ركزوا على:
مشاعركم
أفكاركم
تصرفاتكم
ردات فعلكم
عاداتكم
حياتكم
صحتكم
أصدقائكم

"قانون نفسي كل اللي نأمل في إنجازه يجب أن نطبعه في الذات أو العقل الباطن"

يعني إذا كان عندك هدف أو حلم، لازم تراجعهم كل يوم وماتنساهم وتذكر نفسك فيهم… هذا أقل شيء تسويه لنفسك، صدقوني ماهو كلام تطوير ذات وخرابيط، بس إذا مابديت إنك تسوي حاجة أو باقي ماعندك المقومات، أقل شيء تسويه إنك تذكر نفسك باللي تبيه كل يوم تقوم فيه

وتذكروا زين: (إنما العلم بالتعلّم، وإنما الحلم بالتحلّم)

قف على ناصية الحلم وقاتل

استمررررررررررررررر

صباح الخير…
اتعب وأنا اقول (الإستمرار) أهم سلاح للنجاح

فيه أيام تكون طاقتك وإنتاجيتك 100%
وأيام تكون 80%
وأيام 40%
المهم ماتوقف حتى لو كانت 5% لان الخمسة بالمئة اللي ممكن تستهين فيها لو استمريت عليها يعني إنتاجيتك بتكون 100% خلال عشرين يوم.

الاستمرار ثم الاستمرار ثم الاستمرار

(أجل، بوسعك أن تسميه "فشلًا"، لكني أفضّل تسمية "تجربة تعليمية")

-آندي وير

"إمّا نجد الطريق أو أن نصنعه"

ياجماعة صباح الخير…

أفضل شيء والله تسوونه لأنفسكم هو تقسيمكم للاشياء اللي بتسوونها، يعني يومك فيه قراءة نص ساعة وكتابة محتوى ومذاكرة ونادي، المطلوب تسويه إنه تربط الأشياء ذي بعادة أنت دايم تسويها، يعني كالتالي

تشرب قهوة كل يوم: تقرأ وأنت تشرب قهوتك

بعد صلاة الظهر: تكتب محتوى

بعد صلاة المغرب: تروح للنادي

وقت العشاء (الأكل): تذاكر نص ساعة قبل الأكل وربع ساعة بعده

صدقوني إذا ربطتم الأشياء الجديدة بعادات ثابتة عندكم راح تلقونها مع الوقت جزء من هويتكم وروتين مستمر.

(الأمثلة للتوضيح فقط وكل واحد عنده أشياء يقدر يقيس عليها)

صباح الخير…

الشخص اللي بتكون عليه بعد خمس سنوات يتشكل إلى حد كبير من:
- الكتب اللي تقرأها
- الأكل اللي تأكله
- الأشخاص اللي تجلس معهم
- العادات البسيطة اللي تمارسها
- السوالف والاهتمامات

أنت نتاج اختياراتك اليومية البسيطة، اختارها بحكمة

(لازم تغيّر عقليتك) يا جماعة هذا أول شيء تسويه لنفسك عشان تتغير للأفضل

شلون؟

العقلية هي نظام التشغيل اللي يحدد كيف تفسّر الواقع، وكيف تتخذ القرارات، وكيف تتعامل مع الفشل والتعلم

يعني إذا كانت العقلية ضعيفة، المهارات والفرص تُهدر منك

مثلًا:

إذا كنت تؤمن أن الذكاء ثابت، راح تتجنب التحديات بسبب خوفك من الفشل، أما إذا كنت تؤمن أن المهارة تُكتسب، راح تُقبل على التعلم حتى لو اخفقت.

"تغيير عقليتك أول خطوة للنجاح"

مساء الخير للجميع

خلال الأيام اللي فاتت كنت شغال على كتابة كتاب اجمع فيه الأسس الصحيحة لحياة أفضل والتغيير المنطقي اللي يكون مبني على واقع بدون تزييف

الكتاب ما راح اسوّق له إنه حل سحري وبيوم وليلة تتغير بسببه، لا بالطبع… ولكن لو طبقت اللي فيه خلال أشهر بتلاحظ الفرق على نفسك واللي حولك بيلاحظون

سميت الكتاب (استراتيجية السيطرة على حياتك)

ليش؟

لان أغلب الناجحين عندهم استراتيجيات وعادات في حياتهم هي اللي توصلهم لنجاحهم حتى لو كان الطريق طويل، وهذا اللي نحتاجه وهذا اللي اكتشفته أنا خلال فترة تعليمي لنفسي الفترة الماضية

راح ارسل رابط الكتاب بالأسفل واتمنى لي ولكم التوفيق والنجاح