🇺🇿🤝🇨🇳 Impuls talabalari uchun Xitoyda yozgi maktab ochilmoqda!

Joriy yilning 16–21-yanvar kunlari Impuls Tibbiyot Instituti Chirchiq filiali rektori A. Xamdamovning Xitoy Xalq Respublikasiga amalga oshirgan rasmiy tashrifi doirasida, Xitoy Elektron Fan va Texnologiyalar Universiteti(UESTC) tibbiyot maktabi (fakulteti) dekani, professor Chen Hui bilan muhim va samarali uchrashuv bo‘lib o‘tdi.

↪️Mazkur uchrashuvda ikki oliy ta’lim muassasasi o‘rtasida akademik hamkorlikni kengaytirish, ta’lim va ilm-fan sohasida xalqaro integratsiyani kuchaytirish, shuningdek, zamonaviy tibbiy ta’lim yo‘nalishlarida o‘zaro tajriba almashish masalalari muhokama qilindi. Natijada bir qator strategik va istiqbolli kelishuvlarga erishildi.

Xususan, talabalar almashinuv dasturi doirasida Impuls Tibbiyot Instituti talabalari yozgi ta’til davrida Xitoyda yozgi maktabda tahsil olish, ilg‘or o‘quv metodikalari bilan tanishish, shuningdek, zamonaviy ilmiy va klinik laboratoriyalarda amaliy mashg‘ulotlar o‘tash imkoniyatiga ega bo‘lishlari belgilandi.

Shu bilan birga, Xitoy universiteti talabalari ham Impuls Tibbiyot Institutida tahsil olishlari, o‘quv mashg‘ulotlarida ishtirok etishlari hamda amaliy tajriba orttirishlari ko‘zda tutilmoqda. Bu esa ikki tomonlama bilim va tajriba almashinuvini yanada faollashtirib, talabalar uchun xalqaro akademik muhitda ta’lim olish va kasbiy rivojlanish ko‘nikmalarini shakllantirishga xizmat qiladi.

🌀Shuningdek, tomonlar 1+1 magistratura dasturi asosida qo‘shma ta’lim dasturini yo‘lga qo‘yish, shuningdek, professor-o‘qituvchilar uchun qisqa muddatli akademik almashinuv, malaka oshirish va ilmiy hamkorlik dasturlarini tashkil etish bo‘yicha ham kelishuvga erishdilar.

📌Mazkur hamkorlik Impuls Tibbiyot Institutining xalqaro ta’lim makonidagi nufuzini yanada mustahkamlash, talabalar va professor-o‘qituvchilar uchun yangi ilmiy, amaliy va innovatsion imkoniyatlar yaratish yo‘lidagi muhim va istiqbolli qadam hisoblanadi.

Oldinda — yangi imkoniyatlar, xalqaro tajriba va katta marralar!

Instagram | Telegram

🎓 Impuls tibbiyot instituti Chirchiq filialida innovatsion startap loyihalari bo‘yicha seminar-trening bo‘lib o‘tdi

⚡️ Impuls tibbiyot instituti Chirchiq filialida innovatsiya va tadbirkorlik ruhida muhim tadbir tashkil etildi. Tadbir doirasida Kipr davlatidagi Eastern Mediterranean University (Sharqiy O‘rta Yer dengizi universiteti) talabalari, “Custodia” loyihasi asoschilari — Sultan Abi va Ansar Kurmanaliev tomonidan startap loyihalari yuzasidan taqdimot o‘tkazildi.

🌀Startapning mazmuni va konsepsiyasi Impuls tibbiyot instituti prezidenti B. Xudanovga taqdimot qilib berdi. Shundan so‘ng startapga qiziqish bildirgan talabalar bilan uchrashuv tashkil etilib, unda loyiha asoschilari erishilgan natijalar hamda ushbu yo‘lda duch kelgan qiyinchiliklari haqida atroflicha so‘zlab berishdi.

⭐ Tadbir davomida talabalar tibbiyot sohasida amalga oshiriladigan startap loyihalar, ularni yaratish va rivojlantirish jarayonida uchraydigan muammolar yuzasidan yetarlicha fikr almashishdi.

Instagram | Telegram

⚡️ TALABALARIMIZ TURKIYADA ILG‘OR TIBBIY JARAYONLARDA ISHTIROK ETMOQDA

🔬Ayni kunlarda Impuls tibbiyot instituti talabalari Turkiyaning Balıkesir universiteti Tibbiyot fakulteti hamda universitet klinikasida xalqaro kuzatuv (observership) dasturi doirasida amaliyot o‘tamoqda.

🧪 Dastur davomida talabalar yuqori texnologiyalarga asoslangan jarrohlik amaliyotlarida kuzatuvchi sifatida bevosita ishtirok etish imkoniga ega bo‘lmoqdalar. Jumladan, ular to‘g‘ri ichak o‘smalarini laparoskopik usulda rezeksiya qilish hamda ichakni maxsus stapler apparati yordamida anastomoz qilish kabi murakkab va noyob jarrohlik amaliyotlarini kuzatdilar va xalqaro mutaxassislar rahbarligida ishtirok etdilar.

🩺 Shuningdek, talabalar buyrak toshlarini endourologik usulda maydalash va olib tashlash (litotripsiya va ekstraksiya) jarayonlarida qatnashib, zamonaviy urologik texnologiyalar bilan yaqindan tanishdilar. Amaliyot jarayonida talabalar klinikaning turli bo‘limlari faoliyati bilan ham tanishmoqda. Xususan: tibbiy xizmatlarni tashkil etish tizimi,poliklinika sharoitida bemorlarni qabul qilish va ko‘rikdan o‘tkazish,pediatriya, stomatologiya va reanimatsiya bo‘limlari faoliyati shular jumlasidandir. Talabalarimiz xalqaro tajribani egallash, zamonaviy klinik yondashuvlarni o‘rganish hamda professional ko‘nikmalarini rivojlantirish jarayonida faol ishtirok etmoqdalar.

📌 Impuls tibbiyot instituti talabalari uchun xalqaro kuzatuv dasturi davom etmoqda va bu ularning kelajakdagi kasbiy faoliyati uchun muhim amaliy poydevor yaratmoqda.

Instagram | Telegram