"Жаннатдан хабарлар". №6

Мусаффо осмонимиз остида турли миш-мишлар ҳам тарқаб турибди. Масалан, бир нечта ҳарбийларимиз металломга снаряд сотганмиш.

Яхшиям мудофаа вазирлигимиз бор экан, буни фейк деб чиқди. Уларнинг айтишича, бомбани ҳарбийлармас, маҳаллий чўпонлар қазиб олганмиш.

Қаранг, тинч замонимизни кўролмаслар ўзларича ҳар хил гап-сўзлар тарқатиб кўришяпти.

Мана, ахир ҳарбийларимиз ишлаяпти, масъулларимиз бор. салкам 2 ой ўтиб кетган бўлсаям, муносабат беришди ҳар ҳолда. Ҳечдан кўра кеч.

Ўлган одам ҳақида доимгидек биров индамайди. Инсон қадрига ҳарбийлар тугул чўпонлар сотган бирор бомба таҳдид сололмайди.

Шунинг учун ҳеч қўрқманг. Бу снарядлар яна портлаб кетсаям, унга ҳарбийларимиз айбдор бўлмайди.

@indallo

Германиянинг Гамбург шаҳри марказий вокзалида 39 ёшли аёл камида 18 кишини пичоқлади.
—————————
Germaniyaning Gamburg shahri markaziy vokzalida 39 yoshli ayol kamida 18 kishini pichoqladi.

@indallo

Адлия вазирлиги 419 млн сўмга Малибу сотиб олибди.
——————
Adliya vazirligi 419 mln so‘mga Malibu sotib olibdi.

@indallo

Олий таълим вазирлиги салкам 2,4 млрд сўмга 9 та Чазор сотиб олибди.

Оловринглар, давлатимиз қашшоқлашиб қолмайди.
————————
Oliy ta’lim vazirligi salkam 2,4 mlrd so‘mga 9 ta Chazor sotib olibdi.

Olovringlar, davlatimiz qashshoqlashib qolmaydi.

@indallo

U-17 Жаҳон чемпионатида Ўзбекистон «J» гуруҳида Парагвай, Панама ва Ирландия билан ўйнайди.
——————————
U-17 Jahon chempionatida O‘zbekiston «J» guruhida Paragvay, Panama va Irlandiya bilan o‘ynaydi.

@indallo

Сурхондарё вилояти Сариосиё тумани Хуфар қишлоғида қўйлар ўзини жарга отган, 300 таси нобуд бўлган, 150 таси яраланган.
——————————
Surxondaryo viloyati Sariosiyo tumani Xufar qishlog‘ida qo‘ylar o‘zini jarga otgan, 300 tasi nobud bo‘lgan, 150 tasi yaralangan.

@indallo

Ўзбекистон миллий терма жамоасининг кенгайтирилган таркиби эълон қилинди.
—————————
O‘zbekiston milliy terma jamoasining kengaytirilgan tarkibi e’lon qilindi.

@indallo

Франция президенти хотинидан тарсаки еди.
———————
Fransiya prezidenti xotinidan tarsaki yedi.

@indallo

АҚШ долларининг расмий курси 24,03 сўмга ошиб, 12 939,93 сўм бўлди.
———————
AQSH dollarining rasmiy kursi 24,03 soʻmga оshib, 12 939,93 soʻm boʻldi.

@indallo

Ўзбек халқининг шўр пешанасига яна бир монополия битиб бўлди

Йўқ, бугун "Жаннатдан хабарлар" бўлмайди. Унга арзигулик хушхабар топилмади. Ҳозирча ҳамма ёқ тинч.

Аммо бошқа бир безбетлик ҳақида бир қур ёзмасак бўлмас. Ўзбек халқини 30 йил қон қақшатган Ўзавто машиналари монополияси энди бошқача кўринишда яна камида шунча вақт қақшатади.

Тошкентнинг собиқ ҳокими Ортиқхўжаев шу ҳақдаги саволга жавоб бераркан, шундай деганди:

"Билмадим, балки GM билан келишув шунақа бўлгандир, масалан, 30 йил фақат бизнинг машиналарни сотасан, кейин ҳамкорлик қиламиз, деб".

Афсус, бу 30 йил ўтиб кетдию, ўрнига электромобиллар монополияси етиб келиб бўлди. Энди яна камида шунча вақт ўзбекнинг содда ва дарёдил одамлари кўкраги шамол кўрмай, бир неча карра қимматлаган машиналарни сотиб олишга мажбур.

Бундай соддадил халқ яна қаерда борлигини билмадик, аммо бундай муносабатга аниқ лойиқ эмас. Улар қишлоқда терга ботиб кетмон чопиши, машина олиб, уни уйи тўрига, гилам устига қўйиб қўйиш учун Россияда итдек ишлашга маҳкум.

Йўқ, бу халқ ҳали-вери роҳат кўрмайди. Темир-терсак роҳатми, дерсиз. 30 йиллик золим монополия дастидан шу темирнинг қадри инсонникидан юз чандон ортиб кетган.

Бу борада халқни айблашдан олдин уларни шу кўйга солган ҳукуматга бирров разм солиб қўйинг.

Айтганча, бизда асли иши айнан монополистларнинг додини бериш бўлган Рақобат қўмитасиям бор.

@indallo

Бугун Абдуқодир Ҳусанов уйланади

Наҳорги ошга казо-казо одамлар келибди. Оддий футболчининг тўйига. Пул ўлсин-а!

Ҳусанов тўйдан кейин қандай ўйнаши кейинги масала.

@indallo

Ғуломжон Муродхўжаев Поп тумани ҳокими этиб тайинланди.
———————
Gʻulomjon Murodxo‘jayev Pop tumani hokimi etib tayinlandi.

@indallo

Тошкент шаҳрида фуқароларга кўп қаватли уйларни шартнома орқали муддатли тўлов асосида сотиш билан шуғулланган “IN-FIN-STORY INVEST” ва “CREDIT HOUSE” МЧЖ мансабдор шахслари 800 кишини умумий 209 млрд 263 млн сўмга чув туширди.

Ишга алоқадор 5 нафар шахсга нисбатан айблов эълон қилинган.

@indallo

Буюк Британияда анъанавий Куперсҳилл пишлоқ пойгаси бўлиб ўтди

Унда дунёнинг турли бурчакларидан келган иштирокчилар 3 килограммлик пишлоқ ортидан тепаликдан югуриб тушишади.

Одатда мусобақани ҳеч ким жароҳатларсиз якунлаймайди: тепалик жуда тик, шунинг учун кўпчилик пастга думалаб тушади.

Ғолибга ўша бир бўлак пишлоқ мукофот сифатида берилади.

Бемаъниликнинг чек-чегараси йўқ.

@indallo

Англия премер лигасидаги ғалабасини нишонлаётган “Ливерпул” футбол клуби мухлислари устига 53 ёшли шахс автомобилини ҳайдади. Оқибатда тахминан 50 киши жароҳатланди.

@indallo

АҚШ долларининг расмий курси 53,03 сўмга тушиб, 12 886,90 сўм бўлди.
———————
AQSH dollarining rasmiy kursi 53,03 soʻmga tushib, 12 886,90 soʻm boʻldi.

@indallo