Сябры, віншую ўсіх датычных са святам! 🎄🎄🎄

Жадаю вам здароўя, дабрабыту, свабоды ў думках і агню ў сэрцы, плёну ў справах і здзяйснення мар!

Сёння павінен быў выйсці чарговы выпуск Айцікаст Навін, але з-за вельмі напружанай працы апошнія дні я фізічна не паспеў яго запісаць і апрацаваць.

Я вырашыў зрабіць пашыраны, святочны, віншавальны выпуск, але ўжо на наступным тыдні, таму не губляйцеся, падпісвайцеся на YouTube і хутка пабачымся.

https://www.youtube.com/@ikbytech

З новым годам! 🎉

Патрошку, неяк незаўважна дзень за днём, але вось 2024 год і скончыўся.

Упэўнены, усе гэтыя 365 дзён вы нешта рабілі, часам карыснае, часам не, але відавочна – жылі не дарма, нават калі вынік пакуль не бачны. Вы малайцы!

Дзякуй вам, за тое, што чытаеце, глядзіце, каментуеце і падтрымліваеце! Для мяне гэта лепшы вынік маёй працы. У наступным годзе дакладна працягнем і будзем рупліва працаваць над якасцю і колькасцю.

Віншую вас з Новым годам! Зычу, каб у наступным годзе справы ў вас рупіліся і вам хапіла на гэта здароўя, а яшчэ дабрабыту і шчасця, ну і добрага настрою!

Пабачымся ў наступным годзе! @ikbytech

Ладна, AI маладзец. Зрабіў мне сайт, які выглядае даволі прыстойна і нават працуе без хібаў.

Маім запытам было зрабіць зручны пошукавік для брэветаў па Беларусі на бягучы сезон і я магчыма дарабіў бы да канца з дапамогай сервісу, але скончыліся бясплатныя токены. Таму працягваць давядзецца ўжо самастойна і ўласнымі рукамі.

Успомнілася яшчэ, як некалькі год таму была мода на генератары праектаў для фронтенду, каб з нуля самому не пісаць усё. Вось гэта такі генератар на стэроідах, які робіць 50-80% рознай дробязі, а ты дапісваеш ужо асноўную бізнэс-логіку. Ідэальны сімбіёз.

Сам сервіс – https://bolt.new , калі што.

#эксперыменты • #нататка • @ikbytech

📣 Выпуск падкасту Айцікаст • Навіны #6

У гэтым выпуску пагаворым пра навіны штучнага інтэлекту і абнаўленні для разумных дамоў. Я так сама распавяду пра цікавы выпадак крадзяжу грошай праз дадатак да браўзера. А яшчэ пагаворым пра новыя ракеты, самую папулярную мову праграмавання мінулага года і шмат чаго іншага.

Агляд навін за прошлыя першы і другі тыдні 2025 года.

Прыемнага праслухоўвання!

▶️ Выпуск падкасту на YouTube

🎧 Выпуск у аўдыё-фармаце

💰 Падтрымаць праз Patreon

🤑 Разавы данат праз Telegram

Падпіска: YouTube • Apple • Spotify • Creators

#навіны • #падкаст • @ikbytech

Сучасная беларуская літаратурная мова

Нешта з падкастам не атрымліваецца на гэтым тыдні сесці і зрабіць нармальна, нават нягледзячы на тое, што матэрыялу хапае. Сумна, не паспяваю ўсё рабіць, але дарослае жыццё – яно такое ¯\_(ツ)_/¯. Сёмы выпуск я дараблю ўсё ж, аднак выйдзе ён з даволі вялікім спазненнем.

І каб быць карысным, сёння хачу падзяліцца даволі цікавай спасылкай, якую ўчора выпадкова адкапаў, пакуль шукаў варыянты перакладу аднаго слова. Гэта курс лекцый па тэме «Сучасная беларуская літаратурная мова» ад Лобань Наталлі Пятроўны. Там адносна коратка і сціпла, але сістэмна і грунтоўна пададзена шмат цікавай інфармацыі пра сучасную беларускую мову. Тым, хто стварае кантэнт па-беларуску дакладна будзе карысна.

Не ведаю, ці можна той тэкст забраць і распаўсюдзіць у выглядзе якога-небудзь файла для зручнасці, таму даю спасылку наўпрост на сайт беларускага педагагічнага універсітэта, дзе гэтыя лекцыі апублікаваны.

https://bit.ly/sbmova

#карыснае • #рознае • @ikbytech

Такое я прапусціць не меў проста права! Electronic Arts (EA) выклала ў публічны доступ код сваёй вядомай серыі Command and Conquer!

Забіраць вось тут https://github.com/electronicarts

А што, калі штучны інтэлект не канкурэнт, а памочнік?

Учора патраціў гадзіну-дзве і нарэшце Lovable.dev (сервіс для стварэння сайтаў, аналаг bolt.new і v0.dev) і Cursor разам далі першыя вынікі! 🚀

💔 У мяне даўно быў трошкі паламаны сайт быццам бы кампаніі — Alroniks Tech, які я ўсё ніяк не мог прывесці ў парадак. Патрэбы вострай у сайце няма, дый кампаніі, уласна, так сама няма (але некалі, думаю, будзе). А вось працы там было шмат, каб дарабіць.

🔮 З дапамогай Lovable я зрабіў першы прататып, скарміўшы яму некалькі фота сайтаў, што падабаюцца і падыходзяць, а потым з дапамогай Cursor дарабіў розныя тэхнічныя моманты і заліў сайт на Netlify! Асабліва зручна было мяняць колеры ў розных месцах, проста папрасіўшы Cursor знайсці і замяніць, а не самому корпацца з пошукам і Ctlr-C Ctrl-V.

🤷‍♂️ Для мяне асабіста такі падыход — проста срэбраная куля! Мне цяжка нешта пачаць рабіць маштабнае, бо я магчыма з-за прафдэфармацыі ведаю, колькі там працы і гэта пужае і дэматывуе адначасова. Але калі ў цябе ёсць памочнік, якому можна даручыць тое, што табе не падабаецца рабіць, то ўсё рухаецца значна хутчэй, як з сайтам. А як вядома з псіхалогіі, нават прамежкавы вынік падвышае ўзровень эндарфінаў і так званай «энергіі».

Адным словам, рэкамендую!

Лянота інжынера — рухавік прагрэса 🤗

Сёння па-сапраўднаму інжынерны допіс. Распавяду, як вырашаць праблемы з разумным выкарыстаннем рэсурсаў і часу!

🧑‍🔧 Так склалася, што даволі працяглы час я дапамагаю адмініць сайт адной кампаніі, а калі дакладна — інтэрнэт-краму. Асартымент крамы даволі вялікі, калі 16 тысяч актыўных найменаванняў, для кожнай амаль заўсёды ёсць фота і больш таго, на кожнае фота робіцца яшчэ некалькі копій меншых памераў, каб паказваць, дзе яны патрэбны. І вось на днях прыляцела нечаканая заяўка з паведамленнем, што скончылася месца на хостынгу.

🤑 Перад тым, як заліваць пажар грашыма (падвысіць тарыф), вырашыў паглядзець, што можна зрабіць. Пачаў з выграбання смецця, але даволі хутка выявілася, што смецця там ну ад сілы на 2 гігабайты (састарэлыя лог-файлы сінхранізацый за прошлы год і розныя кэшы), а вось што рабіць з 12 гігабайтамі фота, было дакладна незразумела.

🤔 Першай думкай было канверціраваць фота ў папулярны і даволі эфектыўны фармат webp. Аднак гэта патрабуе дапрацоўкі сайта, некаторых модуляў, а праект стары, не ўсё можа хутка атрымацца, ды і прапусціць некаторыя месцы можна. Да таго ж і часу няма, каб такім займацца.

😏 Таму падышоў да праблемы як сапраўдны лянівы інжынер. Спачатку спампаваў ўсе фота сабе на кампьютар, лакальна запусціў аптымізатар, бо на хостынгу не паставіць адпаведныя праграмы, запампаваў ўсё назад. Ад мяне патрабавалася літаральна толькі тры дзеянні, астатняе — чакаць, пакуль спампуецца, апрацуецца, запампуеца назад. Ну вы ведаеце гэтыя мемы пра праграмістаў, дзе "яно кампіліруецца", вось гэта быў я! :)

✅ Yay! You saved 6.342 GB (65%)

Зыходныя даныя былі такія: 265 865 файлаў, агулам каля ~10.64 Гб, на хостынгу паказвала каля 12 Гб. Спачатку я намагаўся скарыстацца праграмай ImageOptim, але яна пачынала завісаць ужо пасля 300 фота, таму давялося шукаць замену. На шчасце, трапіўся open source інструмет Optimizt, які без праблем перабраў усю папку за хвілін 10 і абрадаваў вынікамі сваёй працы.

Такім чынам, памер фота стаў ~3.82 Гб, а пасля запампоўкі на хостынг каманда du -sh паказала памер у 4.4 Гб. Больш чым удвая, выдатная эканомія!

Тэхнічны куток. Файлы туды сюды цягаў праз SSH камандай rsync. Вось прыклад, толькі шляхі да файлаў памяняць на свае:

rsync -avzhr --progress --stats --info=progress \
~/images user@host:/home/user/images/

Навіны з Google I/O 2025

На канферэнцыі Google I/O 2025 былі прадстаўлены значныя абнаўленні ў галіне штучнага інтэлекту і тэхналогій.

Кампанія анансавала новыя магчымасці, звязаныя з Android XR, праектамі Gemini і Project Astra, а таксама паляпшэнні Google Search.

Асаблівая ўвага была нададзена Android XR акулярам, якія дэманстравалі магчымасці перакладу ў рэжыме рэальнага часу.

Таксама Google прадставіла эксперыментальны AI Mode, здольны рабіць складаныя пошукавыя запыты і прапановы.

Апроч таго, новая мадэль Veo 3 дазваляе генерыраваць відэа і аўдыа адначасова.

Напрыканцы канферэнцыі Google прадставіла Flow — комплексны інструмент для стварэння відэа.

Усе гэтыя навіны сведчаць пра тое, што Google намагаецца змяніць спосаб узаемадзеяння з інтэрнэтам і тэхналогіямі, дадаючы ў іх больш штучнага інтэлекту.

Stitch ад Google амаль намаляваў мне сайт…

Сёння прыйшоў ліст ад Arnaud Benard пра тое, што Google прыдбаў яго праект Galileo AI — сервіс для стварэння дызайнаў сайтаў з дапамогай штучнага інтэлeкту, які цяпер дасяжны ўсім бясплатна і пад новым імем Stitch.

Я паспрабаваў у ім намаляваць сайт свайго праекту «Тэхнабеларус» і нешта быццам бы пачало нават атрымлівацца, але потым яго добра так папярдоліла (выбачайце). Агульную задумку ён разумее няблага, але калі пачынаеш прасіць яго выправіць нейкія дэталі, пачынае шкоднічаць. І што з гэтым рабіць, пакуль незразумела.

Калі ж даваць больш дакладныя інструкцыі і не прасіць зрабіць усё і адразу, а асобныя кампаненты, магчыма, нешта і атрымаецца. Аднак, як і з праграмаваннем праз штучны інтэлект, без сталага вопыту ў дызайне вынік хутчэй за ўсё будзе "з гаўна і палак".

Адным словам, для прафесіянала, які ведае што рабіць, ШІ добры памочнік, а дурню малаток дай, дык і пальцы сабе паадбівае і малаток зламае.

Пакуль у мяне чарговы завал на працы, глядзіце Тэхнавуку, там цікава!

https://t.me/aliakhnovich/232

Вітанкі! З днём ведаў! 📚

📟 Суполка беларускамоўных каналаў пакрысе расце і пашыраецца, што не можа не радаваць, але магчыма не ўсе пра гэта ведаюць, таму!

📢 Група аўтараў падрыхтавала для вас абноўленую падборку «Кантэнт 2.0» — прастору, дзе беларускі кантэнт жыве і квітнее.

🕵️ Тут вы знойдзеце паблікі на любы густ: мемы, гісторыю і этнаграфію, архітэктуру, асвету і шмат чаго іншага. Гэта калекцыя створана, каб мы разам маглі знаходзіць нешта новае і падтрымліваць адно аднаго.

🔗 Спасылка на падборку:

https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi

➕ Калі ў вас ёсць уласны канал і вы жадаеце падзяліцца ім — пішыце ў бот «Прышпільных коміксаў»: @pryshpilny_bot