የኢመደአ የሳይበር ታለንት ሰልጣኞች በዓለም አቀፍ መድረኮች ላይ አሸናፊ ሆነዋል

የኢንፎርሜሽን መረብ ደህንነት አስተዳደር #INSA የሳይበር ታለንት ልማት ሰልጣኝ የነበሩት ቶማስ ብርቅነህ እና አለሙ ተስፋ በቻይና ጉዋንዡ በተካሄደው የብሪክስ አባል ሀገራት የክህሎት ውድድር ላይ የብርና የነሃስ ሜዳሊያ በማግኘት አሸንፈዋል፡፡

የኢንፎርሜሽን መረብ ደህንነት አስተዳደር ለሁለቱም አሸናፊዎች እንኳን ደስ አላችሁ እያለ፤ የአስተዳደሩ የክህሎት ልማት ውጤት በመሆናቸው የተሰማውን ደስታ ይገልጻል፡፡

የኢንፎርሜሽን መረብ ደህንነት አስተዳደር በ2017 ዓ/ም ባዘጋጀው የሳይበር ታለንት የክረምት መርሃ ግብር ሰልጣኝ የነበረው ቶማስ ብርቅነህ በውድድሩ ላይ ባቀረበው ፕሮጀክት፤ በ Artificial Intelligence ዘርፍ በ “LUCY: Advanced AI Robotics and IoT Integration” የብር ሜዳልያ አሸናፊ ሆኗል፡፡

በተመሳሳይ የኢንፎርሜሽን መረብ ደህንነት አስተዳደር በ2017 ዓ/ም ባዘጋጀው የሳይበር ታለንት የክረምት መርሃ ግብር ሰልጣኝ የነበረው አለሙ ተስፋ በ Future Technology ዘርፍ በ “Digital Business Card” ፕሮጀክት ላይ የነሃስ ሜዳልያ በማግኘት አሸናፊ ሆኗል፡፡

የኢንፎርሜሽን መረብ ደህንነት አስተዳደር ላለፊት ተከታታይ አራት አመታት ባካሄደው የሳይበር ታለንት ሰመር ካምፕ ፕሮግራም የተሳተፉና የተመረቁ ባለልዩ ተሰጥኦ ታዳጊ ወጣቶች በተለያዩ ሀገር አቀፍና ዓለም አቀፍ መድረኮች ላይ ከፍተኛ ተጽእኖ እያሳደሩ ሲሆን፤ የሀገራችንን የሳይበር ደህንነት አቅም በማሳደግ ባማቀጣጠል ረገድ የራሳቸውን አስተዋጽኦ እያደረጉ ይገኛሉ፡፡


https://www.facebook.com/100064697533028/posts/pfbid02GBtKmfcpwVvjn4GZ79PiuxvbiknDaYzWGiDgpEJGZUS28WKusL46G32qyvb8b1sDl/

ነገ ቅዳሜ ጥቅምት 15 ሰመር ካምፕ ሰልጣኞች ትላልቅ የሀገራችን መሪዎች በተገኙበት ይመረቃሉ!
ለተመራቂዎች እንኳን ደስ አላችሁ!🎉🎉🎉
@insactc

🎉 congratulations!