Odisseya, tuz va sikloplar…

@insusambil

#kinonews

«U: Derriga xush kelibsiz» serialining ikkinchi fasli syujeti 1935-yilda — birinchi fasl voqealaridan 27 yil avval sodir bo‘ladi.

Unga Stiven King romanidagi Bredli to‘dasi (Bredli bandasi) haqidagi qissa asos qilib olinadi. Serial yaratuvchisi Endi Muskettining ta’kidlashicha, Buyuk depressiya va o‘sha davrning g‘amgin ijtimoiy voqeligi yangi epizodlarning muhim qismiga aylanadi.

Ssenariychilar allaqachon davomi ustida ish olib borishmoqda. Mualliflar jami uchta fasl rejalashtirishgan, bunda oxirgi qism voqealari yanada olis o‘tmishga — 1908-yilga ko‘chiriladi.

@boredpandablog

“Odisseya”da odatda e’tibordan chetda qoladigan bir sahna bor. Nimfa Kalipso Itaka shohi Odisseyga o‘lmaslikni, ya’ni abadiy hayotni taklif qiladi. Majoziy ma’nodagi boqiylik emas, real boqiylik. Kalipso unga “Abadiy yasha, shu yerda qol”, deydi. Odissey esa har kuni ertalab qirg‘oqqa o‘tirib, Itakani sog‘inib, yig‘laydi va bu holat yetti yil mobaynida davom etadi. Qizig‘i shundaki, bu Gomerning “Iliada”siga tamoman teskari falsafa. Zero, Axill ham bir paytlar tanlov oldida turgan. Onasi – ma’buda Fetida Axillga shunday degani edi: “Xo‘sh, senga nima yaqinroq? Nomsiz-nishonsiz kechgan uzoq umr yoki qisqa hayot-u, lekin abadiy shon-sharaf?” Axill jang-u-jadallarni tanladi va yosh ketdi. Formula ishladi va biz uni uch ming yildan beri yod etib kelyapmiz. “Iliada” asari butunlay shu g‘oyaga qurilgan: “uzoq umr ko‘rishdan ko‘ra, shonli o‘lim topish muhimroq”.

Lekin Odissey syujeti boshqa formulaga qurilgan. Chunki Odissey Gomer qahramonlarining “to‘rtinchi avlodi”ga mansub. Tadqiqotchi Irina Shtalning fikricha, xudolar bilan tenglashadigan bahaybat pahlavonlar va jangchilar davri tugab, so‘nggi turdagi qahramon ya’ni shon-shuhratdan ko‘ra uyini ustun qo‘yadigan insonlar davri keladi. Masalan, oila bag‘rida osoyishta qarilikni va sokin orolni tanlaydiganlar davri. Odissey akamiz ham shulardan biri.

Chunki Odissey yer osti saltanati - Aidda Axillga duch kelganda, o‘lgan qahramon bilan suhbat quradi. Suhbat chog‘i, Axill Odisseyga shunday deydi: “Ehhhh, soyalar saltanatida shoh bo‘lgandan ko‘ra, yer yuzida tirik mardikor bo‘lganim afzal ekan”. Vaholanki, aynan o‘sha Axill abadiy shon-shuhrat deb o‘limni tanlagan edi. Haqiqat shunaqa narsa. Ba’zida kech yetib keladi. Hatto manaman degan qahramonlar ham bu haqiqatlarni kech anglaydilar. Odissey esa boshqa qahramonlar shoxida o‘tirgan paytda, bargida o‘tirishga o‘rganib qolgan. Afina ham Odisseyning yuziga qarab: “Ayyorlikda sen bilan hatto xudolar ham bellasha olmaydi”, deydi. Kuchda emas, aynan ayyorlikda. Odissey doimo qilich bilan emas, balki aqli bilan g‘alaba qozonib kelgan.

Kristofer Nolan ham “Dyunkerk”ni dushman ustidan qozonilgan g‘alaba haqida emas, evakuatsiya mavzusini oldingi planga chiqarib, suratga oldi. “Interstellar”da koinotni zabt etish g‘oyasini emas, balki farzandiga muhtoj ota g‘oyasini ilgari surdi. Bu gal esa, Nolan “Iliada”ni emas, “Odisseya”ni tanladi. Menimcha, to‘g‘ri tanlov. Afsus, buni ko‘pchilik tushunmayapti...

@insusambil

Gazeta китобхонликни тарғиб этишда давом этади. «Нима ўқиймиз?» лойиҳасининг бу галги меҳмони — «Dervish_nod», «Қурултой» ва «Сусамбил» лойиҳалари муаллифи Нодир Нишонов. У ҳаётининг бадиий ҳамроҳлари, мутолаага доир мулоҳазалари ва нега сурат эмас, сийрат учун ўқиш муҳимлиги билан бўлишди.

👉 https://www.gazeta.uz/uz/2026/08/04/nodir-nishonov/

@insusambil

#kinonews

“Kalmar oʻyini” otmen!

The Playlist nashrining xabar berishicha, “Kalmar o‘yini” serialining Amerika o‘yinlariga bag‘ishlangan spin-offi bekor qilindi. Rejissyorlikka Devid Fincher tayinlanishi rejalashtirilgandi.

Manbalarning fikricha, Netflix’ning franshizaga nisbatan ustuvor yo‘nalishlari o‘zgargan. Shuningdek, Fincher boshqa filmlarga, jumladan, “Kliff Butt sarguzashtlari”ga o‘tib ketgach, loyiha o‘z dolzarbligini yo‘qotgan.

“Kalmar o‘yini”ning ingliz tilidagi spin-offi ishchi nomi Heckler bo‘lgan. Unda Keyt Blanshett qahramoni paydo bo’ladimi yo‘qmi, bu ham hozircha noma’lum.

@boredpandablog