Infinity Electrical Engineering

953 viewsGirish Khedkar, 09:16

इवलेसे रोप लवियेलें द्वारी ।
त्याचा वेलू गेला गगणावरी ।।१।।

आजच्याच दिवशी म्हणजे पाच वर्षांपूर्वी ऐन तिशीत असलेल्या दोन तरुणांनी बहुराष्ट्रीय अभियांत्रिकी कंपनीतील उच्चपदस्थ असलेल्या आपापल्या नोकऱ्या सोडून शिक्षण क्षेत्रात काहीतरी जाणीवपूर्वक आणि रचनात्मक काम करायचे या दृढ निश्चयाने विद्येची देवता असलेल्या शारदा मातेच्या उत्सवाच्या म्हणजे दसऱ्याच्या मुहूर्तावर अवघ्या दोन-तीन सहकाऱ्यांना बरोबर घेऊन फर्ग्युसन कॉलेज रोडवर एका दुकानाच्या गाळ्यामध्ये 'इन्फिनिटी ॲकॅडेमी'चा शुभारंभ केला...!

आजच्या घडीला 'इन्फिनिटी इंजिनिअरिंग ॲकॅडेमी', द इन्फिनिटी ॲकॅडेमी', Infinity IAS Academy या तिन्ही विभागांच्या माध्यमातून दिल्ली, पुणे, नागपूर, सोलापूर, औरंगाबाद, नाशिक या ठिकाणी स्वतंत्र व सर्वसोयी सुविधांसह अद्ययावत अशा ब्रँचसमध्ये UPSC / MPSC / MES-IES बरोबरच इतरही प्रमुख स्पर्धा परीक्षांविषयक मार्गदर्शन केले जात आहे. देशभरातील तज्ज्ञ आणि नामवंत फॅकल्टी टीम 'विद्यार्थी ते अधिकारी'पर्यंतच्या विविध टप्प्यांवरील मार्गदर्शन करत आहेत. देशातील सर्वोत्तम आणि अनुभवी फॅकल्टी टीम आणि इन्फिनिटीने खास स्वतःची निर्माण केलेली व विद्यार्थ्यांचा यशापर्यंतचा प्रवास सुलभ करणारी 'अध्यापन पद्धती' ही संस्थेची खऱ्या अर्थाने शक्तिस्थळ आहे.

गेल्या पाच वर्षांत संस्थेमधून पूर्ण वेळ मार्गदर्शन घेतलेल्या सहाशेहून अधिक विद्यार्थ्यांनी विविध स्पर्धा परीक्षांमध्ये यश मिळवले आहे. आज ते देश व राज्यपातळीवर प्रशासनात अधिकारी म्हणून आपले कर्तव्य व सेवा बजावत आहेत, शिक्षण क्षेत्रातील आजवरचे हे काम म्हणजे आमच्या उद्दिष्टाच्या दिशेने टाकलेले पहिले पाऊल असून अजून खूप काम उभारायचे आहे, असे गिरीश खेडकर आणि स्वप्नील भोर दोन्ही संचालक प्रांजळपणे नमूद करतात.

सामाजिक जबाबदारीचे भान सांभाळताना पुणे शहरात विद्यार्थ्यांसाठी दर रविवारी नाममात्र १० रुपयांत पौष्टिक आणि सात्त्विक जेवण उपलब्ध करून दिले जाते. आजवर १० हजारांहून अधिक विद्यार्थ्यांनी या सेवेचा लाभ घेतला आहे. समाजातील गरजू आणि होतकरू विद्यार्थ्यांना गरजेनुसार पूर्ण शिक्षणशुल्क माफ करून किंवा नाममात्र शिक्षणशुल्क आकारून कोर्स उपलब्ध करून दिले जातात. या उपक्रमाचाच भाग म्हणून सोलापूर ब्रँचमध्ये आदरणीय सोनकवडे गुरुजी प्रतिष्ठानच्या सहकार्याने निवास व भोजनसह ग्रामीण भागांतील विद्यार्थ्यांना पूर्णपणे विनामूल्य मार्गदर्शन केले जात आहे.

नामवंत व अनुभवी फॅकल्टी, विद्यार्थी-पालक समुपदेशन, परीक्षाभिमुख अध्यापनपद्धती, टेस्ट सिरीज, छापील क्लासरूम नोट्स, दर्जेदार आशयसमृद्ध पब्लिकेशन विभाग, अत्याधुनिक 'ई-लर्निंग' विभाग, मुलाखतीच्या विशेष मार्गदर्शनासाठी राष्ट्रीयस्तरावरील प्रशस्त स्टुडिओ, नामवंत लेखक, अभ्यासक आणि प्रशासनातील वरिष्ठ अधिकाऱ्यांचे विशेष मार्गदर्शन सत्र आणि विद्यार्थी संवादसत्र यांसारख्या उपक्रमांमुळे महाराष्ट्रातील एक प्रमुख व आघाडीची संस्था म्हणून 'इन्फिनिटी ॲकॅडेमीने अल्पावधीत नावलौकिक मिळविला आहे.

संतश्रेष्ठ ज्ञानेश्वरांच्या वरील अभंगानुसार आजच्या घडीला, 'इन्फिनिटी ॲकॅडेमी' नावाच्या रोपट्याला, साधनेला फळं लगडली आहेत, असे म्हटले तरी वावगे ठरणार नाही.

1.23K viewsGirish Khedkar, 09:16