اليوم خدوا استراحة
ومن بكرا منبلش تجميعات ونكشات واسئلة ان شاء الله

كتيييير مهم تتابعوا كلشي عم ينزل عالقناة لا تحطوها صامت الا ما تستفيد بشي فكرة مو منتبهلا😊

#معلومة
بالنسبة لما يسمى تباين مشترك

لدينا في المادة قانونين اسمهما تباين مشترك لا يشتركان الا في الاسم فقط

في مسألة بيرسون في محاضرة الارتباط يأتيني طلب عن التباين المشترك رمزه سيغما x.y للتربيع
هاد بينحل على الالة الحاسبة بعد ادخال المتغيرين من mode 32 وحفظ البيانات نضغط بدءا من اليسار على
shift 1 5 3 shift 1 4 4 shift 1 4 7 =


نذكر ان من خصائص التباين المشترك هذا
اذا كان معدوم>> المتغيرين مستقلين ولا يوجد ارتباط
اذا كان غير معدوم >> المتغيرين مرتبطين ولا يوجد استقلال
اذا كان التباين المشترك كبير جدا >> فإن العلاقة بين المتغيرين قوية جدا
(هدول بيجو اسئلة نظرية )

اما التباين المشترك الاخر Sc²
في محاضرة الاختبارات المعلمية في اختبار ستيودنت لعينتين مستقلتين متجانستين
بعد ادخال بيانات المتغيرين ايضا من mode 32
وحفظ البيانات
نعلم انا لكل عينة n خاصة به ودرجة حرية خاصة به
مثلا عدد ال x هو ٦ وعدد الy كمان ٦
بيكون درجة حرية ال x هي 6-1=5 وكمان درجة حرية y هي 5 اما درجة الحرية الكاملة هي مجموع درجتي الحريتين يعني ٥+٥=١٠
ثم لحساب التباين المشترك
التباين الاول SHIFT 1 4 4 للتربيع
ضرب درجة حريته (٥)
+ التباين التاني SHIFT 1 4 7 للتربيع
ضرب درحة حريته (٥)
=
تقسيم
درجة الحرية الكاملة (١٠)
=

ويستخدم التباين المشترك هذا في حساب قيمة دالة الاختبار لستيودنت

#تم_التعديل

#تصويبات

كل حدا اشترى محاضرة بعد العملي (يعني بعد ما نزلت التصويبات على القناة) لا يوجد تصويبات عليها لانو المحاضرات عم تنطبع مصوبة خالصة

اللي كان شاري محاضرات قبل

فهدول هنن التصويبات اللي كانو نازلين عدلهم عندك
#إعادة_نشر
#تصويبات


المحاضرة الثانية
صفحة ٨ الجدول الاخير في اخر سطر
مجموع التكرارات = ٥٠ وليس ١٠٠

المحاضرة الثالثة
صفحة ٧
جدول الارقام الأسود تكراراته معكوسة ويجب ان تصبح من اليمين لليسار ٤ ٧ ١ ٢ ٢
او يمكن ان تعتبرها مسألة اخرى للتدريب

صفحة ١٣
اخر سطر (قانون الانحراف المتوسط وليس المعياري)

المحاضرة الرابعة
صفحة ٩ الجدول الاول
مجموع الفروق المربعة تساوي ٩.٥ (الخطأ ٧.٥)
وعدلوها بالتعويض ليصبح جواب سبيرمان 0.72

المحاضرة الخامسة
صفحة ٤
فقرة التطبيق : لدي عينة مكونة من سبع مفردات

صفحة ٧ السطر ٦
ثوابت نموذج الانحدار a0 / a1 / a2 هي التسمية الحديثة (اكيد بتعرفوها يعني😇)

صفحة ٩ بالمستطيل الكبير
الطريقة المختصرة لحساب a0 a1 ضمن المستطيلين الملونين لازم يكون
a0 : shift 1 5 1
a1 : shift 1 5 2

المحاضرة السادسة
صفحة ٧ مستطيل التطبيق السطر الاخضر الثاني يصبح
إذا كان p(t<To)=0.97 احسب sig
يعني بس اعكسو الاشارة ضمن القوس
واكتبو ثنائية الذيل


اذا طلع معنا شي بدو تصويب رح ننوه عليه وأنتو كمان اذا بتلاحظوا اي خطأ بامكانكم تتواصلوا معنا
بالتوفيق💜

بالنسبة للي عم يسأل عن #الحذف
نحن كلشي محذوف ما حاطينوا بالمحاضرات
في بالمحاضرة ٨ كم شغلة محطوطين بمستطيل ومكتوب عليهم للاطلاع هاد جزء صغير من المحزوف ومو مطلوب للاطلاع يعني مذكور فيهم بس القوانين

#تصويبات_جديدة

🔴المحاضرة السابعة :

صفحة 9 بالملاحاظة بالجدول الأزرق اخر سطر فيها (هنا ألجأ للاختبارات #اللامعلمية)

صفحة 10 و 13 الجدول الأزرق
في عمود الفرضية البديلة
سطر الفرضية أحادية الزيل اليسارية نعكس الإشارة لتصبح #أصغر

صفحة 14
بنص المسألة
في مربع صححوه (المفتاح الأخير أنهم #غير متجانسين)

🔴المحاصرة الثامنة :
صفحة 14 بالجدول الكبير

العمود اليمين أخر سطر بالصفحة
( القيمة الجدولية من توزيع f فيشر)

العمود اليسار (تذكير)
قوانين اختبارات
(ويلكوكسون - مان وتني - كروسكال والاس)
#للاطلاع

🔴البنك الشامل :
صفحة 45 المسألة السادسة
السؤال 4 جوابه الصحيح C

صفحة 29 السؤال الأول جوابه b
صفحة 47 السؤال الثاني جوابه c
صفحة 43 المسألة الثالثة تحت الحل
(اي #لا يوجد أثر ذو دلالة معنوية)


اذا طلع معنا شي جديد منعدل فورا
#لا تنسوا تتاكدوا من رسالة التصويبات القديمة فوق✌🏻

⏺رابط المناقشة

@interestingstatistic

🔴🔴#معلومات_هامة_جدا_جدا 🔴🔴
ينبغي على الجميع اكمال القراءة قد تاتي المسالة ب١٢ علامة

‼️ضمن المسألة النظرية:‼️
يكون لدي الكثير من المتغيرات
اهم شي اقرأها كلمة كلمة
وكل ما طلع معي متغير اكتبو على الهامش واكتب نوعو حدو
مثلا
مكان الاقامة اسمي
شدة الاصابة وشدة الخطورة رتبي
مستوى ضغط الدم رتبي
قياس ضغط الدم او معدله كمي
نسبة سكر الدم نسبي كمي
عدد ..... نسبي كمي
متغير صفة >>>> اسمي
(متغير الصفة هو كل متغير له قيمتين فقط متعاكستين يعني الثفة وضدا مريض وسليم ذكر وانثى مدخن وغير مدخن ...)
⭕️⭕️⭕️بهالنمط في كلمات مفتاحية🔴🔴🔴
عدد قياس نسبة معدل مجموع ... >> نسبي كمي
شدة مستوى مراتب رتب ..... >> رتبي وصفي
صفات أسماء ..>>>>> اسمي وصفي


المؤشرات الحيوية
x y z
غاااالبا كمية في هذا النمط من المسائل

✨في الشكل الاخر من المسائل النظرية ✨
تكون المتغيرات ضمن جدول وفيه بيانات
هون بحكم على كل متغير شو نوعه من بياناته
اذا بياناته ارقام >> كمي
اذا بياناته كلمات او احرف فيه حالتين:
اذا الكلمات او الاحرف في معنى لترتيبها>> رتبي
اذا ما بتترتب او بتترتب بس مالها معنى >> اسمي

(توضيح لعبارة يوجد معنى لترتيبها
اذا كانت العلامات a c d d a b e هون احرف وترتيبها تصاعديا من a الى e بيدلني على انو العلامة عم تزيد فهو رتبي
اما مكان الاقامة A B C لا يوجد معنى لترتيبه فهو اسمي)
اذا نحكم على كل متغير من بياناته ونكتب نوعه



💡💡💡فكرة الخضوع للتوزيع الطبيعي💡💡💡
الخضوع للتوزيع الطبيعي هو للمتغيرات الكمية فقط
فلا يوجد متغير رتبي خاضع او غير خاضع ولا حتى اسمي
فعندما يذكر الدكتور ان متغير الكوليسترول مثلا خاضع فهو حتما كمي وبكتب عالهامش
الكوليسترول > كمي خاضع
واذا قال الدكتور انو عدد السجائر غير خاضع
فهو أيضا كمي حتماااا ولكنه غير خاضع وبكتب عالهامش
عدد السجائر >> كمي غير خاضع

اذا عطانا الدكتور تلت متغيرات كمية وقلك انو x. y خاضعين لحالك لازم تعرف انو z غير خاضع

في حال لم يذكر الدكتور مين خاضع ومين لاء رح تلاقي ضمن المسألة عبارة
(ولدراسة خضوع المتغيرات xyz للتوزيع الطبيعي اجرينا عليهم اختبار كلوموركوف سميرنوف للتوزيع الطبيعي فكانت النتائج كما يلي
sig = 0.08
لل x
sig = 0.1
لل y
sig = 0.01
لل z

هون شغلتي شوف مين اللي sig تبعو اكبر من 0.05 بيكون خاضع
(يعني x.y خاضعين)
ومين يلي sig تبعو اصغر من 0.05 بيكون غير خاضع
(يعني z غير خاضع)

الخلاصة كتيييييييير هام على الهامش كتابة كلللل المتغيرات مع ذكر نوعها (اسمي رتبي كمي)
وجنب كل واحد كمي بحط صح اذا كان خاضع وخطأ ازا غير خاضع
مشان اقدر حل الطلبات

الطلبات في الرسالة التالية👇🏻

🔴🔴 #معلومات_هامة_جدا_جدا🔴🔴

تتمة المسألة النظرية
تكون الطلبات على ثلاثة انماط

💡اولا💡
💡ما هو نوع المتغير الفلاني💡
هون انت بتكون كاتب متل ما قلنا فوق كل المتغيرات وكل واحد شو نوعو

اذا كان اسمي >> بتختار اسمي او (وصفي / نوعي) اذا لما يتواجد خيار اسمي او غير ذلك اذا لم يتوافر شيء من هذا
اما اذا كان في بالخيارات اسمي ووصفي سوا فالاسمي هي #الاصح

نفس الفكرة لباقي المتغيرات
ازا رتبي او كمي(تدريجي)

💡💡ثاني نوع من الطلبات💡💡
💡💡 لقياس شدة الارتباط او لاختبرا وجود علاقة او ما يشابه هذه الصيغة💡💡
وبيحددلك متغيرين من ضمن مسألتك

الأجوبة اللي لازم تختار واحد منها هي فقط
بيرسون - سبيرمان - توافق/كاي مربع/ استقلالية
اما باقي الخيارات تكون اجوبة لنمط اخر من الأسئلة

طيب على أي أساس بدي اختار واحد منهم؟؟
لما يكون المتغيرين المذكورين في السؤال
🖊كمي خاضع✅ + كمي خاضع✅ ⭕️بيرسون⭕️
🖊أحدهما او كلاهما اسمي ⭕️توافق واخوته⭕️
🖊باقي الحالات كللللها ⭕️سبيرمان⭕️

تشمل باقي الحالات تبع سبيرمان يعني:
رتبي + رتبي
رتبي + كمي✅
رتبي + كمي❎
كمي ✅ + كمي ❎
كمي ❎ + كمي ❎

هيك بكون ضمنت من هالنمط شي ٣ اسئلة
(٦ علامات مناح مو خسارة)

💡💡ثالث نوع من الطلبات💡💡
لاختبار وجود فرق معنوي/جوهري في قيم ....... في/عند/بين/حسب.........

الاجابات التي يجب اختيار واحد منها هي
٤ + ٤
يعني اربع اختبارات معلمية ضد اربع اختبارات لامعلمية
الاختبارات المعلمية هي:
ستيودنت عينة واحدة (سطر اول)
ستيودنت عينتين مترابطتين (سطر تاني)
ستيودنت عينتين مستقلتين (سطر تالت)
اAnova (سطر رابع)

الاختبارات اللامعلمية هي
اشارة الرتب لعينة واحدة (سطر اول)
ويلكوكسون (سطر تاني)
مان ويتني (سطر تالت)
كروسكال والاس (سطر رابع)

كيف بدي اختار من هدول ال٨

اول خطوة لازم حدد اذا معلمي ولا لامعلمي
بعدين بحدد انو واحد من الاربعة حسب عدد المتغيرات وعدد الفئات

القاعدة العامة:
متغير + فئة (السطر الأول) سواء معلمي او لاء
متغيرين + فئة (السطر الثاني)
متغير + فئتين مختلفتين (السطر الثالث)
متغير + ثلاث فئات فاكثر ( السطر الرابع)

نعرف ازا متغير او متغيرين من النصف الاول من السؤال (قبل كلمة عند/في/حسب/مبوبة حسب/بين)
وعدد الفئات من النصف الثاني من السؤال
يعني بعد كلمة (عند/في/حسب/بين...)

مثال للتوضيح
لاختبار وجود فرق معنوي في قيم x . y في العينة
نلاحظ انه لدينا متغيرين + فئة واحدة
معناها نحنا بالسطر التاني المترابطين سواء ستيودنت أو ويلكوكسون
كيف بدي ميز بينهم؟؟
ازا x.y تنيناتهم خاضعين للتوزيع الطبيعي معناها ستيودنت مترابطة
ازا واحد منهم او كلاهما غير خاضعين معناها ويلكوكسون

(واذا لاحظتو انو للسطر التاني هو الوحيد اللي فيه متغيرين يعني بس شوف متغيرين جنب بعض هيك مثلا z.y او z.x او x.y معناها فورا نحن بالسطر التاني

اما باقي الاسطر كلهم بيكون بس متغير واحد
إما x او y او z (او اي متغير كمي مثلا معدل الكوليسترول او نسبة الالمينيوم او اي متغير كمي يعني فهمو فهم مو بصم)
بس اللي بيختلف هو عدد الفئات من النص التاني من السؤال

رح ناخد امثلة لنركز كيف نعرف عدد الفئات

🦠 في العينة >> فئة وحدة (سطر أول)
🦠 بين الذكور والإناث >> فئتين (مستقلة/مان ويتني)
🦠مبوبة حسب متغير الجنس (يعني ذكور واناث كمان) >> فئتين
🦠 بين المدخنين وغير المدخنين >> فئتين
🦠حسب صفة التدخين >> فئتين
🦠 حشب شدة الاصابة (متوسطة شديدة خفيفة) >> ثلاث فئات (سطر رابع: anova/كروسكال والاس)
🦠حسب مكان الإقامة (مدن ضواحي ارياف) >> ثلاث فئات
🦠مبوبة حسب الزمرة الدموية >> اربع فئات (anova/كروسكال)
🦠 اذا ما ذكر شي يعني فئة واحدة سطر اول

(يعني اكتر شي لازم اعرفو انو اذا كان x خاضع فالاختبار معلمي وازا غير خاضع فالاختبار لا معلمي والمتغير المختبر هو الوحيد الذي تحكم في هذا الشيء
اما تكملة السؤال مثل (مبوبة حسب مكان الاقامة) هاد مالو علاقة بشي ولا بالاختبار غير انو بيحددلي عدد الفئات اللي هو تلاتة
يعني انا عم اختبر x ما عم اختبر مكان الاقامة
[مشان حدا يفكر بينكم انو شلون مكان الاقامة اسمي والاختبار معلمي <> هاد هو الجواب شغلة مكان الاقامة هنا هو تحديد عدد الفئات فقط ]

اذا ما لقيت الاختبار المناسب بين الخيارات بختار غير ذلك
ولو كان في بالخيارات الاختبار المقابل له 🧨🧨

#موفقين_جداً_وكثيراً_زملاء

#نكشة

بالنسبة لاختبر احادي الذيل
قيمةp-value تساوي احتمال القبول وتساوي ١ ناقص احتمال الرفض
اما sig فهي تساوي p-value

هالحكي ما عليه اشكال سواء سؤال نظري او ضمن مسألة اختبارات

الفكرة انو بحسب p-value
ثم قيمة sig

🔴 في حال اختبار ثنائي الزيل🔴
تكون
Sig=2p-value
=2p(t>To)=2(1-p(t<To))

سواء سؤال نظري او مسالة اختبارات
يعني كل مسالة اختبار بيعطيك فيها الدكتور احتمال القبول او الرفض بعد ما تحسب p-value
لما بدك تحسب sig دوما لاوم تضرب ب ٢
هالحكي باي اختبار ثنائي الزيل

الا ازا عطاك قيمة sig مباشرة هون خلص معد في داعي تعمل شي

#النكشة💔💔
اذا سؤال نظري كالتالي
في اختبار ثنائي الزيل تكون قيمة p-value ??????????
هون الجواب
2p(t>To) / 2(1-p(t<To))

يعني الدكتور لما يجيب سؤال هيك بيكون قصدو هون بالذات القيمة sig
يعني بس شوف هالسؤال بالذات لازم اختار الخيار اللي فيه 2


#سؤال_متوقع
عندما يكون الاختبار اخادي الطرف في حين نريد اختباره من الطرفين:
🔴نعتبر قيمة sig ضعف القيمة السابقة🔴
يعني نضرب ب ٢

والعكس صحيح
اي عند التحويل من ثنائية لأحادية يكفي ان نعتبر قيمة sig نصف ما كانت عليه اي نقسم على ٢

سؤال آخر
القيمة sig
تعبر عن اختمال الوقوع في الخطأ من النوع #الأول

لا حدا يروح بدون دراسة كاي مربع وستيودنت المستقلين والانحدار المتعدد
حلو كذا تمرين عليهم ✌🏻✌🏻

⭕️⭕️⭕️⭕️⭕️⭕️⭕️⭕️⭕️⭕️⭕️
#لا_حدا_ينسى_الآلة_الحاسبة
🔴🔴🔴🔴🔴🔴🔴🔴🔴🔴🔴

راجعوا التصويبات

اللي عندو سؤال عن الآلة ما عم يعرف يتعامل معها رح نكون عند مركز التصوير قبل الامتحان
ورح نحل الأسئلة بعد الامتحان كونوا كتار💜💜

#موفقين_جدا_وكثيرا_زملاء ان شاء الله كلكم بتجيبوها ٧٠😇

معلومة عالماشي للفايقين

اذا كان بيرسون يساوي
r=-0.5
نقول انها
١. العلاقة عكسية لانو سالب
٢. شدة العلاقة متوسطة لانه ضمن مجال ]0.5,0.7] ذو العلاقة المتوسطة
٣. يفسر 25% من البيانات لأن معامل التحديد يساوي
r²=(0.5)²=0.25=25%


اذا كان السؤال بالعكس
عطاني معامل التحديد r² وقلي احسب بيرسون
هون بجذر معامل التحديد لوصل لقيمة بيرسون المطلقة اما اشارته فتكون مماثلة لإشارة a1 اللي هية أمثال الx ضمن معادلة الانحدار

#لاتنسى الالة الحاسبة

(اذا حسيت الأسئلة مضروبة كتير او بيرحلك اكتر اربع خمس اسئلة يعني عشر علامات اشطبها
الفصل الجاي بتكون اسهل)✌🏻

قيمة دالة الاختبار To
اذا طلعت معي بالحساب قيمة سالبة
وطلب مني احسب قيمتها بختار الخيار السالب

بالطلب اللي بعدو لما بدي احكم على فرضية العدم
هون لما بدي قارن بقارن بالقيمة المطلقة
هنا وفقط هنا

#موفقين_جدا_وكثيرا_زملاء

ان شاء الله تكونوا قدمتوا منيح💜💜

الأسئلة بشكل عام سهلة كنظري ومسائل😍😍
وسهلة كتييييييير كspss 😂😂💔💔

اللي معو الأسئلة يبعتلنا ياها لننزل الحل المبدأي لبين ما ينزل السلم

توزيع العلامات ما منعرف عنو شي غير لينزل السلم
كل سنة بيكون التوزيع شكل
في حال كان هالسنة التوزيع بالتساوي عكل الاسئلة بيكون لكل سؤال ١.٦٦

سؤالي برنامج spss
في صفحة عرض المتغيرات المقصود فيها variable view
الواجهة الاولى للبرنامج التي يتم فيها توصيف المتغيرات
كل سطر عبارة عن متغير
وكل عمود بيعبر عن صفة

باقي الأسئلة الحمد لله اجت من ضمن المسائل المتوقعة وأغلب الاسئلة نزلناها ملاحظات عالقناة المفروض ما تكونوا مخربطين فيها ان شاء الله 💜💜