Mikrofonni otasidan meros qilib olgan muazzinlar ! @imomalbuxoriy1

АЛЛОҲНИ КЎП ЗИКР ҚИЛИНГ!

“ Роббингни эртаю кеч ичингда тазарруъ қилгин ва махфий холда, овоз чиқариб гапирмай зикр қил ва ғофиллардан бўлма..” (Аъроф сураси 205 - оят.)

“ Албатта, Аллоҳни зикри буюк ишдир.” (Анкабут сураси - оят.)

Ҳамда биз мўьминларга ибрат бўлиши учун мунофиқларнинг сифатларини Аллоҳ субҳонаҳу ва таъоло шундай сифатлаган:
“...ва Аллоҳни камдан-кам зикр қиладилар…” (Нисо сураси 142 - оят.)

Ҳадиси шарифларда эса Пайғамбар соллаллоҳу алайҳи васаллам бизга шундай марҳамат қиладилар:
“Роббини зикр илувчи билан Роббини зикр қилмайдиганнинг мисоли тирик ва ўликнинг мисоли кабидир.”
Абу Муса ал-Ашъарий р.а.дан имом Бухорий 5928 – р, Муслим 1299 – рақам ривояти.

“Эгангизнинг хузурида покроқ бўлган, даражаларингизни кўтарувчироқ бўлган, тилла ва кумуш инфоқ қилишдан ҳам кўра сиз учун яхшироқ бўлган, душманингизга йўлиқиб сизлар уларнинг бўйнига қилич солиб, улар сизнинг бўйнингизга қилич солишидан ҳам кўра сиз учун яхшироқ бўлган энг яхши амалингизни хабар берайми?! Улар: Ҳа, айтинг – дейишди. – Аллоҳни зикр қилишдир – дедилар.” Абу Дардо р.а.дан имом Термизий 3299 – р, ибн Можа 3780 – р, Аҳмад 20713, 26249 – р, Молик 441 –
рақам ривояти.

“ Зикрнинг афзали – Аллоҳдан ўзга илоҳ йўқ – дейиш, ва дуонинг афзали – Аллоҳга ҳамдлар бўлсин – дейишдир.” Жобир ибн Абдуллоҳ р.а.дан имом Термизий 3305 – р, ибн Можа 3790 – р, Ҳоким Ал-Мустадрок 1 ж. 676 – бет.1834 – рақам ривояти.

“Ғафлатда қолган кишилар ичида Аллоҳни зикр қилувчи киши, худди қуриган дарахтлар орасидаги – яшил дарахт кабидир”.
Жоменул улуми вал ҳикам 1 ж. 449 – бет.


📚Зиё истаганлар учун;
👇
http://t.me/imomalbuxoriy1

АЁЛЛАР ЭРКАК САРТАРОШГА СОЧ ОЛДИРИШИ МУМКИНМИ?
#ҳалол_ҳаром

❓918-CАВОЛ: Эркаклар аёл сартарошга соч олдириши ёки аёллар эркак сартарошга соч олдириши мумкинми?

💬 ЖАВОБ: Бисмиллаҳир Роҳманир Роҳим.
Бу иш жоиз эмас. Аллоҳ таоло Қуръони каримда шундай марҳамат қилган.

قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30)وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ..... (31)

“(Эй Муҳаммад!) Мўминларга айтинг, кўзларини (номаҳрам аёллардан) қуйи тутсинлар ва авратларини (зинодан) сақласинлар! Мана шу улар учун энг тоза (йўл)дир. Албатта, Аллоҳ улар қилаётган (сир) синоатларидан хабардордир. (30) Мўминаларга ҳам айтинг, кўзларини (номаҳрам эркаклардан) қуйи тутсинлар ва авратларини (зинодан) сақласинлар! Шунингдек, (одатда) кўриниб турадиганидан бошқа зийнатларини кўрсатмасинлар ва рўмолларини кўкраклари узра тушириб олсинлар!.... (31)” (Нур сурасининг 30, 31 оятлар).

Аллоҳ таоло ушбу ояти каримада эркакларни ҳам, аёлларни ҳам ўзгаларнинг қараш ҳаром бўлган аъзоларидан кўзларини тийишга буюрмоқда.

عن حذيفة رضي الله عنه قال : قال رسول الله صلى الله عليه وآله وسلم : النظرة سهم من سهام إبليس مسمومة فمن تركها من خوف الله أثابه جل وعز إيمانا يجد حلاوته في قلبه.

Ҳузайфа розияллоҳу анҳудан ривоят қилинади: “Расулуллоҳ соллаллоҳу алайҳи васаллам : Назар шайтоннинг заҳарланган ўқларидан бир ўқдир. Ким Аллоҳдан қўрқиб уни тарк этса, Аллоҳ таоло унинг мукофотига қалбида ҳаловатини топадиган иймонни ато қилади” (Ҳоким ривояти).

Эркаклар эркак сартарошга соч олдириши ёки аёллар аёл сартарошга бориши мумкин. Номаҳрамларга назар солиш, уларнинг сочини ёки баданини ушлаш инсон қалбига фитна ва ёмон хаёлларни солади. Бу эса кишини зино каби ҳаром ишга олиб боради. Шариатнинг умумий қоидасига кўра, гуноҳ ишга олиб борадиган ишлар ҳам гуноҳ саналади. Валлоҳу аълам.

Ўзбекистон мусулмонлари идораси
Фатво ҳайъати.

📚Зиё истаганлар учун;
👇
http://t.me/imomalbuxoriy1

Кун ҳадиси:
أناَ زَعِيْمٌ بِبَيْتٍ فِي رَبَضِ الْجَنَّةِ لمَن تَرَكَ الْمِرَاءَ وَإِنْ كَانَ مُحِقًّا ، وَبِبَيْتٍ فِي وَسَطِ الْجَنَّةِ لِمَنْ تَرَكَ الكَذِبَ وَإِنْ كَانَ مَازِحًا ، وَبِبَيْتٍ فِي أَعْلَى الْجَنَّةِ لِمَنْ حَسُنَ خُلُقُهُ

(رواه الإمام أبو داود عن أبي أمامة الباهلي رضي الله عنه)
Пайғамбаримиз алайҳиссалом шундай деганлар : “Гарчи ҳақ бўлса ҳам тортишмаган кишига жаннатнинг четидан уй берилишига кафилман. Гарчи ҳазиллашиб бўлса ҳам ёлғон гапирмаган кимсага жаннатнинг ўртасидан уй берилишига кафилман. Хулқи чиройли бўлган кишига эса жаннатнинг энг олий жойидан уй берилишига кафилдирман” (Имом Абу Довуд ривояти).



📚Зиё истаганлар учун;
👇
http://t.me/imomalbuxoriy1

#Раддия

"Қуръон ва ҳадис илмини билмай туриб, фатво бериш"

Сайфиддин домла Бобоқулов
Пешку тумани "Малишояк"
жомеъ масжиди
имом - хатиби

♻️Дўстларингизга ҳам улашинг!!!
👉 https://t.me/NaqshbandUZ

❓Намозда қаттиқ кулиб юборса намоз бузуладими?

Ҳомиджон домла Ишматбеков

Ўзбекистон мусулмонлари идораси
раисининг биринчи ўринбосари

♻️Дўстларингизга ҳам улашинг!!!
👉 https://t.me/NaqshbandUZ

# Ҳикмат

👉Икки нарсани ҳеч эслама:
Биринчиси: Одамларни сенга қилган ёмонлигини;
Иккинчиси: Одамларга қилган яхшилигингни.

👉Икки нарсани асло унутма:
Биринчиси: Аллоҳ азза ва жаллани.
Иккинчиси: Охират диёрини.



📚Зиё истаганлар учун;
👇
http://t.me/imomalbuxoriy1

Ассалому алайкум ва раҳматуллоҳи ва баракатуҳ!

🌸🌳 ХАЙРЛИ ТОНГ! 🌳🌸

🤲 Аллоҳим, кўзларимизни уйқудан очканинг каби, қалбларимизни ҳам ғафлатдан уйғот!
☘️ Дунё тонг нури ила ёритганинг каби, ҳаётимизни ҳам ҳидоят нури ила мунаввар қилгин!

🌷Амин йа роббал аламин!
📚Зиё истаганлар учун;
👇
http://t.me/imomalbuxoriy1

#қироат

Қамар сураси 22-оят
Ҳишам ал-Ҳараз қироати

وَلَقَدْ يَسَّرْنَا الْقُرْاٰنَ لِلذِّكْرِ فَهَلْ مِنْ مُّدَّكِرٍ

Дарҳақиқат, Биз Қуръонни зикр(эслатма) учун осон қилдик. Бас,эслатма олувчи (зикр қилувчи) борми?!

📚Зиё истаганлар учун;
👇
http://t.me/imomalbuxoriy1

ЖАННАТ АҲЛИНИНГ БУ ДУНЁДАГИ СИФАТЛАРИ

Ибн Ваҳб Ибн Зайддан ривоят қилади: "Аллоҳ таоло жаннат аҳлини бу дунёда қўрқувчи, маҳзун, кўп йиғлайдиган, мушфиқ, шунинг оқибатида охиратда неъматланган ва шод бўладилар, деб васф этган. Аллоҳ таолонинг шундай сўзи бор:
"Ҳақиқатан, бизлар илгари (ҳаёти дунёда) аҳли оиламиз орасида (бўлган
чоғимизда охиратда Аллоҳнинг азобига дучор бўлишдан) қўрқар эдик" (Ват-тур, 26).
Дўзах аҳлини эса, бу дунёда хурсандчилик ва шодлик билан сифатлаган:
"Дарвоқеъ, у (ҳаёти дунёдалик пайтида) аҳли оиласида (ўз куфру исёни билан) шоду хуррам эди. Албатта, у ўзининг ҳеч қачон (Парвардигори ҳузурига) қайтмаслигига ишонар эди" (Иншиқоқ, 13-14)".
Жаннат аҳлининг бу дунёдаги васфига юқоридаги хабар кифоя қилади.

"Жаннат васфи". Имом Қуртубий

📚Зиё истаганлар учун;
👇
http://t.me/imomalbuxoriy1

#ҳикмат

🍃 Гиламни калтак билан қоқмоқ гиламга озор бермоқ учун эмас, гиламни покламоқ учундир. Аллоҳ сенга ташвиш берар экан, сени имтиҳон қилиб тозалар, чангу ғуборингни кетказар. Қайғурма…”

Jaloliddin Rumiy.

📚Зиё истаганлар учун;
👇
http://t.me/imomalbuxoriy1

#Видеолавҳа

Барзах ҳаёти нима?

Ўзбекистон мусулмонлари идораси
Фатво маркази

📚Зиё истаганлар учун;
👇
http://t.me/imomalbuxoriy1

​​#Савол

​​АЁЛЛАРНИНГ ЖАННАТДАГИ ҲОЛАТИ.

Ассалому алайкум! Бу дунёда аёллар заифа қилиб яратилган. Эрига итоат қилиш керак, эркаклар аёллардан устун. Аёл эрини рухсатисиз кўчага ҳам чиқиши мумкин эмас. Жаннаттачи қандай бўлади? Аёл у ерда ҳам заифа ва эркаклардан паст ҳисобланадими? Эрига итоат қилиши керакми?

ЖАВОБ:

- Ва алайкум ассалом! Сиз аёл кишини паст деб нотўғри баҳо берибсиз. Аллоҳ таоло аёлларни жаннатга киришини жуда ҳам осон ва табиатларига мос қилиб қўйган.

عن عبد الرحمن بن عوف قال: قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت رواه الإمام أحمد

Абдурраҳмон ибн Авф розияллоҳу анҳудан ривоят қилинади: Расулуллоҳ соллаллоҳу алайҳи васаллам: Аёл киши беш вақт намозини ўқиса, бир ой рўзасини тутса, фаржини сақласа ва эрига итоат қилса, унга: “Жаннат дарвозаларининг хоҳлаганингдан жаннатга кир” дейилади” дедилар.
Имом Аҳмад ривояти.
Валлоҳу аълам!

"Зикр аҳлидан сўранг" ҳайъати.

♻️Дўстларингизга ҳам улашинг!!!
👉 https://t.me/NaqshbandUZ

#Ҳадис

Абу Ҳурайрадан ривоят қилинади: «Набий соллаллоҳу алайҳи васаллам: «Бирингиз гуноҳ аралаштирмай ёки силаи раҳмни узмай дуо қилган бўлса ёхуд шошилмаса, ижобат бўлади. «Дуо қилдим, менга ижобат бўлишини кўрмаяпман», дейди ва дуони тарк қилади», - дедилар».
Имом Бухорий ривояти.

Шарҳ: Банда «Дуо қилдим-у, менимча, қабул бўлмаса керак», демасин. Ноумид бўлмасдан, дуода бардавом бўлиш керак. Дуо қилинаверса, иншааллоҳ, қабул бўлади.
Ушбу ҳадислардан дуонинг шартларини ўрганиб оляпмиз:
1. Дуога гуноҳ аралашмаслиги керак экан. Шунинг учун дуо қилишдан олдин тавба қилиб туриб, кейин дуо қилиш лозим.
2. Қариндошлик алоқаларини узган ҳолатда ҳам дуо қабул бўлмас экан. Ўзимиз Аллоҳ таолонинг амрига зид иш қилиб туриб, яна Ундан бирор нарса сўраб дуо қилишимиз ҳеч бир ақлга, мантиққа тўғри келмайди.
3. Шунингдек, дуода ноумид бўлмаслик ва унинг ижобатига шошилмаслик ҳам керак экан.

♻️Аллоҳ розилиги учун тарқатинг аввало амал билан!
👉 https://t.me/NaqshbandUZ

Ассалому алейкум ва роҳматуллоҳу ва баракатуҳ!

Хайрли кун!
Аллоҳ таоло янги кунни файзли, баракали ва хайрли қилсин.
Қалбингиздаги яхши орзу-умидларингизга Аллоҳ таоло етказсин!
Омийн!


📚Зиё истаганлар учун;
👇
http://t.me/imomalbuxoriy1

Расулуллоҳ (ﷺ) ҳақларида сиз билган ва билмаган маълумотлар

1. Расулуллоҳ (ﷺ) Одам алайҳиссалом ҳали руҳ ва жасад орасида турганларида у зот (ﷺ) набий эдилар.

2. Расулуллоҳ (ﷺ)нинг Одам алайҳиссаломгача бўлган насабларидаги кишиларга бирор фаҳш иш етмаган.

3. Расулуллоҳ (ﷺ) Аҳмад (Аллоҳга энг кўп ҳамд айтувчи) деб номландилар. У зотдан олдин бирор киши бундай ном билан номланмаган.

4. Расулуллоҳ (ﷺ) кечаси оч қоринда ухлаб, тонгда қоринлари тўқ ҳолда уйғонардилар. Аллоҳ у зотни таомлантириб қўяр эди.

5. Расулуллоҳ (ﷺ) олд томонни қандай кўрсалар, орқа томонни ҳам ҳудди шундай кўрардилар.

6. Расулуллоҳ (ﷺ) кундузи қандай кўрсалар, қоронғу кечани ҳам ҳудди шундай кўрардилар.

7. Расулуллоҳ (ﷺ)нинг тупуклари шўр сувни ҳам чучук қилар эди.

8. Расулуллоҳ (ﷺ) душманларнинг қалбига бир ойлик масофадан қўрқув солардилар.

9. Расулуллоҳ (ﷺ) бирор марта ҳам эснамаганлар.

10. Расулуллоҳ (ﷺ) ва бошқа пайғамбарлар ҳеч қачон эҳтилом бўлишмаган.

11. Расулуллоҳ (ﷺ)нинг терлари мушкдан ҳам ҳушбўй бўлган.

12. Расулуллоҳ (ﷺ)нинг соялари бўлмаган. У зот тамомила нур бўлганлар.

13. Расулуллоҳ (ﷺ)нинг кийимларига бирор марта ҳам пашша қўнмаган.

14. Расулуллоҳ (ﷺ)ни бирор марта бурга ва ҳашарот чақиб, азият бермаган.

15. Расулуллоҳ (ﷺ) минган улов бирор марта тезак ташламаган, бавл қилмаган.

16. Расулуллоҳ (ﷺ) дунёга келганларида коҳинлар осмондан хабар ололмай қолишган.

17. Расулуллоҳ (ﷺ) Меърож кечаси барча пайғамбарлар ва фаришталарга имом бўлиб намоз ўқиганлар.

18. Расулуллоҳ (ﷺ)нинг умматларига бутун ер юзи масжид қилиб берилган.

19. Расулуллоҳ (ﷺ) бошқа пайғамбарлар даврида келганларида, бошқа пайғамбарлар у зотга уммат бўлар эдилар.

20. Расулуллоҳ (ﷺ)нинг умматларига у зотни исмлари билан чақириш ҳаром қилинган (Нур-63).

21. Расулуллоҳ (ﷺ)нинг саҳобаларига у зотнинг овозларидан баланд овозда гапириш ҳаром қилинган (Ҳужурот 2).

22. Расулуллоҳ (ﷺ)нинг ҳузурларига фаришта Исрофил алайҳиссалом тушганлар. Бу фаришта у зотдан олдин ҳеч қайси пайғамбарга тушмаган эдилар.

23. Расулуллоҳ (ﷺ)нинг олдинги ва кейинги гуноҳлари кечирилгандир (Фатҳ 1-2).

24. Вафот эткан бандадан қабрда Расулуллоҳ (ﷺ) ҳақида сўралади, бошқа пайғамбарлар ҳақида сўралмайди.

25. Расулуллоҳ (ﷺ)ни тушида кўрган, ҳақиқатдан ҳам кўрган бўлади. Чунки шайтон у зотнинг суъратига кира олмайди.

26. Расулуллоҳ (ﷺ) бир кишини чақирсалар, ўша инсон намоз ўқиётган бўлса ҳам, у зотга жавоб бериши вожиб бўлган.

27. Расулуллоҳ (ﷺ) вафот этканларида саҳобалар имомсиз гуруҳ-гуруҳ бўлиб жаноза ўқиганлар. Ва бу намозларда Жанозадаги машҳур дуо ўқилмаган.

28. Расулуллоҳ (ﷺ)нинг муборак баданлари чиримайди.

29. Расулуллоҳ (ﷺ)нинг қабрларига бир фаришта муваккал қилиниб, у зотга саловот айтганларнинг саловотларини етказиб туради.

30. Расулуллоҳ (ﷺ)нинг қабрлари Қиёматда биринчи очилади. Охиратда у зот етмиш минг фариштанинг қуршовида бўладилар.

31. Расулуллоҳ (ﷺ) Сиротдан биринчи бўлиб ўтадилар.

32. Расулуллоҳ (ﷺ) Маҳшарга Буроқ деган отга минган ҳолларида келадилар.

33. Расулуллоҳ (ﷺ) Маҳшар куни Аршнинг ўнг томонида шундай мақомда турадиларки, у зотдан бошқа ҳеч ким у ерда турмайди.

34. Расулуллоҳ (ﷺ) Жаннатга биринчи бўлиб кирадилар.

35. Расулуллоҳ (ﷺ)нинг умматлари Қиёмат куни биринчи сўроқ қилинади.

Саййид Муҳаммад Ҳасанийнинг “Икки олам сарвари“ китобидан.


📚Зиё истаганлар учун;
👇
http://t.me/imomalbuxoriy1

ЕНГИЛ ВА ОҒИР ЎЛИМ

Фаридиддин Атторнинг отасидан қолган каттагина атторлик дўкони бор эди. Бир куни жулдур кийимли бир дарвеш кириб, садақа сўрайди. Муҳаммад савдо билан овора бўлиб, унга эътибор бермайди. Шунда дарвеш айтади:
- Эй хожа, қандай ўлишингни биласанми?
Муҳаммад жавоб беради:
- Сен қандай ўлсанг, мен ҳам шундай ўламан-да!
- Йўқ, сен мендай ўла олмайсан.
- Нима учун?
- Чунки менинг юким енгил - қуруқ танам ва уни беркитган хирқамдан бўлак нарсам йўқ. Шунинг учун менинг бу дунё дўконини тарк этишим осон. Аммо сенинг юкинг оғир: ҳашаматли иморатнинг, мол тўла дўконинг, зар тўла ҳамёнинг, қатор-қатор борасан. Ўз ишингнинг чорасини қил, мен эса мана бундай ўламан.
Дарвеш шундай деди-ю, белидаги қовоқ качкулини бошининг остига қўйганча жон берди.
Бу воқеа Атторга қаттиқ қаттиқ таъсир қилади. Шундан кейин у бор мол-мулкини қариндош-уруғларига бўлиб бериб, тариқат йўлига кирган экан.

"Шарқ ҳикоят ва ривоятлари" китобидан


📚Зиё истаганлар учун;
👇
http://t.me/imomalbuxoriy1

Шундай Ёрни севгинги болам, худди ифторни кутаётган рўзадордек қўлида сув идиши билан сени ҳам кутиб турсин....

Мавлоно Румий (қ.с.)


📚Зиё истаганлар учун;
👇
http://t.me/imomalbuxoriy1

ШАВВОЛ ОЙИ ТУГАШИГА ОЗ ҚОЛДИ

Расулуллоҳ соллаллоҳу алайҳи васаллам: “Ким Рамазон рўзасини тутиб, кетидан Шавволдан олти кун рўза тутса, йил бўйи рўза тутгандек бўлади”, - деганлар.
Имом Муслим ривояти.

Бугун милодий ҳисоб бўйича 2022 йил 24 май, ҳижрий санада эса1443 йил Шаввол ойининг 23 санаси. Муборак Рамазон ойини кузатганимизга 23 кун бўлди. Яна 7 кундан кейин Шаввол ойи ҳам ўз ниҳоясига етади. Шаввол ойида 6 кун рўза тутишни унутмадингизми? Ёдингиздан кўтарилган бўлса эслатиб қўйишни лозим деб топдик. Зеро, Аллоҳ таоло бундай марҳамат қилади: "Эслатинг! Зеро, эслатма мўминларга манфаат етказур".
(Зориёт сураси, 55-оят).

Шаввол ойида 6 кун рўза тутиш йил бўйи рўза тутганнинг савобига ноил этади.

Абу Айюб Ансорий розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким Рамазон рўзасини тутиб, кетидан Шавволдан олти кун рўза тутса, йил бўйи рўза тутгандек бўлади”, - дедилар.
Имом Муслим ривояти.

Рамазон рўзаси ўттиз кунининг ўн баробари ўн ой (300 кун), Шаввол ойининг олти кун рўзаси эса (60 кун) икки ой бўлади. Жами 360 кун (бир йил)ни ташкил этади. Натижада, киши бутун йил бўйи рўза тутгандек бўлади. Аллоҳ таоло Қуръони каримда бундай марҳамат қилади: “Кимки (бир) ҳасана (савобли иш) қилса, унга ўн баробар (кўпайтириб ёзилур)”.
(Анъом сураси, 160-оят).

Ибн Умар розияллоҳу анҳумодан ривоят қилинади. Расулуллоҳ соллаллоҳу алайҳи васаллам: “Ким Рамазон рўзасини тутиб, ортидан Шаввол ойида олти кун рўза тутса, ҳудди онадан туғилгандек гуноҳлардан фориғ бўлади”, - деганлар.
Имом Табароний ривояти.

Уламолар: "Шаввол ойи рўзасини ой бошида кетма-кет олти кун ёки ой давомида бўлиб-бўлиб тутиш ҳам жоиз", деганлар.

Имом Аҳмад раҳматуллоҳи алайҳ айтади: “Шаввол ойи рўзаси кетма-кет олти кун тутилса ҳам, бўлиб-бўлиб тутилса ҳам фазилати тенгдир”.

Аллоҳим, Расулуллоҳ соллаллоҳу алайҳи васалламнинг суннатларида бардавом қилгин, гуноҳларимизни мағфират этгин!


📚Зиё истаганлар учун;
👇
http://t.me/imomalbuxoriy1