⚡️ TALABALARIMIZ TURKIYADA ILG‘OR TIBBIY JARAYONLARDA ISHTIROK ETMOQDA

🔬Ayni kunlarda Impuls tibbiyot instituti talabalari Turkiyaning Balıkesir universiteti Tibbiyot fakulteti hamda universitet klinikasida xalqaro kuzatuv (observership) dasturi doirasida amaliyot o‘tamoqda.

🧪 Dastur davomida talabalar yuqori texnologiyalarga asoslangan jarrohlik amaliyotlarida kuzatuvchi sifatida bevosita ishtirok etish imkoniga ega bo‘lmoqdalar. Jumladan, ular to‘g‘ri ichak o‘smalarini laparoskopik usulda rezeksiya qilish hamda ichakni maxsus stapler apparati yordamida anastomoz qilish kabi murakkab va noyob jarrohlik amaliyotlarini kuzatdilar va xalqaro mutaxassislar rahbarligida ishtirok etdilar.

🩺 Shuningdek, talabalar buyrak toshlarini endourologik usulda maydalash va olib tashlash (litotripsiya va ekstraksiya) jarayonlarida qatnashib, zamonaviy urologik texnologiyalar bilan yaqindan tanishdilar. Amaliyot jarayonida talabalar klinikaning turli bo‘limlari faoliyati bilan ham tanishmoqda. Xususan: tibbiy xizmatlarni tashkil etish tizimi,poliklinika sharoitida bemorlarni qabul qilish va ko‘rikdan o‘tkazish,pediatriya, stomatologiya va reanimatsiya bo‘limlari faoliyati shular jumlasidandir. Talabalarimiz xalqaro tajribani egallash, zamonaviy klinik yondashuvlarni o‘rganish hamda professional ko‘nikmalarini rivojlantirish jarayonida faol ishtirok etmoqdalar.

📌 Impuls tibbiyot instituti talabalari uchun xalqaro kuzatuv dasturi davom etmoqda va bu ularning kelajakdagi kasbiy faoliyati uchun muhim amaliy poydevor yaratmoqda.

Instagram | Telegram

⚡️ Impuls Tibbiyot Institutida xalqaro hamkorlik yo‘lida muhim tashrif va faxriy tayinlovlar bo‘lib o‘tdi

🌀Impuls Tibbiyot Institutiga Hindistonning GSL universiteti va NEO tashkiloti, Buyuk Britaniyaning Trent Cliffs Sog‘liqni saqlash simulyatsiya jamiyati rahbarlari boshchiligidagi delegatsiya tashrif buyurdi. Mehmonlarni institut ta’sischisi Bobur Sirojiddinov va institut prezidenti Baxtinur Xudanov kutib oldi.

✨ ✨ Tashrif davomida institutda xorijiy va mahalliy talabalar uchun yaratilgan sharoitlar bilan yaqindan tanishildi. Shuningdek, ilm-fan, ta'lim yo'nalishida hamkorlik masalalari, O‘zbekistonda simulyatsion ta’limni rivojlantirish istiqbollari muhokama qilindi. Xorijiy talabalar, jumladan hindistonlik talabalar uchun Impuls Tibbiyot Institutida ta’lim olish imkoniyatlari va ularga yaratilgan sharoitlar haqida batafsil ma'lumot berildi. Muhokamalar yakunida mehmonlarni faxriy unvonlar bilan taqdirlash marosimi bo‘lib o‘tdi.

↪️Jumladan:
🎓 Dr. Ganni Bhaskar Rao — Impuls Tibbiyot Instituti Faxriy professori unvoni bilan;
🌐 Dr. Ganni Sandeep — Xalqaro tashrif buyuruvchi o‘qituvchi va Xalqaro maslahatchi faxriy unvoni bilan;
🇬🇧 Dr. Murthy Nyasavajjala — Buyuk Britaniya bilan hamkorlik yo‘nalishida Xalqaro tashrif buyuruvchi o‘qituvchi va Xalqaro maslahatchi faxriy unvoni bilan;
🤝 Dr. Divya Raj — Global hamkorlik va akademik aloqalar bo‘yicha Xalqaro tashrif buyuruvchi o‘qituvchi hamda Xalqaro maslahatchi faxriy unvoni bilan taqdirlandilar.
📞 77 113-30-03

Instagram | Telegram