يا خالتي … حتى كبار المعاذير
‏طاحت عليها دموعنا وكسرتها

‏يا ليت لو عندي جناحين واطير
‏ولا أدوس الارض وإنتي تحَتْها !

من أجواء صحافة وشعر الزمن الجميل

‏قصيدة للشاعر / عبدالعزيز الحسن

ياما نقشت خْطاي في حوش جاري
‏…. وأخذت من دُوره : مواعين وثياب
‏هكالزمن ، كنت احسب الدار داري
‏.. لين اتّقى عن حيّنا … واقفل الباب !

كان ادمست سمر الليالي لَعَجنا
‏…………وإن فاتنا ضوح التباشير ، نتليه
‏والفقر ما ضيّق علينا حججنا
‏………. ثوب الاماني.. راهيات ٍ مخابيه
‏والمستغيث اللي تهقوى فَرَجْنا
‏…….لا كلّحت قمنا نْتسلّف …ونعطيه !
‏وإن عاتبونا المبخصين بحوجنا
‏…… قلنا يهون الموت …عند المشاريه

من أجواء صحافة وشعر الزمن الجميل

‏بيتين للشاعر/ أحمد الناصر

السالفه ماهي ب الغاز
‏ماتت وللحين تسعدني
‏يوم انحنى بيدي العكاز
‏قامت من القبر تسندني

إلحقي يا حيّ حيّي للشمال
‏…واستري غرياف عودك وثْمره
‏لا تغار الشاذليّة والدلال
‏….من رهيف ٍ شفّتيه مزعفرة !

من أجواء صحافة الزمن الجميل

‏قصيدة للشاعر / مبارك بن شافي الهاجري

للغايب اللي ما تركنا.. ولفنا
‏وجه الزمن والبرد والخوف والآه
‏وإليا تهيّبنا السكوت بغرفنا
‏تنده لنا ذكراه .. وتسولف اشياه

من يوم صدقان اللحى فارقتنا
‏..... والضيق ينتف من جناح الرحابة
‏وبيوتنا المترامية .... ما كفتنا
‏........ وأوجاعنا اللي غيّرتنا ... تشابه!
‏تِعللّة الشبّات ..... ما ونّستنا
‏...... الدُور تبنى ... والسوالف خرابة
‏تغيّبت غر اللحى ... وتركتنا
‏....نبت ٍ ظماه الوقت، واقفى سحابه..

من أجواء صحافة وشعر الزمن الجميل

‏قصيدة للشاعر / صالح درهم اليامي

انا اللي .. كلما عمري تسلى بي
‏.. عن الثوب الخَضَر ، ومعانقة كمّه
‏تغرّبت .. وتذرّى الدمع بأهدابي
‏..مثل طفل ٍتعلّق في «شليل أمّه»!

لادنّقت روس الغصون المهانيف
‏.....…… على تعاليل الضحى.... ورّدتها
‏وصدورنا… لو صبّحتنا ملاهيف
‏........….. تماكنتها بالدفى .... وامتلتها
‏وشلون ماينساب عطر السواليف
‏......…… بين القلوب اللي ظماها نبتها
‏والامهات .. مشجّرات النفانيف
‏........….. ورد الحياة المورقة وثمرتها!

والشمال اللي تخبرينه شمال
‏يوم فارقتي .. نخيله وقْمره

‏ما تغزّل في ربيبات الجمال
‏كِن مابه - يا بعد حيي - مَرَة !

من أجواء صحافة الزمن الجميل

‏أبيات للشاعر/ عبدالرحمن جمهور

يامن تكفّ الجفاف وترخي السقوة
‏وتونّس الميّسين …. وتحيي البالي

‏ألوذ بك عن رخيص النفس والهقوة
‏وأعوذ بك من حياة ٍ .. ما بها غالي !

لا تدوّرين الكما يا شوق
‏......... والقاع جردا وعطشانة
‏وانتي على جيدك المنتوق
‏............. يستلهم الغيم هتّانه
‏ويفزّ بكفوفك الزملوق
‏........ ويهيجن الشيح لاوطانه
‏والمبسم المرهف المعتوق
‏.......... من خمره البيد سكرانة
‏وزويلك اللي تقل رقروق
‏....... شفت الكما بين ريضانه