☪️ Пайғамбарларнинг вафот этган пайтида ёшлари

Муҳаммад соллаллоҳу алайҳи васаллам. 63 ёш
Ийсо алайҳиссалом 33 ёш
Яҳё алайҳиссалом 40 ёш
Лут алайҳиссалом 80 ёш
Айюб алайҳиссалом 93 ёш
Довуд алайҳиссалом 100 ёш
Мусо алайҳиссалом 120 ёш
Ҳорун алайҳиссалом 120 ёш
Юсуф алайҳиссалом 120 ёш
Нуҳ алайҳиссалом 1450 ёш (баъзи манбаларда 950 ёш)
Ҳуд алайҳиссалом 150 ёш (б.м. 464 ёш)
Исҳоқ алайҳиссалом 160 ёш
Иброҳим алайҳиссалом 200 ёш (б.м. 175 ёш)
Солиҳ алайҳиссалом 270 ёш
Идрис алайҳиссалом 365 ёш (б.м. 865 ёш)
Одам алайҳиссалом 1000 ёш (б.м. 930 ёш)
Яъқуб алайҳиссалом 147 ёш
Исмоил алайҳиссалом 137 ёш
Йушаъ алайҳиссалом 110 ёш
Шуайб алайҳиссалом 140 ёшга кириб вафот этганлар.

📕 Изоҳ: Анбиёларнинг неча йил умр кўрганлари тўғрисида турли фикрлар, айрим ихтилофлар бор.
Қуръони каримда исми зикр этилган пайғамбарларнинг сони 25 та. Булар: Одам, Идрис, Нуҳ, Ҳуд, Солиҳ, Иброҳим, Лут, Исмоил, Исҳоқ, Яъқуб, Юсуф, Айюб, Зулкифл, Шуайб, Мусо, Ҳорун, Довуд, Сулаймон, Илёс, Алясаа, Юнус, Закариё, Яҳё, Ийсо ва Муҳаммад алайҳиссаломдирлар.
Пайғамбарлик вазифаси нуқтаи назаридан ҳамма пайғамбарлар тенгдирлар, ораларида фарқ йўқ. Фазилат жиҳатидангина улар бир-бирларидан ажралиб туришади. Бу жиҳатдан Муҳаммад, Иброҳим, Мусо, Исо, Нуҳ алайҳиссаломлар бошқаларга қараганда устундирлар Буларнинг ҳам ичларида энг фазилатлиси Пайғамбаримиз Муҳаммад Мустафо соллаллоҳу алайҳи вассаламдирлар.

📕 Ийсо алайҳиссалом ҳақида қисқача: Ислом ақидаси бўйича қиёмат яқин қолганда Ийсо алайҳиссалом ер юзига қайта тушадилар. Расулуллоҳ соллалоҳу алайҳи васаллам айтадилар: “Жоним қўлида бўлган зот билан қасамки, ичингизга Ибн Марям одил ҳакам бўлиб тушиши яқиндир. Бас, у хочни синдиради, чўчқани ўлдиради, жизяни жорий қилади, молу дунёни тошириб юборганидан уни биров олмай қўяди. Ҳаттоки, бир сажда бутун дунёдан ва ундаги нарсалардан яхши бўлиб қолади”. Имом Бухорий, Муслим ва Абу Довудлар ривояти.

t.me/Abdulhamid_Hanafiy

Онам тўрт йил олдин оламдан ўтган. Бир куни тушимда онам келиб 
---Ўғлим синглингни уйига бор...дедилар
--- Ойи хали бордим ..
--- Хозир бор болам синглингни тоби йўқ дедилар.

Ўйғонсам соат 01:00 бўлибди. Ярим тун экан деб яна ухладим.. 
Ойим яна 
---" Тур ўғлим бор"- дедилар

Туриб кўнгироқ қилсам ҳеч ким гўшакни кўтармади. 

Синглимни эри ярим йил олдин Россияга ишлагани кетган. Синглим иккита кичкина фарзанди билан турарди.

Мен машинамни юргиздим, дадамга фирмага юк келганини айтиб кечаси 02:30 ларда уйдан чикдим..

Синглимни уйига бордим, эшикни катта ўғли очди.

Синглим иситмалаб, тоби йўқ . Фарзандлари ёш нима қилишини билмай турган экан. Мени кўриб йиғлаб юборди.

Синглимни касалхонага олиб келдим. Керакли муолажаларни қилишди. Доктор менга вақтида олиб келганимни ва вақт бой берилганда жиддий асоратлар қолиши мумкин эканини айтди..

Эртаси куни тушимга онам яна кирдилар.. Бу сафар улар юзида табассум билан.

--- "Сендан розиман болам, синглингни авайла! "- дедилар

ОНА --- бу қандай хилқатки--- ҳатто жон бераётиб ҳам болам деса.. У дунёда туриб ҳам фарзандини ҳимоя қилса.

t.me/Abdulhamid_Hanafiy

#ДИҚҚАТ
Психогенетикадан нажот кутаётганлар ҳақида: 😨

”- Олдинлари Психологга бирор ким учрамаган, ўзини "психологман" деганга ҳеч ким қиз бермаган, олмаган!

- Психогенетикка эргашганлар ЗОМБИга айланадилар, чунки уларда эътиқод бўшлиғи бор.

- Психогенетик бу замонавий ФОЛБИН!

- Психогенетика - дин эмас, аксинча динга қарши ҳилоф ишлар жамланмаси!

❗️Аброр Муҳтор Алий - Психогенетика ҳақида гапирган муносабатлари тарқалди

T.me/Abdulhamid_Hanafiy

Assalamu alaykum va rohmatullohi va barokatuh

📣 📣 DIQQAT!BIZDA YANGILIK 📣 📣

Ilmsevar tolib(a)larni Ustoz ABDULHAMID HANAFIYNING
YANGI DARSLARIGA TAKLIF ETAMIZ📣📣

KITOB NOMI: SHIFAU QOLBUL JARIH
SHARHI BURDATU SHARIF


Dars vaqtlari:

🔸Har yakshanba

O'zbekiston ⏰ 21.00 ⏰

Turkiya ⏰ 19.00 ⏰

Amerika ⏰ 11.00 ⏰

Darslar mutlaqo ⭕️BEPUL⭕️

Alloh yo'lida ilm olmoqchi bo'lgan birodarlaringizga ham ulashib qo'ying, zero, bu amalingiz sadaqai joriyadir✅

dars guruhi:
➡️ https://t.me/Americamusulmonlari

Ustozning rasmiy sahifalari:
➡️ t.me/Abdulhamid_Hanafiy

Устоз насихати

Ота-онам қариган чоғларида ғам чекмасинлар десангиз, хамиша уларнинг гаплари ва маслахатларига жону-дилингиз билан қулоқ солинг. Лекин ишхона ва кўчадаги муаммо, ташвишларингизни хадеб уларга достон қилаверманг, иложи борича ўзингиз хал қилинг. Уларнинг шундоғам заиф бўлиб қолган юракларини безовта қилманг.
Доимо уларни хурсанд қилувчи гапларни топиб-ўйлаб гапиринг, дуоларини олинг, шунда барака топасиз иншааллох!
Хотин ва фарзандингизни уларнинг олдиларида асло хақорат қилманг, жеркиманг. Оилавий муаммоларни пинхона ва тинч йўл билан хал қилинг.
Кун ора чўнтакларига бироз бўлса хам пул солиб қўйинг, лекин нимага ва қаерга ишлатганларини суриштирманг.
Улар бизни катта қиламан деб, Аллох берган умрлари, соғликлари ва бойликларини биз учун сарф қилиб бўлишган. Шуни унутманг!
Яқинда ўтиб кетишади, дийдор қиёматга қолади.
Ғанимат билинг...

"Устозлар насихатлари"дан

t.me/Abdulhamid_Hanafiy

​​ОТА ОНАГА ЯХШИЛИК ВА ФАРЗАНДЛИК БУРЧЛАРИ.
🕊
1. Тану вужудингиз билан ота-она хизматида ҳозиру нозир туринг.

2. Гуноҳ бўлмайдиган ишга буюришса, буйруқларини шу заҳоти сўзсиз бажо келтиринг.

3. Ҳатто ҳажга ёки илм излаб кетаётган бўлсангиз ҳам уларнинг розилигисиз сафарга чиқманг.

4. Бирор ишни бажаришдан қайтаришса (агар бу қайтиш гуноҳ бўлмаса) дарров қайтинг.

5. Уларни кўрганда ўрнингиздан туринг ва ўлтирганларидан кейингина ўлтиринг.

6. Ота-она билан кўчада кетаётганда олдинга ўтиб кетмай бир қадам орқада юринг.(Фақат лой, музгарчиликда ёки қўриқлаш маъносида олдинда ёки ёнда юришга ижозат берилади).

7. Уларнинг номларини айтиб чақирманг, ҳазил-мазаҳ қилманг.

8. Улар ҳузурида қовоқ солманг, ҳўмрайиб қараманг.

9. Чақиришса «лаббай» деб ҳузурларига тез етиб боринг.

10. Улар хизматида бўлганда иш буюришса эринчоқлик билан малол кўрманг.

Қуръони каримдаги Аллоҳ таолонинг «раҳимдиллик юзасидан ота онангга камтарлик қанотингни қоқиб тур», мазмунидаги сўзини Ҳишомнинг отаси Урват ибн аз-Зубайр розияллоҳу анҳу: «ота-онанг нимани истаса, ўшани ижро қилишдан имтино қилма», деб тафсир қилган эдилар.

https://t.me/Abdulhamid_Hanafiy

ҲОФИЗИ ҚУРЪОННИНГ ЖАННАТДАГИ МАРТАБАСИ
🕋
Қуръон ёдлашнинг фазилати жуда улуғ, аммо бу - осон иш эмас. Устоздан ҳар битта оятнинг ўқилишини диққат билан тинглаб, хотирасига муҳрлаш учун анча машаққат чекиш талаб этилади. Ёдлаганини доим такрорлаб юриш учун ҳам сабр-тоқат керак. Қолаверса, Қуръон ёдлаган инсон гарданига салмоқли вазифа юкланади. Бундай амаллар мукофотсиз қолмайди, албатта. Аллоҳ таоло Қуръон ёдлаган бандаларини охиратда муносиб тақдирлайди.
Пайғамбаримиз соллаллоҳу алайҳи васаллам шундай деганлар: ''Қиёмат куни Қуръон соҳибига: ''Ўқи ва кўтарил. Дунёда қандай ўқиган бўлсанг шундай ўқи. Охирги оятни ўқиган жойинг (жаннатдаги) манзилинг бўлади'', дейилади''.
Хаттобий бу ҳадисни шундай шарҳлаган: ''Асарларда келишича, Қуръон оятлари жаннат поғоналари миқдорига тенг. Қорига: ''Қуръондан қанча ўқишингга қараб жаннат поғоналаридан юқорилаб боравер'', дейилади. Ким Қуръоннинг ҳаммасини ёдлаган бўлса, жаннатнинг энг юқори поғонасига чиқади. Бир қисмини ёдлаган бўлса, даражаси ҳам шунга яраша бўлади''.
Абу Саид Худрий розияллоҳу анҳу Расулуллоҳ соллаллоҳу алайҳи васалламдан ривоят қилади: ''Қуръон соҳиби жаннатга кирганида, унга: ''Ўқи ва кўтарил!'' дейилади. Шунда (қори) ўқийди. Ҳар бир оятни ўқиганида бир поғона юқорилайди. Охирги оятни ўқигунича кўтарилиб бораверади''.
Ривоятда айтилганидек, бу иш қиёмат куни банда жаннатга кираётганида содир бўлади. Қори дунёда Қуръон ўқиб, илм поғоналаридан юқорилаб боради, янги маълумотларни ўзлаштиради, ўзи учун очилмаган ҳақиқатларни кашф этади. Қуръон ўқиган инсоннинг маърифати ортади, юзи нурли бўлади. Бир сўз билан айтганда, Қуръон икки дунёда банда мартабасини юксалтиради, илмини зиёда қилади, уни юқори чўққиларга олиб чиқади.
Оиша розияллоҳу анҳодан ривоят қилинишича, Расули акрам соллаллоҳу алайҳи вассалам шундай деганлар:
''Жаннат даражалари Қуръон оятлари миқдорига тенг. Қуръон аҳлидан кимда-ким жаннатга кирса, ун(ики)дан юқори мартаба бўлмайди''.
Муновийнинг ''Файзул қодир'' китобида айтилишича, жаннатда фақат Қуръон ўқилади, фақат араб тилида гаплашилади.
Умму Дардо розияллоҳу анҳодан ривоят қилинади:
''Мен Оишанинг олдига бориб: ''Жаннатга кирганлар ичида Қуръон ўқиган билан ўқимаган орасида қандай фарқ бўлади?'' деб сўрагандим, Оиша: ''Жаннат поғоналари Қуръон оятларига тенг. Жаннатга кирганлар ичида ҳеч ким Қуръон ўқиганлардан афзал бўла олмайди'', деб жавоб берди''.

''Қуръон - қалблар шифоси'' китобидан.

https://t.me/Abdulhamid_Hanafiy

ЭР-ХОТИН БИРГА ҒУСЛ ҚИЛИШИ
#қисқа_савол_жавоблар

❓CАВОЛ: Эр-хотин бирга ғусл қилса бўладими?

💬 ЖАВОБ: Бисмиллаҳир Роҳманир Роҳим.
Эр-хотин бирга бемалол ғусл қилиши мумкин. Яна шуни ҳам алоҳида таъкидлаш керакки, одамлар орасида "Ғусл вожиб бўлган одамга кўзи тушган одам ҳам ғусл қилиши керак, ҳатто, эр-хотинлар ҳам бир-бирларига ғусл қилмагунларича кўринмасликлари керак" деган нотўғри, асоссиз тушунча оғиздан-оғизга ўтиб келган ва баъзи "ақлли маслаҳатчи"лар томонидан янги келин куёвларга ўргатиб келинмоқда. Бу мутлақо нотўғри гап бўлиб, эр-хотинлар то ғусл қилмагунларича бир-бирларидан беркиниб туришлари ҳам шарт эмас! Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

1-дарс.
Жаҳонгир қори. Тажвид | Лаҳн таърифи

📖Aраб – тилини тажвиди билан ўрганинг.

📨Тажвид ўрганиш истагидаги яқинларингизни чорланг !!!

•┈┈┈┈┈ • • ✦ 🌐 ✦ • • ┈┈┈┈┈•

https://t.me/Abdulhamid_Hanafiy

Қуръоний эслатма

🕌 Аллоҳ таоло айтади: “Яҳудийлар ҳам, насоролар ҳам уларнинг миллатига эргашмагунингча, сендан зинҳор рози бўлмаслар”, Бақара сураси, 120-оят.

Шарҳ: “Эй Пайғамбар, яҳудийлар ҳам, насоролар ҳам “уларнинг миллатига эргашмагунгча” сендан зинҳор рози бўлмайдилар. Фақат динингни тарк этиб уларнинг динларига эргашсангина рози бўладилар. Уларга: “Албатта Ислом дини у тўғри диндир”,деб айтгин. Агар сенга келган ваҳийдан сўнг уларнинг нафси ҳаволарига эргашиб кетсанг, у ҳолда Аллоҳнинг ҳузуридан сенга фойдаси тегадиган бирон дўст, валий ва ёрдам берадиган бирон ёрдамчи бўлмас. Бу Набий соллаллоҳу алайҳи васалламга хитобан айтилган бўлсада, омматан умматга қаратилган хитобдир”. (“Тафсири муяссар”дан)

Яъни, «Яҳудий ва насороларни рози қиламан, деб овора бўлма. Қачонки уларнинг миллатига – динига эргашсанггина, сендан рози бўлишади. Бошқа ҳолда уларга ҳеч қачон ёқмайсан». (“Тафсири Ҳилол”дан)

T.me/Abdulhamid_Hanafiy

БАРВАҚТ ТУРИШГА ОДАТЛАНИНГ!

Пайғамбаримиз соллаллоҳу алайҳи васаллам: “Ё Аллоҳ! Умматимнинг барвақт қилган ишларига барака бер!" деб ҳақимизга дуо қилганлар. Бу дуо мағзини чаққан ота-боболаримиз вақтли туришга одатланишган, тонгдан ишга киришишган. Натижада кўп ютуқларга эришишган. Улар фарзандларини ҳам шунга ўргатиб боришган.

Инсон эрта тонгда туриб, юз-қўлини ювиб, Яратганга шукроналар айтиб, ибодатдан сўнг ишга киришса, иши баракали бўлади. Бу ҳамма соҳага тегишли. Илм олишни мисол қилиб келтирадиган бўлсак, тонг саҳарда китоб ўқилса, маълумотлар хотирада яхши сақланади. Чунки уйқу вақтида дам олган мия маълумотларни яхши қабул қилади.

Динимиз таълимотларига кўра, инсон барвақт уйқудан туриб, ишларини бажариб, хуфтондан сўнг эртароқ уйқуга ётади. Иложи бўлса, шомдан кейин кўчага чиқмаган маъқул.

Ҳадиси шарифларда айтилишича, хуфтондан кейин ўзаро гаплашиб ўтириш, беҳуда ишлар билан машғул бўлиш маъқул эмас. Айрим одамлар тун ярмигача телевизор кўриб, алламаҳалда уйқуга кетади. Натижада эрталаб жуда кеч уйғонади. Бундай кишилар рўзғорида барака, ишида унум бўлмайди. Бунақа ҳаёт тарзи киши соғлиғига ҳам зарар келтиради.

Ҳадиси шарифда шундай дейилган: “Ризқ талабида барвақт ҳаракат қилинглар! Зеро, эрталабдан ҳаракат қилиш барака, муваффаққият келтиради” (Имом Табароний ривоят қилган).

Баъзи одамлар ризқи торлигидан шикоят қилади, “Қанча ҳаракат қилсам ҳам бирим икки бўлмайди!” деб зорланади. Уларнинг ҳолатига қуйидаги ҳадиси шариф изоҳ беради.

“Тонгги (уйқу) ризқ (келишини тўсади” (Имом Аҳмад ривоят қилган).

Ким кунини хайрли суратда бошласа, қолган қисми ҳам хайрли бўлади, ишлари бароридан келади, Аллоҳ тарафидан ўша банда ризқига барака берилади.
Ривоятларда келишича, қуёш чиққунча бўлган вақт оралиғида ризқлар тақсимланади. Ризқ тақсимотида иштирок этмаган банда ундан маҳрум бўлган билан баравар. Чунки тонг отгач ҳам уйқудан уйғонмаган банда ўрнидан ланж, дили хира бўлиб туради. Натижада унда ғайрат-шижоат бўлмайди, бирон ишни ҳафсала билан қилмайди. Шунинг учун ризқидан барака кетади.

"Бахтли ҳаёт сари" китобидан.

T.me/Abdulhamid_Hanafiy

Тадаббур

📖 Бахтсизлик тўрт нарсада жам бўлолмайди

1. Дуо. Кимки сурурида ҳам ҳузнида ҳам дуони лозим тутар экан,у бахтсиз бўлмайди: "У деди: «Роббим, менинг суякларим мўртлашди, бошга оқ туташди, Роббим, Сенга дуо қилиш-ла бахтсиз бўлмаганман". Марям сураси, 4 - оят

2. Биррул волидайн. Ота-онага яхшилик қиларкансан, сен асло бахтсиз бўлмайсан: "Мени волидамга меҳрибон қилди ва жабрчи, бадбахт қилмади". Марям сураси, 32 - оят

3. Қуръон. Аллоҳ таоло уни жаннатга далил, раҳмат ва нур қилди. Қуръон билан бирга бўларкан, киши асло бахтсиз бўлмайди: "Сенга Қуръонни бахтсиз бўлишинг учун нозил қилганимиз йўқ". Тоҳо сураси, 2 - оят

4. Ҳидоятга эргашиш. Кимки Унинг буюрганига эргашса ва қайтарганидан четланса, албатта дунё ва охиратда адашмайди ва у иккисида бадбахт бўлмайди: " Агар Мен томонимдан сизга ҳидоят келганида, ким ҳидоятимга эргашса, адашмас ва бадбахт бўлмас". Тоҳо сураси, 123 - оят

https://t.me/Abdulhamid_Hanafiy

#tafakkur

Яхшиликка банд бўлмасангиз, ёмонликка банд қилинасиз

Имом Шофеъий раҳимаҳуллоҳ айтадилар: "Агар сен ўзингни ҳақ билан машғул қилмасанг, ботил сени банд қилиб қўяди".
Чунки нафс ҳеч қачон жим турмайди. Агар у тезда яхшилик, тиришқоқлик ва доимий натижага эришиш устида ишламаса, тез орада бетайин фикрлар уни эгаллаб олади ҳамда у хом хаёл ва беъманиликлар ичида қолиб кетади.

Инсон ҳаётини муҳофаза этишининг энг яхши йўли бу – ўзи учун бутун вақтини қамраб оладиган режа тузиш ва шайтон ўз васвасаларини қўллаши ёки йўлдан оздиришига имконият бермасликдир.

Нафсга ботил нарса билан машғул бўладиган бўш муддат қолдирмаслик керак, чунки у бундан олдин ҳам ҳақ билан машғул бўлмаган.
Инсон иш билан банд пайтида безовталикни ҳис қилмайди, лекин бўш вақтлари энг хафвли муддатдир. Дам олаётган вақтда инсонни безовталик аталмиш "шайтон" васвасага солади.
Агар биз бирор юмуш билан банд бўлмасак, миямиз бўш (вакуум) ҳолатга яқинлашади. Физика билан шуғулланувчилар яхши биладики, табиат бўшлиққа асло тоқат қила олмайди.

Сизга тажриба керакми? Агар лампочкага тешик ҳосил қилинса табиат унга ҳавони зарб билан юбориб, у ердаги назарияда айтилган бўшлиқни тўлдиради. Табиат бекор турган мияни ҳам худди шу тарзда шошилинч равишда тўлдиришга интилади. Нима билан? Ҳиссиётлар билан, албатта.

Нега? Чунки безовталик, қўрқув, нафрат ва ҳасад каби ҳиссиётлар мисоли чангалзорнинг тизгинсиз кучи ва қуввати билан ҳаракатга келади. Бундай ҳиссиётлар шу даражада кучлики, улар бизнинг руҳимиздан барча хотиржам, хуш ўй-фикрлар ва ҳисларни йўқ қилади.

Шайх Муҳаммад Ғаззолий

https://t.me/Abdulhamid_Hanafiy

Ayol eridan nima istaydi?

Ayol eridan asosan uch narsa istaydi.
Bularga erishsa, saodatni tuyadi, eridan rozi bo‘ladi:
- Eri uni ayolligi uchun sevishini
- Mehr berishini va bu mehrni farzandlari va oilaga ham ulashishini
- Hurmat kutadi. Bu hurmat orqali xonadon malikasi va bekasi bo‘lishni xohlaydi.

Er ayolini sevsa, uning erkakligini his etadi, ayol sifatida unga taslim bo‘ladi.
Ayol ayol bo‘lishni istaydi, eri uni shu ayollik latofati bilan ko‘rishini xohlaydi.
Er ayoliga mehr bersa, ayol erining go‘zal xulqini va hurmatli shaxsiyatini ko‘ra boshlaydi. Shundagina u eriga, farzandlariga va xonadoniga ehtirom ko‘rsatadi, ularning rioyasini qiladi.
Jufti haloliga ehtirom ko‘rsatsa, u ham eriga yaxshi munosabatda bo‘ladi. Uni uyda, oilasida podshohdek qaraydi.

Shayx Yusuf Xattor Muhammad
«Oila — saodat maskani» kitobidan

https://t.me/Abdulhamid_Hanafiy

Ўлимдан олдин!

40 ёшида ошқозон саратони билан касалланган халқаро миқёсда таниқли дизайнер ва ёзувчи Крисда Родригес вафот этишидан олдин шундай ёзган эди:

1. Гаражимда дунёдаги энг қиммат машина бор эди, лекин энди ногиронлар аравачасида ҳаракатланишимга тўғри келмоқда.

2. Уйимда ҳар хил брендли пойабзал ва қимматбаҳо буюмлар сотилади, аммо ҳозир менинг танам касалхона томонидан тақдим этилган кичик матога ўралган.

3. Банкда кўп пулим бор, лекин ҳозир бу маблағдан ҳеч қандай фойда йўқ.

4. Менинг уйим қасрга ўхшайди, ҳозир эса касалхонада оддийгина каравотда ётибман.

5. Беш юлдузли меҳмонхонадан беш юлдузли меҳмонхонага ўтар эдим, аммо ҳозир касалхонадаги бир лабораториядан иккинчисига ўтмоқдаман.

6. Мен юзлаб одамларга дастхат берар эдим, аммо бу сафар тиббий ҳужжатларга имзо чекмоқдаман.

7. Сочларимни етти нафар сартарош тартибга келтирар эди, энди эса бошимда битта ҳам соч йўқ.

8. Хусусий самолётимда исталган жойга уча олар эдим, аммо ҳозир касалхона дарвозасига бориш учун икки йўлак керак.

9. Гарчи озиқ-овқат жуда кўп бўлсада, лекин ҳозир менинг диетам кунига икки таблетка ва кечқурун бир неча томчи шўр сувдир.

Бу уй, бу машина, бу самолёт, бу мебель, бу банк, жуда кўп обрў ва шон-шараф, уларнинг ҳеч бири менга мос келмайди. Буларнинг ҳеч бири мени тинчлантирмайди.

"Ўлимдан бошқа ҳақиқий нарса йўқ.

https://t.me/Abdulhamid_Hanafiy