قبل كل شيء، نرفع القبعة ونهنئ كل من صوّت على خيار (سوء تنظيم منك). هؤلاء امتلكوا شجاعة الاعتراف بالخطأ، والاعتراف هو أول خطوة في طريق النجاح الحقيقي.

الجواب الحقيقي اللي تدور عليه هو مرآة تعكس مواجهتك ويا نفسك. كل اللي جاي تمر بيه بـ حياتك هسه، وبدون أي رتوش، ينقسم لـ حقيقتين ما تقبل التأويل:
إذا چنت إنسان محترف، رتبت حياتك، قريت، خططت، تعبت، وأخذت بكل أسباب الأرض وقوانينها، ومع ذلك انضربت بظرف دمرك.. فهنا أنت بـ منطقة "الابتلاء الإلهي". هذا مو عقاب، هذا نحت لـ روحك، وبناء لـ بصيرتك، الامتحان هنا جاي من برة حدود تغطيتك المادية، ولأنك بريء من التقصير، راح تلقى بـ گلبك رضا وثبات عجيب رغم الوجع، وتتحرك بيك الآية الملحمية «ولنبلونكم بشيء من الخوف والجوع».

بس الصدمة وين؟ الصدمة بالفئة الثانية، الأغلبية اللي تتهرب من المراية.
إذا چنت عايش يومك بـ عشوائية، وتأجل وتضيع وقتك وفلوسك على الشكليات، وتنام وتتكاسل، وبعدين توگع بالمصيبة وتبچي وتگول "الله جاي يختبرني".. فهذا مو ابتلاء، هذا غباء تنظيمي وتخلف عن قوانين الكون. عقلك الباطن من الداخل يرجف ويعرف إنك أنت الجاني وأنت الضحية، ولهذا تعيش بنكد وحسرة مستمرة لأنك جاي تكذب على نفسك. القرآن هنا يگولك بـ منتهى الصراحة «وما أصابكم من مصيبة فبما كسبت أيديكم».

أمير المؤمنين علي (ع) نسف كل مبررات الترقيع بكلمة وحدة تنهي النقاش: «سوء التدبير سبب التدمير».

الحل:
ألزم الورقة والقلم، فكك فوضى يومك بوعي، واكتب خطواتك بيدك؛ لأن البركة تنزل مع السعي والتنظيم.
قبلها:
افرش سجادتك، صلّ ركعتين بيقين، واقرأ سورة الواقعة بنية فتح الأبواب،
ثم اقرا دعاء أمير المؤمنين (ع).

الدعاء:
"اللهمَّ إني أعوذُ بكَ من الكَسَلِ، والفَشَلِ، والْهَمِّ، والْحَزَنِ، والْجُبْنِ، والْبُخْلِ، وسُوءِ التَّدْبِيرِ.. اللهمَّ اجعلْ نَفْسِي مُطْمَئِنَّةً، تُؤْمِنُ بِلِقَائِكَ، وتَرْضَى بِقَضَائِكَ، وتَقْنَعُ بِعَطَائِكَ".

"اليقينُ ليسَ أن تطلبَ من اللهِ المَطَر.. اليقينُ أن تخرُجَ إلى حَقلِكَ اليابسِ حامِلاً مِظلَّتَك."

وقف الفلاحُ على حافة حقلِه؛ كانت الأرضُ من حوله متشققةً من الظمأ، تغصُّ بالغبار والجفاف. نظر إلى السماء الصافية التي لم تمنحْه غيمةً واحدةً منذ أشهر.
رفع يديه إلى السماء وبدأ يدعو الله بقلبٍ منكسر أن يرسل المطر. لكن، لم يكن مشهد دعائه عادياً.. ففي يده الأخرى، كان يمسك مظلةً سوداء مطوية.
مرَّ به عابر سبيل، ونظر إلى الأرض القاحلة، ثم إلى السماء الخالية، وأخيراً إلى المظلة، وقال ساخراً:
"يا هذا، أتستندُ إلى مظلةٍ في هجير هذه الصحراء؟ ألا ترى أن السماء عقيم؟"
التفت إليه الفلاح وهزّ رأسه بابتسامةٍ واثقة وقال:
"أنا لم آتِ إلى هنا لأختبرَ السماء.. لقد جئتُ أدعو الله الذي يرسل الغيث، وحملتُ مظلتي لأني علمتُ أنني لن أعود إلى بيتي إلا والمطر يبللني".

أَطاعوا ذا الخِدَاعِ وَصَدَّقوهُ
وَكَم نَصَحَ النَّصيحُ فَكَذَّبوهُ!

هل احنا صدك ابناء آدم واحد؟ لو اكو أكثر من آدم واحنا ما ندري؟

"مرات من يمر كدامك فيديو لكرتون قديم، أو لعبة كنا نلعبها بالمنطقة من كنا صغار، تصفن وتشوف التعليقات.. الكل متشارك بنفس البراءة، نفس الضحكة، ونفس الذكريات. تكول سبحان الله، شكد كنا ناضجين بأنفسنا وشكد كنا نظيفين.

بس الصدمة وين؟ من تسد الموبايل وتطلع للشارع.
تشوف كمية همجية، أسلوب قذر، شذوذ فكري وأخلاقي، وسخافة تخليك تصفن وتسال نفسك بوجع: هم ذول نفسهم الأطفال الأنقياء مال ذاك الوكت؟ شلون هيج انمسخوا؟ هل احنا صدك ولد آدم واحد؟ لو اكو أكثر من آدم واحنا ما ندري؟

الفكرة مو بآدم الأب، الفكرة بـ 'الآدم' الي جوة كل واحد بينا. احنا كلنا نولد بصفحة بيضاء، والطفولة كانت هي الجنة مالتنا قبل لا تلوثنا الدنيا. الشارع الملوث الي نشوفه اليوم مو لأن أصلنا مختلف، بل لأن اكو ناس انت*حرت البراءة الي بداخلهم واستسلموا للقبح والجهل.
كلنا بدينّا من نفس النقطة البيضاء، بس اكو واحد شال س*لاح الوعي وحارب علمود يبقى 'إنسان'، واكو واحد وگع بأول محطة وقرر يصير 'مسخ' ويمشي ورا القطيع. البراءة كانت هدية مجانية من رب العالمين، أما الهمجية.. فهي اختيارهم من ضيعوا طريق الإنسانية."

ترند الكرواسون مع علي الهاشمي