«Իմ կարիերայի ամենավատ պահը «Ռեալից» հեռանալն էր։ Ես խայտառակված զգացի, երբ եկա մարզադաշտ և տեսա, որ իմ պահարանը դատարկ է, իսկ իմ բոլոր իրերը թափթփված։

Գնացի խոսելու նախագահի հետ, իսկ նա պարզապես ասաց, որ ես այլևս նրա ծրագրերում չեմ և որ նրանք ուզում են հաղթել Չեմպիոնների լիգան։

Հեռանալուց առաջ ասացի նրան․ «Դուք պետք է իմանաք, որ ուր էլ գնամ, ես կխաղամ հաղթելու համար»։

Երկու օր անց ինձ զանգահարեց Մոուրինյոն։

Նա ասաց ինձ․ «Ուեսլի, գիտեմ, որ այնտեղ բարդ իրավիճակ է քո մոտ։ Արի «Ինտեր», և մենք միասին ամեն ինչ կհաղթենք»։

Իմ և Մոուրինյոյի միջև կապը առաջացավ առաջին հայացքից։ Նա ասաց, որ ես նրա ամենակարևոր խաղացողներից մեկն եմ և որ միասին կհաղթենք Չեմպիոնների լիգան։

Հավանաբար, նա դա ասում էր բոլորին, բայց հավատացեք, նրա հետ մեկ տարին արժե տասը տարի ցանկացած այլ մարզչի հետ։

Ինչպես ավարտվեց ամենը։ Ինչպես գիտեք, ես հաղթեցի Չեմպիոնների լիգան «Բեռնաբեուում», դրեցի տրոֆեյը պահարանի առաջ և ասացի․ «Ես միշտ պահում եմ իմ խոստումները»։ Դա կարիերայի իմ լավագույն պահն էր։