💥 Падборка беларускага змесціва «Кантэнт 2.0»

Спадарства! Мы – група аўтараў беларускага кантэнту ў Тэлеграм рады прадаставіць вам адноўленую папку «Кантэнт 2.0».

Дапрацаваны спіс годных паблікаў на самыя розныя тэмы: мемы, этнаграфія, архітэктура, тэхналогіі, навука, сэкс-асвета і шмат чаго яшчэ. Давайце разам падтрымліваць годны беларускамоўны кантэнт!

https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi

Калі нехта жадае далучыцца да падборкі зьвяртайцеся сюды → «Прышпільныя коміксы»

🚀 Чарговы эпізод навін ад Айцікаста!

У сённяшнім выпуску новы рэкорд кошту біткоіна, DOGE, але не той, што мемкоін, спрэчная рэклама Coca-Cola, ISO-вобразы Windows для архітэктуры ARM і чарговы вялікі зыход з Твітара.

Агляд навін за прошлы, 46 тыдзень 2024 года.

YouTube • Apple • Spotify

🎙 Старонка эпізода для падпіскі
🖐 Падтрымаць праз Patreon

Прыемнага праслухоўвання!

#навіны • #падкаст • @ikbytech

📣 Выпуск падкасту Айцікаст • Навіны #3

Штучны інтэлект супраць махляроў, патчы для вядомай гульні Stalker 2, забарона сацсетак для падлеткаў, трывожная аналітыка па вакансіях для праграмістаў і гісторыя вызвалення JavaScript, а для асабліва цярплівых навіны падкасту ў канцы выпуску.

Агляд навін за прошлы, 48 тыдзень 2024 года.

Прыемнага праслухоўвання!

▶️ Выпуск падкасту на YouTube

🎧 Выпуск у аўдыё-фармаце онлі

🖐 Падтрымаць праз Patreon

Падпіска: YouTube • Apple • Spotify • Creators

#навіны • #падкаст • @ikbytech

📣 Выпуск падкасту Айцікаст • Навіны #4

У гэтым выпуску пагаворым пра цёмныя часы для Intel, жудасныя ўмовы працы ў Apple, самае сучаснае метро і новы браўзер Dia, а так сама ўзгадаем пра рэкордную цану Bitcoin і штучны інтэлект Grok.

Агляд навін за прошлы, 49 тыдзень 2024 года.

Прыемнага праслухоўвання!

▶️ Выпуск падкасту на YouTube

🎧 Выпуск у аўдыё-фармаце онлі

🖐 Падтрымаць праз Patreon

Падпіска: YouTube • Apple • Spotify • Creators

#навіны • #падкаст • @ikbytech

Грашовая Скарбонка 💰
Падабаецца, пра што распавядаю? Тады можна і заданаціць крышачку. Бо як кажуць, зерне да зерня, будзе поўная мерня. Дзякуй вялікі за падтрымку! 🙏

Здаецца, іншым чынам апублікаваць гэтую інфармацыю, акрамя такога вось допісу наўпрост у канал, нельга. Таму выбачаюся, што без папярэджанняў. І атрымліваецца, што пратэсціраваў новую фічу ад Тэлеграм, якая дазваляе аўтарам каналаў прымаць ахвяраванні за сваю працу.

Адносна навін пра тое, што YouTube выключыў манетызацыю для беларусаў, а з сервісаў, што яшчэ хоць неяк працуюць, застаўся толькі Patreon, выглядае кампрамісным рашэннем.

P.S. Навіны па плану сёння так сама будуць, засталося трошкі дарабіць мантаж і апублікаваць.

🎉 Нечакана 36! Тры тузіны за плячыма

Я не веру ў розныя забабоны і гараскопы, але што тычыцца лічбаў, то некаторыя рэчы ў іх захапляюць. Матэматычная магія з лічбамі мне падабаецца, таму што матэматыка вельмі любіць баланс. А наша жыццё – гэта так сама пошук балансу, як бы там не было.

Метрычная вывераная сістэма прыгожа выглядае, але што тычыцца жыццёвых момантаў, мне больш да спадобы тузіны, то бок лік 12. У годзе 12 месяцаў, гадзін 12, ёсць нават падыход для планавання 12-тыднёвы год. Адным словам, лік 12 працуе, бо натуральны для людзей!

І вось на днях я падумаў, што важныя этапы майго жыцця мераліся менавіта 12-гадовымі адрэзкамі. На пачатку я нарадзіўся, ужо важнае дасягненне. Значыць быў у гэтым пэўны сэнс. У свае першыя 12 год я пачаў рыхтавацца і паступіў у ліцэй, у клас з фізіка-матэматычным ухілам, што вызначыла мой будучы прафесійны шлях. У 24 гады я ў пэўным сэнсе пачаў сваё сямейнае жыццё і ганарыцца ёсць чым – два прыгожых жэўжыка.

Чым адзначацца мае 36 год пакуль невядома, бо нават зусім нязначная з першага позірку дэталь можа перамяніць абсалютна ўсё. Што ж, будзе нагода ўспомніць у 48, што там такога было зроблена.

Едзем далей!

Tribute

📣 Выпуск падкасту Айцікаст • Навіны #5

У гэтым выпуску пагаворым пра новыя мадэлі штучнага інтэлекту, разбярэмся, што за разумная калонка Adam, якая ўмее гаварыць па-беларуску, паглядзім на прарыўны квантавы чып ад Google, а так сама агучым дрэнныя навіны для ютубераў з Беларусі і разбяром яшчэ некалькі цікавых рэлізаў.

Агляд навін за прошлы, 50 тыдзень 2024 года.

Прыемнага праслухоўвання!

▶️ Выпуск падкасту на YouTube

🎧 Выпуск у аўдыё-фармаце онлі

💰 Падтрымаць праз Patreon

🤑 Разавы данат праз Telegram

Падпіска: YouTube • Apple • Spotify • Creators

#навіны • #падкаст • @ikbytech

Сябры, віншую ўсіх датычных са святам! 🎄🎄🎄

Жадаю вам здароўя, дабрабыту, свабоды ў думках і агню ў сэрцы, плёну ў справах і здзяйснення мар!

Сёння павінен быў выйсці чарговы выпуск Айцікаст Навін, але з-за вельмі напружанай працы апошнія дні я фізічна не паспеў яго запісаць і апрацаваць.

Я вырашыў зрабіць пашыраны, святочны, віншавальны выпуск, але ўжо на наступным тыдні, таму не губляйцеся, падпісвайцеся на YouTube і хутка пабачымся.

https://www.youtube.com/@ikbytech

З новым годам! 🎉

Патрошку, неяк незаўважна дзень за днём, але вось 2024 год і скончыўся.

Упэўнены, усе гэтыя 365 дзён вы нешта рабілі, часам карыснае, часам не, але відавочна – жылі не дарма, нават калі вынік пакуль не бачны. Вы малайцы!

Дзякуй вам, за тое, што чытаеце, глядзіце, каментуеце і падтрымліваеце! Для мяне гэта лепшы вынік маёй працы. У наступным годзе дакладна працягнем і будзем рупліва працаваць над якасцю і колькасцю.

Віншую вас з Новым годам! Зычу, каб у наступным годзе справы ў вас рупіліся і вам хапіла на гэта здароўя, а яшчэ дабрабыту і шчасця, ну і добрага настрою!

Пабачымся ў наступным годзе! @ikbytech

Ладна, AI маладзец. Зрабіў мне сайт, які выглядае даволі прыстойна і нават працуе без хібаў.

Маім запытам было зрабіць зручны пошукавік для брэветаў па Беларусі на бягучы сезон і я магчыма дарабіў бы да канца з дапамогай сервісу, але скончыліся бясплатныя токены. Таму працягваць давядзецца ўжо самастойна і ўласнымі рукамі.

Успомнілася яшчэ, як некалькі год таму была мода на генератары праектаў для фронтенду, каб з нуля самому не пісаць усё. Вось гэта такі генератар на стэроідах, які робіць 50-80% рознай дробязі, а ты дапісваеш ужо асноўную бізнэс-логіку. Ідэальны сімбіёз.

Сам сервіс – https://bolt.new , калі што.

#эксперыменты • #нататка • @ikbytech

📣 Выпуск падкасту Айцікаст • Навіны #6

У гэтым выпуску пагаворым пра навіны штучнага інтэлекту і абнаўленні для разумных дамоў. Я так сама распавяду пра цікавы выпадак крадзяжу грошай праз дадатак да браўзера. А яшчэ пагаворым пра новыя ракеты, самую папулярную мову праграмавання мінулага года і шмат чаго іншага.

Агляд навін за прошлыя першы і другі тыдні 2025 года.

Прыемнага праслухоўвання!

▶️ Выпуск падкасту на YouTube

🎧 Выпуск у аўдыё-фармаце

💰 Падтрымаць праз Patreon

🤑 Разавы данат праз Telegram

Падпіска: YouTube • Apple • Spotify • Creators

#навіны • #падкаст • @ikbytech

Сучасная беларуская літаратурная мова

Нешта з падкастам не атрымліваецца на гэтым тыдні сесці і зрабіць нармальна, нават нягледзячы на тое, што матэрыялу хапае. Сумна, не паспяваю ўсё рабіць, але дарослае жыццё – яно такое ¯\_(ツ)_/¯. Сёмы выпуск я дараблю ўсё ж, аднак выйдзе ён з даволі вялікім спазненнем.

І каб быць карысным, сёння хачу падзяліцца даволі цікавай спасылкай, якую ўчора выпадкова адкапаў, пакуль шукаў варыянты перакладу аднаго слова. Гэта курс лекцый па тэме «Сучасная беларуская літаратурная мова» ад Лобань Наталлі Пятроўны. Там адносна коратка і сціпла, але сістэмна і грунтоўна пададзена шмат цікавай інфармацыі пра сучасную беларускую мову. Тым, хто стварае кантэнт па-беларуску дакладна будзе карысна.

Не ведаю, ці можна той тэкст забраць і распаўсюдзіць у выглядзе якога-небудзь файла для зручнасці, таму даю спасылку наўпрост на сайт беларускага педагагічнага універсітэта, дзе гэтыя лекцыі апублікаваны.

https://bit.ly/sbmova

#карыснае • #рознае • @ikbytech

Такое я прапусціць не меў проста права! Electronic Arts (EA) выклала ў публічны доступ код сваёй вядомай серыі Command and Conquer!

Забіраць вось тут https://github.com/electronicarts

А што, калі штучны інтэлект не канкурэнт, а памочнік?

Учора патраціў гадзіну-дзве і нарэшце Lovable.dev (сервіс для стварэння сайтаў, аналаг bolt.new і v0.dev) і Cursor разам далі першыя вынікі! 🚀

💔 У мяне даўно быў трошкі паламаны сайт быццам бы кампаніі — Alroniks Tech, які я ўсё ніяк не мог прывесці ў парадак. Патрэбы вострай у сайце няма, дый кампаніі, уласна, так сама няма (але некалі, думаю, будзе). А вось працы там было шмат, каб дарабіць.

🔮 З дапамогай Lovable я зрабіў першы прататып, скарміўшы яму некалькі фота сайтаў, што падабаюцца і падыходзяць, а потым з дапамогай Cursor дарабіў розныя тэхнічныя моманты і заліў сайт на Netlify! Асабліва зручна было мяняць колеры ў розных месцах, проста папрасіўшы Cursor знайсці і замяніць, а не самому корпацца з пошукам і Ctlr-C Ctrl-V.

🤷‍♂️ Для мяне асабіста такі падыход — проста срэбраная куля! Мне цяжка нешта пачаць рабіць маштабнае, бо я магчыма з-за прафдэфармацыі ведаю, колькі там працы і гэта пужае і дэматывуе адначасова. Але калі ў цябе ёсць памочнік, якому можна даручыць тое, што табе не падабаецца рабіць, то ўсё рухаецца значна хутчэй, як з сайтам. А як вядома з псіхалогіі, нават прамежкавы вынік падвышае ўзровень эндарфінаў і так званай «энергіі».

Адным словам, рэкамендую!

Лянота інжынера — рухавік прагрэса 🤗

Сёння па-сапраўднаму інжынерны допіс. Распавяду, як вырашаць праблемы з разумным выкарыстаннем рэсурсаў і часу!

🧑‍🔧 Так склалася, што даволі працяглы час я дапамагаю адмініць сайт адной кампаніі, а калі дакладна — інтэрнэт-краму. Асартымент крамы даволі вялікі, калі 16 тысяч актыўных найменаванняў, для кожнай амаль заўсёды ёсць фота і больш таго, на кожнае фота робіцца яшчэ некалькі копій меншых памераў, каб паказваць, дзе яны патрэбны. І вось на днях прыляцела нечаканая заяўка з паведамленнем, што скончылася месца на хостынгу.

🤑 Перад тым, як заліваць пажар грашыма (падвысіць тарыф), вырашыў паглядзець, што можна зрабіць. Пачаў з выграбання смецця, але даволі хутка выявілася, што смецця там ну ад сілы на 2 гігабайты (састарэлыя лог-файлы сінхранізацый за прошлы год і розныя кэшы), а вось што рабіць з 12 гігабайтамі фота, было дакладна незразумела.

🤔 Першай думкай было канверціраваць фота ў папулярны і даволі эфектыўны фармат webp. Аднак гэта патрабуе дапрацоўкі сайта, некаторых модуляў, а праект стары, не ўсё можа хутка атрымацца, ды і прапусціць некаторыя месцы можна. Да таго ж і часу няма, каб такім займацца.

😏 Таму падышоў да праблемы як сапраўдны лянівы інжынер. Спачатку спампаваў ўсе фота сабе на кампьютар, лакальна запусціў аптымізатар, бо на хостынгу не паставіць адпаведныя праграмы, запампаваў ўсё назад. Ад мяне патрабавалася літаральна толькі тры дзеянні, астатняе — чакаць, пакуль спампуецца, апрацуецца, запампуеца назад. Ну вы ведаеце гэтыя мемы пра праграмістаў, дзе "яно кампіліруецца", вось гэта быў я! :)

✅ Yay! You saved 6.342 GB (65%)

Зыходныя даныя былі такія: 265 865 файлаў, агулам каля ~10.64 Гб, на хостынгу паказвала каля 12 Гб. Спачатку я намагаўся скарыстацца праграмай ImageOptim, але яна пачынала завісаць ужо пасля 300 фота, таму давялося шукаць замену. На шчасце, трапіўся open source інструмет Optimizt, які без праблем перабраў усю папку за хвілін 10 і абрадаваў вынікамі сваёй працы.

Такім чынам, памер фота стаў ~3.82 Гб, а пасля запампоўкі на хостынг каманда du -sh паказала памер у 4.4 Гб. Больш чым удвая, выдатная эканомія!

Тэхнічны куток. Файлы туды сюды цягаў праз SSH камандай rsync. Вось прыклад, толькі шляхі да файлаў памяняць на свае:

rsync -avzhr --progress --stats --info=progress \
~/images user@host:/home/user/images/