Infinity Electrical Engineering

664 viewsGirish Khedkar, 04:40

स्पर्धा परीक्षा करणाऱ्या पोरांनो आत्ता नवीन वाटेवर चालण्याची वेळ आली आहे .....

कोरोना आला आणि अनके जणांचे आर्थिक ,कंबरडे मोडले पण दुसरी बाजू पहिली असता या क्षेत्रातील काही विद्यार्थ्‍यांनी याची संधी घेतली असे म्हणता येईल .बऱ्याच पोरांना हे क्षेत्र सोडायच होत पण सुटत नव्हतं हे व्यसन झालं होतं पण अखेर हे व्यसन सुटलं कारण सहा सात महिन्याचा कालावधीत कोणत्याही परीक्षा नसल्याने स्वतःबद्दल विचार करण्यास वेळ मिळाला त्याचबरोबर गावातील वास्तव बऱ्याच दिवसांनी पाहायला मिळाले ...आपलं वय ,कर्तव्य याची जाणीव झाली ,घरातील वडीलधाऱ्या माणसाबरोबर मानसिक शांतता आणि आयुष्याचा व्यापक अर्थ समजला .काही जणांनी उधोग व्यवसायत जम बसवला कोणी आधुनिक शेती कोणी व्यवसाय क्षेत्र निवडले .....

या क्षेत्रातील पोरांनी एक गोष्ट लक्षात ठेवावी तुम्ही अधिकारी होणार म्हणून जन्माला आला नव्हता ...माणूस अनेक स्वप्न पाहतो पण प्रत्येक वेळी ती पूर्ण होतीलच असे नाही कष्ट करणाऱ्या माणसाला जीवनात अनेक विविध अंगानी संधी येत असते ...जीवनाच्या प्रत्येक टप्यावर तुम्हाला यश आहे ,अधिकारी नसताना भारत देशात 125 कोटी लोक आनंदाने जगत आहेत .त्यामुळे एका टप्प्यावर तुम्ही स्वतःला वेगळी वाट निवडण्यासाठी सज्ज ठेवेले पाहिजे ....हे क्षेत्र सोडून जीवनात अशी अनेक करिअर आहेत की जेथे पद ,प्रतिष्ठा ,पैसा मिळतो ,समाधान मिळत ...फक्त आपण कम्फर्टेबल झोन सोडून दिला पाहिजे ....अधिकारी न होण्याचे किती फायदे आहेत हे कधीतरी प्रायव्हेट क्षेत्रातील माणसाला विचारा .
या क्षेत्राला विद्यार्थ्यांनी तीन वर्षाच्या वर एक मिनिटही देऊ नये या क्षेत्रात अपयश आल्याने तारुण्य बरबाद होत नाहीतर या क्षेत्राला अवास्तव महत्व देऊन अधिक वेळ दिल्याने अडचणी वाढत जातात ..
अहो आयुष्य ,करिअर ,करियर म्हणजे तरी नेमकं काय ......हसावं ,मनमुराद खेळावं ,भटकावे, आवडेल ते करावे आणि स्वप्नाच्या पाठीमागे धावताना प्रचंड मेहनत करावी
अपयश ,संकट आली तरी वाघाच्या जबड्यात हात घालून तो जबडा फाडून पुन्हां रक्ताळलेल्या हातानी परिस्थितीशी दोन हात करून वेगळ्या वाटा निवडाव्या ....तुम्ही एकदा या क्षेत्राचा बाहेर तरी येऊन पहा आयुष्य किती व्यापक आहे ते कळेल ..... पटल तर कॉमेंट्स मध्ये आपले विचार कळवा

महेश जगताप

763 viewsGirish Khedkar, 07:22