فيهم وشو ما تحفظ وبيسهلك الأمور وبيخليك تتدرب كتير

🔥🔥🔥وأهم نقطة في البنك🔥🔥🔥
أن المسائل كلها محلولة مع طريقة حلها وما هو القانون الذي تم التعويض به وشغلات مساعدة حلوة بتكتشفوها لحالكم

والخلاصة
الملحق متعوب عليه كتير ومشغول بشكل كتير منيح وأكيد رح يعجبك وما حدا يروح عالامتحان بدون ما يدرسه💣 لأنه ضمان للعلامة العالية ان شاء الله

يتوافر البنك الشامل #ورقياً فقط في مكتبة عاج - عند باب سبيرو

وهي صور من الملحق 💙💙

🔥     المفاجأة الثانية      🔥
🔥  ملحق الدليل الشامل  🔥

نقدم لكم هذا الملحق الذي هو ببساطة نسميه مفتاح المادة حيث به ستعرف كيفية التعامل مع مسائل المادة كلها

🔴 مضمون الدليل 🔴
☘ ملاحظات بخصوص العمليات الحسابية وأولوياتها
☘ تعريف عام بالآلة الحاسبة وكيفية استخدامها
☘ تعريف بأنماط مسائل المادة وأشكالها
☘ مناقشة كل نمط من المسائل لوحده مع ذكل كافة الطلبات الممكنة التي قد تأتي تبعا لهذا النمط وكيفية حلها بأسرع طريقة بالآلة الحاسبة
☘ وشغلات مفاجاة أيضا😌😌💙

قد تستغرب من كمية الشغلات يلي بتقدر تعملها الالة الحاسبة
مثلا شي مرة تخيلت انو فيك تحسب مسألة ثنائي حداني كاملة أو بواسون بخطوة وحدة بس وبأقل من دقيقة😮
أو أنه يمكنك حساب الانحراف والتباين ذي القانون الطويل بكبسة زر
معقول؟؟
إي معقول صديقي😌😌
كل هذا وأكثر

بهذا الدليل نهدف إلى الحرص على عدم سماع إحدى الشكاوي التالية:
🥵 ما كفاني الوقت بالامتحان
😭 ما عرفت شو بدي اعمل بهالمسألة
😬 هالقانون كتير صعب

لهيك لا تضيع حالك بتطبيق الطرق الطويلة وانت مطلوب منك النتيجة النهائية فقط😇

إليكم صور من الملحق 💙💙

يتوافر الملحق #ورقيا فقط في مكتبة عاج ابتداءا من الغد الأحد
0997810493
رقم المكتبة للتوصية على التلغرام

#نتمنى لكم تمام التوفيق بالكيميا 💙💙

صباح الخير أصدقائي 💙💙

أكيد الكل ارتاح من امتحان الكيميا واللي بدو يدرس مهارات درس واليوم اغلبكم بلش او بدو يبلش بالمادة ✌🏻

لهيك لازم نبلش نبلش متابعة للمادة عالقناة 😎

رح نبدأ بسلسلة بسيطة اسمها #تابع_معنا 🤩
كل ما يكون في معلومة حلوة او تجميعة او شغلة بحاجة شرح رح ننشرها عالقناة بإذن الله

نحب نذكر #بالرسالة_المثبتة اللي فيها المحاضرات

بالإضافة لرسالة #التصويبات خليكم عم تابعوها بحيث كل ما يطلع معنا خطأ املائي او شي سهوة بالغلط عم نصوبها

موفقين 💙💙

سلسلة #تابع_معنا 1

🔴 موضوع التقريب 🔴

بداية نعرف التقريب بأنو الانتقال من الدقة الاعلى  إلى الدقة الادنى وله مراتب
حيث يوجد لدينا في منهاجنا ثلاثة انواع من التقريب

مبدأ التقريب:
عندما نريد ان نقرب الى خانة ما ننظر الى الخانة الاصغر منها (التي قبلها)
فإذا كانت الخانة التي قبلها احد الارقام التالية
(5 6 7 8 9)
نضيف واحد الى الخانة التي نريد التقريب اليها
مثلا   0.346 >> 0.35    لأن الستة احد الارقام التي نضيف فيها

واذا كانت الخانة التي قبلها اقل من الخمسة اي انها احد الارقام: 0 / 1 / 2 / 3 / 4
لا نضيف شيء (انتبهو ما منطرح)
مثال 0.344  >> 0.34

✨انواع التقريب✨

☘التقريب الى اقرب عدد طبيعي (يعني نساوي بلا فاصلة)
ونستخدم هذا التقريب في منهاجنا فقط في فقرة حساب حجم العينة الجديد في المحاضرة الرابعة
حيث حجم العينة يجب ان لا يمتلك فاصلة فنقوم بالتقريب
امثلة
256.7 >> 257
134.1 >> 134

هنا ننظر الى اول رقم بعد الفاصلة

☘ التقريب الى اول رقمين بعد الفاصلة ويسمى التقريب المئوي (الاكثر استخداما)

عند حساب اغلب المؤشرات فانه قد يكون الناتج يملك عدد كبير من الارقام بعد الفاصلة لذلك نقوم بالتقريب للناتج الى ثاني رقم بعد الفاصلة
وهنا للتقريب سنضطر الى معاينة الرقم الثالث بعد الفاصلة للحكم بالزيادة او البقاء كما هو

أمثلة
V(x)= 45.67095 >>> 45.67
p=0.5693  >> 0.57
p=0.0003  >> 0.00
Fo= 354.5035 >>  354.5

☘ التقريب الى اول رقمين بعد الفاصلة غير معدومين
هذا التقريب نستخدمه خاصة عندما نتعامل مع ارقام متناهية في الصغر لاسيما في بعض الاحتمالات
هون منعمل حالنا مو شايفين كلشي صفار بعد الفاصلة كما يلي
0.000794  > 0.00079 / 0.0008
0.0569      > 0.057

طيب بالامتحان كيف بدي اعرف شو قرب
حسب التقريب المستخدم في الخيارات بتشتغل
ببين معك مثلا كل الخيارات فيهم رقمين بعد الفاصلة

او الخيارات فيهم اربع ارقام بعد الفاصلة

او الخيارات محطوطين كاملين بدون تقريب

فانت بالسؤال فيك تحكم

شغلة اضافية ممكن نحتاجها
بفرض اننا في مسألة توزيع طبيعي حيث قيم الفاي المعطاة تكون مقربة لاول رقمين بعد الفاصلة ونحت سنقوم بالحساب بناء على هذا التقريب
لكن قد يكون هناك فارق بين جوابنا وبين الخيارات وهنا يجب ان نختار الجواب الذي يساوي جوابنا او يمكننا التسامح ب+- واحد بالمية والا نختار غير ذلك
(هي الاشكالية بتظهر اكتر شي لما يكون الطلب ما احتمال ان يكون x بين قيمتين او اكبر من قيمة معينة)

سلسلة #تابع_معنا 2

🔴  الانحراف المعياري والخطأ المعياري وحد الخطأ في التقدير 🔴

☘ الانحراف المعياري S
(Standard deviation)
ويعرف بانه مقياس للتشتت يقيس متوسط ابتعاد القيم عن المتوسط وهو الجذر الموجب للتباين

☘ الخطأ المعياري SE
(Standard Error)
وهو مقياس يتم حسابه من اجل التقديرات المجالية بالإضافة إلى اختبار الفروض
ويتم احتسابه في منهاجنا للمتوسط وللنسبة

✨ الخطأ المعياري للمتوسط SEM
ويساوي الانحراف S مقسوما على جذر حجم العينة n
(ويمكن تسميته بتقدير الانحراف المعياري للمتوسط)

✨ الخطأ المعياري للنسبة SEP
ويساوي تحت الجذر ( التباين rq مقسوما على حجم العينة n)
(ويمكن تسميته بتقدير الانحراف المعياري للنسبة)


☘ حد الخطأ في التقدير E أو بيتا B
Estimation

يتم احتساب هذا المؤشر من اجل انشاء مجال ثقة للمؤشر المحسوب وهو يساوي
E=Z×SEM
لتقدير المتوسط

E=Z×SEP
لتقدير النسبة

إن حد الخطأ هو ما يحدد حجم المجال ويرتبط بعدة عوامل
1- الدقة المطلوبة (@-1) وهي ما تؤثر في القيمة Z (حيث يكون التناسب طردي)
2- انحراف المجتمع وهو شيء ثابت
3- حجم العينة (حيث يكون التناسب عكسي)

ولذلك إذا أردنا أن نقوم بتصغير المجال ليصبح أفضل مع الحفاظ على الدقة نقوم بتصغير حد الخطأ E بالحفاظ على القيمة Z وتكبير حجم العينةn

ويتم احتساب حجم العينة الجديد n' الموافق لحد الخطأ الجديد E' بأحد القوانين التالية

حجم العينة اللازم لتقدير المتوسط
n'= (z×S÷E')²

حجم العينة اللازم لتقدير النسبة
n'= z² × r × q ÷ E' ²

سلسلة #تابع_معنا 3

☘ التوزيع الطبيعي N
✨ توقعه لا يساوي الصفر دوما
✨ تباينه لا يساوي الواحد دوما
✨ تباينه ثابت ومعروف ويختلف باختلاف التوزيع وهو غير معدوم
✨شكل التوزيع غير ملتو
✨ شكل التوزيع متناظر وحول المتوسط


☘ التوزيع الطبيعي المعياري Z
✨توقعه ثابت ومعروف ويساوي الصفر دوما
✨ متناظر حول الصفر
✨ تباينه ثابت ومعروف ويساوي الواحد
✨ يستخدم في معظم التقديرات المجالية والاختبارات وخاصة عندما يكون تباين المجتمع معلوم


☘ توزيع ستيودنت T
✨ توزيع متناظر وحول الصفر
✨ له درجة حرية واحدة
✨ غير ملتو
✨يستخدم في بعض اختبارات المتوسط عندما يكون تباين المجتمع مجهول

☘ توزيع كاي مربع X²
✨ توزيع غير متناظر
✨ توزيع قيمه موجبة دوما
✨ توزيع ملتو نحو اليمين
✨ له درجة حرية واحدة
✨ يستخدم في اختبارات الاستقلالية والتجانس

☘ توزيع فيشر F
✨ له درجتي حرية
✨ قيمه موجبة دوما
✨ توزيع غير متناظر بل ملتو نحو اليمين
✨ يستخدم في اختبار تحليل التباين

#إعادة_نشر للتصويبات

الكل يقرأهم ويشوف شو انضاف عليهم ويعدل
وخاصة الصفحة ٢٦ بالبنك😂💔

رابط رسالتين التصويبات رح نحطن بالرسالة المثبتة بالقناة

💡#رسالة_التصويبات_للمحاضرات💡

🔴  قسم الدكتور حسين علي 🔴

☘في المحاضرة الأولى
صفحة 8 في التصنيف حسب الأبعاد
تعريف بيانات السلاسل المكانية:
هي البيانات التي تتغير حسب المكان في لحظة زمنية معينة أي أنها تتغير من مكان لمكان وتحافظ على ثبات الزمن

☘في المحاضرة الثانية
ص٣ السطر ٣
بين قوسين {غير قابلة للتجزئة / قابلة للعد}

☘ المحاضرة الرابعة
صفحة ٤ بحساب قانون W بس عكسو البسط والمقام بتصير N فوق والنتيجة بتضل نفسا

صفحة ١٣ 
(E=3.97)
المجال يصبح  [32.97 , 25.03]

صفحة ١٠
السطر يلي قبل الرسمة تحت ( الواحد ناقص الفا تساوي 95.44% والباقي تمام)

صفحة ١٨
بالجدول عاليسار (تباين فرق النسبتين الرمز تبعها منشيل منها اشارة التقدير ~)

☘ المحاضرة الخامسة

ص٧ سطر ثامن
(سطرين فوق بعض مكتوب في الاحادية اليمينية اللي فوق منتركها يمينية اللي تحت منكتب يسارية)

ص ١٢ الجدول الأزرق عاليسار
الاحادية اليسارية منعكس اشارتها لتصير اصغر

🔴 قسم الدكتور عدنان 🔴

☘المحاضرة الأولى
ص ٦
بأخر التنويه (تختلف الدراسة الاستعادية عن المقبلة بأنها..)
ص ٦
بمحاسن الدراسة المسبقة (نحذف معدل الانتشار ونبقي معدل الاصابة)

☘ المحاضرة الثانية
صفحة ٦ السطر الثانية بالتطبيق
الحالات الإجمالية ١٥ وليس ٢٥

☘ ملحق العملي
الصفحة ٦ بحل التطبيق
احتمال اصابة ٣ اشخاص بس الناتج بدل ٠.٥٣ حطو ٠.١٩٥

☘ #تصويبات_الملاحق ☘

🔴  ملحق البنك الشامل 🔴

ص ٨ السؤال ٤٨ ( معياري بدل الطبيعي)
ص١٠ السؤال ٥٩ (عنقودية بدل طبقية)
ص ١٤ سؤال ٩٦ (علما انها خاطئة)
ص ٢٢ مسألة ٨  (p=0.65)
ص ٢٦ السؤال ٩  (حجم العينة لتقدير المتوسط بخطأ قدره 0.25)
ص ٢٦ سؤال ٣ (الجواب b )
ص ٢٦ سؤال ٤ (الجواب c )
ص ٢٦ سؤال ١٤ (الجواب a لأن《n=48》)
ص ٣٤ السؤال ٣ (الجواب c )
ص ٣٤  السؤال ٧ (الجواب c )
ص ٣٤ حالة دراسية تالتة (تبين ان ١٢٠ موظف لديهم امراض تنفسية مزمنة منهم ٦٥ مدخن)

ص ٣٢ سؤال ٣ (ان قيمة متوسط المربعات داخل العينات يساوي)؟
ص ٣٢ سؤال ٤ تعديل الخيارات ليصبح
a 4.08
b 41.66
c 10.2
ويبقى الجواب a

ص٥٢
التوصيل الاول بس عكسو الخيارات
a اذا طبيب ممارس
b اذا اخصائي علم الوبائيات

ص٣٢ سؤال ٧
متوسط المربعات داخل العينات (بدل بين)
ص ٣٠ سؤال ٤ (الجواب a)
ص٣١ السؤال ٨ (متوسط المربعات داخل العينات بدل بين)
ص ٤٨ يحذف السؤال ١١٥

🔴  ملحق الدليل الشامل🔴

صفحة ٦
في حساب الخطأ المعياري وحد الخطأ في للتقدير
الخطوات صحيحة لكن في صور الالة نسينا وضع اشارة جذر قبل الn ويتغير الناتج بناءا على ذلك

صفحة ٩ اخر سطر
(بالتباين الاحتمالي نضغط shift 143 للتربيع وليس shift 144 للتربيع )

صفحة ١٥ اخر خطوة
(نضع الحد العلوي للمجموع ٣ وليس ٤ لأن الطلب هو اصغر او يساوي ٣ وبالتالي يصبح الجواب ٠.٨٥ تقريبا)